وش علامات القيامه !!!!!

[{بعيدالنظر}]

أذكروا الله
وصلوا على النبي
.
.
.

زل عام وعام حل وبينها شوق وملامه=والبنادم في حياته بين مر وبين حالي
يامشيلح علم إلنا عن علامات القيامه=وش وصل منها وش اللي تنتظرها يالثمالي

[المشتاق]

بعيد النظر
حياك الله وحيا مبداك
اشوفك في الصورة تتوعد
ابي اعرف من اللي تتوعده ( لا تقول علي حشري )

[أبو عبدالرحمن]

صح لسانك أستاذ ـ عبيد الله ـ

وحي هلا بعودة المحاورة بينك وبين أستاذنا أبو عادل

[النادر]

بدع راقي

من المؤكد انها ستكون حاميه

النادر

[ضماء النهر]

بدايه قويه وننتظر ابو عادل

[حسن عابد]

أذكروا الله

وصلوا على النبي
.
.
.

زل عام وعام حل وبينها شوق وملامه=والبنادم في حياته بين مر وبين حالي
يامشيلح علم إلنا عن علامات القيامه=وش وصل منها وش اللي تنتظرها يالثمالي

بدع شوق وملامة
بدع سؤال وانتظار جواب
قواك الله اخي بعيد النظر
ننتظر ابوعادل في هذا المساء ان شاء الله تعالى

[بن داخل]

زل عـام وعـام حـل وبينهـا شـوق ومـلامـه
جزالة لفظ وعلو معنى

[@ بن سلمان @]

بعيد النظر
غيابك كاد يجدب ارض تعودت المطر
حضور ننتظره بلهف فمرحبا

[ابو عادل]

عام زل وعام حل وكل وقت وله نظامه=وكل شي ماعدا ربك مصيره للزوالي
والقلوب الغافلة ماتستفيد من العلامة=والليالي غيب مدري وش ورا غيب الليالي

[{بعيدالنظر}]

الدروب طوال والرحله تبي شده وقامه=يالثمالي لاترد أمثال فى الشيّ المثالي
بين عينك والهدف يالمحترف بادي عسامه=وآنت تاجر وأهل ساجر سوقهم بالحيل غالي

[ابو عادل]

كل من ينطق بكلمة يحتمل تالي كلامه=لايفكر فالجنوب ونص علمه فالشمالي
يوم تطري سوق ساجر وانت باسط فالثمامة=ماتشوف ان الشرا والبيع فيها مايقالي

[{بعيدالنظر}]

يالثمالي لاتبرّق فى العقال وفى العمامه=الخبر والعلم مابين العمامه والعقالي
لايغشّمني مشيلح لو تراقل به عظامه=وإن طراله في زمانه شيّ أنا ياما طرالي

[ابو عادل]

من بغا طرقة بعيدة قبلها يكرب حزامه=وانت لاتزعل لياقلّك ريالك مع ريالي
والحقيقة ياالعرابي مايجي حرب وسلامة=لوصفاجوك ترى لليوم جوي ماصفالي

[@ بن سلمان @]

واصلوا يعطيكم العافية

[{بعيدالنظر}]

ديننا بيّن حلاله يالمطوّع من حرامه=وأعرف الشبهات وأدري بالحرام من الحلالي
الشجاعه مالها طاري مع اصحاب الرخامه=مايصير الحلو مر ولايصير المر حالي

[{بعيدالنظر}]

تحيه وتقدير وآحترام للجميع ..
الكل يستحق شكر خاص والكل يستحق رد خاص ولكن لصفاء قلوبكم وعلمي مسبقاً بطيب معدنكم فأنتم لم تأتوا لهذا المتصفح إلا للمتابعه وحرصكم على ظهور المحاوره بجمهورها ومحبيها .
تأكدوا أيها الأحبه أنه لولا تواجدكم ولولا تشجيعكم ما خطونا خطوه واحده في هذا المجال

أشكركم جميعاً بما يليق بكم ودمتم أحبتي

[بنك المعلومات]

يعطيكم العافية

[ابو عادل]

أعتذر من الاخوة الذين تابعوا المحاورة عن تأخري في الرد لأنني لم أدخل الا متأخرا ونقول لكم
أنتم الداعم الرئيسي للمحاورة وكما قال (بعيد النظر ) لولا تواجدكم وتشجيعكم ماخطونا خطوة واحدة _ بارك الله فيكم وفي حضوركم المميز ومتابعتكم المستمرة التي لانستغني عنها.

[ابو عادل]

كم تعثر من خطا واسبابها زود الغشامة=من بغاها كلها ضاعت منه ياهمّلالي
والله اني مااتحزم بالبخيل وبالهلامة=جعل وقفات الوفا والجود من فالك وفالي

[النتيف]

الله يعطيكم العافية ((أبو عادل وبعيد النظر))

ننتظر منكم التميز كما عودتمونا فواصلوا

[{بعيدالنظر}]

مايشيل البردعه فوق اربعه راع المسامه=خابرين أهل السيوف وخابرين أهل المحالي
والنعم لكنها زعمه تجي تحت الزعامه=مير علّم من كوْته الشمس يدرق فى الظلالي

[{بعيدالنظر}]

الغالين جميعاً
نحن بكم نتميّز وأنتم الأساس لنجاح أي عمل .
دمتم جميعاً ولكم تقديري

[ابو عادل]

الجمايل بابها مفتوح مافيها ندامة=نعرفه وانتم تعرفونه يابو زيد الهلالي
ان طرقتوا بابها قلنا لكم هذي شهامة=بيض الله وجه من يعرف قوانين الرجالي

[{بعيدالنظر}]

الجمايل كل من يعملّها مرفوع هامه=ماعزلنا الهيل دون البن عن صفر الدلالي
من سعى للطيّبه لابد مايبلغ مرامه=ياعسى الطمّاع مايخلط جماله مع جمالي

[ابو عادل]

بعد بينها الحجازي لاتحودر في تهامة=وانت شفت ان الحجازي بعدما هنهن يلالي
والجمل لوماعرف دربي يجيني به خطامه =وان تعصوى قلت ياسمحان انا ماني لحالي

[{بعيدالنظر}]

المطر ماطاح كيف تعيش ياعود البشامه=لو تهب إلك الصبا ولا تهب إلا العوالي
النمر كشّر سنونه وآنت تعطيه إبتسامه=مادريت إنه محدّدها للآقصى والموالي

[ابو عادل]

أشهد ان الحلم فسحة من تحلّم في منامه =مايصير الحلم علم ولايوصّل للمعالي
صحّ طلعة نمر والا الطبع من طبع النعامة =يوم دسّت راسها فالرمل خجلة ماتوالي

[{بعيدالنظر}]

الغالي شاعري الكبير الأستاذ / مشيلح الثمالي (أبو عادل)
بيّض الله وجهك بياض يبدي مع كل ريع
وأشكرك على تواجدك رغم مشاغلك هذه الأيام .
ونظراً للإنشغال بأمور الإختبارات نتمنى لكم التوفيق جميعاً
وسنعود بإذن الله قريباً لنفعّل المحاورات المباشره على الهواء
ولكم تقديري
شكراً للغالي : ابو عبدالرحمن على إهتمامه وجهده

[ابو عادل]

بارك الله فيك أخي بعيد النظر ووجهك أبيض
ولنا لقاء قريب بإذن الله.

[أبو عبدالرحمن]

رفع الله قدركم...

أعلام وقمم ...