العوارشة في رحلة الى عورش/الحلقة ألرابعه

[رويعي الغنم]

تعذبل العوارشة من الشيطان ثم سار موكبهم موكب الخير والبركة والنماء والتقدم الى عورش . كان ابن سلمان جالسا خلف مقود (الطاره) السيارة والصمت مخيم على العوارشه حيث كانوا كاشمين مكشومين(متغظبين) ملوين أبوازهم ويلاطمون ذبان أخشامهم بعد مصيبة الثعبان ألأقرع , ( وبالمناسبه 99 في الميه من القرعان ما يجيك من وراهم خير).
وفجأة دعس ابن سلمان الكوابح (الفرامل) وسحب البريك وخرج من السيارة مذعورا وبيده الرشاش الذي صوبه الينا وبدأ من جديد يزبد ويربد ويعيد نفس ألأسطوانة المشروخة والعبارات المليئة بالويل والثبور وعظائم ألأمور التي سبق أن قالها لنا (بالحلقة الثالثة) والتي بسببها نجونا من نذر معركة كانت وشيكه يدق ناقوسها على ألأبواب حينما كنا وقوفا على الثعبان ,, لقد علق (فرزن) الرجل وتشنج وأصيب بحالة هستيريه تسمى في ألطب - ألقرعان سند رووم- ولم يهدأ ويعد الرشاش الى مكانه الا بعد عنة ومشقة كبيرين كنا فيها بين الحياة والموت ..
طبعا (الجماعه اللي على بالكم) ابن داخل ورحيمه ابن عزاب لا يعترفان بالطب ولا ألأطباء وينسبان كل شيء للكرامات والمس والأرواح الشريره ,, (ما علينا منهم) ..
هنا قررنا التوقف قليلا ومد الفرشة والجلوس لقطف ألأنفاس ولأخذ أستراحة قصيره تطييب بها الخواطر ونشرب أثناءها فنجالين من القهوه , ولكن أبا عبدالرحمن (هداه الله) طلب مني حالما جلسنا الوقوف والقاء خطبة أكشف فيها عن سر كبير وخطير وراء غرضنا من الرحلة خلاف الترويح والأستجمام ..
عندها أحتزمت بدسمالي وتعممت بعمامتي وتمنطقت بسيفي وقمت فيهم خطيبا ولم أطل الخطبة لكي لا يشربوا القهوة ويأكلون التمر كله دوني (ولا يخلون لي شي) , وبينت لهم أن لرحلتنا هدف أسمى من كل شيء وهوجلب ( عود ألأكسيراللي يداون به جميع المكاسير) ألأكسير سر الحياة الذي يطيل العمر ويداوى به كل داء حتى أن الدراهم لتتوالد وتتكاثر لتتزحم في البيوت والممرات بمجرد تقريبها من ألأكسير ..
كما بينت لهم أن ألأكسير ثمين ونادر وليس موجودا بأي مكان من أرض الله الواسعة سوى في مكان واحد ببضعة أمتار مربعة معلقا في الهواء ,, في مكان وصفه لي زميلنا وصديقنا منقاش , ولكنه مكان وعر غاية الوعورة وعسير غاية العسوره بأحدى جبال عورش , ولا يستطيع الوصول اليه سوى مجموعة فدائية متعاونة (فريق تسلق) تجيد تسلق الحجيب والصخور المرتفعة والمنتصبة في علياء السماء وذلك بأستعمال حبال وتجهيزات خاصه أحضرتها معي خصيصا لهذه المهمة والجائزة الكبرى ,,, ونبهت عليهم بالتكتم والحرص الشديدين على سرية الموضوع حتى لا تقيم أمريكا علينا الدنيا ولا تقعدها لأن حروبها في المنطقة المنطقة والدنيا كلها أنما كانت ولا زالت سعيا منها للعثور على ما نحن مقدمون عليه (ألأكسير) .
هنا تلافت العوارشة على بعضهم باشين هاشين يتساءلون فيما بينهم– ويش ويش؟- واعتلت ألأبتسامة وجوههم من جديد وتعدلت أبوازهم التي كانت ملتويه وتركوا الذبان تهبط على أخشامهم ترعى حيث طاب لها لا يكدر صفو عيشها شيء ,,, ثم أجهشوا بالبكاء حتى سار لهم نحيب ونشيج خشوعا من ألأكسير , وقاموا يقبلونني وانا لا زلت أخطب فيهم وهم يرددون - مشينا مشينا الوقت من ذهب- فقلت لهم هذا وقع ألأكسير عليكم وانتم لم تروه فكيف بكم لو لمستموه وعاقرتموه ؟ أنه ألأكسير الذي لو مسه حجر مسته سراء , ولكن رويدا وعلى رسلكم أيها ألأوباش فلن نبرح من مكاننا هذا حتى آكل واشرب مثل ما أكلتم وشربتم .
بعد ذلك تحركنا ثانية من شفا العيلة متجهين أنحدارا الى تهامه بعد أن أستلمت قيادة الجيب ليرتاح زميلنا أبن سلمان , وتناول ابن داخل وابن عزاب طيرانهم وبدأوا في تلحين ألأناشيد وألأهازيج على وقع الطبول ونحن نرددها من خلفهم طيلة الطريق , مثل نشيد:
يا ليلة أثنعش ياللي فيك يقرون ,,,,,,,, عند ابن عباس في ذيك الرويقات
ونشيد :
الليله جوف السجن وحارسي سلمان ,,,,,,,,, وكل يوما وهو في خاطره نيه
ونشيد
يالله يالله يا واسع الجال ,,,,,, يالله يللي من ترجاك ما خاب ,,, يالله يابو الدراج العليات
وغير ذلك من عيون وعكانيين وعضاريط الشعر مثل قصيدة ابن داخل : طيري طيري ياحمامه , طيري عا بر السلامه .. وقصيدة حسن عابد: سافروا ما ودعوني ,, سيبوني وراحوا .. وقصيدة ابو عادل : يا طير ماذا الصياح ,,, ذكرتني بالحبايب .. وغيره من ألأنشاد وعذب اللحون التي تطرح الطير من أعالي الأجواء من شدة النشوة والطرب ..
الى حد هذه النشوة والطرب أتوقف بكم في مسلسل رحلة العوارشه المعرشين المرفعين, على أن أستأنف معكم قريبا حلقات أخرى كلها أثارة وغرائب واسرار وقصص لأخيار واشرار واعيار وابرار ستكشف لكم لأول مرة ويتغير بسببها كل مفاهيمكم للحياة من حولكم...
فلا تغفلوا وتلهيكم مهاملكم وأطماع دنياكم عن متابعة هذه الحلقات الثمينة حرصا على ما ينفعكم ...
وترون بعضكم زودها حبتين وقد يتسبب في أيقاف المسلسل وحينها لم تجن براقش على نفسها فقط بل جنت معها على جميع البراقشة ألآخرين , ومن أنذر فقد أعذر.....

