يابو عادل مادام السوق بيع ومشترى!!! [الأرشيف]

{بعيدالنظر}

12-10-2006, 02:08 PM

سلام رديّه تميّز في الخفيف وفى الثقيل=وتمر ابو عادل مادام السوق بيع ومشترى
الحق كلمه من يخبيها نقول إنه بخيل=وليا بدت للناس نور ويدري اللي مادرى

ابو عادل

12-10-2006, 03:58 PM

يامرحبا ترحيبة ماجات من عابر سبيل= من غزرها تمتد مابين الثّريّا والثّرى
دامك تقول الحق كلمة فانت عنها لاتميل=اشتر وبيع وعدّ سلمك عدّ والناس خشرا

{بعيدالنظر}

12-10-2006, 04:23 PM

دام البقا ياللي تراحيبه على السبل الأصيل=شاعر محنّك وإن مشا قدام مايرجع ورى
الحق كلمه مالها عندي يابو عادل مزيل=عزالله إنك من رياجيلٍ لها عز وذرى

ابو عادل

12-10-2006, 05:17 PM

القهوة اللي ماتحوجها بهيل و زنجبيل=لاقرّراس اللي شرب منها ولاجرحه برى
مدالجزيلة ياعبيد الله وامدّالك الجزيل =هذا سبيل اهل المراجل وانت قلي وش ترى

{بعيدالنظر}

12-10-2006, 05:51 PM

صادق ولكنك ليا سولفت لاتغوى الدليل=خبرتك فى الدنيا يبي يطلع لها ناس خبرى
عزالله إنا مانحط السرج في ظهر الحسيل=وآنته من اللي في نهار الضيق ماهم بقصرى

ابو عادل

12-10-2006, 05:56 PM

العب معي والعب معك واللعب فوق المستطيل=لكن ترى فيها حكم صارم وشي كرت احمرا
الزم نظام اللعب لاتلعب لعوب احمد جميل= ان كان تلعب مثل لعب احمد جميل تغيّرا

ابو عادل

12-10-2006, 05:57 PM

مع الإعتذارلمحبي الإتحاد واحمد جميل

{بعيدالنظر}

12-10-2006, 06:08 PM

العب معك وإلعب معي ماآنته مسوي مستحيل=من قال قايد جيش ياكل عيش مع ناس أومرا
أنا عيوني ما تعدّت ربة الطرف الكحيل=اللي مشيلح في غرام عيونها ليله سرى

ابو عادل

12-10-2006, 06:29 PM

الحب بلوى ياعبيد الله واناعندي دليل=انك تموت فحبّها لكن تخاف من السّرى
لكن ابنزع حبها من قلبك اسمح لي قليل=وافصلك عنها لوتلصّق باللحام وبالغرا

بن داخل

12-10-2006, 06:34 PM

هذا الكلام اللي يشرح الخاطر
لاهنتو ياصناديد الشعر

النادر

12-10-2006, 07:01 PM

يبدوا انني سادمن هذا المتصفح الراقي لفحلين يشار لهما بالبنان

استمرا فلازال الدرب طويل

النادر

{بعيدالنظر}

12-10-2006, 07:48 PM

أحدٍ صويب ارموشها وأحدٍ على الذمه قتيل=واللي طرا في بال ابو عادل على بالي طر
الله حسيبك كيف تفرق لك خليلٍ عن خليل=وأنا أحسب إنك في زمان العشق نصّبت سفرا

ابو عادل

12-10-2006, 09:28 PM

ياكم عشيق غاب عن نفسه وعوّد يستقيل=اعقل وروح بعيد لايجري لك اللي ماجرى
تبغا لها عملاق يجني التمر من روس النخيل=بينك وبين التمر جلسة مع نكير ومنكرا

المشهر

12-10-2006, 09:57 PM

مشكورين ابا عادل وبعيد النظر على هذه الأبيات الجميلة والتي تستحق المتابعة لكل ما تكتبانه
والله يعطيكم العافيه

{بعيدالنظر}

12-10-2006, 10:22 PM

اللي عليه الشمس قدام أمس فى الظل الظليل=أزروا بها تسعين فارس لين عاشوا في زرى
عزالله إني يامشيلح راعي السيف الصقيل=أبقطع الفرجه لحالي وآنت لك عينٍ ترى

ابو عادل

12-10-2006, 10:37 PM

بن داخل
الله يشرح صدرك
وانت راعي الاولة.

