المرقاااااااااب

[النادر]

مدري هو حلم والا علم لكنها جاتكم وخذوها كما جات

البارحة عديت فالمرقاب من بعد الزوال=امد شوفي للتخوم وللسهول وللفجاج
احرجني الواقع وانا ماحب عسرات المنال=من صغرتي عندي على العسرات طنخه مع مزاج
ومديت شوفي للبعيد وللقريب وللظلال=واشوف لي عجه تحوس الارض يقفاها عجاج
واشوف لي عود يميل وعود يابس باعتدال=واشوف لي راعي جحيش ومن حواليهم نعاج
واشوف لي حصني يسوق الذيب في درب الحلال=اليا اعتلى الصايح يخالفهم على زرب الدجاج
واشوف لي ضيف حشيم في وسط مجلس دلال=كل اليدين تمد فنجال الغلا له بابتهاج
في عينه اليمنى اشوف الصدق وحبال الوصال=وسهوم غدر فاليسار ومن تحت حد الحجاج
واشوف لي ضول على مدالنظر واسمع جدال=واثره حصان الشيخ طاح وعارضينه للحراج
واسمع مقفي يقول للمقبل فلايسوى ريال=واسمع صياح المشتري يقول يالله الخراج
والد لبيوت العرب واليانها مثل الجبال=وان جات عيني للجبال اشوفها مثل الزراج
واشوف لي شايب ينبث بالعصاحوله عيال=والعالم الله ينصح الجهيل عن درب العواج

[سهيل2012]

واشوف لي ضيف حشيم في وسط مجلس دلال *** كل اليدين تمد فنجال الغلا له بابتهاج

في عينه اليمنى اشوف الصدق وحبال الوصال ***وسهوم غدر فاليسار ومن تحت حد الحجاج


ما شاء الله عليك يا شاعرنا النادر ..

ما تجيب ألا النوادر والفرائد ...

وإن شاء الله ما تجي بين الطيبين سهوم ..ولا حرب نجوم ...

تشرفت بأن أكون أول من رد على (قصيدة المرقاب)..

وما أدري وين مرقابك اللي (وقت)ونظرت منه ..وشاهدة هذه المشاهد المروعة !!!

اليوم المرقاب ..ويمكن غدا ( الساحة) !

والله يستر وش يجي بعدها !!

لا زلتُ أتساءل عن غياب عميد منتدانا حسن عابد ..أين هو ؟

على قول اللي ما ظنيت إنه عادل ولا إيمام ( العملية كبرت يا رجاله ) !!!!

[أبو عبدالرحمن]

صح لسانك شاعرنا المبدع / أبا عماد

رائع في وصفك بديع في جمال ألفاظك

قصيدة مكملة للحراك الحاصل في الواحة
لا عدمناك

[النادر]

واشوف لي ضيف حشيم في وسط مجلس دلال *** كل اليدين تمد فنجال الغلا له بابتهاج

في عينه اليمنى اشوف الصدق وحبال الوصال ***وسهوم غدر فاليسار ومن تحت حد الحجاج


ما شاء الله عليك يا شاعرنا النادر ..

ما تجيب ألا النوادر والفرائد ...

وإن شاء الله ما تجي بين الطيبين سهوم ..ولا حرب نجوم ...

تشرفت بأن أكون أول من رد على (قصيدة المرقاب)..

وما أدري وين مرقابك اللي (وقت)ونظرت منه ..وشاهدة هذه المشاهد المروعة !!!

اليوم المرقاب ..ويمكن غدا ( الساحة) !

والله يستر وش يجي بعدها !!

لا زلتُ أتساءل عن غياب عميد منتدانا حسن عابد ..أين هو ؟

على قول اللي ما ظنيت إنه عادل ولا إيمام ( العملية كبرت يا رجاله ) !!!!