[@ بن سلمان @]

لا عدمناك يا رويعي الغنم
انا ودي بصراحة توقف هنا وتقص لنا كيف بن داخل كل ما واجهنا مخرج قال من هنا بيت خالي وكنه روما اللي يقولون ان كل الطرق الممهدة تودي لها وياليت بعد قبل ما تدخل في تفاصيل الحلقة الخامسة تطلب راعي رسمي لبقية الحلقات
اجل تبي الناس تضحك علينا بلاش من دون فلوس وكن صالح كامل احسن منا يالعوارشة

[الشيهان]

الحقيقه انك اول مره تكون واقعي جدا ( ما اقصد صاحبنا المنقطع عن المنتدى فهو الان مسكين في غياهب السجن )
اقول اول مره تكون واقعي في قصصك وتروي الحقيقه ولا غير بس لو سلمت حكاية الدسمال والعمامه ترى هذي بهار جنبها
ولو تركت حكاية سبب قيادتك للصالون وجبت الحقيقه كان اطيب
ولو تركت حكاية الخطبه العصماء ولاخطب الحجاج ترى كنها ملحت
ولو تركت حكاية الرشاش اللى مع بن سلمان تراها قويه مره
ولو تركت حكاية الاناشيد وقائليها ومغنيها هذي ما تنبلع
ولو تركة حكاية البهارات الباقيه ياسلام
والا القصه ماعليها غبار والصدق فيها ماهو بسيط