ابو عادل

12-10-2006, 10:39 PM

النادر
تواجدك مصدر فخر لي
لاعدمتك.

ابو عادل

12-10-2006, 10:41 PM

حياك الله أخي المشهر
وذائقتك أيضا لها دور في رؤيتك
أسعدني تواجدك .مشكور وبارك الله فيك.

{بعيدالنظر}

12-10-2006, 10:47 PM

الأحبه الغالين :
بن داخل
النادر
المشهر

أهلاً بكم وبحضوركم الذي بحق كان قد زادنا سروراً
فنحن بكم نكون وبدون تواجدكم ليس لنا وجود
دمتم ودام بهائكم

ابو عادل

12-10-2006, 10:48 PM

اللي عليه الشمس من قبل امس له باع طويل=يقرا ويكتب يوم ابوزيد الهلالي ماقرا
ياراعي المصقول جمتكم مغطيها النثيل=دامت معي بندق وجنبية وسيف وخنجرا

{بعيدالنظر}

12-10-2006, 11:18 PM

حلمك على راس الجبل والنوم في بطن المسيل=ماعاد أنا وياك بعد اليوم فى الدار قطرا
أصبحت ياشاعر ثماله مثل نضّاح الصميل=حظك ليا زانت معك هلل عليك وكبّرا

ابو عادل

12-10-2006, 11:33 PM

حلمي وانا فوق الجبل وانته تحت وبل المخيل=راعي التهم ماهوقطير اللي على قمة كرا
ان كان هذا لون صرفك روح دور لك كفيل=ماانته مباريني ولاتقدر وانا منك البرا

{بعيدالنظر}

12-11-2006, 12:29 AM

اليا أعترفت بشي لاتنسى الجمايل والجميل=السيل سايل والهذاري مالها عود اخضرا
حنابغينا العاج وآنته جيت شايل راس فيل=نبي نسوق العيس وإنت اقعد يابو كيس إنفرى

حسن عابد

12-11-2006, 12:43 AM

عليكم من الله سلام

الشيهان

12-11-2006, 01:02 AM

ابداع من نجمين من نجوم الشعر الى الامام متابعين لكما

ابو عادل

12-11-2006, 07:39 AM

ماعاد باقي شي تقوله كم تحطّ وكم تشيل= تعبت ماوصّلت فكرة ياخطيب المنبرا
لاتنتحل شخصية اهل الفكر ياالجسم النحيل=نعرف كلام الزور لاجابه لسان مزوّرا

مروض القاف

12-11-2006, 11:36 AM

.

الله الله الله

ابداع وحسافة ماجيت من اول الطاروق

لكن مافاتني شيء

تحياتي

{بعيدالنظر}

12-11-2006, 02:17 PM

اللي وصلك يسد وإحسب للنزول وللرحيل=أنا ملبّسها بضافي ماشكت لك من عرا
اهل الفكرحنا وحنا اللي قبلنا بك دخيل=تبغى التطوّر مير عيا الفكر لايتطوّرا

{بعيدالنظر}

12-11-2006, 02:19 PM

الغالي : حسن عابد
وعليك من الله كما قلت وزياده
أهلا بحضورك الجميل
لاهنت

{بعيدالنظر}

12-11-2006, 02:20 PM

الغالي : الشيهان
النجم هو آنت والدليل سطوع النور المتوهّج منك.
وتسعدنا متابعتك
دمت

{بعيدالنظر}

12-11-2006, 02:22 PM

الغالي الشاعر الكبير: مروّض القاف
سعيد بوجودك معنا .
ابد مافات شي ومرحبابك مرةً أخرى
تقديري لك

ابو عادل

12-11-2006, 04:19 PM

الإخوة:
حسن عابد
الشيهان
مروض القاف
مشكورين على المرور والمتابعة ويشرفني حضوركم.
عسانا مانعدمكم.

