من يدور لي عبيدالله.......

[النادر]

ياسلام الله من النادر ليا حصل مزاجه=جات من صافي ضميري بعد ماروق مزاجي

من يدور لي عبيدالله تروا لي فيه حاجه=عام الاول يذكرونه من مزاد ليا حراجي

[@ بن سلمان @]

النادر مرحبا بعودتك يابن العمة
ترى كل يمزح وعبيدالله منجده
يا حبي لك يا عبيدالله اللي جريت النادر

[أبو عبدالرحمن]

ما شاء الله ...

يعطيك العافية أبو عماد ...وصح لسانك

ملاحظة : الأفضل اختيار الرقم (5) عند اختيار حجم الخط!

[بن وافي]

يعطيك العافية
صح لسانك
أبيات جميلة

[{بعيدالنظر}]

مرحبا باللي يسلّم عند من يضحك حجاجه=من هجوسٍ تعرف العد القراح من الهماجي
حاضر بحاضر عبيدالله على خط المواجه=والشرى والبيع للتاجر على حسب الخراجي

[{بعيدالنظر}]

الغالي : @ بن سلمان @
حضورك اسعدني لاهنت ودام تواجدك يالغالي
تقديري

[{بعيدالنظر}]

مشرفنا العام : أبو عبدالرحمن
لاهنت على الحضور

[{بعيدالنظر}]

بن وافي
لاهنت على الحضور
تقديري

[admin]

صح لسانك أستاذ عبيدالله

وعساكم على القوة جميعًا...

[النادر]

والله اني من رجال تعدل اللي به عواجه=وانت يقلون انك شاعر مثل سعدون العواجي
بس انا بوصيك ياذيب ٍ يكثر فالدواجه=حبة النيشان تلمع من ورا سد المحاجي

[النادر]

ابا هبه

انت خابر مزحنا ماهو عادي حتى لو عبيدالله من جده
لاهنت يابن الخال ..... الزم الصف

ابا عبدالرحمن
لاهنت اخي الحبيب
مايصير خاطرك الاطيب

بن وافي

شكرا لحظورك

المشرف الفني

بس هو الاستاذ

[{بعيدالنظر}]

اوصف الأعراض للدكتور يوصف لك علاجه=وإن لقى الآعراض مشتبهه ترى ما آنته بناجي
من عطاك بعير عيب ترد فى بعيره دجاجه=الغشيم يثوّر الزهبه ليا ثار العجاجي

[النادر]

فيل راس القوم ناشب والسبب له سن عاجه=والدواء عندي وانا اللي عارف سر العلاجي
والبعير ان كانه اجرب مايعدونه بلاجه=مير خل السيف وادفع جزيتك والا الخراجي

[admin]

صح لسانك أيها النادر ـ في كل شيء ـ
والترحيب موصول للجميع

[{بعيدالنظر}]

يتعب النادر وهو يخلط نعاجي مع نعاجه=والعرب تعرف نعاج النادر وتعرف نعاجي
اتكلم بالفصيح ولا أعرف هروج الخواجه=في لسانه لابلانا الله لثغه وإنعراجي

[{بعيدالنظر}]

مشرفنا الفني هلا وغلا أول وتالي
لاهنت على الحضور

[النادر]

وسم عبدالله يفرق والبضايع بالرواجه=وانت غشيت البريه يامدور للرواجي
معك لو نهرج فصيح مايجي غير اللجاجه=من يصب العلم يالعربان فاذان الصناجي

[النادر]

المشرف الفني

من الغلا يالبناخي لاتشرهنا

لاهنت ولاهان راسك

النادر

[ابو عادل]

اذا ظهر النادر يظهر بما يليق
وعبيدالله والنعم وستين والنعم
محاورة شيقة .استمرا بالتوفيق لكما.

[{بعيدالنظر}]

فيه بابٍ من حديد وفيه بابٍ من زجاجه=وآنت تحذفني نسيت إنك على الباب الزجاجي
ما يََغَش الا الضعيف اللي قصيراتٍ دراجه=لاتسفّه كل خلق الله ودوّر لك ملاجي

[{بعيدالنظر}]

ابو عادل وجودك هو المراد يابحر الشعر والأدب والأخلاق
ماعليك زود الله يحفظك

[النادر]

الحديد اللي زعمته قد كسرنا له رتاجه=مد كفينك وناجي كان ينفعك التناجي
والسفاهه ماتجي منا ولاحتى السماجه=السماجه والسفاهه قسم ساكنة القراجي

[النادر]

ابا عادل

هي مناوره بيني وبين بعيد النظر

على مرءا من استاذ مثلك

تقبل وافر التحايا

النادر

[@ بن سلمان @]

النادر
بعيد النظر
تروا معكم متايعين وناس تقرأ
يعطيكم العافية
الصفوف يا شباب

[النادر]

بن سلمان

يامراقب لاتراقب

مافالخطر الا كل طيب

وبعيد النظر شاعر واللعب معه ممتع

الزموا الصفوف ياربعي ياحبتي

النادر

[حسن عابد]

نشكر بعيد النظر الذي اعاد لنا نجم من نجوم المنتدى

[{بعيدالنظر}]

الكلام اللي زعمته كله أحلام وفجاجه=آنت لاهلحين وآنت بما تلاقيه إمتفاجي
التسفهّ غير من سفّه صحيح إن الحلاجه=كل رمحٍ يبلعه فى المعركه جاه إحتلاجي

[{بعيدالنظر}]

الركده زينه يالربع ... والنادر آعرفه زين وهو يعرفني
طوّلوا بالكم والصحبه تبي تزين لايهمكم

أشكركم جميعاً على المتابعه

[@ بن سلمان @]

حنا ما نقول فيكم الا خير
بس معكم ناس تقرأ

[النادر]

يالعرابي ماتروح في فمك باقي مجاجه=بجها والا ابتلعها يوم راسك زال ناجي
نعرف ابعاد الكلام ومانحب اهل الكلاجه=شوف من ضربة رماحي كيف جاك الاختلاجي

[النادر]

حسن عابد

مانستكم ياسنايدي لكن الاشغال وبن سلمان عنده خبر

ان حصلت ساعه باليوم على النت كثيره


النادر

[النادر]

ابا هبه

ادري عن اللي تقوله يابن الخال

والرجال ما اخطى ولا ني مخطي عليه

الدعوه ممازح .... وان بغيتوا قصرناه


النادر

[{بعيدالنظر}]

العرابي نجمتينه دقّت عيونك وتاجه=وآنته أم إزمام ماخلّت معك نجمه وتاجي
راح بعض الناس من كيفه على قلة خراجه=ثم عوّد للفضايح واهجاجه بالهجاجي

[النادر]

العقيد اللي منصب عندنا يغدي ولاجه=ياحليلك يالخليه وياهنيك بالولاجي
والله اني مافك الخصم لين يحك صاجه=وان بغا يسري فيسري لاغدا محكوك صاجي


عبيدالله بيض الله وجهك

سعدت باللعب معك ... واترك الرد الاخير لك

النادر

[{بعيدالنظر}]

إتضح لي كل شي والنادر أدري وش نتاجه=يحفظ الله لك نتاجك يابراهيم الخفاجي
أثرك اللي من سفاجه يوم سافرت لسفاجه=ماتروح بعيد دام إنك من فروخ الزراجي