(ح1) المطفي.... يصفي

[مطفي النور]

مشهد صباحي تعودت عليه بعد ذكر الله والصلاة تمغيطه على الدكه واطلاله يملاءها الامل على راس المال وهي بصوت واحد (ماء ماء ما ما ما اااااااااا) طبعا لان عبدالستار راح يفك البهم على امهاته .لانني وعبد الستار دقه قديمه والربق وش طوله ( نسيت اعلمك ان عبدالستار هذا البنقالي الي يرعى الحلال المبروك) ما نؤمن بالشبوك للبهم الربق اضمن
عبدالستار متوقع ان اليوم زي كل يوم ومادرى انه بداية النهايه لقصة ماااااااااااااا الصباحيه فالقرار تم اتخاذه ليلة البارحه
تم عزل الجنب واليانه ماشاء الله 67 راس يعني * 500 مبلغ محترم 33500 هذا بعطيه العمه تدبش بنتها قمر الزمان

بقيت الغنم يبي يمرني عبيد عصير وهو خابره يحوفها يبي يلحقها غنمه و186 راس زينه بحدها عليه من 600 بعيالها والي دفيع وماراح يعيي 111600 ريال مبلغ ماهو شين اول راس المال طبعا الهايلكس وش ابي بها صحيح انه قرنبع شوي لكن تبي تجيب 17000 ريالي هذي تبي تسدني فالتذاكر واسبوع عسل اذا وصلنا في احد المساكن الي يقولها ولد ابو محمد لين ندبر مكان وعقد استثمار

بقي عبدالستار

لازم نستغله ماني مخرج له واخسر عليه تذاكر وراتب الشهرين الاخيره من جيبي ....اهاااااااااا لقيتها المقاول الي فاسفل الديره عنده عقد يقولون فالطايف ويدور عمال بتنازل عنه واخذ لي منه عشره الاف واعطي عمتي منها خمسه رضوه ولو انها البارح ماهي مستوعبه الفكره مره لكن الخمسة الاف بتخليها توافق لانها اذا شافت الدراهم في يدي درت انها ان ماوافقت لقيت غير قمر الزمان

مدري لو سويت اعلان فالمنتدى يمكن يجي ابو حمار ياخذ الصفة وباقي التبن الي فيها يربط فيها خويه


بسم الله بدينا دام كل شيئ واضح

عبدالستااااااااااااااااااااار اعزل الجنب اعزله

[منقاش]

يا رفيقي يا مطفي , أول صل الفرض , وبعدها صل النافله , ولا تقدم الواجب على المندوب , يعني أول تقمر بقمر وتجوزها وخلف منها حتى تثبت جدارتك في أول أستثماراتك .
وأذا نجحت بعدها صفي راس مالك واعرف جوابك , وشوف ويش باقي معك من حلالك وعمالك وتبنك؟ .
أما راعي الحمار فلا تطريه ولا تطري حماره , لأن حمار أبتعدت دياره , وجاب أخباره واحد من المشرفين الثقات أسمه ابو تركي , ويذكر أنه لقيه في واحد أو أثنين من شوارع ألأحباش في موريتانيا .
وبأمكانك تجد الخبر على هالرابط :
http://www.thomala.com/vb/showthread.php?t=64119

وبعدها , أن كان بقي عندك تبون بعد تجوز أم العيون وعلومك تبين , فزبونه جاهز ومعروف ولا يحتاج لتعريف , وهو مخاوي منقاش زعيم ألأوباش , وسلامتك..

[مطفي النور]

ياحي الله ابو نقشه

انت علامك ماتذكر الله الضرب فالارض غناه يامال العافيه والضرب فالميت حرام لكن جالك العلم واما التبن ان كان مالك خاطر فيه خله يبي يجي له زبون وانا اصلا داس لك هديه ماهو حب فعيونك لكن عمتي اشترطت موافقتها انك تفتيها بجواز هجرة العرسان عشان كذا انا مخليلك الدمنه تجي لها 1200 كيس ووالله يقولون ان الكيس يصل 3ريال شفت كيف انا احبك

[المقداد]

ياموقد الضو " شبٌر البهم من أمهاته , وأمسك عليك عبدالستار وقول ياستاااااااااااار

[مطفي النور]

ياموقد الضو " شبٌر البهم من أمهاته , وأمسك عليك عبدالستار وقول ياستاااااااااااار


المقداد او العمده المقداد

والله اني احبك في الله ياشيخ لكن مدري ليش احس ان اسمك يشبه القداد

البهم ماعليه خلاف وعبدالستار نقلت كفالته وطاااااار


شكراااااااااااااااااااااااااااا

[المقداد]

أحبك الله " الذي أحببتني لأجله .
ولا مانع أن أكون قداداً كما أحببت ذلك , وسأسلط الضؤ قليلاً على معرف " المقداد

الم قد آد وآد " في اللغة تعني العزم والقوة والصلابة والهيبه ..

