أقتراح موقف نفسه للنقاش ؟؟

[راعي السواني]

يخوان اللي ماهم شعار , الشعارعلى فميمهم الشحم , ينطمون ما هم مقصودين ..
يخوان يا أعضاء رحنا فيها ونحنا ألأكثريه وبدوننا ما كان فيه منتدى , نتجمع أثنين وثلاثه ونسرق لنا مقال من منتدى والا من كتاب ونبهره ونغير شويه منا وشويه منا وشوية سمكره وضرب بويه ونعرضه في المنتدى ولا يقراه أحد .
أنا عن نفسي ما أخفي عليكم أني متفق مع عضو ما شغله الا يدخل ويخرج من اللي أكتبه حتى يقربه من الدرزن وانا معه بالمثل .
لكن تعالوا معي للشعار الكذابين النصابين اللي ما وجدت في كلامهم لو خمسه في الميه صدق , هك في هك وتسويق حكي والنهايه خطفوا ألأضواء وخلونا في الظلامي واللي يقرون لهم بالميات ..
وامعورتك ياراعي السواني بالمعوره؟.
وش الحل ؟ الحل بسيط ... نتحد , ماهو الأتحاد قوة الضعاف؟ ,,, ماهو نحنا ألأكثريه ؟ ,,,, ليه ما نخير أبو عبد الرحمن والمشرفين ونقول يا هم يا نحنا ؟؟.
شوف يبو عبدالرحمن : المنتدى ألأدبي والشعار سووا لهم منتدى خاص خارج منتدانا وابعدوهم عنا وسموه منتدى الشعراء واتباعهم الغاويين , وفكونا من هالصداع ووجع الراس . ما تبغون هالراي ننسحب دفعه واحده من المنتديات ونخليها للذبان ونفتتح لنا منتدى جديد ونسميه منتدى راعي السواني ببلاد ثماله .
ما تبون هالراي ولا ذاك خلونا نتقسم لمجموعات , مجموعه ما شغلها الا المشاغبه والتنغيص على اللي يكتبون , أذا قالوا يمين قولوا شمال واذا قالوا تحت قولوا فوق , ومجموعة المخالفين اللي ينزلون مقال تنكيت في الأدبي وشعر في ألأقتراحات وانت ماشي حتى نربك المشرفين ونجننهم ونخلي ما لهم شغل الا المناقلات واذا نقلوا المقال ننسخه ونزيد نلصقه في مكان خطا ثاني وياليل ويا عين. ومجموعة التوريط للمنتدى وهذي خلوني معها ونبغي منهم كل يوم يجيبون كلمتين عن بن لادن ثماله (ابو مصلح) وكمبيوتر ألأمريكان تعرفون مبرمج من يوم يشوف هالأسم يولع الخطر ويخلي عشرات من السي آي أ ما لهم شغل ألا هالموقع , ويوم ورى يوم حتى نجيب خبر المنتدى ونتسبب في حجبه , وغير هالطريقه الف طريقه وطريقه .
المهم ترونا,,,,,, صبرنا حتى مل من صبرنا الصبر ,,,,,,,, وقلنا غدا أو بعده ينجلي ألأمر.
كفايه, وجاء وقت العمل ووقت نقرر فيه مصيرنا بايدينا ونحجز لنا مكان في أول الصفوف , من هو معي ومن هو عني ؟
وش الراي يا رفاقه , لقد بلغ السيل الزبى , ولم أعد أتحمل أكثر مما تحملت .....

