النار مشتبه فراس الثوب وتشب اسفله(مطلوب الشيهان)

[بن داخل]

اليوم يابو امجد تشالتني مصاويح الزمان = النار مشتبه فراس الثوب وتشب اسفله
اماتدور لي معك مخراج من هذا المكان = ولا تعلمني من اللي يب يحل المشكلة

[أبو عبدالرحمن]

يعطيك العافية بن داخل

وصح لسانك
بانتظار شاعرنا الشيهان

[@ بن سلمان @]

هلا والله يا بو عبدالله عيني عليك باردة
وان كان تعطيني الامان في خاطري مشاركتك بعد هذا القاف
ولا تنس اني عليمي
الشيهان اختيارك شهادة مرور لك

[ابو عادل]

الله يعينك ياالشيهان وتراني في صفك
وبن داخل خطير انتبه له
بس برضه أستاذ وكبير في نفس الوقت ومن يتحاور معه يستفيد منه الى أبعد الحدود.

[المشتاق]

بن داخل
ليتني اتنازل لك واصكك بقاف بين عيونك
لكن هذا بعدك

[الشيهان]

يالشاعر اللى نعرفه بعزومه اللى ماتهان = اصبر على صرف الدهر والحمل مثلك يحمله
ما دام لك عينين في راسك ويقفاها لسان = خل اليمينه للقهد والثانيه للشوله

[@ بن سلمان @]

والله ما انت هين يالشيهان

[بن داخل]

يالشاعر اللى نعرفه بعزومه اللى ماتهان = اصبر على صرف الدهر والحمل مثلك يحمله
ما دام لك عينين في راسك ويقفاها لسان = خل اليمينه للقهد والثانيه للشوله


أنا رفعت البندق ام احدعش في خرج الحصان = لكن اشوف ان الفرس عيا زاهبي يحمله
وان كان شفت ان الدروب وساع قدم يافلان = لاتحسب ان الرسم بالفرجار مثل المنقله

[الشيهان]

لن كان تسمع شورتي لاتشترون الجبخان = فن الحروب وقنها بالعقل ماهي جلجله
لو ترسم الخطه على دفترك وانته فالامان = واحد تصيده بالعقل واحد يجي بالدنجله

[بن داخل]

لن كان تسمع شورتي لاتشترون الجبخان = فن الحروب وقنها بالعقل ماهي جلجله
لو ترسم الخطه على دفترك وانته فالامان = واحد تصيده بالعقل واحد يجي بالدنجله

انااعرف ان الداعية مايغلبه سر البيان= اما قرى من سورة الرحمن والا الزلزلة
لكن لياجات الفريضه يختلف ويقول كان = كلن على تقدير ربه يجتهد في منزله

[بنك المعلومات]

يعطيكم العافية
بن داخل ما لقيت اللي يهجدك

[الشيهان]

ماكل عالم لو قراء يقدر يركد كل جان = بعض الجنون معفرته حتى المداوي تدخله
وان كان رمية رمحكم ماجات صابتها سنان = لاوالله الا روحت راسك بجوف المقصله

[الشيهان]

الاخ ابو عبد الرحمن حاظرين في كل المواقف وابشر

الاخ بن سلمان الله يسلمك ولاتخاف على اخوك

الاخ ابو عادل وجودك مهم لنا جدا وبن داخل الله يعين عليه ان شاء الله يمكني منه وما استغنى عن دعمك

الاخ المشتاق الله يحيك يمكن نخليها بيني وبينك بالاردو بس خلنا نسدح بن داخل اول

الاخ بنك المعلومات الله يحيك وبن داخل ارقامه السريه كلها عندي حتى رقم المحفظه

[حسن عابد]

الله يجزاك بالخير يامحمد وشكرا على الهدية
الشيهان قواك الله ( بعض الجنون معفرته) حلوة

[بن داخل]

ماكل عالم لو قراء يقدر يركد كل جان = بعض الجنون معفرته حتى المداوي تدخله
وان كان رمية رمحكم ماجات صابتها سنان = لاوالله الا روحت راسك بجوف المقصله

اللي يدور للدوى عند المشعوذ يب يهان = ماعاد يبقى لهل جرول غير سوق المسفلة
يالله طلبتك ياكريم طالبه دايم معان = انك تسهل لابن داخل فالوقوت المقبلة

[مشعل الثمالي]

ليا شبت النار زيدها حطب يابن داخل
خل الغريب يقرب نارك وتلسعه
بيض الله وجهك
تحياتي ,,,

[بن داخل]