[ابو عادل]

أنا بس ودي أسألكم أنتم اللي خاويتم رويعي البساس في رحلة عورش:
هل خويكم رويعي البساس نام خلال الرحلة؟
تقولون ليه تسأل هذا السؤال ؟ أجاوبكم بصراحة:
لأن الكلام اللي يقوله أحد أمرين:
أما يكون كله ركب في ركب
أو يكون نام وحلم بأحلام وصحي ومايدري انه نام وفكرها حقيقة وقام يقص القصة اللي ماتنبلع
تكفون علموني ياعوارشة.

[@ بن سلمان @]

سبحان الله ابا عادل
لا قول كذاب
هذا ابو امجد اقر بكلامه
وانا مقره على ما يقول وقدام عيونا واسأل ابو عبدالرحمن

[بن داخل]

أبو عادل
لك أن تعلم أن هذه الرحلة سيسميها التاريخ
(رحلة الكرامات ) لم كل هذا التجني على الذي لايعرف الكذب إلا في المواطن التي يرى أنه مناسب فيها
لن نطيل فيالحديث عنه سيجل التاريخ ماقاله بمداد من فحم

[أبو عبدالرحمن]

اللهم ثبت عقلي..

[مشاكس]

أووووووه وهذا صاحب كرامة جديدة
تدرون نسميها رحلة الحجات مانعرف كرامه الا فصفص من عند الحجة
حتى الشرير بن داخل بدأيزحلق والظاهر انه بيصير بدون كلشت
يلحق صاحبيه بن عزاب وابو أمجد
وبن سلمان المستبد في الرحلة
عجبه الوضع
تدرون كمل وياجماعة يمدحون الشيع لوجع البطون

[abonayf]

ياسبحان الله

انا اقول من زمان امريكا وش تدور في الشرق الاوسط طلع اكسير الحياة

بس انا سمعت انهم سيطرو عليه العراق .

[أبو علي]

المسأله تروها ما هي حكاية كذب وبس او ركب وبس او وجع بطون وشيع وعلاجات وطب بديل وما ادراك المسأله طالت وعرضت والرجل عزيز وغالي و كبير في السن ومحشوم من الكذب الله يحميه واحنا الان نقراء لكن ما ندري عن حالته النفسية و العصبيه تيغى نزورة في بيته وناخذ العلوم من فمه انا اخشى ان يكون الرجال ما هو على خطنا واحنا قاعدين نطبل ونصفق ، هيا بكرة بعد العشاء نزور الرجال يا جماعه الموضوع تروه ما هو طبيعي اضن الرجال انمس او صابه شيء................

[الشيهان]

اش بك ياسلمان
ليش تبغى تورط ابو عادل حتى يقول عن الرجل الراويه مدري( القربه) رويعي الغنم انه كذاب ٌاشر
ما يصير ابو عادل ماقال كذب قال ركب وهناك فرق كبير ولايعلمه الا اولوا العلم امثال حايك القصص المذكور اعلاه
المهم سنرى في هذه الروايه العجب العجاب وسينقشع الغلس ويبين الخيط الابيض من الخيط الملون
بس انا لي ملاحظه على الراويه انه مايقرب من سلمان وما يجيب علومه والا الامر فيه دسيسه من البدايه وكانت سواقة الصالون رشوه تحت حجج واهيه
الله اعلم حركات الزعماء غريبه عجيبه

[الشيهان]

يابن عزاب
انت رجال راعي كرامات وبن داخل لديه القدره في تحظير الجان
انا اشوف ان من واجبكم الكشف على المذكور من بيوتكم لما اتاكم الله من علم وخبره وتحددون مصيره قبل تروحون له يطلع عليكم با ام خمس يخليكم نثيره عند الباب

[مشاكس]

اش رايكم بن داخل وبن عزاب يصلحون
يهندسون بيار من بيوتهم
ويكشفون على المرضى وعلى الدنيا السلام