ابو عادل

12-11-2006, 04:22 PM

موجة محيط ولا تحمّلها مضيق الدردنيل=هاكيف لوهاج البحر عن حالته مايندرى
جرعة على جرعة وعيّت تشفي القلب العليل=باقي له شويّ ويموت وبعد موته يقبرا

{بعيدالنظر}

12-11-2006, 11:19 PM

جبت الذهب لي فيه أمل قرقع هلل جيب العميل=عينه بصيره في مسيره مير قلبه ما ابصرا
لو الزمن غشاش ماحاش الشجيع مية ذليل=النمر ماهو صيد ياعين الحصين الازهرا

ابو عادل

12-11-2006, 11:53 PM

ياشين حال اللي يشيّل فالنحاس الفين ميل=ليته بسط بسطة زباينها وفود ام القرى
اسمك براس المرسمة مكتوب ياعبدالجليل=ياهون مسح اسمك ورسمك ياطوير القبّرا

{بعيدالنظر}

12-12-2006, 01:11 AM

لاواحليل العاقر اللي مرها خمسين جيل=ويمرها خمسين واحد مالها فيهم طرا
حطتكم أم الشيله بليله على حبل الغسيل=ودك تفرنك يا مغبّر فوق قرنك غبرا

ابو عادل

12-12-2006, 02:06 PM

والا اليتيمة قدّ ماتقعد تميل وتستميل = ماحد معبّرها ولو تلبس لباس مخصّرا
عين الرضا خلّتك عن شوفة معايبها كليل = رشّت عليك القاز وانت تقول مسك وعنبرا

حسن عابد

12-12-2006, 04:48 PM

ياسلام عليكم قواكم الله جميل ما تكتبون وجميلة هذه الروح العالية

احترامات تشكرات

{بعيدالنظر}

12-12-2006, 09:04 PM

جمره وتمره يالثمالي حوّلت جوف الشليل=وآتعبت نفسك وآنت ماحصلت للعلم شوْرا
من يدك ثارت فيك وآعبرها بمكيالك وكيل=والقيض له ميعاد لو ماجاد بيض الحمّرا

{بعيدالنظر}

12-12-2006, 09:07 PM

الغالي : حسن عابد
الجميل هو حضورك الذي أنار المتصفح.
تقديري لك

ابو عادل

12-13-2006, 12:43 AM

ان كان جت للكيل ماغيرك يزوّع بالشكيل=يوم اقسموها ياالعرابي بين شيب وفطرا
مدري ولوكان الولد من بدّخلق الله وكيل = لكن رقد عنها وضواها مقطّعة العرى

المشتاق

12-13-2006, 01:29 AM

لا هنتوا

{بعيدالنظر}

12-13-2006, 01:44 AM

غير العُشَر وش فيك لو سيّلت ياوادي جليل=سبحان من يسقيك من ذيك المزون الزبرا
ياما سراب أتعبتني شارد لبارد ما طِفِيل=لايمكن أروى من سراب وما حصل رد البرى

{بعيدالنظر}

12-13-2006, 01:45 AM

المشتاق .
ولاتهون ولايهون من يتابعنا .
تقديري

ابو عادل

12-13-2006, 07:40 AM

أناادري انك جبت ميسورك ولابعده حصيل=ماعاد ينلام الغليم من بعد مايعصرا
يكفي عطيناك الثمن يغنيك واقنع ياالعميل=علم يضرّك لايسرّك وانت طماع اقشرا

{بعيدالنظر}

12-13-2006, 12:18 PM

إليا جنيت الحب راضي وآنت جمّاع القصيل=جيت بيديني خيزرانة لِين من كثر الطرا
اللي عطيتك صبح لاترجع تعيده وجه ليل=راع النخل لو مارجا عذق التمر ما وبرا

ابو عادل

12-13-2006, 02:39 PM

لوتحتمي بالخيزرانة كان جمّلت الزميل=ياالفارس اللي غصّ من فقد الحصان الاشقرا
هذي عليكم سابقة ماجالها قبلك مثيل=يشهد بها التاريخ ضدّك في كتاب مسطّرا

{بعيدالنظر}

12-13-2006, 03:20 PM

ماني بهادي قلب غادي بين ضلعان الهبيل=أنا غنيّ النفس خل النحس في يدين فقرا
إن كان رجعت للسوابق يدك في جمر المليل=يبي يجي ضدك على قدك ورود وصدرا

ابو عادل

12-13-2006, 03:48 PM

ان كان زوّدنا العيار تصيح واسمع لك عويل = وان كان خفضنا العيار تنطّ مثل الكنغرا
خذها نصيحة لاتشب النار في راس الفتيل = والاتروّح في اللظى فروج شبه محمّرا