هلاااااا بالنجم الجنوبي

دايم قراءات شعراء المحاوره مختلفة تقوس المستفيم وتنقط المتصل

الجميل دائما انك في الطليعة فلك الشكر على كل هذا العطاء

اسأل سنا عن حسن فربما لدى جهينة الخبر

النادر

[سهيل2012]

الغايب حجته وياه ..كما يقولون ..

والله يستر لا يكون في غيبته : يحوس ويدوس ..ويذكي ويعالج ..ويجيب لنا مطمّه !


واشوف لي شايب ينبث بالعصاحوله عيال!!!

أعيش وأموت ..وأعرف من هو ها الشــــــــايب ؟؟؟؟؟؟؟؟؟؟؟؟؟؟؟؟

[النادر]

صح لسانك شاعرنا المبدع / أبا عماد

رائع في وصفك بديع في جمال ألفاظك

قصيدة مكملة للحراك الحاصل في الواحة
لا عدمناك

هلا بالمدير

صح بدنك طال عمرك على الطاعة

الحراك اخشى ان يتحول الى ربيع ثم تتساقط الاوراق تباعا

المهم عندي انها اعجبتك حتى لو مادمغتها بالازرق

النادر

[النادر]

الغايب حجته وياه ..كما يقولون ..

والله يستر لا يكون في غيبته : يحوس ويدوس ..ويذكي ويعالج ..ويجيب لنا مطمّه !


واشوف لي شايب ينبث بالعصاحوله عيال!!!

أعيش وأموت ..وأعرف من هو ها الشــــــــايب ؟؟؟؟؟؟؟؟؟؟؟؟؟؟؟؟


ياويه ياسهيل

لاحجه ولا صك واشوفك تلحن على قصة قريتها لك بس مدري وين

اسلم لي عايش الشيبان واجد ويمكن اولهم انا ههههههههه

النادر

[سنا الهجرة]

مدري هو حلم والا علم لكنها جاتكم وخذوها كما جات

البارحة عديت فالمرقاب من بعد الزوال=امد شوفي للتخوم وللسهول وللفجاج
احرجني الواقع وانا ماحب عسرات المنال=من صغرتي عندي على العسرات طنخه مع مزاج
ومديت شوفي للبعيد وللقريب وللظلال=واشوف لي عجه تحوس الارض يقفاها عجاج
واشوف لي عود يميل وعود يابس باعتدال=واشوف لي راعي جحيش ومن حواليهم نعاج
واشوف لي حصني يسوق الذيب في درب الحلال=اليا اعتلى الصايح يخالفهم على زرب الدجاج
واشوف لي ضيف حشيم في وسط مجلس دلال=كل اليدين تمد فنجال الغلا له بابتهاج
في عينه اليمنى اشوف الصدق وحبال الوصال=وسهوم غدر فاليسار ومن تحت حد الحجاج
واشوف لي ضول على مدالنظر واسمع جدال=واثره حصان الشيخ طاح وعارضينه للحراج
واسمع مقفي يقول للمقبل فلايسوى ريال=واسمع صياح المشتري يقول يالله الخراج
والد لبيوت العرب واليانها مثل الجبال=وان جات عيني للجبال اشوفها مثل الزراج
واشوف لي شايب ينبث بالعصاحوله عيال=والعالم الله ينصح الجهيل عن درب العواج

الله الله لله
خطير يا النادر خطير
حتى في صيدك خطير
أشوفك لم تستخدم الخرازة في صيدك > بل إستخدمت السوجن
تذكرت حرب الخليج الثاية واستخدام الـ بي 52 اللي يقولون إن عبوتها تكفي لحرق 2 كيلو طولاً في نص كيلو عرضا

إن كانت حلم فـ مفسرين الأحلام يقولون إنفث عن يسارك ثلاثاً وتعوذ من شرها ولا تعلم به أحد ولا تفسرها لنفسك
وان كانت علم فهي واضحة ولا تحتاج لتفسير ولا تعبير.
صراحة كنت بقتبس جزئية معينة من هذا النص لكن خشيت أن يساء فهم ما سأقتبسه
فأقتبستها كاملة وهي تستحق ذلك في سبكها وحبكها

