من هجوسٍ تعم وتخص وتعم!!!!

[{بعيدالنظر}]

ياسلامي سلامٍ يجي له صدى=بين حاضر ثماله وغيّابها
من هجوسٍ تعم وتخص وتعم=ياسلامي سلامٍ يجي له صدى
,,,,,,,,,,,,,,,,,,,,,,,,

بعدها طالب الله طريق الهدى=والسلامه والايام باسبابها
مع مشيلح يجي للسوالف طعم=يالله إني طلبتك طريق الهدى

[حسن عابد]

الله يمسيك بالخير ومحاورة جديدة ان شاء الله نتابعها

[{بعيدالنظر}]

الله يسعد مساك أخوي الغالي : حسن عابد
وتسعدنا بلاشك متابعة أمثالك من الأنقياء
لاهنت يالغالي

[ابو عادل]

مرحبا يابعيد النظر والمدى=كل لحية تبي تحمي اشنابها
حضري ياهجوسي وقولي نعم=بعدجانا بعيد النظر والمدى
العشا فات واليوم جانا الغدا=وجهة الخيل في حكم ركابها
سوق رجلك وخلّ القدم بالقدم=لايضيع التعب ياالعرابي سدى

[حسن عابد]

ما شاء الله عليكم نورتم المنتدى

[@ بن سلمان @]

حياكم الله
اسعدتني عودتكما

[{بعيدالنظر}]

والبقا والمعاني لها مبتدا=والخبر عند من يحسب حسابها
فيه قايد وجندي ورافع علم=والبقا والمعاني لها مبتدا
العشا والغدا ياقليّل جدا=في بطون الذيابه ومخلابها
راح لاتتبع اللي نسيته ندم=ثم تمسي وتصبح قليّل جدا

[{بعيدالنظر}]

مرحبا يالغالي حسن عابد
النور نورك طال عمرك
شكراً لمرورك

[{بعيدالنظر}]

الغالي مراقبنا : بن سلمان
الله يبقيك نحن السعداء بوجودك وحضورك معنا ومتابعتك لنا
تقديري لك

[العائد]

السلام عليكم ومساكم الله بالخير يا طيبين .
لا اريد التدخل بين الشاعرين , لكن عندي سؤال لبعيد النظر : في مبتدا القصيد خصصت مرة وعممت مرتين , فهل معنى ذلك ان السوالف مع بقية شعار ثمالة لها طعم ؟ أم انهم فقط جنود ورافعين اعلام ؟

[{بعيدالنظر}]

أهلاً stranger
أولاً سعيد جداً بهذا الحضور والمتابعه .
ثانياً كم خصصت وكم عممت؟؟
التعميم مرتين وهو الأكثر والتخصيص للمطلوب وكل شعراء ثماله ونعم مليون ولو إنتظرت قليلاً لوجدت الإجابه تابع بنفسك .
لك التقدير والإحترام

[العائد]

والله والنعم بك وستة انعام . هيا تولموا يا شعار ثمالة . بعيد النظر ناوي على شي كثير ؟؟

الغريب

[ابو عادل]

المزوح انتهت والصحيح ابتدا=مابقي لك ملاوي تلوّى بها
بين كاتب وقاري وراعي قلم= المزوح انتهت والصحيح ابتدا
جعل راس العرابي لراسي فدا=يحتمل وزرها من فتح بابها
ألعب ادوارها خصم والاحكم=راح راس العرابي لراسي فدا

[{بعيدالنظر}]

ماآنت هادي لياكان مالله هدى=أثر روحك من الغيظ يامابها
لاتعجّل لقسمك ليا الله قسم=مآنت هادي ليا كان مالله هدى
يالثمالي بعد ماسمعت الندا=تمسي النار فى ثياب شبابها
تارك أصغر رقم حشمة اكبر رقم=يالثمالي بعد ماوصلك الندا

[الشيهان]

صح لسانك يابوعادل وصح لسانك يابعيد النظر جميل جدا ما قدمتما

[ابو عادل]

الشيهان
صح بدنك وأسعدني مرورك وأشكرك.

