مبروك الترقيه

[المنديالي]

جلست اقلب وارد على موضوع الثرمده الا والله الالقاب الي كانت تحت المشرفين بعضها تغير وسار هناك مسمى جديد ياولد لايكون عيونك تشقلبت ولا ماتعرف تقرا قلت اتأكد رحت انخبس وادور ورى المشرفين والقالي ثلاثه اسامي تم تغيرها من مشرف الى ( مراقب ) ياولد ماهو معقوله واحد زيي اصبح صديق المشرفين والحكومه في المنتدى مايدري عن الموضوع ولا ينزل مباركه لهم مايسير فقلت اسبق قبل غيرك لاحد يسبقك ويحاول انه يتلصق لهم ماهي زينه في حقك لكن انا تروني منزلها بس لاني صديقهم ما اقصد حاجه ثانيه ولا لي نوايا زي غيري ابد لاتسيؤون فهمي هاه ترو قلت لكم بعدين ياليت تغيرون لونهم عشان نقدر نميزهم عن بقية المشرفين ونكيل لهم المديح اكثر من غيرهم واقل من اللي اعلى منهم .
طبعا وزي ماتعرفون لازم نكتب الاسامي بالترتيب ووعشان لانزعلهم علينا قلت ياولد اكتبهم بترتيب اعمارهم فجلست افكر قلت تدري واحد رجال توه متزوج قبل سنتين وما عنده الا ولد مدري اذا عنده غيره بس اضنه اصغرهم الثاني متزوج منذو مبطي وعنده كوم لحم في البيت يعني اكبر من الي قبله ورطنا مع الثالث ياولد الرجال علومه علوم رجال خبرو الدنيا وعرفو زينها من شينها وهذي ماتجي الا مع مرور السنين يمكن مو كبير مره لكن ماهو اصغر من الاثنين الثانين فتوكلت على الله ورتبت الاسماء كذه يمكن اني جبت العلم .

سنا الهجره
ابو تركي
ابو خالد


اقلهم مبروك لكم زيادة مسؤولياتكم وترونا نعرف انها تعب وارهاق وتجيكم من وراها علوم ويعتب عليكم كثير لكن مقابل هذا ترونا وراكم نساندكم وبهذا يزيد احترامنا وتقديرنا لامثالكم فما تتحملونه عنا وماتتحملونه منا ماهو بسيط لكن الله يعينكم وسعو صدوركم علينا ترونا عيال عمكم وفينا الصغير الي يحتاج توجيه وفينا الكبير الي بدت اخلاقه تضيق من الدنيا ومشاغلها فكونو لنا اخوان وابناء وحكومه اذا شفتم العلوم تحتاج الحزم

كثرت عليكم الهروج لكن من محبه لكم واتمنى لكم التوفيق

[ابومهنـــــد]

مبروووووووووك

وعقبال رقيب1
قصدي مراقب1
:laugh:

الرجل المناسب بالمكان المناسب:thumbs_up:

[مجنونها]

سنا الهجره
ابو تركي
ابو خالد






دام للمنتديات عطاءك
قسم بالله إنك بطران في ترتيبك
مبارك لهم

[صقر قريش]

( أعانكم الله وسدد خطاكم )

[رفيق دربه]

:rose:ألف ألف الف مبــــــــــــــروووك:rose:
وكما قيل الرجل المناسب في المكااان المناسب،،،
والله يقويكم جميعــــــــــــآ
يعطيك ألف عافية يالمنديالي

[أستــــــــــاذه ملاك]

مبـــروكـ للشخصيــــات البارزة
سنا الهجرة
أبو تركي
أبو خــالد
يستاهلوا كل خيـــر


ولو أني أحبذ أن يكون لهمـ لون خاص للتمييز عن البقية
ودمتمـ بود ..

[أبو عبدالرحمن]

الله يبارك فيك أيها المنديالي

والإخوة المراقبين يستاهلون كل خير..ونسأل الله تعالى أن تكون هذه المهام لهم وللمنتدى قدوم خير وتطور..

