وين بن بركي

[بن داخل]

العام أنا ويا مشيلح بيننا سمن وسمين = واليوم ناديت الرفاقه نب نروح ونذبحه
من بعد ماشب الحرايق في بلاد المسلمين =وان قلت له وش بك يقول الوقت وقت المصلحة

[أبو عبدالرحمن]

ما شاء الله عليك يا أبا عبدالله
يسعدني ويسرني اهتمامك بالمنتدى الأدبي ...وحرصك على دأب النشاط فيه..

لكن تراني أنا في صف أبو عادل

[{بعيدالنظر}]

ياسلام ياسلام ياسلام
بدعة معلمين تحمل الإثاره بمعناها ومبناها .
ياسلام ياسلام صح لسانك يابن داخل

العام أنا ويا مشيلـح بيننـا سمـن وسميـن
...............................واليوم ناديت الرفاقـه نـب نـروح ونذبحـه


من بعد ماشب الحرايق فـي بـلاد المسلميـن
.............................وان قلت له وش بك يقول الوقت وقت المصلحة

متاااابع متاااااااااابع عن كثب لهذه المحاوره
وبإنتظار البحر الزاخر فكراً وخلقاً : أبو عادل وصح الله لسانه مقدماً
الله يقويكم

[@ بن سلمان @]

وانا في صف بن داخل
اللي ما هو عاجبه يطلع لي برا

[ابو عادل]

أبو عبد الرحمن
جزاك الله خير ولانستغني عن فزعتك الله يسلمك ويقوي صفنا .

[ابو عادل]

بعيد النظر
متابعتك فخر لي وأسعد بها فأنت عملاق بكل ماتعني الكلمة
ونستأنس بوجودك فمرحبا بك.

[ابو عادل]

العام والا ذاالسنة ماانته مدينّي بدين=أعرف هروجك ياابن داخل ماتعدّى النحنحة
ان كان في قلبك شجاعة واثر ماقلبك متين =قابل واقابل واحتزم والافمك لاتفتحه

[{بعيدالنظر}]

العام والا ذاالسنـة ماانتـه مدينّـي بديـن
......................أعرف هروجك ياابن داخل ماتعدّى النحنحة

ان كان في قلبك شجاعة واثر ماقلبك متين
..........................قابل واقابل واحتـزم والافمـك لاتفتحـه


الله وآكبر . لله دركـ
رد ناري بكثافه غير عاديه
ياسلام عليكـ يابو عادل ياسلام
متاااابع ومتااابع

[أبو عبدالرحمن]

موفقين ...موفقين
وأهم شيء الصفوف

أبو عادل <<<< >>>> بن داخل

عينان في رأس

[بن داخل]

العام والا ذاالسنة ماانته مدينّي بدين=أعرف هروجك ياابن داخل ماتعدّى النحنحة
ان كان في قلبك شجاعة واثر ماقلبك متين =قابل واقابل واحتزم والافمك لاتفتحه


ياكبر قلبك يامشيلح لن نسيت انت السنين = اللي عيونك دمعها من فعلنا ماتمسحه
وانا ليامني بغيت ارباك عن هرجك ذحين = أرفعك ثم ارخيك وانا في مكاني ماابرحه

[بن داخل]

ما شاء الله عليك يا أبا عبدالله
يسعدني ويسرني اهتمامك بالمنتدى الأدبي ...وحرصك على دأب النشاط فيه..

لكن تراني أنا في صف أبو عادل
يجيبك الصيف يابلح

[بن داخل]

ياسلام ياسلام ياسلام

بدعة معلمين تحمل الإثاره بمعناها ومبناها .
ياسلام ياسلام صح لسانك يابن داخل

العام أنا ويا مشيلـح بيننـا سمـن وسميـن
...............................واليوم ناديت الرفاقـه نـب نـروح ونذبحـه


من بعد ماشب الحرايق فـي بـلاد المسلميـن
.............................وان قلت له وش بك يقول الوقت وقت المصلحة

متاااابع متاااااااااابع عن كثب لهذه المحاوره
وبإنتظار البحر الزاخر فكراً وخلقاً : أبو عادل وصح الله لسانه مقدماً

الله يقويكم

مرورك شرف لمتصفحنا وأنت استاذنا
نشرف بمرورك

[بن داخل]

وانا في صف بن داخل
اللي ما هو عاجبه يطلع لي برا
قول وفعل يابن سلمان
وان جا فيك لدوم ولا ضروب العلاج عندي

[ابو عادل]

سبحتك ماتقدر تجمعها ولوهي حبتين=وانا لجل لاتعتزي طشيت حب المسبحة
وان كان تبغاها ملازم بالحلوق وباليدين=حق علينا نستضيفك عند باب المشرحة

[بن داخل]

