اليقين بعد البيت الخامس ....

[محمد النمري]

.


بعض العرب لا من كتب بيت يفخـر=يقول أنا شاعر وعندي دواويـن
وليا كتب له بيـت ثانـي تجبـر=يقول ماقـدي يكـود السلاطيـن
وليا كتب له بيـت ثالـث تعصـر=يقول ماشعر(ن)يجي الناس باللين
وليا كتب له بيـت رابـع تعسـر=يقول والله لاكتبك غصب وتليـن
وليا كتب له بيت خامس وكسـر=يقول أثر الشعر بحـر وموازيـن
هـذا يمـر بكـل واحـد تصـدر=وقال أنا شاعر وفـارس مياديـن
ياهيه هذا ملك رجـل(ن) تصبـر=داس الدروب الجرهديـة بتمكيـن
الشعر فن وعلم ماهـو بمظهـر=ما حد يعرف صاحب الشعر بالعين
حذرى تقول الشعر حذرى تغـرر=حتى تمرس فيه وتشيـع وتبيـن
وإذا وعيت الشعر قـوم وتقـدر=واحذر يغرك صوت شجعك مسكين
الشعر ماهو لـك ياللـي تسطـر=لا لا ولا هو لي بحكـم القوانيـن
الشعر للي يكتـب أبيـات تذكـر=ومسطره داخل قلـوب المواميـن


تحياتي

[أبو عبدالرحمن]

بارك الله فيك وأحسن إليك.
أخي الكريم / محمد
ولا فض الله فاك .. ولا حرمنا قصائدك..

[بن وافي]

بارك الله فيك
ومشكور على مشاركاتك الجميلة

[{بعيدالنظر}]

ياسلام عليك يابو زياد
واليقين لديّ أنك شاعر مدهش وراااائع
لله درك على مانثرته من ألق .
صح فكرك يابو زياد
تقديري

[ابو عادل]

أحيانا يظهر اليقين بعد البيت الثالث أو الثاني أوالأول
وفي أوقات كثيرة يظهر اليقين قبل البيت الأول
قصيدة جميلة ومعبرة
صح لسانك.

[حسن عابد]

مشاركة رائعة وفقك الله

[@ بن سلمان @]

لو كل من جا على هذه الرائعة وامعن
كان ما لقينا من يدعي الشعر