ابومفكات مجددا ,,,,,,,,,

[ابومفكات]

سلام من راسي وراسي في المواقف مايبور
واللي معه عمله تزور لايبيع ويشتري
ادور الدر الثمين اللي من اعماق البحور
اللي يجملني مع العالم ويشرح خاطري

[حسن حامد]

يامرحبا جاتك ومعها صوت بارودٍ يثور***فالمنتدى اللي بالرجال ومعرفتهم ينطري
كنت احسب إن المايله جات وعشمها فالظهور***آلين قالولي معه علمٍ تصبر واحتري

[سنا الهجرة]

أبو مفكات / حسن حامد
صحت ألسنتكم على هذا الطاروق الحلوووووو

[عطر السحاب]

يعطيك العافية 2 ...

[ابومفكات]

دام البقا بك ياحسن والقلب يغشاه السرور
واهل القصيم موردين التمر واحلاه السري
العلم لاهل العلم والوسواس باقفاص الصدور
مانالها عنتر ولد شداد بعد البحتري

[ابومفكات]

سنا الهجره اشكرك على المتابعة والمحاوره في اولها

[ابومفكات]

ياحسن خلك قريب الليل رااااح

[حسن حامد]

مسيتم بالخير

[حسن حامد]

ماسرك الليله سوى شيٍ على جمرٍ يفور ***مير العطل منك ولا شفناك الى مزدري
قدمك بحر به قاع غاوي وانت من حوله تدور *** يابو مفكات الرجال النايفه ماتفتري

[ابومفكات]

حسن ولد حامد بدا يلعب وينبش في القبور
زرعت فيه الطيب مير الطيب عيا يثمري
يابلشة العقال في الخبلان والميسور سور
العين تسهر والضمير الحي من ذنبه بري

[حسن حامد]

ماكنت عاقل يوم انا بين الفطاحل فالقصور *** ماخذ الدنيا خبيط وعلو صوتٍ منبري
احلها واملها مابين صدري والشعور *** ياصاحبي دامي مشيت انصحك تاخذها جري

[ابومفكات]

ياوجد روحي يالرجال اللي لها قلب وشعور
اللي ليا ربي بلاها بالمصايب تصبري
يامكبر الثيران في الاحجام والعقل محَصور
مير المصيبه كل ماحداها تقوم تغبّري

[حسن حامد]

ياحيف عثرات الزمن توشم على جسمك امور ***ماعلّك الى من زمانٍ قد خلابك يستري
تصبح على جورٍ وتمسي مع رجالٍ ماتجور ***والمشكله انك ماتدور في النقيصه من ثري

[ابومفكات]

ضيعت قدرك ياحسن بين الصواني والقدور
وانته تصيح امرار بعد امرار ثم تصفّري
يامنطق البكما طلبتك وانت رحمن غفور
الا تؤاخذني بما سويت لاشاب شعَري

[حسن حامد]

لا شاب شعرك يارفيقي لاتدور فالحظور ***اللي يحقق ما اشتهيت ولا بغيته يندري
ترا الحمار الي يناهق ينلعط لاجا يدور ***وانا يديني قاسيه وانته ترا عظمك طري

[حسن حامد]

اختمها من عندك يابو مفكات

[ابومفكات]

اسمك مسجل في الكتاب وبان من بين السطور
وغرقت من وبل الخيال وبالسحاب الزبّري
اعرف بلاد الهند واهل السند من ماضي العصور
والناس واحد يهدم الحله وواحد يعمري

[ابومفكات]

بيض الله وجهك ياحسن ماقصرت شاعر كبير ومايحتاج لك

واستمتعت باللعب معك وتصبح على خير واشكر المتابعين

وتصبحون على خير

[مآ آقبل آنصآف آلحلول]

سلام من راسي وراسي في المواقف مايبور
واللي معه عمله تزور لايبيع ويشتري
ادور الدر الثمين اللي من اعماق البحور
اللي يجملني مع العالم ويشرح خاطري





يامرحبا جاتك ومعها صوت بارودٍ يثور***فالمنتدى اللي بالرجال ومعرفتهم ينطري



كنت احسب إن المايله جات وعشمها فالظهور***آلين قالولي معه علمٍ تصبر واحتري



دام البقا بك ياحسن والقلب يغشاه السرور
واهل القصيم موردين التمر واحلاه السري
العلم لاهل العلم والوسواس باقفاص الصدور
مانالها عنتر ولد شداد بعد البحتري




ماسرك الليله سوى شيٍ على جمرٍ يفور ***مير العطل منك ولا شفناك الى مزدري


قدمك بحر به قاع غاوي وانت من حوله تدور *** يابو مفكات الرجال النايفه ماتفتري





حسن ولد حامد بدا يلعب وينبش في القبور
زرعت فيه الطيب مير الطيب عيا يثمري
يابلشة العقال في الخبلان والميسور سور
العين تسهر والضمير الحي من ذنبه بري




ماكنت عاقل يوم انا بين الفطاحل فالقصور *** ماخذ الدنيا خبيط وعلو صوتٍ منبري


احلها واملها مابين صدري والشعور *** ياصاحبي دامي مشيت انصحك تاخذها جري





ياوجد روحي يالرجال اللي لها قلب وشعور
اللي ليا ربي بلاها بالمصايب تصبري
يامكبر الثيران في الاحجام والعقل محَصور
مير المصيبه كل ماحداها تقوم تغبّري




ياحيف عثرات الزمن توشم على جسمك امور ***ماعلّك الى من زمانٍ قد خلابك يستري


تصبح على جورٍ وتمسي مع رجالٍ ماتجور ***والمشكله انك ماتدور في النقيصه من ثري





ضيعت قدرك ياحسن بين الصواني والقدور
وانته تصيح امرار بعد امرار ثم تصفّري
يامنطق البكما طلبتك وانت رحمن غفور
الا تؤاخذني بما سويت لاشاب شعَري




لا شاب شعرك يارفيقي لاتدور فالحظور ***اللي يحقق ما اشتهيت ولا بغيته يندري



ترا الحمار الي يناهق ينلعط لاجا يدور ***وانا يديني قاسيه وانته ترا عظمك طري




اسمك مسجل في الكتاب وبان من بين السطور
وغرقت من وبل الخيال وبالسحاب الزبّري
اعرف بلاد الهند واهل السند من ماضي العصور
والناس واحد يهدم الحله وواحد يعمري

صح لسانك يالشاعر حسن
وصح لسانك يابو مفكات

محاااورة جدا جميلة
امتعتونا ولا تحرمونا
من وجودكم
فنحن ننتظركم

[المرّيخ]

ياعيال الليل هذا اللي سرا بينكم والمحاريف اللي كيف علمها انا مدري وش العلم؟البدعه بدعه والرد مايبغاله كلام والمعنى والله اني ماني بعيد عنه لاكن المحراف محراف مايبغيله كلام والعلوم جا فيها علوم

[المرّيخ]

مسيتم بالخير
عندي ملاحظه على بدعة ابومفكات سلام من راسي اجل السلام اذا ماسلمت من راسك كيف تبتسلم هاه والملاحظه الثانيه عند حسن تسارع في الرد بشكل حامي