صح لسانك يالنادر .. مبدع في كل حالاتك

[@ بن سلمان @]

صح لسانك يا بو عماد
إتصلت في الشيخ الرويس مفسر الأحلام في قناة المرقاب وقال إنها أضغاث أحلام ونصح إن الواحد ما ينام وهو مثقل في العشا وخاصة روبيان الشرقية
وأنا أقول يالله عسى خير من هالحلم

ومديت شوفي للبعيد وللقريب وللظلال
واشوف لي عجه تحوس الارض يقفاها عجاج
هذا البيت سبق تحذيرات الدفاع المدني عن موجة الغبار الباردة بدء من مساء الأربعاء
اللهم إني أسالك من خيرها وخير ما فيها واعوذ بك من شرها وشر ما فيها

[سنا الهجرة]

اسأل سنا عن حسن فربما لدى جهينة الخبر




ما عليك من أسئلة سهيل يابو عماد
أسئلته واجد والفائدة الله أعلم بها

مرة يسأل عن المرقاب ومرة عن حسن عابد .. ومره يسأل عن الشايب >>
وهو ناسي نفسه ههههههه

[النادر]

الله الله لله

خطير يا النادر خطير
حتى في صيدك خطير
أشوفك لم تستخدم الخرازة في صيدك > بل إستخدمت السوجن
تذكرت حرب الخليج الثاية واستخدام الـ بي 52 اللي يقولون إن عبوتها تكفي لحرق 2 كيلو طولاً في نص كيلو عرضا

إن كانت حلم فـ مفسرين الأحلام يقولون إنفث عن يسارك ثلاثاً وتعوذ من شرها ولا تعلم به أحد ولا تفسرها لنفسك
وان كانت علم فهي واضحة ولا تحتاج لتفسير ولا تعبير.
صراحة كنت بقتبس جزئية معينة من هذا النص لكن خشيت أن يساء فهم ما سأقتبسه
فأقتبستها كاملة وهي تستحق ذلك في سبكها وحبكها


صح لسانك يالنادر .. مبدع في كل حالاتك


الله يجزاك بالخير يابو عبدالله

لاشوزن ولاذري ماغير يارفيقي مشراف

والله اني تفلت لين ابتلت الارض حولي ولافادت عشان كذا جبتها

اشوى انك ماقبستها واقتبستها كلها

ابيض وجه ياراقي

النادر

[النادر]

صح لسانك يا بو عماد
إتصلت في الشيخ الرويس مفسر الأحلام في قناة المرقاب وقال إنها أضغاث أحلام ونصح إن الواحد ما ينام وهو مثقل في العشا وخاصة روبيان الشرقية
وأنا أقول يالله عسى خير من هالحلم

ومديت شوفي للبعيد وللقريب وللظلال
واشوف لي عجه تحوس الارض يقفاها عجاج
هذا البيت سبق تحذيرات الدفاع المدني عن موجة الغبار الباردة بدء من مساء الأربعاء
اللهم إني أسالك من خيرها وخير ما فيها واعوذ بك من شرها وشر ما فيها


هلا والله بابن الخال

الرويس يحسب انه محتكر المرقاب والناس حلمها كبير

واخوك من جاه السكر وهو مايتعشى فلاتخاف عليه من الفجعه والكوابيس

وبعدين ماشاء الله عليك متابع النشره الجويه من ايام كراني وشال الاتحاد

والحمد لله انك فسرت العجه وفق توقعات الاحوال وماقلت يمكن اعصار فيه نار

النادر

[بنت شيوخ]

دائما متميز في الانتقاء

سلمت على روعه طرحك

نترقب المزيد من جديدك الرائع

دمت ودام لنا روعه مواضيعك

لكـ خالص احترامي

[سهيل2012]

ياويه ياسهيل

لاحجه ولا صك واشوفك تلحن على قصة قريتها لك بس مدري وين

اسلم لي عايش الشيبان واجد ويمكن اولهم انا ههههههههه

النادر


ما عليك يا أخي النادر ..