[@ بن سلمان @]

راعي السواني
اول بادي ترانا مقبلين على المربعانية وان هبت شمالية والله لينبزك البرد انت وغروبك هذه
وثاني بادي انا قلت من قبل انا حنا كبرنا بروس الشعراء ومن تبعهم من الغاوين , لكن رايك مبارك , وشورك طيب , بس لو تمهلنا لين نشوف ابو عبدالرحمن واني مقيس والله ان علومه ماهي سارة ما شوف الا الرجال يسوي دعايات للشاعر المغرور اللي كبرنا راسه لين ما عاد يقعد معك , والظاهر ان ما خاب ظني ان ابو عبدالرحمن ناوي يلطش له كم قرش من الشريط اللي مسجله لقصيدة فخر ثمالة , وليت ما سمعت انه ناسخ له في المرحله الاولى 10000 نسخة وبيوزعها على ثمالة وثقيف بسعر 10 ريال ومن ثم بيزيد الاقبال وفي المرحلة الثانية ليت ما سعت يقولون 50000 نسخة وعليك الحساب , وما يجاهد في المنتدى الا انت ومنقاش ورويعي الغنم وابن ابو محمد , وانا من بين المشرفين قاعد اكلا عنكم , حتى الاشراف كل ما طرحت اسمك له عياني ابو عبدالرحمن .
لكن نصبر لعلهم اليا قروا العلوم هذه حسوا بخطاهم .

[منقاش]

الله ينور عليك يبن سلمان ... أنا لي فتره أحترت في علوم تجيني يقولون فيها القواله أن أبو عبدالرحمن وابو عادل ساروا هوامير ,,,هاهاه ,, وابو عادل منكس العقال ورايح فيها وانت يا منقاش ملتحف أذن ومفترش الثانيه ...
الليله أنا ساري على أهل الديره والشيوخ نعلمهم .
ومن هو اللي قال أن قروش قصيدة فخر ثماله لواحد دون الثاني .. نحنا ثماله , وجهنا واحد وكيسنا واحد وعصانا واحده وتخبرون جبل النوره بعناه وتوزعنا قيمته كلنا... وش اللي يخلي أبو عبد الرحمن وابو عادل ياخذون قريشات القصيده من دون ربعهم ؟...
بعدين يا راعي السواني : الديمه عقبها سيل ... كنا نبي نخرج معك واما هالحين بعد عرفنا وش الرجال مسويه من تجاره في قصيدتنا ... لالالالا ,, نحنا واحدين شعار والا غيرهم رجال والا نسوان ما فيه فرق بيننا , منتدانا واحد وقروشنا لنا كلنا واللي ينقرش منا ماله من قروشنا ولا قرش ولا يقرشنا ولا نقرشه...

[الحجاج بن يوسف الثقفي]

سالمين وغانمين ها شوفوا انا ابعلمكم على طريقه والا اقول وش رايكم
نسوي انقلاب على ابو عبدالرحمن وناخذ الاداره منه وتحطوني مدير
وتروني والله ابخلص لكم من اللي يتمردون في المنتدى
واللي يقعدون في المنتدى ايلين اخر الليل يتصرمحون في صفحاته
ونسوي ساعات دوام للمنتدى
ونسلم المفاتيح لراعي السواني عشان وهو سارح يفك المنتدى وهو ضاوي
يقفله معه ونريح روسنا

[جوري]

ليه كذا . . يا راعي السواني ..

أخي الكريم .. ارجو ان لاتاخذ علينا بزعل ... تشطروا مثلهم واقترحوا .. ونزلو امور تخدم الجميع .. مثل ما طرح ابو ملاك .. صحيح اني الاحظ هناك زيادة في موضوع الشعر .. بس هذه بامكاننا توضيحها للمشرف .. بطريقة الرسائل الخاصة .


بن سلمان .. الشريط حقه 5 ريال ...
لردائة التسجيل .. وحتى نقدر نقول نسخة اصلية .. وبالسعر هذا ينتشر اكثر ونكسب جميع

وانا يا اخي اقزوم لو ... ابغي ارشح مدير عام ... بسلامة ابو عبدالرحمن .. مارشحت الا ابو ملاك .

[ابو ملاك]

شكرا .. جوري .. على هذه الثقة ... الل يعطيك العافية .. وابو عبدالرحمن فيه الخير والبركة . وكذلك المشرفين الباقين .

