للطيب درب وللرخامه متـــااهات,,

[البروفيسور]

يالله يـالـي فــوق سـبـع السـمـاوات=تـفـرج لـحـال الــي عصـتـه اللـيـالـي
سايرتهـا بسكـات بسـكـات بسـكـات=واقـــول بــكــره يـصـلــح الله حــالــي
مـاودي اشكـي عنـد عـاذل وشمـات=ولابـي علـي النـاس تلـقـى مجـالـي
اقـضـي طــوال الـلـيـل نـــوح ٍوونـــات=والنـاس ماتـدري عــن الــي جـرالـي
صـبـرت واستبـدلـت قـولــي تـنـهـات=وتسـابـقـن دمـعــات عـيـنـي تـوالــي
عـلـيـك يـاحـلـم ٍاشــوفــه ولا مــــات=رغــم الحـضـوض الـنـادرات الـقـلالـي
لـك الـذي مـا تختـلـف فـيـه هـقـوات=ماتخـتـلـف هـقــوة رفــيــق ٍعـنـالــي
لا والله اثبـت والـحـق الـقـول باثـبـات=والـقـول مــا يثـبـت عــزوم الـرجـالـي
لا والله الـى الفعـل والفـعـل بـالـذات=مـحـد ٍيـقــول الـمــر يـانــاس حـالــي
للـطـيـب درب ولـلـرخـامـه مـتـاهــات=ويالـي بغيـت الطيـب اسمـع مقالـي
صـــل الــصــلاة واد كــــل الـعـبــادات=واسـجـد لـوجـه الله عـزيـز الـجـلالـي
وللوالـديـن حـقــوق ذكـــرت بـالايــات=ياجـب علـيـك اصـغـاااء ثــم امتثـالـي
ثــم عقبـهـا لاتلـحـق الـنـاس نـمــات=اوزن كـلامـك يـرفـعـك فـــوق عـالــي
ترى لسان الشخص للشخص مرئـاة=ان اعـتـدل عـدلـت وان مـلـت مـالـي
واحرص على وقتك ترى الوقت لافات=تـنـدم عـلــى فـوتــه لـيــال ٍطـوالــي
لاصــار مـــا شـيــد شـبـابـك بـنـايـات=لاصـرت شـايـب مــا بنـيـت العـوالـي
شيدلـك مـن الطيـب قصـر وعـمـارات=تذكـربـهـا لاصـــرت تـحــت الـرمـالـي
اسمـع كـلام النـاس وانضـر لـلامـوات=واخـتـر لنفـسـك مــا تـريـده يـقـالـي
واحـذر تـرى للنفـس رغبـه وشهـوات=ان طعتـهـا راحــت علـيـك المـعـالـي
طــرد الـهـوى ذلــه ولافـيـه شـكــات=يـامــا تـنــزل مــــن (سبايـبَـه)عـالـي
ولا تلحقـك مـن قلـة الـحـال ضيـقـات=خلك على ماقـال( صـدرك شمالـي)
اضـربـهـا واحــــذر تـطـيــح بـمـغـبـات=ولا تنفـتـن نـفـسـك بـطــرد الـريـالـي
واعـرف تـرى غــال الكـنـوز القنـاعـات=مــن فــاز فيـهـا فــاز والـفـوز غـالــي
ولا تــخــوَف مــــن نـهـايــة بــدايـــات=خـلـك عـلـى كــل الامــور ارتـجـالـي
الـخـوف يـرمـي صاحـبـه فالـهـزيـلات=ويثنيـه عـن كسـب الامــور الجـزالـي
المـوت مــره لاكــن ان خـفـت مــرات=والله مــا تـمـشـي حـيـاتـك عـدالــي
خالـط جمـيـع الـنـاس كــون عـلاقـات=لا تجـلـس لـحـالـك تـصـيـر انـعـزالـي
لاكـن بنفـس الوقـت ياصـاح هيـهـات=تمشي بهواك الناس في كل حالـي
فالنـاس طيـب واكثـر الـنـاس عـيَـات=رافـق هــل الـطـولات خــل الثعـالـي
والــجــار كــثــر جـيــتــه والــزيـــارات=سيَـر تـرى الدنـيـى سريـعـة زوالــي
فنـجـال بــن وعــود ٍ ازرق وضـحـكـات=تشـيـل هــم الــي همـومـه ثـقـالـي
مــافــات فــــات ومــاهــو اتــــي ٍ آت=اسـمـع كـلامـي وافـهـمـه للـتـوالـي
رتـــب حـيـاتـك حـــط الـــك اولـويــات=وخطـوط حـمـرى واضـحـات ٍ جـلالـي
الدين لا ترضـى علـى الديـن خمـلات=هــاك الـكـلام الــي يـهــز الجـبـالـي
والله مــا تـرضـى علـيـك الـولايــااااات=الـيــن تـتـبــع درب ذيــــك الـمـلالــي
جاهـد عــدو الله فــي كــل الاوقــات=بـالـحــال ولا الــمـــال ولا الـعـيـالــي
ثـــم الـوطــن احـيــان تـاتـيـه حـــزات=تـبــي رجال(ن)يحـمـلـون الحـمـالـي
وقــف بـعـزة نـفـس قـلــه سـلامــات=يالمعتـدي فالعقـل جـاك اختلالـي؟؟
ثـم اقطـع الرجعـه وقـل جيـت مــوات=والله مــــا تــفــرح بــيــوم احـتـلالــي
هـاذي لأهـل الطيـب مثـل العلامـات=نضـمـت فـيـهـا كـــل كـــار ٍ طـرالــي
وللـطـيـب درب وللـرخـامـه مـتـاهـات=ويالـي بغيـت الطيـب طـبـق مقـالـي

للشـــــــاعر المبـــــــــــــــــدع / نايف بن عرويــــــــــل العتيبــــــي

[الهلال عريس اسيا]

ياسلام عليك
بس الحكم غشاش
هههههههههههه

[ابومهنـــــد]

طــرد الـهـوى ذلــه ولافـيـه شـكــات=يـامــا تـنــزل مــــن (سبايـبَـه)عـالـي
ولا تلحقـك مـن قلـة الـحـال ضيـقـات=خلك على ماقـال( صـدرك شمالـي)
اضـربـهـا واحــــذر تـطـيــح بـمـغـبـات=ولا تنفـتـن نـفـسـك بـطــرد الـريـالـي
واعـرف تـرى غــال الكـنـوز القنـاعـات=مــن فــاز فيـهـا فــاز والـفـوز غـالــي



ياعيني عليك يابو نسب دائما
تغيب كثير لكن تقنعني كثير
اعجبتني ذائقتك

يعطيك العافية

[ثماليه والعز ليه]

يعطيك العــآفيه

[سنا الهجرة]

نقل موفق .. يعطيك الف عافيه >> بروفيسور

[حسن عابد]

سلمت يمينك

[السَّمْهريّ]

يعطيك 1000 عافيه
اختيار ذائق

[قلبي فداك]

يعطيك الف عافيه
اكثر من روعه

[البروفيسور]

مشكوورين على التواجد والمرور العطر..