[@ بن سلمان @]

في رحلتنا لم يكن احدا اسعد مني باخوة رويعي الغنم وقد زادني سعادة بقبوله ان يكون معاونا لي ويتخذ من مقعد الجيب الامامي مكانا له وقد كان خير ناصح لي اثناء القيادة بدء بتوجيهي بربط الحزام وانتهاء بطريقة الوقوف في بطن عورش .
تعجبون اذا قلت لكم ان الوقوف حين النزول من علي يحتاج الى مهارة واقتدار والا ربما تاتي بالراكب في المقعدة الخلفية وتحضر به في الطبلون , طبعا المقعدة الاخيرة كانت من نصيب الاخوة المدخنين وكانت تلك نصيحة رويعي الغنم وعلى حد قوله يبعدون عنا بذواهم .
من الاشياء التي لفتت انتباهي في الرويعي وكانت مصدر اعجابي , تأدبه معي يوم قال ما ودك اريحك واسوق عنك وقلت له بلا , وهو يسوق كان يقول لي يا سلمان القيادة في المنحدرات اللي تكثرلفاتها مثل طريقنا هذا لازم الواحد اول شيء يحط السيارة في نمرة ثقيلة حتى ما تكثر حاجته للفرامل وبعدين قال ان واحد من اخويانا اللي راكبين ورا معه دوار يسمونه الاطباء دوار الدحادير وهو اشبه بدوار وحام الحوامل ويمكن اكرمكم الله مع الملفات والنزول بسرعة يطلع اللي في بطنه وكاني فهمت اللي يقصده من اللي راكبين ورا اذ كان مطلع نظارته ومتلطم من فوق خشمه وراكب على الباب الايمن على يمين بن داخل وابو عبدالرحمن وقدام ابو امجد وكان الله يستر علينا وعليه ( ما ودي اجيب اسمه ) تعرفون الغيبة منهي عنها , يقصد ويغني مع بن داخل ويقرع الطار قرعة اللي تحوم كبده .
عموما ما ودي احرق عليكم متعة القصة من لسان الراوي رويعي الغنم .

[حسن عابد]

يابن عزاب عزالله اني ما كذبك وانت شيخنا لكن وانا خالك الرجال المذكور رويعي الغنم جعلني انبسط من الكذب واحبه واحب اسمعه وهو يتحدث لنا عن مغامراته ماهي عنصرية لولد عمي معاذالله ولكنه زرع الابتسامة على محيا الجميع
بن سلمان طلع شجاع وهذه الحاجة الوحيدة اللي ما هضمتها وينك يامشتاق

[منقاش]

يا ثماله المكنسه اللي في زريبة حماري أنسرقت
وشوفوها عند أبو تركي حاطها قدامكم كل ما فكيتم على أسمه
خلوا رفيقكم يرد المكنسه عليه وتحكمون لي عليه برادعه تردعه هو وكل عيه مثله يسرق مكانس الناس والا لا تلوموني لو أعطيته داخن والا سحبته عند الحكومه ..

[المشتاق]

الكذب انواع ولو صنفنا كذب الرويعي لقيناه من العيار الثقيل
السؤال وش اللي يدفعه للكذب ؟
هل هو واقع تحت سيطرة واحد من المشعوذين اللي هم بنداخل او صاحب الكرامات ويسيرونه وفق حاجاتهم لتحقبق اهاف مستقبليه ؟
يجوز انا ما استبعد !!! وخاصة بعد ظهور موضوع الاكسير
بن سلمان وابو امجد حتى ابو عبدالرحمن الى الان سيرهم في الرحلة يكتنفه غموض كبير , ربما ادوارهم لم تات الى الان او ربما هم من يدير خيوط هذه اللعبه .
ننتظر ربما الايام القادمة تبدي لنا عجبا

[المشتاق]

يا بو تركي
ما لقيت غير مكنسة ذا الاجودي تسرقها
المكانس ما جا كثرها وعندك استراحة المنسم حابس اصلها ومسبل بيبانها

[راعي السواني]

أبو تركي : ترى كفايه فضايح ورجع مكنسة زريبة منقاش عليه وارضي الرجال بثلاث من الجذعان نطلع عليها بثلاث رحلات لعوارش ....
رويعي الغنم : وقف مسلسلك أنت وزملاك العوارشه , ما نبغي علومكم لا صدقها ولا كذبها , وهو ناقصنا نقرا الف ليله وليله ...
وعورش نعرفه حجر حجر والطريق اللي مشيتم فيه يمشى فيه غيركم من أربعين سنه ,, واقول وفيتم وكفيتم بس أقطعوا واخسوا ....