والله الامر يحتاج الى نقاش .. بهدوء ..
واقترحي في المقام الأول .. أن يرخو الصوت بقصيدة فخر ثمالة .. يعني يخلونه بدون تشغيل تلقائي يعني اللي يبي يسمع يضغط على الزر ويسمع .. والي مايبي .. فأكيد أنه حفظ القصيدة .:D

من كثر مايسمع ..

[بنك المعلومات]

صراحة الشعراء هذولا مصخوها
انا اسمع ان بن عزاب هو اللي يكتب لمشيلح
وان اقزوز هو اللي يكتب لبن داخل
وان ابو تركي هو اللي يكتب لبن سلمان

[المشتاق]

عقب يا ذا العلم
تو يوم بدا يصير عندي احاسيس ونويت اكتبها
امهلوني كم يوم يمكن الله يقدرني وامدحك ياراعي الغروب
وبعدين انتم لو تبطلون القص واللزق وتتبعون مواضيع مفيدة وشيقه كان ما لقيتو المنتدى الادبي اكتسحكم , ترو انتاجهم فكري وشخصي ما هو قص ولزق.
وترو على فكره لبن ابي محمد ومنقاش والرويعي مواضيع جدا لها قيمة ولا تاخذونها على انها تسلية وترفية , لا تنظرون لها على ظاهرها , اقروها بعمق تلقونها تمس يومياتكم واحوالكم , فهمت يا راعي السواني يالدبشه .

[admin]

الموضوع ماعرفنا جده من هزله

لكن أضحك الله سنك يا راعي السواني

أخي أبو ملاك ... إن كان عندك الكود الذي نستطيع منه ان نضغط على القصيدة للسماع أولا ـ فليتك تحضره ـ بحثت عنه فلم أجده ـ
والقصيدة وضعت في الصفحة الرئيسية فقط ... وبالإمكان لمن سببت له إرعاج إن يضغط زر الإيقاف!!!

[@ بن سلمان @]

الموضوع وان خالطه هزل , ارى انه لا يخلو من الجدية
وما شجعني للعودة هو ما قرأته من مداخلة للمشتاق , ليش المنتدى الادبي ظهر بهذا النجاح , اقول لا ينقص بقية الاعضاء الا الفكر ولا الثقافة ففيهم المتعلم والمطلع , لكن اسال نفسي لماذا يضيع على نفسه حقها في المشاركة والتألق بالطرح والمداخلات حتى لو كانت هزلية او ساخره , لماذا نجهد انفسنا بين المنتديات نبحث عن موضوع معلب وجاهز ودور في المنتديات حتى اصبح الاطلاع عليه للمجاملة فقط او لرفع المشاركات .
حقيقة قالها مشتاق , هناك مواضيع لابن ابي محمد , والرويعي , وراعي السواني , والمنقاش , مواضيع في ظاهرها الترفيه والتسليه لكنها تحوي عمق وبعد اتمنى ان نصل اليها وساضرب لكم بعض الامثلة :/
موضوع مقاش الاخير ( سوالف او خوالف منقاش ) يحكي واقع نعيشه فعلا في القرى , المشاحنات في القريه بين ابناء العم وهجر المساجد والجماعة بسببها وتدخلنا في شؤون البعض وتعبئتنا لنار الفتنة وتأجيجها , اسلوب طرح مختلف , لم يكن للتسلية والضحك , لكن من يقرا ؟
المشتاق طرح موضوع ( زمن منقاش ) ومضوع بسيط فيه طرفة وفكاهة , لكن فيه ايضا قيمة اخرى لمنقاش ذلك الرجل العفوي طيب القلب ضعيف الحيلة حين يقع في يد من لا يخاف الله .....
موضوع الصورة لرويعي الغنم وابو ملاك , له مغزى , ولو لم يكن ابو ملاك ذلك الرجل الذي يحمل فكرا وادبا لربما الموضوع كانت نهايته في احد العضوين .

