((يا أجمل إحساس))

[{بعيدالنظر}]

يا اجمل إحساس لوم الناس وش يعني=لاصـرت لاتكتـب أحزانـي ولاتقـرا
إن جيـت أزورك تقابلنـي تودعنـي=وإن جيت أوادعك قلت جروحنا خضرا
بين إنتظـارٍ قطعتـه ليـن ضيّعنـي=وحبال وصلك وغبات الهـوى الكبـرا
أغيب وأشتاق وآخـر ليـل يجمعنـي=على مواويلـك ألقـى للغـلا مسـرا
أهد الأحلام في ساعـة لقـى وأبنـي=قصـرٍ تخيلـت فيـه أشوقنـا عـذرا
صـدك وذكـراك تنقذنـي وتغرقنـي=وأنا إبتسامات وقتـي كلهـا صفـرا
كم سقت أمانيـك ياغيـثٍ تواعدنـي=يمسي خيالي خضار وواقعي صحـرا
ياأجمل إحساس قول أسمعك وإسمعني=يمكن معـك نتفـق وجروحنـا تبـرا
أما إنـي أقنعـك ولاّ قـول وإقنعنـي=لو قالوا القلب سوق البيـع والمشـرا
إلا أن ودك بعـد صـدك تفارقـنـي؟=غدرى لياليك مثـل أفعالعهـا غـدرا
لاصرت تامر وأطيعك كيـف تمنعنـي=علمتني لو عصيتك ماكسبـت أجـرا
يا أجمل إحساس كل اللوم وش يعنـي=مادمـت لاتكتـب أحزانـي ولا تقـرا

[العائد]

إما اني اقنعك ولا قوم واقنعني ====== لا قالوا القلب سوق البيع والمشرى

يا سلام عليك يا بعيد النظر
قصيدة جميلة من شاعر مقتدر
صح لسانك

[@ بن سلمان @]

أغيب وأشتاق وآخر ليـل يجمعنـي =على مواويلـك ألقـى للغـلا مسـرا
بعيد النظر
ظننت بأن قلبي قد شاب حتى قرأت هذه

[المشتاق]

بعيد النظر
اجمل احساس مال انته

[ابو عادل]

ماشاء الله عليك
جمعت بين النقيضين في تصوير بديع
صح لسانك وعسانا مانعدمك.

[أبو عبدالرحمن]

صح لسانك أخي ـ بعيد النظر ـ

لا عدمناك ... ولاعدمنا قصائدك الرائعة

[{بعيدالنظر}]

الغالي : العائد
أشكرك على هذه الثقه وهذه المشاعر الجميله
دمت لي ودام حضورك المورق

[حسن عابد]

رائع ما تغنى به لسانك حفظك الله وصانك

[{بعيدالنظر}]

الغالي : بن سلمان
هكذا آنت تختصر في كلمه مايقال في صفحات
لله در حضوركـ الفكر

[ريمان]

حق لك انت تمتلك هذا النك الذي يلائمك فعلا 0000فانت بعيد النظر بحق من خلا هذا الحضور الجميل في هذه الرائعة الفريده000000000هنيئا للمنتدى حضورك

[عثمان الثمالي]

صح لسانك

الله يعطيك العافية