[ابو عادل]

يوم شفت العرابي يشيل الردى=ويتمنى الميادين والعابها
جاه مكتوبه وذاق طعم الندم=بعدشفت العرابي يشيل الردى
لوسلم قلبك اللي غطاه الصدا=كان الاصحاب ماتغدر اصحابها
لاتكيل التهم وانته المتهم=ليت قلبك سلم لايجيه الصدا

[{بعيدالنظر}]

بلبل الوادي اللي بصوته شدى=كل الالحان فرحان غنابها
جاه قناص ولياه ضايع نسم=بلبل الوادي اللي بصوته شدى
لاتهجم على الضيف فى المنتدى=ثم تبلاك بقعا وتبلابها
ما آتهمناك لكن شحمك ورم=لاتهجم وآنا ضيف فى المنتدى

[ابو عادل]

راح فكر العرابي مراح النّدى =يوم ودّى علومه ولاجابها
ليت حظه مع اهل الحظوظ ابتسم=راح فكر العرابي مراح الندى
صاحبي ليش حدحد وحدّوحدا=مايردّالامانة لطلابها
عز حالي لمن لاخصم واختصم=صاحبي ليش حدحد وحدّوحدا

[{بعيدالنظر}]

هههههههههههههه
طيّب .. طيّب


السمينه لياجات قلنا قدى=والهزيله تعوّد لجلابها
غشّك السوق وآنته فرحت بسهم=مير هات السمينه وآقلّك قدى
طاح قرن الوعل في جبال الهدا=ردها عند من جاك يسعى بها
يامشيلح تولم وخذ ماولم=طاح قرن الوعل في جبال الهدا

[{بعيدالنظر}]

الشيهان هلا وغلا
شرفتنا بحضورك الله لايهينك

[ابو عادل]

قلت اباخذك واطلع بقمّة شدا=مير غترتك ميّلت مرزابها
ليش قاعد تحوّم حوالي الحرم=قوم هيا طلعنا شواهق شدا
فيه قتلى وجرحى وفيه شهدا=صابها من قسى الوقت ماصابها
حطّ عينك على اللي غضب وانتقم=فيه قتلى وجرحى وفيه شهدا

[{بعيدالنظر}]

مابخاويك قمّة شدا ماعدا=لاعطيت المطاليب طلابها
وإنتبه من بخيلٍ مسوي كرم=أبخاويك لكن في ما عدا
دام أنا وآنت في كل شي إنددا=بندقي مثل بندقك مضرابها
كم بنينا ولا همّنا من هدم=دام أنا وآنت في كل شي نددا

[ابو عادل]

المخاليق بين اشقيا وسعدا=والمطاليق ترمي ويرمى بها
بندقي دشت العظم تحت اللحم=والمخاليق بين اشقيا وسعدا
من عدا مارقد من رقدماعدا=والرحا دايرة وانتم ادرى بها
فوق غبر الشوارب يليق الدسم=من عدا مارقد من رقد ماعدا

[{بعيدالنظر}]

الغالي الشاعر / ابو عادل
أسعدني الوقت الذي قضيته بصحبتك من خلال المشوار السابق وفي نظري ماحصل كفى وأشكرك على إعطائي وقتاً من وقتك لمجاراة شاعر بحجمك وتمكنكـ
دمتَ لي ولنا بإذن الله لقاءات أخرى على خير

أخوك : العرابي

[ابو عادل]

وأنا بدوري أشكرك على اتاحة الفرصة لنستفيد من فيض بحرك
وفقك الله والى لقاءقريب ان شاء الله.

[عثمان الثمالي]

بارك الله فيك اخي ابوعادل صح لسانك وعساك على القوة الله يعطيك العافية

نبارك لأنفسنا أولاً ولك ثانياً وجود أمثالك بالتوفيق أن شاء الله

كما نتمنى لأخي بعيد النظرطيب الإقامة وقضاء وقت مُمتع ولحظات سعيدة بصحبتنا .. بإذن الله

تقبلوا فائق التقدير والاحترام

[ابو عادل]

صح بدنك أخي عثمان وأشكرك على المرور والإطراء وأضم صوتي الى صوتك في الترحيب
بالأخ الشاعر الكبير/ عبيدالله العرابي الذي يستطيع بماحباه الله من شاعرية جميلة أن يسهم
في اثراء المنتدى وأنا على يقين بأنه لن يبخل بمالديه ويشرفنا وجوده بين (أخواله) فهو ليس بغريب عنا ونتمنى له أوقاتا سعيدة وأياما مديدة في ربوع هذا المنتدى .