سهوووووود .....ومهووووووووود !!!

يوم لك ..ويوم عليك .. ويوم ........

لكن (( برضه)) لا زلت أتساءل عن ها الشائب الحلو ؟

[زملوق]

إتصلت في الشيخ الرويس مفسر الأحلام في قناة المرقاب وقال إنها أضغاث أحلام ونصح إن الواحد ما ينام وهو مثقل في العشا وخاصة روبيان الشرقية
وأنا أقول يالله عسى خير من هالحلم
على قيس شوفي لو ان العجة أثرت على مدى الرؤية الا أن
هذا المقطوعة وأخص قول النادر
واشوف لي حصني يسوق الذيب في درب الحلال
اليا اعتلى الصايح يخالفهم على زرب الدجاج
تحتاج إلى سؤال المعبر مرة أخرى بعد قطعها عن سياقها
الشغلة فيها بورات ولف ودوران وسيطرة المفضول على الفاضل
وانقياد الروس خلف المدسوس وتقديم المكر على الخفة والشجاعة
بس بصراحة نص يحمل رؤى وصور شعرية غاية في الروعة وجمع بين
الذئاب والخراف والثعلب والدجاج ولكن ماظهر لي أنها في آخر الزمان
والتي ذكر من أشراطها أن الذئب يسير مع الغنم ولا يأكلها بس الدجاج
ما أدري وش صار له ووش جابه فالسالفة وهو مزروب وموثق كيف وصل له
الثعلب المكار يمكن حفر من تحت الباب والا راعيه نسي لا يصك عليه
كم أنت رائع أيه النادر
وكم أنا متطلع لصور شعرية كهذه التي تحمل السامع والقارئ الى خارج
منظومة القصيدة اللغوية والتحليق في أجواء الصور الشعرية

[النادر]

سنا سهيل يسأل وهو عارف مكانة لكن يبي يعرف اللي حوالية منهم ووينهم وانت لاتركي على الرجال بالفتشه ترى لايمه معثور

الرائع سهيل الشايب قريب بس الصوت ماساعده نعرف وش يقول توحى زين وانت بتعرفه من صوته

[النادر]

دائما متميز في الانتقاء

سلمت على روعه طرحك

نترقب المزيد من جديدك الرائع

دمت ودام لنا روعه مواضيعك

لكـ خالص احترامي


بنت الشيوخ

ومرور رشيق اسعدني

شكرا لك يارائعه

النادر

[النادر]

إتصلت في الشيخ الرويس مفسر الأحلام في قناة المرقاب وقال إنها أضغاث أحلام ونصح إن الواحد ما ينام وهو مثقل في العشا وخاصة روبيان الشرقية

وأنا أقول يالله عسى خير من هالحلم
على قيس شوفي لو ان العجة أثرت على مدى الرؤية الا أن
هذا المقطوعة وأخص قول النادر
واشوف لي حصني يسوق الذيب في درب الحلال
اليا اعتلى الصايح يخالفهم على زرب الدجاج
تحتاج إلى سؤال المعبر مرة أخرى بعد قطعها عن سياقها
الشغلة فيها بورات ولف ودوران وسيطرة المفضول على الفاضل
وانقياد الروس خلف المدسوس وتقديم المكر على الخفة والشجاعة
بس بصراحة نص يحمل رؤى وصور شعرية غاية في الروعة وجمع بين
الذئاب والخراف والثعلب والدجاج ولكن ماظهر لي أنها في آخر الزمان
والتي ذكر من أشراطها أن الذئب يسير مع الغنم ولا يأكلها بس الدجاج
ما أدري وش صار له ووش جابه فالسالفة وهو مزروب وموثق كيف وصل له
الثعلب المكار يمكن حفر من تحت الباب والا راعيه نسي لا يصك عليه
كم أنت رائع أيه النادر
وكم أنا متطلع لصور شعرية كهذه التي تحمل السامع والقارئ الى خارج