دعوة لشعراء المنتدى , الفتل والنقض ليس في الشعر فقط , مجالس الرجال واحاديثهم في المجالس لا تخلو من الفتل والنقض , ونحتاج الى فكر كفكركم هنا في باقي النتديات , ونحن جميعا نكمل بعضنا , وهذه دعوة من راعي السواني اخذ بها لكم .
ودمتم سالمين

[المبرِّد]

أنا معاك يا راعي السواني.وشوف نستخدم الطرق الديمريقطية معاهم
نعلن الاحتجاج
ونهدد بالمقاطعة لمواضيع كل شاعر. بعدين نستخدم الطرق التي اشرت إلى جزء منها في كل موضوع وقصيدة.تراني دكتور في هذه الطرق. بس خوفي من المشرف العام
لكن اما نترك المنتدى لهم هذا راي غير صائب وكذلك ان يكون لهم منتدى اخر ايضا راي غير صائب. نريد ان يأخذ كل قسم حقه من الاهتمام المتبادل
فمن الان

[راعي السواني]

أخواتي الأعزاء :بن سلمان , منقاش , أقزوز منسم , جوري , أبو ملاك , بنك المعلومات , المشتاق , المشرف الفني , المبرد :
الله لا يسامحكم , أخطيتم عليه مرتين , ألأوله لم توفوني حقي من الثناء ولو واحد من ألألف .
الثانية وهي الطامه اللي ما ترقع , كيف وليه تقارنون راعي السواني بهلافيت الرجال مثل منقاش ورويعي الغنم وابن أم محمد ؟؟, كيف تتكلمون عني وتطرون معي هؤلاء ؟؟.
ألم تر أن السيف ينقص قدره ,,,,,,,,,,,,,, أذا قيل أن السيف أمضى من العصى .
وبعد هالمقدمه المهمه تعالوا نعود على موضوعنا :
يا وجيه الرفاقه والعواني الكلام الذي رواه ابن سلمان رضي الله عنه عن بيع شريط قصيدة فخر ثماله والثروه الطائلة اللي كوش عليها أبو عبدالرحمن وابو عادل .
هذا الخبر غير رأيي 180 درجه ,, يعني كما قال منقاش , الشعراء هم نحن ونحن هم , وهن هم ونحن لسنا هن والمنتدى واحد ما فيه فرق بيننا ..
بأختصار أن كان فيه أنفصال ليكن بعد تقسيم الثروه ....

[ابو ملاك]

يا أخوان . . . بالديموقراطيه ...
نعم بالديمقراطيه . . . نطلب أنتخابات عاجلة والنزول للشارع .. والتظاهر .. لي أنا فقط .. والاعتصام .. :D
لتشكيل حكومة جديدة للمنتدى .. اسوة بلبنان .. وأنا بصفتي رئيس كتلة التجمع اليمييني .. اطالب أنصاري بالتظاهر ورفع الأعلام البيضاء وأن يهتفوا ... بالنصرة ..

كما ترون ... :D :D

http://www.thomala.com/up/images/XNL65557.jpg

وهنا يقولون المتظاهرين ( نريد أبو ملاك لانريد غيره يا ثمالة ...:D
ويحملون قماش بالاسفل مكتوب عليه ( كلا .. كلا .. لانريد منقاش )
.................................................. .........................
وهذا في موقع آخر ... يهتفون لأبو ملاك ..الله يسلمه ... وبن سلمان ....:D

http://www.thomala.com/up/images/9Dr65656.jpg

ويرددون أبو ملاك ... وبن سلمان .. كررو معنا .. ياغلمان :D :D

(( شفتو كيف أنصاري كثير والحمد لله )))

[ابو عادل]

وينك يابن داخل وينك يابوشرف وينك يازهور وين الكايد والنادر وبعيد النظر ومحمد النمري وكل شعراء المنتدى وينكم ماتدافعون عن أنفسكم أمام راعي السواني وشلته مابدى الا مشتاق بيض الله وجهك يامشتاق واغبني عليك يامنقاش على من دحس بك فبطانتك مرة ثانية.

