يا أستاذ تكفى وقف الدرس لا هنت ..

[سهيل2012]

بسم الله الرحمن الرحيم

هذه قصيدة وجدتها في أحد المنتديات ، راق لي موضوعها ..





ياآستاذ تكفى وقف الدرس لاهنت =وشلون ابفهم حط نفسك مكانـي

لاصار خلي هو حبيبك وأنا أنـت =وتشوف خلك رايح لشخص ثاني
ياآستاذ أمنتـك أمآنـه وآمنـت =من هو وفاء فينا ومن هو أناني
أمشي بدربه ولا أنـا ماتعينـت =إلا وجرحه عن دروبـه حدانـي
تمكن بجرحـي وأنـا ماتمكنـت =تمكـن بغـدري بعـد ماعمانـي
أحسنت في ظني ولا ظني أحسنت =أحسنت في ظني وظني عصانـي

السالفه شابت وهي توهـا بنـت =ماتت أماني بـس تبقـى أمانـي




طيب الأستاذ تعبان ومحضر الدرس ويبي يشرح ويخلص شغله ..


تبيه يعطل الحصة ويوقف الشرح ..لين يحل مشكلتك مع حبيبتك !



شعراء داجييييييييييييييين ما عندهم سالفة ..ما حولك أحد ..



أنا لو مكان الأستاذ ..أشرح الدرس وأكمل الحصة وأقله بأعلى صوت :



مع نفسك !!!

[حجازية]

ههههههههه مشكوووور أهم شي ينشرح الدرس..

[سهيل2012]

ههههههههه مشكوووور أهم شي ينشرح الدرس..


شكرا على مرورك ...........

[سنا الهجرة]

هههههههههههههههههههه
طيب وش ذنب اللي ما حب >> تروح عليه الحصة يعني بدون ما ياخذ درسه
لا بالله الا أشرح يا استاذ وقلبك قدك .. وخلي أهل الهوى في هواهم

لا بالله الا كمل الشرح لا هنت=مالك ومال اللي هواهم أناني
اللي عما مستقبله بالهوى بنت=يبغى ايْعَمِي مستقبل انسان ثاني
ما عاد باقي يوقف الدرس غير انت=هذا اللي باقي يا وسيع الاذاني


:lol::lol::lol::lol::lol:

[سهيل2012]

هههههههههههههههههههه

طيب وش ذنب اللي ما حب >> تروح عليه الحصة يعني بدون ما ياخذ درسه
لا بالله الا أشرح يا استاذ وقلبك قدك .. وخلي أهل الهوى في هواهم



اللي عما مستقبله بالهوى بنت=يبغى ايْعَمِي مستقبل انسان ثانيلا بالله الا كمل الشرح لا هنت=مالك ومال اللي هواهم أناني


ما عاد باقي يوقف الدرس غير انت=هذا اللي باقي يا وسيع الاذاني



:lol::lol::lol::lol::lol:



اسمع سنا يا اخوي حيث أنت ما كنت = اسمع كلام سهيل يا مودمــــاني

إن خانوا العشاق والله ما خنت = على الوعد والعهد صادق لساني

ذولا عيال الوات والشات والنت = ما أكثر مشاكلهم عيال الزمـــــــانِ

[ابو فهد]

الله يسعدكم

مثل ماوسعتم صدورنا

[سنا الهجرة]

اسمع سنا يا اخوي حيث أنت ما كنت = اسمع كلام سهيل يا مودمــــاني

إن خانوا العشاق والله ما خنت = على الوعد والعهد صادق لساني

ذولا عيال الوات والشات والنت = ما أكثر مشاكلهم عيال الزمـــــــانِ


كفو والله كفو يا سهيل >> وصح لساااانك

سمعت يا سهيل اليماني ودندنت=هذا انت ياسهيل اليماني يماني
واقسمت باللي كون الكون .. واقسمت=بمنِّزل التوبه .. وسبع المثاني
إني على خبرك .. وباقي كما كنت=ما غرني ( حافز ) ولا شي ثاني

:laugh::laugh:

[سهيل2012]

كفو والله كفو يا سهيل >> وصح لساااانك


سمعت يا سهيل اليماني ودندنت=هذا انت ياسهيل اليماني يماني

واقسمت باللي كون الكون .. واقسمت=بمنِّزل التوبه .. وسبع المثاني
إني على خبرك .. وباقي كما كنت=ما غرني ( حافز ) ولا شي ثاني


:laugh::laugh:



ما عليك زود ..وصح بدنك ..


