{{ كان حـلم }} !!!!!

[{بعيدالنظر}]

كان حلم ولآجمل أحلامي حكيته=ليلة البارح وآنا صدري شمالي
ماوصلت بدايته حتـى آنتهيتـه=في مواعيد وزغاريـد إحتفالـي
للمسا . لنعاس ليـلٍ ماغفيتـه=للبياض وما صبغ رمش الليالي
لآخر آخر دربي اللي مامشيتـه=لأول اول مُر مَـر وذاق حالـي
السهر دربٍ سراني لو سريتـه=والتعب كيفي ليافاحـت دلالـي
كم سقاني ضيقة الصدر وسقيته=صافي حروفي وشلال إبتهالـي
كل ماهد التعـب حلـم وبنيتـه=لوّحت لي بسمةٍ في ثغر سالـي
والحبيب اللي سرقني وإصطفيته=الزمان إستكثره يومـه صفالـي
مامنعني عن ظما ماه ورويتـه=عن ظما ياما هما ماه الزلالـي
لين رتب لي جفاه وقلـت ليتـه=ماتركني مقتسم جرحـه لحالـي
أكتبه وآنسى إني أكتب لاقريتـه=وأنثره للريح وألقى به خيالـي
بعت لجله كل غالي وإشتريتـه=والمكاسب ماطلع لي راس مالي
ياقصيدي والله إنـي مارجيتـه=وإن تغلا ياقصيدي فآنت غالـي
كم دعاني داعي الشوق وعصيته=لا دفا شمسه ولا بـارد ظلالـي
إنتهى بي للطريق اللـي بديتـه=وإنطفى واشعل معه نور إحتفالي

[عثمان الثمالي]

الله يعطيك العافية

صح لسانك اخي بعيد النظر

[أبو عبدالرحمن]

صح لسانك شاعرنا بعيد النظر

لا عدمناك..

[النادر]

ولآخر آخر دربي اللي مامشيتـه=لأول اول مُر مَـر وذاق حالـي

اتركني هنا اخي احتسي بعضا من شهد السفر ودعني هنا اقف على آخر نقاط البدايه لذلك الطريق المرسوم بحرفنه


السهر دربٍ سراني لو سريتـه=والتعب كيفي ليافاحـت دلالـي
كم سقاني ضيقة الصدر وسقيته=صافي حروفي وشلال إبتهالـي

وكم هي معقده ابعاد الذات عندما نجلدها بسوط الانت تتسامى لتتشكل من جديد وعلى النقيض


كل ماهد التعـب حلـم وبنيتـه=لوّحت لي بسمةٍ في ثغر سالـي
والحبيب اللي سرقني وإصطفيته=الزمان إستكثره يومـه صفالـي

دائما لاتكتمل الفرحه الابالدمع ..,,, لما....؟؟؟ لا اعلم لكني اؤومن ان هذا هو القدر


بعيد النظر راقيه من شاعر راقي جلد الانا حتى انسلخت عن الذات فكان هذا البوح

تحياتي

النادر

[ابو عادل]

لين رتب لي جفاه وقلت ليته
.................................... ماتركني مقتسم جرحه لحالي
كم هي بليغة أبيات هذه القصيدة
وكم هوبليغ هذا البيت بالذات
هذا ماتعودناه منك أخي بعيد النظر
وهذه هي المشاركات التي نبحث عنها
صح لسانك وسلم بنانك ومانعدمك.

[بنك المعلومات]

صح لسانك وسلم بنانك
دمت بخير

[حسن عابد]

كان حلم واصبح قصيدة صح لسانك