بشرى بأعتزال أبن عزاب وابو هاشم

[رويعي الغنم]

salam:
الحمد لله أخيرا تمكن رويعي الغنم من تطفيش هذين العضوين بحرب نفسيه ساهم فيها معي قرتا عيني منقاش وراعي السواني وكان من نتيجتها أرغامهما على ترك المنتدى والبحث عن ملاذ آمن .
وأنني أذ أزف لكم هذه البشرى لأحذر كل من حذا حذوهما وتمعك أو تمحرش بي بلقاء نفس المصير وقد أعذر من أنذر وأعتبروا يا أولي ألألباب ...

[أبو عبدالرحمن]

يهديك ربي يا رويعي الغنم

بن عزاب وأبو هاشم!!! لا لا لا
لن نسمح لك بأن تستمر في تطفيش أعمدة وركائز المنتدى...

ونطالبك بأن تكف يدك ولسانك وغنمك عن التعرض لأي عضو من أعضاء المنتدى

[@ بن سلمان @]

لا تبشرت بشر يا رويعي النعاج
انا ما دريت انك مكلف نفسك فوق طاقتها , ذكرتني ادارة النصر اللي عماها الهلال وادارته , تمسي وتصبح وما عينك الا وش كتب بن عزاب وش قرا ووين راح ومن وين جا ولا تقول الا انك تسأل عن كونداليزا رايس .
قام حظك يا بن عزاب وهو اللي دايم طايح بس تستاهل

[الهـامـــور]

الله لايسلطك عليّه

[المشتاق]

ما بشرت بخير لا كثر الله من مثلك يالفتني
بليسك اكبر منك ويا حبك لشقر العصا انت ولحمتك اللي معك
ما لقيت الا بن عزاب وابو هاشم اللي ما جانا منهم الا كل خير , وين مراجلك عن بن داخل والا ابو عادل اللي مسوين انفسهم شعار وزاد الطين بله ابو عبدالرحمن اللي حاط قد اسم كل واحد منهم شاعر وبكرة تشوفهم عند القصير ببشوتهم وجموسهم الملكية من كثرة قروشهم
ارجع عن غيك والا والله لحذف الغترة ورى الطاقيه على بن سلمان واخليه يحذفك برى المنتدى

[منقاش]

يا رفيقي يا رويعي : وش رايك نبقيهم ولا نبقيهم يعني نخليهم ولا نخليهم , مره يكتبون ومره نمنعهم حتى نطبخهم على نار هاديه الله يهديهم . سياسة أستيعاب ..
يعني نوسط والواسطه ما يمشي ولا شي الا بها , بس ودك نحط معهم بن سلمان حتى يكمل الطقم , وتطلع الطبخه مشكله...

[الحجاج بن يوسف الثقفي]

صدقت يامنقاش ترى نفسي مليانه على بن سلمان
ودي واحد قوي زيك يشخمط في وجهه
بقلم سبوره واذا تطاوعني تحط المشاق معهم وتسوي منهم مقلوبه

[المبرِّد]

اللهم حوالينا ولا علينا

[ابن ابي محمد]

فعلا حوالينا ولا علينا
ابن عزاب وابن سلمان يستاهلون أكثر من كذه , لكن أبو هاشم رجل محايد ما أعرف ليش استهدافه؟ ليتك تعلمنا بذنبه يا رويعي حتى ناخذ الحذر ونحتاط ....

[@ بن سلمان @]

وش فيه متجمعين عندكم :mad:
كل واحد يروح لعياله
الليله سبت يالله قوموا:mad:

[أبو علي]

مدري وش اللي يهمك في هذي الاشاعات (يا رويعي الغنم ) وش اللي بعود لك من مصلحه يوم انك تشيع عليه ، والله ثم والله لنمسكتك لاخليك ترعى مع غنمك وما تنطح ولا ترفس ، شوف شكلك هذا اللي رايح منتف تقول جي من مجاعة افريقيا ما بقي الا تخرجنا بكيفك والا بكيف عيونك هي اللي طالعه زي البرجونه ،اقلع هناك يا متخلف ما فالح الا ترعى بهايم انت والخبل الثاني ابو حمار .
وانت يا بن سلمان ترى علومك عندي واللي تخطط له انا كاشفه والشعار تراهم علموني بكل شي .
اشكر من وقف معنا وساند برايه وكلمته .

[منقاش]

ترون هذا اللي يكتب باسم ابن عزاب هو ابن سلمان , تعرفون مشرف وقليل ضمير ويدخل ويكتب باسم سويد الوجه الثاني .
وبعدين ترونا قررنا نتركهم يكتبون أحيان ونطردهم أحيان ثانيه....
عشت يا رويعي الغنم مرفوع الراس وخسي أعداك وكل من جفاك ....

[admin]

هدووووووووووووووووووء

الصلح خير

نريد أن نصلح بينكم

[الشيهان]

يارويعي الغنم

الله يهديك لغنمك

ترى بن سلمان رجال راعي وزعه مع العرب وعينه المدير العام مراقب عليك وانت دايم تهذري عليه وهو غاض الطرف عنك رحمة منه بغنمك

ترى العرب بيربطونك بحق لسلمان مقابل بقائك في المنتدى وانا خايف عليك من سلمان ما يتنازل عن حقه وتتورط

[@ بن سلمان @]

ايه علموا الغشيم اللي متوطي الهشيم
من تيه تلقفا تاه ان حلمي متعدي حده
اقهروه عني لا قسم بالله لاشمت بن عزاب فيه