[راعي السواني]

أخويه أبو عادل : تراك شاعر تمثلنا كلنا وونعم وستة أنعام بك وبكل خوياك الشعار اللي في المنتدى ولا أنسى ذكر ممثلة النساء زهور الشاعرة الكبيره .
لكن يا رفيقي الدرع الذهبي اللي مقطوع ركنه وأبتلوك به ربعك قدام أسمك من مثلثات الماسونيه ,, وش رايك تنازل عنه لي أحطه قدام أسمي ...

[مشاكس]

هزلت وبان هزالها
لم يعد للحمير كرامة
أين جمعيات حقوق الحمير
أليس من الإنصاف رد المعتدي لماأخذ والحكم عليه
بالتهجير أربعة أشهر لايدخلن ديار منقاش والعوارشة
حتى يكون هو ومن أعانه خير مثل

[مشاكس]

ياأصحاب القلوب الرحيمة
أغيثو منقاش وحماره

[@ بن سلمان @]

تم العرض عن الموضوع
وبانتظار النتيجة

[بن داخل]

لله درك يامنقاش
حتى حمارك في أحلك الظروف لم يسلم من عبث العابثين وكيد
المارقين
كم هو حمار تعيس لم يعد بوسع صاحبه تنظيف مربطة

[منقاش]

بيض الله وجيهكم يارفاقتي على وقفتكم مع رفيقكم منقاش وحقوق حماره ,, آآآه من سارق مقشة زريبة حماري؟؟.
مطلبي بسيط منكم يا ربعي وهو :
كل ما كتب ابو تركي في كمبيوتر ثماله كلام تردون عليه : رد مكنسة حمار منقاش يا حرامي .

[abonayf]

يامنقاش
اعتقد ان مكنسة حمارك تم سرقتها من قبل أكثر من شخص وليس شخص واحد وسمعت يابو الفيت ان فيه اثنين مستفيدين من المكنسه واحد منهم ابو تركي والثاني مقفل ..... ما ياجرها الين يرد ابو تركي المكنسه عليه يكنسبها .

[ABO TURKI]

يا منقاش ان كان صدق لحمارك
جيب بن عزاب يطلع من كراماته ويخلي الحمار يتكلم
واذا قال الحمار ان المكنسة له ابشر باللي يرضي الحمار
والمكنسة عندي ولا تروح ولا مكان حتى يتكلم الحمار ويطلب المكنسة

[رويعي الغنم]

يا جماعه أحس حالة العكننه اللي جاتني الحلقه السابقه معوده عليه , وأظنها هالمره أشد ...
قولوا ليش تعكننت يا رويعي ؟.
أقول عكنني المعكننين اللي يحبون العكننه , واحد منكم يتمطقع بكلامي , وواحد يكذب أقوالي , وواحد مثل الهلامه الرخمه منقاش يحول المداخلات لمكنسة أبو تركي وحماره وهو يقدر يكتب اللي عنده في مكان ثاني , حركات قرعاء لتحويل اللي يقرون عن الماضوع ألأصلي, واحسنكم يمدحني بمدح معناه الذم ,, وواحد يدعي أن بي مس من الجن ...
هذا جزاء من يعلم لكم ؟؟ تكذيب وتشكيك وتريقه وتطنيش للموضوع وهرج في المكانس , وبعضكم ما يستحي ويسميني رويعي البساس ... ما يكبه من البسبسه ؟؟.
طيب ,, ونهايتها معكم ,,, متى تحترمون ألأدب والأدباء والعلم والعلماء من أمثالي ؟. والا كل ما طلع فيكم نابغه مثل الرويعي حاربتوه ونابزتوه بالعداء ؟؟.
الخلاصه : أحس أنكم ما تحترموني ولا تحترمون العلم والعلماء ولا تاخذون بخاطري حتى أخرج لكم مواهبي .. وحتى تعدلون سلوككم معي أتوقف ,, وما فيه حلقات جديده ,, ويا خساره ويا حسره يوم قرب الحصاد والمفاجآت الكبيره نكبتوا أنفسكم واحوجتوني للعكننه والتوقف عن الكتابه ,,, صحيح ,, أقتربت من الشارب وردها الراي الخايب...
وفعلا الجاهل عدو نفسه ,,, ويا خساره وبس ....