صحيح قاسي عظم مرسي ولا لِنت = ويلقبوووون سهيل بالعنفواني

لكن لا قالوا ثريا طحت ثم قمت = وتروح عشر العنفواني ثمــــــاني

ما شلت في مخباي رزمن ولا كنت = محروس من ربي هو اللي هداني

[سهيل2012]

الله يسعدكم

مثل ماوسعتم صدورنا


الله يجزاك خيرا أخي أبو فهد ..

ولا هنت على مرورك الطيب ..

[صقر قريش]

هههههههههههههههههههههههه

مجرد فرضيات
1- الطالب سهيل
المدرس صقر قريش
الخطوات
1- الجلوس مع سهيل وعلى انفراد ؟ بعد انتهاء الدرس
2- تحويل سهيل الى المرشد الطلابي لدراسة حالته وايجاد حل لمشكلته مع محبوبته
3- أخير والله لو يسويها سهيل عندي في الفصل أني لأنسيه محبوبته

شويت غشمره
:thumbs_up::thumbs_up::thumbs_up:

[سهيل2012]

هههههههههههههههههههههههه



مجرد فرضيات
1- الطالب سهيل
المدرس صقر قريش
الخطوات
1- الجلوس مع سهيل وعلى انفراد ؟ بعد انتهاء الدرس
2- تحويل سهيل الى المرشد الطلابي لدراسة حالته وايجاد حل لمشكلته مع محبوبته
3- أخير والله لو يسويها سهيل عندي في الفصل أني لأنسيه محبوبته

شويت غشمره

:thumbs_up::thumbs_up::thumbs_up:



مجرد توقعاااااااااااااات ...

يحق للطالب سهيل الجلوس مع الأستاذ صقر ..فقد كفل له النظام ذلك من خلال تعاميم

وردت في ذلك الشأن وأظن الأستاذ صقر باصم عليها ...

ولا يحق للأستاذ صقر أن يؤنب الطالب سهيل على فعلته ..ولا أن يوبخه.. بقوة النظام
والقرارات ..

لا يحق للأستاذ صقر أن يحول الطالب مباشرة إلى المرشد ..هناك إجراءات لا بد من إتخاذها ..

حتى لو تم تحويل سهيل للمرشد ..ياطول الروتين والنظام والسجلات اللي عند المرشد !

وآخرتها : تتفهم إدارة المدرسة وجهة نظر سهيل وتتفهم عدالة قضيته ..وتطلب من المعلم صقر

إعادة شرح الدرس مرة أخرى لسهيل ..وكأنك يا بوزيد ما غزيت !!

راجع التعاميم يا أستــــــــــــاذ صقر !!

* الطالب دائما على حق !!!!

[صقر قريش]

وجب على الاستاذ صقر ان يعجل بتقاعده ويريح راسه من جيل هذه الزمان

[سهيل2012]

وجب على الاستاذ صقر ان يعجل بتقاعده ويريح راسه من جيل هذه الزمان



أحسن ما قلت ..!!

شاكرا مرورك يا أستاذ صقر ..فقد أثريت الموضوع بالمفيد النافع .

