أكبر كيف يجرحن العيون .. كلمات/ الأمير .. خالد الفيصل

[بَنتْ الأصَآيلْ]

الله أكبر كيف يجرحن العيون
كيف ما يبرى صويب العين أبد

أحسب أن الرمش لاسلهم حنون
أثر رمش العين ما ياوي لأحد

يوم روح لي نظر عينه بهون
فز له قلبي وصفق وأرتعد

لفني مثل السحايب والمزون
في عيوني برق وبقلبي رعد

نقض جروحي وجدد بي طعون
قلت يكفي قالت عيونه بعد

وانعطف ذاك الشعر فوق المتون
وانثنى عوده وقفى وابتعد

أشغلتني نظرة العين الفتون
حيرتني بالتوعد والوعد

هي تمون العين ولا ماتمون
لا خذت قلبي وقفت ياسعد

[وآثقة الخطى]

رووووعه هالقصيده من عــضووه أروووع ..

صـح لسانك أمـيرنا .. وسِلم رأسك بنت الأصــايل

شكـراَ لكـ

[ثماليه والعز ليه]

كـلمـآت جدآ رآئعـه
يعطيك العـآفيه