[بن عواض]

يا جماعة ما تحسون إنها مصخت كثير ووصلت لما لا ينبغي ( مكانس وحمير ) عدلوها وتركوها تروها نتنه يا ليت تفتحون مواضيع ثقافية وعلمية وأدبية تستفيدون وتفيدون.

[بن داخل]

يارويعي
لا تعين في منقاش وعلومه
خله ماطوقته الا حماره
روح فدربك وغلق علومك واشوف الجغرافيا بدت
تكتب والتاريخ بدى يصور للرحلة

[@ بن سلمان @]

رويعي تم علومك
بكرة تبدا الاختبارات وما تلقى احد يقرا لك
الطلبه يذاكرون والمدرسين ردوا عشاواتهم في المدرسة
ليش ؟ للتصحيح !!

[رويعي الغنم]

يبن سلمان الوقت الحالي رفيقك رويعي شرهان ويلاطم ذبات خشمه والقريحه قارح ..
قل لي كيف أكتب وانا متعكنن ؟؟, وكيف أكتب وبعض القراء يقول عني رويعي بساس , رويعي قرود , بهرتها ,, زاد ملحها , دخيلك ألا هذي , مصختها , زودتها , ممسوس , والبعض ترك علومي وراح لعلوم منقاش ومكنسة أبو تركي ؟؟.
معقول أملحها وابهرها لو كنت لوحدي , لكن كيف يشككون في كلامي وانا معي خمسه من الرجال هم عيون المنتدى وكل واحد فيهم يمشي التيس على ذراعه ؟؟...
وبعدين يا ناس ما في القراء أذكياء يتحيلون عليه وياخذون بخاطري حتى لو جاء مني غلط عليهم المفروض يدمحونها خدمة للمواطنين والصالح العام ,,, أبدا ما فيه ,, ناس تكره الحقايق العلميه وتحارب العلم والعلماء المبدعين ...
تراهم يبن سلمان وصلوها مرابط الحمير ,,, ولا هو غريب عليهم اللي سار منهم وفيهم من سرق مكنسة زريبة حمار منقاش ..

[@ بن سلمان @]

طيب خاطرك يا رويعي
علومك مدموحة والا سرق المكنسة بيرجعها , له شرط مشترطه ومتى ما تم شرطه بيعدل عنها , تم علمك وانت تقول معك خمسه من عيون المنتدى ومن كمال ثمالة , خل القافلة تسير , محترة كبودهم اللي ما رافقوك ولا شافوا كرامات ربعك , ولا تسكت ما همهم راحوا في سبات ولا سمعت الا شخيرهم وصفيرهم وهم نايمين .

[الحجاج بن يوسف الثقفي]

عزالله كملت من بن سلمان ورويعي.............؟
على شحم كمل علمك وانت ساكت ؟؟؟كيف يعني تكتب بس ولاتنطق حرف
هيا خل عنك الصجه

[بن عواض]

علومك كلها غانمه بس لو تبعد عد ذكر الحمير والمكانس وياليت تعطي الحمير تقاعد وتواصل قصصك تراها جميلة وأسلوبها رائع وتنم عن فكر قصصي لديك وعلي فكره من
يقرء قصة رحلتك لعورش يفتكر أنك في أدغل نجيريا ومعك سحرة وكهنه يستحضرون الجن والعفاريت . الله يكون في عونك والحمد لله علي سلامتك ما رجعت مستخف وفاقد عقلك .
واصل والله معاك لأني أعتقد الجاي أفضل من الي راح