بينما القداد " ففي الأعراب والأمصار المحيطة بنا فيعني أنحسار الهواء في البلعوم والتعتعة في الحلق , وليس من علاج الا اللبن الزبادي ..

شكراً لك أيضاً..

[منقاش]

الله يهديك يا مطفي , كيف تهدي على بدر الدجى وعرعرة المنتدى دمنه , كيف تهدي هالهديه الهبيه وانت عارف أن الهدايا على قدر مهديها ؟؟؟ .
لكن أذا كنت مصر , أول وصلها لي حتى ديار الحبشان محل أستثمارات ابو نقشه , وأن كان ما تقدر توصلها وملزم على الهديه تراني متنازل بها وسافطها لمشرف منتدى ألأستراحه ابو تركي , حتى يسير التبن للمخاوي والدمنه للثاني .

[رفيق دربه]

نعم الراي أحسن ماسويت،،،
بع بع بع خلها ترووح أصرفلك!!!
>>>ونســـــ:thumbs_up:ـــــتونا<<<
يعطيك ألف عافية ع المووضووع

[مطفي النور]

أحبك الله " الذي أحببتني لأجله .

ولا مانع أن أكون قداداً كما أحببت ذلك , وسأسلط الضؤ قليلاً على معرف " المقداد

الم قد آد وآد " في اللغة تعني العزم والقوة والصلابة والهيبه ..

بينما القداد " ففي الأعراب والأمصار المحيطة بنا فيعني أنحسار الهواء في البلعوم والتعتعة في الحلق , وليس من علاج الا اللبن الزبادي ..


شكراً لك أيضاً..


ابو قد آد وآد

اهجد...... قصدي الله يبارك فيك ان الهواء المندعس فالحنجره ويسبب التقطيعه علاجه انا خابره البعد عن بعض الوجيه ***********

والا الزبادي متهم بتهم مالها معنازه نعنز عليها

وحيا الله اصلك على ماقالوا اهل باب الحاره


شكرااااااااااااااااااااااا

[مطفي النور]

الله يهديك يا مطفي , كيف تهدي على بدر الدجى وعرعرة المنتدى دمنه , كيف تهدي هالهديه الهبيه وانت عارف أن الهدايا على قدر مهديها ؟؟؟ .
لكن أذا كنت مصر , أول وصلها لي حتى ديار الحبشان محل أستثمارات ابو نقشه , وأن كان ما تقدر توصلها وملزم على الهديه تراني متنازل بها وسافطها لمشرف منتدى ألأستراحه ابو تركي , حتى يسير التبن للمخاوي والدمنه للثاني .

الشيخ ابو صبحه ...قصدي نقشه

انت خابر لايهدى الى الناس الا مايحتاجون لو كان دمن ولا انت اغلى من الهديه عندي وان كان مارادك تقبلها الا انها ماهي قريب من استثماراتك فعين خير المشروع الي انا ناوي اسويه هناك دمنه اكبر واحسن وابشر بالعوض وانت تحريبها هنا والا هناك
اما مد الهديه لغيرك فحلف ما اعقب مدتها لك لغيرك ....جاتك هديه وانت تصرف بها زي ماتبي
وان كان ودك تهدي التبن .....اشتره اول واهده اللي تبيه

وخلك معي

وشكرااااااااااااااااااااااااااا

[مطفي النور]

نعم الراي أحسن ماسويت،،،

بع بع بع خلها ترووح أصرفلك!!!
>>>ونســـــ:thumbs_up:ـــــتونا<<<

يعطيك ألف عافية ع المووضووع



رفيق دربه

بعنا وخلصنا ومابقي عندنا الا التبن واشوف لي واحد عينه عليه

الا بغيت انشدك رفيقك الي انت رفيق دربه دربه وين يودي

الله يزيدك انشكاح او كما قالوا اللغوين انشكااااااع

شكراااااااااااااااااا