الله يحييك يابعيد النظر تفظل هذا البدع على طلبك

[الشيهان]

ياسلام الله على الشعار والشيهان بادي = من على روس المشارف مايحب اللي تغلا
جيت أدرج بالقدم وبلاد ربي هي بلادي = مانويت أزل زلة ما ربح من هو يزلا

[{بعيدالنظر}]

مرحبابك في محلّك وآنت ياغاية مرادي=تدري إن الشيخ لامنّه توضا قام صلا
درّج أقدامك ولايحداك في دنياك حادي=غير لامنّك لقيت السبع يالشيهان فلا

[الشيهان]

ليش تاخذ من صفاتي والصفه هي درب زادي = ياطويل العمر رد الحق لاصحاب المحلا
الخبر لو ذيع فالتلفاز والا فالروادي = قالوا العراف هذي من مشاكل ماتحلا

[{بعيدالنظر}]

آنت ياراع المطيه جيت فى الدرب إمتحادي=من غشامه فيك مدري يابعد حالي تسلا
الخبر لو ذيع فى الرادي وفى التلفاز عادي=أكثر العشّاق في دنياه يالشيهان ملا

[الشيهان]

بعد ماهل المطر واسقى مسيله كل وادي = واعشبت كل الجبال بخيرها والدهر ولا
جيت تشبح بالنظر وتقول انا راعي الرشادي = وين ريم ٍ ماش زيه غير فجبال المكلا

[ضماء النهر]

الله الله الله عليكما

اش هذا الابداع صح لسانكما جميعا

امتعونا بهذا الجمال

[الشيهان]

صح بدنك ياضماء النهر انتي نهر من الطيب والكرم

[abonayf]

ابداع وتميز

دمتما بخير

[{بعيدالنظر}]

أحد عايم في بحر مابه مجيب ولا منادي=وآحد يستاق الظلام وفي يده نورٍ تجلا
العرب تشره على اللي كان في ظهر الشدادي=ثم حوّل يحسب إن المر فنجالٍ محلا

[{بعيدالنظر}]

ضماء النهر
أهلاً بحضورك والإبداع هو متابعة الرائعين أمثالك
دام هذا الحضور النور

[{بعيدالنظر}]

الغالي : أو ابو نايف
التميز بكم ومن أجلكم
دمت لنا يالغالي
أسعدنا حضورك

[حسن عابد]

منتدى التحدي والاثارة
قواكم الله اخواني الكرام

[{بعيدالنظر}]

الغالي حسن منتدى الرقين بإذن الله
والله يقوينا على طاعته خير من اي شيء آخر
أشكرك على الحضور المميز

[الشيهان]

ليش تحرق في كروتك مابدا وقت العنادي = الفراشه موتها فالنار وقت اللى تصلا
جيت تشعب في ركابك تحسب الدنيا مهادي = يامدور للمكاسب راس مالك مستحلا

[الشيهان]

الاخت ضماء النهر




الاخ ابو نايف




الشاعر حسن عابد


حظوركم اساس الابداع

[{بعيدالنظر}]

مابخسّر فيك لو يكفيك طلقه من زنادي=لاعلي يحمِل فشق بندق بعيد ولا معلا

والله إني مانويت ابدي على بعض الدوادي=للقلوب اللي تملّت والصدور اللي تملا

[الشيهان]

عزتي للي يدور حق فايت ما يعادي = دونها خرط القتاد وعلم ياصلك ويزلا
لاسلم راس الزعيم ولاسلم عرقوب غادي = ياعبيدالله علامك تنكر الحق المجلا

[ضماء النهر]

صح لسانك يالشيهان وين بعيد النظر ابطى علينا بالرد

[الشيهان]

صح بدنك ياضماء النهر

الغايب عذره معه

ولعل شاعرنا الكبير اراد النهايه من عندي كما كانت البدايه نتمنى ان نلتقي معه في محاورات قادمه

[{بعيدالنظر}]

لالقيت بعير يالشيهان فى رقبة القرادي=علّم اللي مادري وإرتاح يالقلب المدلا
واحليل اللي يعرفون البياض من السوادي=قالوا الشيهان طير؟ وقلت لا حاشا وكلا

[{بعيدالنظر}]

أبيض وجه يالغالي : الشيهان ولاهان من تابعنا والنهايه عندك وعلى الخير نلتقي بإذنه تعالى

[الشيهان]

مجتهد لاكن اضنك من ضحايا الاجتهادي=ماتّعّرف المِد من ذاك المسمى صاع كيلا
لو نفتش فالدفاتر جاتك إعلوم (ن) شدادي= غلطة الشاطر بعشره مير هذي لاتِعّلا

[الشيهان]

وبيض الله وجهك يابعيد النظر والى الملتقى والسموحه ترى القلوب نظاف