منقاش
12-12-2006, 11:45 PM
ما هي ألا سلامتكم , منقاش كل ما أنتهى زاده ركب زاملته (الحمار) وهبط للطايف وتزود ثم عود مصدر للديره ,,, الجماله ما أحب أخاويهم لا في المهباط ولا المصدار ولا حتى أعارضهم في الدروب , جمالهم بطيه ونحنا أهل الزمل (الحمير) نمشي لحالنا ولا تسمع منا طول الدرب ألا قيفان وزهم وحدايا وطرب حتى ودك أن الدرب يطول ولا ينتهي وما يقطعها في بعض الأحايين ألا نهيق الحمارين يعني مثل العزف على المزيكه عندكم اليوم ,, المهم ما هذا علمي اللي أبشكيه عليكم , علمي علم ثاني ؟.
رفيقكم منقاش وصل السوق في مهباطه وربطت حماري في طرف دكان الحنبصاني جنب أبن عباس اللي في راسه حديده ورحت لمطعم عالي قدام قهوة العبد .
دخلت المطعم وسعلت المباشر : ياولد يا مباشر وش عندكم من عيشه تدسم الشارب وتسلي الخاطر؟؟ وويش أسعاركم ؟ رد عليه : النفر الرز بريال والأدام بريال .. سعلته مره ثانيه: طيب العيش والزلطه بكم؟ قال : بلاش .. قلت أعطيني خمسه عيش وخمسه زلطه , راح وجابها الخبل يحسب أني أبطلب معها غيرها أدام والا رز على عددها ,,,,, وهي ما غيرها ولا بعدها ألا خرجت شبعان وحبطان ومسكني المحاسب يبغيني أدفع ورديت عليه : جنب عن دربي , ما لكم عند منقاش لا قليل ولا كثير اللي ما طلب ألا زلطه وعيش من ألعيشه اللي بلاش ,, لو فيكم شيمه كان ضيفتوني وكرمتم سبالي لكن الشرهه على من يعتب عليكم يا بخله يا بياعة غداهم .. ثم خصرتهم وقفيت واسمعهم يسبون في مقفايه يقولون: روح يا بدوي يا منتف يا حرامي يااااااا ..
عاد شرهتكم على أللي ألتفت والا يبي يلتفت عليهم….
خطوتين مشيتها ويوم أقبلت على دكان الحنبصاني وحماري ما هو في مكانه , واحط يدي على راسي واصيح باعلا صوتي على راعي الدكان ,,وااا مصيبتك ياااامنقاش , مالك يا بعيد وين راح حماري؟؟ رد عليه وقال : هم ما جوك بحمارك ؟؟ رديت من هم ؟؟ قال : ابن ... وابن ... , ( يقصد أثنين من المنتدى تبتدي أساميهم بأبن وتنتهي قبل الحرف ألأخير بألف) افتكوا الحمار من مربطه وقالوا : الحمار يبغيه راعيه منقاش ثم اخذوه بخطامه وولوا منقلعين..
كنت أنصفق في قفايه وانصى كركون الحكومه واقدم عندهم بلاغ برقم لوحات الحمار والشاصيه مع كامل اوصاف كامل الاوصاف حماري وأوصاف دنيين الاوصاف الحراميه..
لبس العسكر البرنيطات واخذوا بواكيرهم في أيديهم والشر يتطاير من عيونهم وركبوا حميرهم واسمع الشيخ حقهم يقول لهم: من هو الحمار اللي أمه ما جابته ويسرق حمار هذا الاجودي ؟,, اليوم سرقوا حمار البدوي منقاش وبكره يسرقون حمير الحكومه.
جلست أهوجس وافكر, ويش أدعي واقول أنه كان على الحمار فبل ينسرق؟؟ ذهب ؟؟ كبيره ولا يصدقها أحد ,, فضه ؟؟ بنت عم الذهب ولا تنبلع .. وحد ما أنا أقلب في ألافكار الا والزابط ريس الكركون خارج كنت أعترضه وأوقفه وانخاه أحسب عنده نخوه ,, قلت له: يا وجه الخير أنت من أي ألقبايل؟ . قال أنا ولد العمده من حارة أسفل يخو بدوه ,, قلت : تراني الليله ضيفك وناصيك وابغي أبث علومي لك من على فراشك عن الحراميه الثملان كلهم واكبرهم الطراثيث الهنثويل اللي سرقوا حماري ..
كان يلتفت على العسكر عند باب الكركون واسمعه يقول لهم : يا واد يا عسكري يا عيال ال..... خذوا الواد منقاش وكرموه ومشوا حاله ,, قلت : بيض الله وجهك يالزابط ياللحيه الغانمه .. ويقترب مني أثنين من العسكر وياخذوني كل واحد بيد..
أرد : فكوني يا حكومه .. قالوا لا تخاف أنت في ضيافة الحكومه ونبي نكرمك ونطيب خاطرك .. كانوا يسدحوني على ظهري ويرفعون رجيلاتي في الفلكه ويكسرون على أقدامي عشرين باكور وبعدها يلطشون مداسي ويشتالوني ويرموني بحالة القشر في هاك الغرفه اللي ما فيها طيق , وهذي بسيطه لكن الطامه أني لقيت قبلي فيها سته وحوش ملتعنيين عيونهم مثل الجمر وظاهره من روسهم أثرهم حشاشين وزكرت وقتالة قتلا لا بلاكم الله.