ليا شبت النار زيدها حطب يابن داخل
خل الغريب يقرب نارك وتلسعه
بيض الله وجهك
تحياتي ,,,
وجهك ابيض يامشعل
بس تأتي الرياح بمالا تشتهي السفن

[الشيهان]

ياللى تدور طب مابه طب صايبك الجنان = مالك مراح الا شهار ان كان ودك تنزله
الله يبن داخل يختم لك بفردوس الجنان= في ماضي ايامك خطر والمقبلات المعضله

[ضماء النهر]

محاوره راقيه بين الاخوين

وفقكما الله

[بن داخل]

ياللى تدور طب مابه طب صايبك الجنان = مالك مراح الا شهار ان كان ودك تنزله
الله يبن داخل يختم لك بفردوس الجنان= في ماضي ايامك خطر والمقبلات المعضله

اليوم لن دارت عليه يب يجيك من الزمان = اللي بقي حمل ثقيل مانت قادر تحمله
وان كان تب تشمت عليه مانت منها بالأمان = وان كان لك نفسٍ تواسيني فعلمك بدله

[الشيهان]

مادام حربك تعركك عرك الضروسه للبان = انا اتفرج وانتظر واقول يالله تشغله
ماني عليكم شامتٍ واللى كماكم مايعان = خلك تقلى فالقدر حتى تكب القلقله

[بن داخل]

مادام حربك تعركك عرك الضروسه للبان = انا اتفرج وانتظر واقول يالله تشغله
ماني عليكم شامتٍ واللى كماكم مايعان = خلك تقلى فالقدر حتى تكب القلقله

ان كنت تحسبها من الصملات ترويع الخوان = راجع حساباتك وفتش فالظروف المرسلة
انا فدبرت خالقي وانته تدبرك اللعان= لكن لك يوم تبا تربط فراس السلسلة

[ريمان]

الله عليكم كلكم كل واحد اجزل من خويه 000احترت بينكم لكن بلا شك كلكم تزدادووون تميزا يوما عن الاخر0 الله يعطيكم العافيه

[الشيهان]

بيض الله وجهك يابن داخل استاذي الكبير ارهقتني واتعبتني

التختميه عندك

احنا ترى نعرفك ياراعي المناصب والك شان = لاتحسب انك يالوزير اليوم محدٍ يسأله
والله تبي تبطي تعد انجمك ياراعي الحصان = هذي تماثيل البدوا حلقاتها متسلسله

[بن داخل]

[quote=الشيهان;52339]بيض الله وجهك يابن داخل استاذي الكبير ارهقتني واتعبتني

التختميه عندك

احنا ترى نعرفك ياراعي المناصب والك شان = لاتحسب انك يالوزير اليوم محدٍ يسأله
والله تبي تبطي تعد انجمك ياراعي الحصان = هذي تماثيل البدوا حلقاتها متسلسله


أنا حلفت يمين مادامت مقادير الزمان = ياراعي العلم الحسين اللي معي مازعله
والا انت روح تب تلاقي من زمانك قلبان = يازارع الفلفل تبي تجني زهور الفلفلة

أبو أمجد بيض الله وجهك
سريتبي شرق وشام
والله على نصري قدير

[الشيهان]

الحمد لله على السلامه بعد الله خارجني منك يابن داخل سليم معافى


بس انت زي الاستعمار بعد ينسحب يترك المشاكل الداخليه ..........عارف الاعيبك



وش لك تجيب طاري زهور الله يخارجنا منها ودك تنشنبني معها الله لايقوله


اللهم حوالينا ولاعلينا فكنا منها ترى اخوك ماهو حمل مشاكلها ولسانها الطويل

[بن داخل]

زهور مرتاعه منك ياشيهان
رفة جناح وتنتهي من الوجود

[@ بن سلمان @]

الشيهان هو قال زهور الفلفلة يعني الحبحر منها وما قصد زهور المنتدى
يعطيكم العافية
لا تحرمونا تواجدكم وودي بن داخل يعطينا علوم المقناص واخبار الحمى اذا فيه قبر والا قهد ربعنا معكم .

[الشيهان]

بن سلمان الله يطمن بالك طمنتني

انا رجل مسالم ماني حمل المشاكل

والا بن داخل حريص انه يوقعني في مشكله ويقعد يتفرج عليه


وانا اغرق اغرق على قول بن حافظ

[بن داخل]

الديار سهود ومهود
الحمى ممطور مطر ديمة
كل ماتعلينا يتحسن المطر
الصيد ماهو كثير فيه
النبت على أوله شهر من الأيام هذي ان تبع عليه مطر
بقدرة الله بيصير فرجة