{بعيدالنظر}

12-13-2006, 04:14 PM

السيف ابو حدين ياللي ماسمعنا لك صهيل=رحت وزمانك راح من تحت الخيول الضمرا
خل النصايح لين تلقى لك على دينك قبيل=لي صاحبٍ ناره رماده كيف جمره جمرا

ابو عادل

12-13-2006, 04:50 PM

شوتك شمس القيض فالصحرا على وقت المقيل = وانا ليامني نصحتك ياالجهول تكبّرا
ماكنت اظن الفارس المغوار بالحال الهزيل= الين شفته من على سرج الجواد تقنطرا

{بعيدالنظر}

12-13-2006, 09:36 PM

أحدٍ بناها يامشيلح وأحد يتفيلح يهيل=لأقبل بوجهه تحسب إنه في طريقه مدبرا
الفارس اللي تذكره محتاش من شكلك فصيل=واللي تقوله لو بغيت تقول كله مفترا

ابو عادل

12-13-2006, 11:14 PM

وش عاد عذرك بان قدرك وانت ترغي ياشعيل=الوسم طرقه في جنوبك لاتزيد تهدّرا
غترتك طاحت تحت رجلك وانت ترقب في سهيل=وانته يبالك فحص لين تبان تحت المجهرا

{بعيدالنظر}

12-14-2006, 01:49 AM

غلّك دخلّك والمقمّع ماتبي تبرد غليل=يقطع غصون الشجره اللي مابها عود أثمرا
ماودنا تضحك عليك اللي تنثّر فى الجديل=ثوّرتها مثل الدريك وقلت شيّ مقدرا

ابو عادل

12-14-2006, 08:13 AM

الختام

ياحاشدي يامعتدي ماجبت زايد عن بكيل=وش جبت بعد تعبت لكن لاتزيد تهوّرا
إرقى سنود ولاتعود وعفّ عن قال(ن) وقيل=الدرب عسروصعب والمهبول دمّه يهدرا

أشكر الأخ الشاعر الكبير/عبيدالله العرابي على ماجاد به خلال هذا اللقاء وهو بحق
محل تقديري وإعجابي وأتمنى أن يتسع صدره لإخوته بالمنتدى جميعا
وله مني وافر السلام والإحترام
<سبحانك اللهم وبحمدك أشهد أن لاإله إلاّأنت . أستغفرك وأتوب إليك>

{بعيدالنظر}

12-14-2006, 01:32 PM

قلت وأجدت وكنت نداً لايستهان به
وكان ختامك مسك الختام
أشكرك من القلب أستاذي المبدع والنجم المتوهج في هذا اللقاء والذي أسعدني وآستفدت منه الكثير وسلم فكرك يا أبا عادل . دمت في خير وإلى أن نلتقي أستودعك الله
والشكر موصول للجميع لكل من تابعنا وكان الداعم الحقيقي ومشعل هذا اللقاء وخير مانقول .
< سبحانك اللهم وبحمدك أشهد أن لاإله إلاّأنت . أستغفرك وأتوب إليك >

مشعل الثمالي

12-21-2006, 03:42 PM

شكر( خاص )لبو عادل وبعيد النضر
الليل يابو عادل الحي .

@ بن سلمان @

12-21-2006, 03:50 PM

بعيد النظر
ابا عادل
الشكر منا لكما
حقيقة امتعتما وكان حضورنا حق لكما
كل عام وانتما بخير

ابو عادل

12-24-2006, 11:10 PM

مشعل الثمالي
عساك تسلم
والشكرلك على تواجدك.

ابو عادل

12-24-2006, 11:12 PM

بن سلمان
أشكركم جميعا على المتابعة والتعليقات الجميلة والحضور المتميز.
وكما تعلمون أن المحاورة بلا حضور ككرة القدم بلاجمهور
فأنتم من يضفي عليها طابع الحماس بارك الله فيكم.
ولاعدمناكم.

admin

12-25-2006, 11:56 AM

وتابعونا على صفحة المحاورات ( لم تكتمل بعد)
http://www.thomala.com/1_14.htm

ريمان

12-26-2006, 01:29 AM

الله لايحرمنا من عطاءات هالاثنين ابو عادل وبعيد النظر 0000هؤلاء هم الشعار والا بلاش00تعبنا من التجميع الماليزي مانبي الا ياباني