تحسب الخوايا حقتك كما علوم الرياجيل اللي تعرف تاخذ وتعطي أقلتها نهرج من روسنا ياراعي (منقول ـ قال فلان في الكتاب الفلاني ) هذا غير المشاكل اللي سويتها في المسجد حتى الإمام ما سلم منك هب الله اكبر عليك لكن تراني أبرقعك بقصيدة تغير اتجاهك ماهو180درجة
الا 360درجة واللي معك يلقى نصيبه تكفون ياربعي ياشعار المنتدى من ترك الحزم في أوقاته ندم افزعوا قبل لاتروحون فيها وسلامتكم.

[السهلاوي]

راعي السواني انا معك
ولكن لابد ان تجامل وتضحك
وتمدح ولو ان قصيدتك ماهي بزينة
بس اهم شي تمدح ويا عريب النسب والجد والخال
وانت الرائع وتلطش كم موضوع من اي منتدى
وتنزله صدقني لتشوف شي ماقد شفته

[السهلاوي]

اخوي راعي السواني
لازم تجيت قصيدة
تمدح فيها وياكريم وياعريب الجد
والخال وتجامل مرة هذا ومرة هذا
حتى لو ان القصيدة ماهي بزينة
بس المهم فيها مدح ومجاملة
وتاخذلك كم موضوع من اي منتدى
وتنزلة يعني حبرك فبرك دبر حالك

[ابو ملاك]

ابشر ياراعي السواني .... ولا تشيل هم .. ونا رحيمك .
بعد مايحصل التغيير الديمقراطي ..

احطك رئيس كتلة ... التجمع الصاعد ....
.................................................. ...............
كتلة ( الصاعد ) يعني رئيس على منقاش وطقته ....

[السهلاوي]

راعي السواني
لابد ان تنزل قصيدة
بها مدح ومجاملة وياكريم
وياعريب الجد والخال والعم
والرائع والداهية حتى لو القصيدة
ماهي بزينة بس فيها مدح ومجاملة
صدقني تكفي وخذلك اي موضوع من اي
منتدى ونزلة صدقني لتشوف شي ماقد شفتة
وتسير العضو المميز والعضو المثالي

[ابو ملاك]

هاهاهاهاهاهاهاهاها:d :d :d :d

[السهلاوي]

# # # #

( اياس ) املي الالتزام باداب الحوار
وعدم التهكم بالاعضاء واعتبر هذا انذار اخير
بن سلمان

[ابو ملاك]

هذي التربية اللي تعلمتها .... ؟


كن كالنخيل عن الأحقاد مرتفعا * * * يرمى بصخر فيلقي أطيب الثمر



بن سلمان

[بن داخل]

فضحتنا يابنك
بعد اليوم كسدت بضاعتي
وخسرت وانتكست يااقزوز من يشتري
منك القصائد بنفس السعر اللي اشتريهامنك
بس تدري سمعت ان بن سلمان اختلف
مع ابوتركي على السعر شوف جرب حضك والا ابو ملاك مايدفع والا كان زمانه
شاعر مايشق له غبار
على العموك بعد انفضح أمري فأنا معك ياراعي الغروب قلبا وقالبا
ونسعى جميعا لإغلاق المنتدى الأدبي
ونرتاح من البربرة اللي ماوراها ولا خاتمة

[ابو ملاك]

بن داخل ترى عندي .. نسناس .. من الشعر ..لاكن استخدمه وقت الذروة ...:d :d

[بن داخل]

عندك أخي أبا ملاك ولكن ادفع أكثر
تصير أقوى شعرا
تسلم أبا ملاك
وياخوفي منك