والجميع فيهم الخير والبركة..

لكن بترتيبك ..سيزعل مني أبو تركي!!!

كنت أظن أنه هو الصغير! طلع أبو خالد هو الأصغر!

[الشرمااااااااني]

الف الف الف مبروك

[عاشق الذكريات]

والله انا جديد ولا دري عن العلم
لكن نبارك لهم ويا المباريكن ,, خلنا نزيد من اسهمنا عندهم ..... هع

الف مبروووووووووووووك لهم جميعاً

[ABO TURKI]

الله يوفقك يالمنديالي وحقيقة أحرجنا أبو عبدالرحمن بهذه الترقية التي نتمنى من الله أن نكون نستحقها وأن يعيننا عليها وأن نكون عونا له ولجميع المشرفين على ما فيه رفعة وترقية منتدانا للأفضل
كل الشكر لمن مر من هنا

أخي المنديالي تراك كبرتني وانا أصغرهم ابو خالد اكبر مني بحوالي 15 سنة تقريبا <<شايب
انا باقي كتكوت ما وصلت العشرين

[أبوخالد]

الله يبارك فيكم جميع
ياهلا والله يالمنديالي مشكور على هالشعور والتهنئه الرائعه

[H Y T H A M]

ماشاء الله

مبروك المناصب الجديده

الله يكون بعونكم على ما أؤكل إليكم

[المنديالي]

[/CENTER]


دام للمنتديات عطاءك
قسم بالله إنك بطران في ترتيبك
مبارك لهم


يعني اقدر اقو ل هدف
وجودك مواضيعي اي كانت يدخل السور لنفسي

الله يبارك فيك أيها المنديالي

والإخوة المراقبين يستاهلون كل خير..ونسأل الله تعالى أن تكون هذه المهام لهم وللمنتدى قدوم خير وتطور..

والجميع فيهم الخير والبركة..

لكن بترتيبك ..سيزعل مني أبو تركي!!!

كنت أظن أنه هو الصغير! طلع أبو خالد هو الأصغر!

ابو عبدالرحمن انت لاتحرشبي تراني ماغير محاوله مدري عاد صابت ولا خابت
وبعدين ماتشوف اللون الازرق عليهم مو كويس كان اللون الاصفر مناسب بقوه:wink:

الله يوفقك يالمنديالي وحقيقة أحرجنا أبو عبدالرحمن بهذه الترقية التي نتمنى من الله أن نكون نستحقها وأن يعيننا عليها وأن نكون عونا له ولجميع المشرفين على ما فيه رفعة وترقية منتدانا للأفضل
كل الشكر لمن مر من هنا

أخي المنديالي تراك كبرتني وانا أصغرهم ابو خالد اكبر مني بحوالي 15 سنة تقريبا <<شايب
انا باقي كتكوت ما وصلت العشرين


كتكوت مين ياعم
الا الضاهر انك اكبر من الي شفته وقلتلنا عنه هناك :laugh:

الله يبارك فيكم جميع
ياهلا والله يالمنديالي مشكور على هالشعور والتهنئه الرائعه

ابو خالد يامرحبا يامرحبا

وينك عسى المانع خير
ابو تركي يقول كتكوت بالله وش رايك
...........
مبارك لكل المترقين ولو اني ماشوف كبيرهم والي ردو بعد ماننساهم ولا تنسون اني صديقكم كلاتكم بدون تفصيل ولا حتى جاهز:tongue:

[أبوخالد]

على فكره ترى ابوتركي اكبر مني بـ8سنوات وابوعبدالله بـ22سنه
يعني مضبوط كلامك
هع هع

[المنديالي]

اها

يعني عمرك 30
وابو تركي 38
وابو عبدالله سنتين ويقاعدونه

[النجم الساهر]

كلهم فيهم البركة

الله يبارك باعمارهم ويعطيهم الصحة

وقفتهم مشرفة وليس لهم منازع

[>>>>المشيلحي<<<<]

الف الف الف مبروك يستاهلون