[ABO TURKI]

مازالت المكنسة عندي
وإن لم يطلبها الحمار خلال ثلاثة ايام
سأقيم دعوى ضدك في اتهامك لي
بدأ العد التنازلي
1

[@ بن سلمان @]

ابو تركي
ههههههههههههههه
انشبتها

[رويعي الغنم]

نعم أنشبوها يا ابن سلمان
وخلنا نأجل الموضوع فتره (بضعة قرون) من الزمن ثم نتدارس بعد ذلك الموضوع مرة أخرى.
وبعدين نحنا يالجهابذه والعوارشة الستة نعرف كل أسرار القصه وخلونا نحتفظ بها لأنفسنا وخلي شلة أبو عادل يعضون أصابع الندم ويموتون حسره...

[بن داخل]

الرويعي الموقر
من يشكك في مصداقيتك نقول له
أنت أنت .........................
نعم سر وعيون العوارشة ترافقك
لا عليك ممن يتهمك بمالا يليق بمقام الأتقياء
ستجد من الحاسدين من يشكك في رحلتك الميمونة
رحلة جاست وباست فيها الكرامات

[أبو علي]

كمل القصه واترك من بعض العلوم اللي مالها لزوم قلت ابشتري لك مكنسه وروقنا ولد عمي ما ابغى اشوفه متهم بحاجه ابد ابدا

[بن عواض]

يا جماعة الحمار صاحب المكنسة في ورطة مع ابو تركي تفكون شوفله حل وسو المشكلة قبل رفع الدعوة عليه .

[abonayf]

اقول كمل السالفه وترك من يشككون ......

الحقنا قبل الاختبارات ترى الوقت قرب وبيطيحون في كبودنا الورعان وماعاد نفضي

[ABO TURKI]

باقي من الزمن يومان
2

[بن عواض]

أبو تركي الظاهر الحمار مع البرد والشتاء البارد نسي المكنسة اعطيه فرصة أكثر يمكن يفوق .
وبعدين لا تعد ترى موفاهم لأنه العدد مرتبط في ذهنه بالعصى علي علباته وأكيد تلاقيه يرتجف مع كل عدد تعده ويهطل بذانيه .

[منقاش]

رد مكنسة حماري يبو تركي وبلاشي لكلكه ومراوغه .
وبعدين الحمار حماري والمكنسه لحماري وبطلك أنت ورويعي من حركات نص الكم اللي تضيعون فيها قضية المكنسه .
أحذرك بطل التوقيع بالمكنسه وردها على حمار منقاش يا غشاش يا ابو طياره عورش المروحه اللي فضحت بها القبيله كلها ..
وانتم يا ثماله: ترون منقاش صبره قرب ينفذ والمكيال قرب يطفح والبندق مزهبه والغاوي ما رديتوه .. وش رايكم ؟؟...

[منقاش]

أنت يبن عواض ليش تدخل عصك في شي ما يخصك .

آه يا ناكر معروف عمك منقاش ....

[بن عواض]

أنا تكلمت عن الحمار صاحب المكنسة وانصح الحمار ما عاد .......اذا ثقل عليه الحمل.

[الحجاج بن يوسف الثقفي]

تحلوا بالصبر وخلاص يابوتركي صاحب المكنسه طلبها
عطه اياها وريح نفسك من الطياره المروحه

[حسن عابد]

العضو حمار القايلة ليه ما يجي وياخذ المكنسة وتنتهي المشكلة

[ABO TURKI]

بقي من الزمن يوم
ومازلت في انتظار الحمار يطلب المكنسة
وانت يا منقاش مالك ومال الطيارة المروحة ترى سبب اللويخ اللي في الطيارة
انت و حمارك وجدوا المعلومات في الصندوق الاسود حق الطيارة
لا تخلينا نرجع علوم الطيارة ونتفاتش العلوم تتورط انت وحمارك

[@ بن سلمان @]

كل عام والعوارشة بخير

[منقاش]

تكفى يا رويعي كمل القصه وخلك أكبر من الناس اللي على بالك .