سبحتك ماتقدر تجمعها ولوهي حبتين=وانا لجل لاتعتزي طشيت حب المسبحة
وان كان تبغاها ملازم بالحلوق وباليدين=حق علينا نستضيفك عند باب المشرحة


أنا على ظهر الجمل واقص في درب الحصين = وليا وصلت ابو الحصين آمر بعيري يرمحه
لاتحسب ان الوقت يب يمهلك يابونيتين = قبلك حسن عابد تفلحن ماضوى من مسرحه

[ابو عادل]

يااللي على ظهر الجمل وين انت واهل الفعل وين=مااشوفك الا قاعد تدرمح فراسك درمحة
ياثالث الطابور خلك فالسرا قبلك ثنين=واللي ربح مربح محال تنافسه في مربحه

[abonayf]

ماشاء الله تبارك الله

شعارائنا مجتمعين هنا

ابو عادل / بن داخل
اشعلو الصفوف فهي قادمه

[ريمان]

الله عليكم كلم كل واحد اغزر من خويه 00والعبره بالخواتيم وان شالله خاتمتكم زينه

[بن داخل]

يااللي على ظهر الجمل وين انت واهل الفعل وين=مااشوفك الا قاعد تدرمح فراسك درمحة
ياثالث الطابور خلك فالسرا قبلك ثنين=واللي ربح مربح محال تنافسه في مربحه



أنا فعولي بينه ياليه تنكر ياالذهين = واللي كمايه لابدى له خصم غصب يسدحه
انا ترى لي بصر واعرف ذي الكتف توكل منين = وليا بغيت اطب وادي قبل اطب اتشبحه

[@ بن سلمان @]

طاح صفك يا بو عادل
بن داخل فخر العوارش

[بن داخل]

الفزعه يابن سلمان
عزوة وزود
كب ابو عبد الرحمن راح يرقد

[حسن عابد]

قواكم الله والدرب شام

[ابو عادل]

جود خطام بعيرك اللي لا شمال ولايمين=دام انت بين اخذوعطا يطرحك والاتطرحه
عزالله اني كنت غافل وانت فالضلع الزبين=لكن لياقفلت باب الشر جامن يفتحه

[بن داخل]

جود خطام بعيرك اللي لا شمال ولايمين=دام انت بين اخذوعطا يطرحك والاتطرحه
عزالله اني كنت غافل وانت فالضلع الزبين=لكن لياقفلت باب الشر جامن يفتحه


أنته تدرج فالرحا وتقول انا مالي طحين = لكن من بيت المصلي جا شبيب يفضحه
ابشر بضربه مقبلة تقطعك ياحبل الوتين = حتى عروق ايديك دمها بعدها ماتندحه

[ابو عادل]

ماهي بلا مرة يابن داخل ولاهي مرتين=أنذرك واحذّرك واقول الجبل لاتنطحه
ترى المسافة كلها بيني وبينك خطوتين=وان جيت اباحوسك والفّك مثل لفّ المروحة

[بن داخل]

ماهي بلا مرة يابن داخل ولاهي مرتين=أنذرك واحذّرك واقول الجبل لاتنطحه
ترى المسافة كلها بيني وبينك خطوتين=وان جيت اباحوسك والفّك مثل لفّ المروحة


تكبر فعين اهلك لكن في عين بن داخل مهين = احذر يغرك يامشيلح زند فيدك تقدحه
انا ادري انك جنب كفي مير مانته لي سنين = كبر براسك من يمدح فيك وانته تمدحه

[ابو عادل]

خلوووووها




رفعت خشمك فالسما وارضك تحت رجليك طين=صحيح يتعدوا لك الجاهل لوانك تنصحه
دام الرزايا فالمطايا وش علينا سالمين=اقضم حجر وانسى الخبر والبحر للي يسبحه

[بن داخل]

خلوووووها




رفعت خشمك فالسما وارضك تحت رجليك طين=صحيح يتعدوا لك الجاهل لوانك تنصحه
دام الرزايا فالمطايا وش علينا سالمين=اقضم حجر وانسى الخبر والبحر للي يسبحه


الأرض محصيها عدد مقدورها عندي ثمين = ولياتحرك من سنام شعيل وبره نجرحه
وان طعت شوري يامشيلح صيخ ابليس اللعين = واسلك فدرب الخير لاتتعب فدرب تبرحه

[الشيهان]

مشاء الله ماشاء الله
حظرت متاخر عن هذه الحفله الشعريه الرائعه
صح لسانيكما متابعين واصلا

[ابو عادل]

هاالحين انا مشغول عنكم مع غضيب الوالدين=قدام تجهز جبنته والا يعرف الانفحه
من بعدها صيدي على تيدي وحقك ليلتين=أحرمك طعم الزاد والنايم يودع مسدحه

