يابن داخل تلحف بالعبات

[رعبوب]

اشكر جميع الاخوة الذين رحبوا بي من قبل
كما اقدم الشكر الجزيل لكل من شاركنا في الموضوع السابق
وخاصة الاخ نسيم الليل
والاخ ابو ملاك
والجميع بلا اسثناء
في هذا المقام اود مشارك الشاعر الكبير بن داخل ولا يهونون البقية والله قدرهم كبير لكن احببت ان استفيد من بعض الشي وا اشاركه بعض الابيات
وعساكم تسلمون


ياسلامي سلام(ن) للثقات ** والعلوم الثمينة ندلها
يابن داخل تلحف بالعبـات ** الدروب الطويله خلها

[بن داخل]

مرحبا في مواقيف الثبات = من هجوس يظلك ظلها
كان ودك بها سكر نبات = ناد وقت الصلاه وصلها

[رعبوب]

انته ادرابها لن كان جات ** لكن احفرلها وادفنلها
العرب كلها راحت شتـات ** والسبب(هي)ربنا يعلها

[نسيم الليل]

تسلم اخوي رعبوب
واشكرك على الاطراء السابق
وعساك تتونس مع بن داخل

[بن داخل]

بعض الاجود حي وشي مات = والعرب ما تضيع دلها
قبل تسرح تريح بالمبات = واقهر الزمل قبل تزلها

[@ بن سلمان @]

رعبوب
بن داخل
صح تواجدكما
ويا هلا والله

[رعبوب]

صاحبك جاب علـم وبينـات ** يا محمد وكاد انك بتفطنلهـا
مير علمنا سر ذيك الفتات ** كيف يسمح لها ابوها وامها

[بن داخل]

والله انك من اول لك صفات = تطحن الخردله وتبَّلها
والعشيه تدور للشمات = كم كبود تشيل فغلها

[رعبوب]

يابن داخل ترانا ماندور للفتات ** بس المصيبة جت على حلها
كانك تهددني تلزم طوق النجات ** وزهرة الدار تمتع في شمها

[الشيهان]

بن داخل صح لسانك امتعتنا برصانت ابياتك وقوة مبناها ومعناها

رعبوب احسنت وصح لسانك

[بن داخل]

خل عينك على نهر الفرات = البحور الغزيرة خلها
مانت لاقي ولا حتى حتات = بعدها لاتزيد تعلها

[@ بن سلمان @]

واصلو يعطيكم العافية
اوح يالبرد

[حسن عابد]

يابن داخل ترانا ماندور للفتات ** بس المصيبة جت على حلها
كانك تهددني تلزم طوق النجات ** وزهرة الدار تمتع في شمها

اسمح لي اخي رعبوب


ما ندور ترانا للفتات=والمصيبة تجي في حلها
لا تهدد وما حولك نجاة=زهرة الدار انا ما شمها

[حسن عابد]

بن داخل
مشكور لك مشاركة الجميع
رعبوب شد حيلك ولكل مجتهد نصيب

[رعبوب]

حنـا تــرانــا نرقـى العاليات ** والبحور الغزيرة منت واصلها
كان رايك من راي الخوات ** حط بضاعتك بالزمبيل وشلـها

[رعبوب]

احسنت بن سلمان
مير دور لك منقل ودفابه
والله يهون عليكم

[رعبوب]

اشكرك بن عابد
انا ما طلبت بن داخل الا مشان استفيد منه
وتحياتي

[بن داخل]

دوم فصل الشتا فصل البيات= وانته تقول انا بفلها
وش تبي فالقصور الراسيات= هرجتي ليه ماتفطن لها

[رعبوب]

خذها نصيحة مابها مجاملات ** يامحمد وخر مالك ومالها
هاذي تصلح دعاية بالقنــوات ** فاصله للبرامج كلــــــــــها

[بن داخل]

الموازين جتني فاضيات = وين وديت ذيكي كلها
وش بقي في يديك من الميات = بعد ماعيشتك فذلها

[رعبوب]

عفوا الموضوع لم ينزل على الوجه المطلوب

[رعبوب]

وش المشكلة يا اخوان

[رعبوب]

الموازين منا يامحمد وافيات ** ريالنا بالريال ونزيد هلها
مير دور للسمان الطيـــــبات ** والهزيلة لا تقرب حلـــــها

[نسيم الليل]

يعطيكم العافية رعبوب
بن داخل
الجو بالرد لكن دفينا معاكم

[بن داخل]

ما تمل العيون ام النهات = لين دمع النهات يملها
ابن سلمان جاب الوافيات = وانت راعي المعرفة هلها

[بن داخل]

ختم يارعبوب وسلم بنانك

[رعبوب]

تسـلــم يــاراعـــي الطيــبــات ** والعلوم الغانمة كلها
ميرلاتغرك العيون الناعسات ** ثم تجرك في ذلــــــها

[رعبوب]

اشكرك اخي بن داخل
واشكر الاخ بن سلمان مع ان البرد ذبحه بس عسانا دفيناه
وتسلمون