رديت عليهم : سلام يا خويا الرحمن ,, هو رديت السلام ما كني ألا سبيتهم والا مديت يدي عليهم.
هذا أول السالفه وتاليها أكمله لكم بعد أيام بس حاولوا تعرفون من هم الهنثويل اللي سرقوا الحمار؟؟؟
رفيقكم منقاش وصل السوق في مهباطه وربطت حماري في طرف دكان الحنبصاني جنب أبن عباس اللي في راسه حديده ورحت لمطعم عالي قدام قهوة العبد .
دخلت المطعم وسعلت المباشر : ياولد يا مباشر وش عندكم من عيشه تدسم الشارب وتسلي الخاطر؟؟ وويش أسعاركم ؟ رد عليه : النفر الرز بريال والأدام بريال .. سعلته مره ثانيه: طيب العيش والزلطه بكم؟ قال : بلاش .. قلت أعطيني خمسه عيش وخمسه زلطه , راح وجابها الخبل يحسب أني أبطلب معها غيرها أدام والا رز على عددها ,,,,, وهي ما غيرها ولا بعدها ألا خرجت شبعان وحبطان ومسكني المحاسب يبغيني أدفع ورديت عليه : جنب عن دربي , ما لكم عند منقاش لا قليل ولا كثير اللي ما طلب ألا زلطه وعيش من ألعيشه اللي بلاش ,, لو فيكم شيمه كان ضيفتوني وكرمتم سبالي لكن الشرهه على من يعتب عليكم يا بخله يا بياعة غداهم .. ثم خصرتهم وقفيت واسمعهم يسبون في مقفايه يقولون: روح يا بدوي يا منتف يا حرامي يااااااا ..
عاد شرهتكم على أللي ألتفت والا يبي يلتفت عليهم….
خطوتين مشيتها ويوم أقبلت على دكان الحنبصاني وحماري ما هو في مكانه , واحط يدي على راسي واصيح باعلا صوتي على راعي الدكان ,,وااا مصيبتك ياااامنقاش , مالك يا بعيد وين راح حماري؟؟ رد عليه وقال : هم ما جوك بحمارك ؟؟ رديت من هم ؟؟ قال : ابن ... وابن ... , ( يقصد أثنين من المنتدى تبتدي أساميهم بأبن وتنتهي قبل الحرف ألأخير بألف) افتكوا الحمار من مربطه وقالوا : الحمار يبغيه راعيه منقاش ثم اخذوه بخطامه وولوا منقلعين..
كنت أنصفق في قفايه وانصى كركون الحكومه واقدم عندهم بلاغ برقم لوحات الحمار والشاصيه مع كامل اوصاف كامل الاوصاف حماري وأوصاف دنيين الاوصاف الحراميه..
لبس العسكر البرنيطات واخذوا بواكيرهم في أيديهم والشر يتطاير من عيونهم وركبوا حميرهم واسمع الشيخ حقهم يقول لهم: من هو الحمار اللي أمه ما جابته ويسرق حمار هذا الاجودي ؟,, اليوم سرقوا حمار البدوي منقاش وبكره يسرقون حمير الحكومه.
جلست أهوجس وافكر, ويش أدعي واقول أنه كان على الحمار فبل ينسرق؟؟ ذهب ؟؟ كبيره ولا يصدقها أحد ,, فضه ؟؟ بنت عم الذهب ولا تنبلع .. وحد ما أنا أقلب في ألافكار الا والزابط ريس الكركون خارج كنت أعترضه وأوقفه وانخاه أحسب عنده نخوه ,, قلت له: يا وجه الخير أنت من أي ألقبايل؟ . قال أنا ولد العمده من حارة أسفل يخو بدوه ,, قلت : تراني الليله ضيفك وناصيك وابغي أبث علومي لك من على فراشك عن الحراميه الثملان كلهم واكبرهم الطراثيث الهنثويل اللي سرقوا حماري ..
كان يلتفت على العسكر عند باب الكركون واسمعه يقول لهم : يا واد يا عسكري يا عيال ال..... خذوا الواد منقاش وكرموه ومشوا حاله ,, قلت : بيض الله وجهك يالزابط ياللحيه الغانمه .. ويقترب مني أثنين من العسكر وياخذوني كل واحد بيد..
أرد : فكوني يا حكومه .. قالوا لا تخاف أنت في ضيافة الحكومه ونبي نكرمك ونطيب خاطرك .. كانوا يسدحوني على ظهري ويرفعون رجيلاتي في الفلكه ويكسرون على أقدامي عشرين باكور وبعدها يلطشون مداسي ويشتالوني ويرموني بحالة القشر في هاك الغرفه اللي ما فيها طيق , وهذي بسيطه لكن الطامه أني لقيت قبلي فيها سته وحوش ملتعنيين عيونهم مثل الجمر وظاهره من روسهم أثرهم حشاشين وزكرت وقتالة قتلا لا بلاكم الله.
رديت عليهم : سلام يا خويا الرحمن ,, هو رديت السلام ما كني ألا سبيتهم والا مديت يدي عليهم.
هذا أول السالفه وتاليها أكمله لكم بعد أيام بس حاولوا تعرفون من هم الهنثويل اللي سرقوا الحمار؟؟؟