[بن داخل]

هاالحين انا مشغول عنكم مع غضيب الوالدين=قدام تجهز جبنته والا يعرف الانفحه
من بعدها صيدي على تيدي وحقك ليلتين=أحرمك طعم الزاد والنايم يودع مسدحه


اشغلك ربي يامشيلح من عصور الأولين = ماعندك الا طرق تردح به وعمك يردحه
واليوم تهرج من قسى لكن بكره تب تلين = لاشفت همال المخايل فوق راسك تنضحه

[ابو عادل]

حنا مشينا فالديروالا انت للساعك جنين=ياطير معدوم المخاليب وقصير الاجنحة
ان مابلعت العافية شمّتّ فيك الشامتين=حتى تكب المقلطة والفصحنة والزبلحة

[@ بن سلمان @]

حلوة الزبلحة
والله ما اعرف لها معني
وبعدين هجدونا ما وراي الا انتم اطرد في قافكم
من يوم اصبح الين انعس
يعطيكم العافية

[ابو عادل]

الشيهان
صح بدنك ومن جا ما أبطا
حياك الله.

[ابو عادل]

الشيهان
صح بدنك
حضرت وحضورك مشكور

[ابو عادل]

بن سلمان
الزبلحة من الفعل تزبلح
فنقول تزبلح زبلحة فهو متزبلح أو زلبوح وهي المفرد وجمعها زلابيح ـ أظن كذه زال الغموض ـ
((المبرد لايسمعنا))
مشكور على المطاردة.

[بن داخل]

حنا مشينا فالديروالا انت للساعك جنين=ياطير معدوم المخاليب وقصير الاجنحة
ان مابلعت العافية شمّتّ فيك الشامتين=حتى تكب المقلطة والفصحنة والزبلحة


احنا هدمنا من بيوت اللي سواتك فلتين = والدايره دارت عليك وصرت وصط المشلحة
يالموتر اللي ماسمعنا منك ياغير الحنين = أهل المواتر روحو وهوه يدور فمقرحه

[ابو عادل]

ياطايح فيها بحنكة واحتراف محنكين=والمنتشي في نشوته نقطع رجاه ونكسحه
عوضني الله بعدها بارزاق تاتي كل حين=يوم الشجيع يقوم حظه ماتدوم السلتحة

[بن داخل]

ياطايح فيها بحنكة واحتراف محنكين=والمنتشي في نشوته نقطع رجاه ونكسحه
عوضني الله بعدها بارزاق تاتي كل حين=يوم الشجيع يقوم حظه ماتدوم السلتحة


الظاهر انك في منامك مع صفوف الراقدين = اشوف ناس اعلى الجنوب وناس جت متبطحه
اصحى ينايم لاتسريك الهذاري للقرين = محلب الخلفات جاك اليوم وفيديه اقدحه

[ابو عادل]

دام انكم ماتفهمون الدرس ماانتم ناجحين =الدرس راح ومقتفيه دروس من غير اشرحه
حظك ومكتوبك يابن داخل تبي تقعد حزين=خلك فغيبوبتك ماجاجايك بعدها صحصحة

[بن داخل]

دام انكم ماتفهمون الدرس ماانتم ناجحين =الدرس راح ومقتفيه دروس من غير اشرحه
حظك ومكتوبك يابن داخل تبي تقعد حزين=خلك فغيبوبتك ماجاجايك بعدها صحصحة


والله تراني ماحسبت هروج بعض الحاقدين = أعرف تعاويذك وتسبيح بيديك تسبحه
ان طال عمرك يامشيلح ماتغلق ليلتين = العرق في ايديني مولم مابقي غير ابذحه

بيض الله وجهك وختامها عندك
واتوب يابو عادل عن غيرها

[ابو عادل]

إن قدّر الله ياولد داخل تجونا طايعين=ياكم جموح كلما يجمح جموحه نكبحه
خلك على ماكنت وانا فوق راسك ياحسين=مالك وماللخيل والليل وصنوف الاسلحة

[ابو عادل]

بيض الله وجهك ياأبا عبدالله
وسامحك الله فقد أجهدتني أيما اجهاد
حفظك الله وسلمت لنا.

[@ بن سلمان @]

بيض الله وجيهكم كلكم

[بن داخل]

بيض الله وجيهكم كلكم
وجهك ابيض وانت راعي الوزعة والفزعة

[بنك المعلومات]

يعطيكم العافية يابن مشيلح
ولا هنت يابن داخل

[عبدالملك ابراهيم الثمالي]

ياشعور الشعر شاعر بالمشاعر والشعــور الشعــور اللي شعرته شاعـر مايشعـــــره
اشعر أني بالمشاعر والشعر شعري شعور كيف أعبر عن شعوري قبل شاعر يشعره