[رعد الجنوب]

القافية ذكرتني بقصيدتي قف ياقلم
قف ياقلم مااعجزت مثلي ولا افحمـت=بينـي وبيـن الشعـر قـوة عـلاقـه
شـرع لـي البيبـان منهـا تقـدمـت=دخلـت مضمـاره وبــاول سبـاقـه
سلم لي اسراره وانـا جيـت سلمـت=باعـذب لحونـي ياوجيـه الرفـاقـه
نهلـت مـن نبعـه ولجلـه تعلـمـت=مخلـص وهـاوي واتخذتـه عشاقـه
اعرف دواعي الصمت وكون في صمت=للشعـر موقـف ماتـعـدى نطـاقـه
ولن دعانـي الحـال قمـت وتكلمـت=باحساس شاعـر فـي لسانـه طلاقـه
ياكم وكم اسرعـت للشـرد واذعنـت=اسـرع مـن الخيـال عنـد انطلاقـه
ناديت باعلى الصوت للشعـر واذنـت=واقفلـت للدهـمـا ثلاثـيـن طـاقـه
ماقلت حاجـه فـي حياتـي وتندمـت=اهـم شـي انـي ضعيـف الحمـاقـه
مانـي علـى ماقيـل حلـم وتحلمـت=ولانـي علـى ماقيـل تبـاع سـاقـه
لا عشت ياشعري بـلا روح او كنـت=ان ماحصـدت مـن المعانـي بطاقـه
ولا عشت دون الفخر والعلـم والبنـت=والتربيـة وسلـوك راعــي ونـاقـه
يامعشـر الشعـار انــا ماتكتـمـت=الشعر لي صاحـب وصعـب فراقـه

[خيآل]

قصيده مغناه رآئعه راقت لي سماعا

[سهيل2012]

قف ياقلم مااعجزت مثلي ولا افحمـت=بينـي وبيـن الشعـر قـوة عـلاقـه

وأنا أشهد ...

[قلب المحيط]

أبدعتوا .. وأجدتوا .. وأسعدتونا

يعطيكم العافيه

ولكن أين الحفاظ على نفسية الطلاب:lol: .. بعدين الطالب يتعقد:mad:

[سهيل2012]

قصيده مغناه رآئعه راقت لي سماعا



شكرا لمرورك .......

[سهيل2012]

أبدعتوا .. وأجدتوا .. وأسعدتونا

يعطيكم العافيه

ولكن أين الحفاظ على نفسية الطلاب:lol: .. بعدين الطالب يتعقد:mad:

نعتذر منكم ..

يمكن أنا وأستاذي صقر مارسنا معكم شيئا من الأستاذية ..

سامحونا ............

[سهيل2012]

يقول واحد من الطلاب:
أستاذ تكفى وقف الدرس لاهنت..
وشـــلون أبفهم دام خلي نساني..
لاصار ..خلي هو حبيبي وأنا إنت ..
وتشوف خلك رايح لشخص ثاني..��

رد عليه طالب ثاني:
أستاذ تكفى كمل الدرس لاهنت ..
يضحك على نفسه مسوي يعاني..
شفني أنا ميت من الحب في بنت ..
لكـــــن جالس منتبه في مكاني..��

ورد عليهم الأستاذ:
أحسنت ياتلميذ أحسنت أحسنت ..
هيضت قلبي يوم شعرك لفاني..
وذكرتني باللي على حبه أدمنت ..
لــكن .. قلبه .. صد عني ونسان…
وأوقفت شرح الدرس تقدير لك إنت..
والدرس هذا بشرحه فيوم ثاني..��

وقف مصطفى :

في إيه ياجماعه احنا مش حندرس حاجه
النهار ده ولا ايه..!! ��

م/ن

خطير يا مصطفى .. والله خطير .. !

[حسن عابد]

طلاب فلته

طلاب فلته

[سهيل2012]

طلاب فلته

طلاب فلته


مساكين يبون الفلّة والوناسة والضحوك والسواليف والدجّة ..

ومصطفى منكد عليهم .. يبي الدراسة والعلم والجد والاجتهاد ..

ولا زال الكر والفر بين الطالب مصطفى وبعض أبنائنا الداجين ..