منظومة القصيدة اللغوية والتحليق في أجواء الصور الشعرية



ابو الزماليق

اقراء في صدرك الله يجزاك بالخير لاتفتح الابواب المغاليق

والله يعين الرويس على ماجاه من الحلم الاقشر والمصيبة ان الحلم مليان حلوم وكل شوي وواحد رايح ينشده عن بعضها وانت خابر التاؤيل على شكل السائل

اما اطراءك فشهادة برائحة خزامي الشامات وكلي امتنان لها

النادر

[أبو عبدالرحمن]

أجدد إعجابي بقصيدتك شاعرنا الحبيب ـ أبا عماد ـ

والختم الأزرق لقصائدك الرقيقة:rose:

[سنا الهجرة]

والختم الأزرق لقصائدك الرقيقة:rose:

مدري يابو عبدالرحمن وش تقصد بالـ ( رقيقة )
هل تقصد العاطفية مثلا ....
والا تقصد اللينة واللي فيها رفق ...
أنا بس تذكرت حديث الرسول صلى الله عليه وسلم الذي قال فيه ((ماكان الرفق في شيء إلا زانه ولانزع من شيء إلا شانه ))

محدثكم واحد حريص على الختم

[النادر]

أجدد إعجابي بقصيدتك شاعرنا الحبيب ـ أبا عماد ـ

والختم الأزرق لقصائدك الرقيقة:rose:


ياهلا بالمدير من قبل ومن بعد

مرورك ختم ووش حال وانت حاط لي وحده من الختم الحمر هذا بعد زين على زين

النادر

[النادر]

مدري يابو عبدالرحمن وش تقصد بالـ ( رقيقة )
هل تقصد العاطفية مثلا ....
والا تقصد اللينة واللي فيها رفق ...
أنا بس تذكرت حديث الرسول صلى الله عليه وسلم الذي قال فيه ((ماكان الرفق في شيء إلا زانه ولانزع من شيء إلا شانه ))

محدثكم واحد حريص على الختم



انا والله يابو عبدالله مدري انت وش تبي

لكن يقولون والعهده على اهل اللغه
ان العاطفيه من اللين لانه مالان رق وانعطف
فانت ترفق علينا لانلتوي من زود اللين
اللهم لاحسد المدير قلبه خضر وانت تحداه للجفاف

النادر

[سنا الهجرة]

انا والله يابو عبدالله مدري انت وش تبي

لكن يقولون والعهده على اهل اللغه
ان العاطفيه من اللين لانه مالان رق وانعطف
فانت ترفق علينا لانلتوي من زود اللين
اللهم لاحسد المدير قلبه خضر وانت تحداه للجفاف

النادر


ما أبيك الا سالم يابو عماد
بس أداعب المدير فقط

[حسن عابد]

ههههههههههه
ماالومك يوم تحلم والسبب معروف جعلني مامريت عليك في حلمك ايها النادر المبدع

[تحت الصفر]

اليوم كثرت الأحلام وكثروا المفسرين
حتى صاروا يتصدرون القنوات الفضائة

لكن على قول حسن عابد الله يجعلني ما أمر في حلمك
لأنك ما فيك حيلة ولا تنقدر مع ان عندي احساس اني أنا واياك نجد أنفسنا في الشعر العاطفي أكثر مراس وأكثر جمالية < ولا تعلم أحد

[النجم الساهر]

هلا والله يابن الخال

بدءا فاني اعتذر عن التأخير لظروف خارجة عن ارادتي

وكنت اتمنى اني مع هذا الحرك الغير عادي من الجميع ومن شخصك بالذات

صحيح اني لا ارقى لمصاف النقد والمحللين

لكن يبدو ان وراء الاكمة ما وراءها

لافض فوك واعلم جيدا انك تجيد السباحة واعلم ايضا انك تسنطيع مصارعة الامواج مهما كانت عاتيه

اخي هكذا عهدناك بعيد المرامي وتحسن الناء وتكم الشور وتبلغ الهدف

لاعدمناك

[النادر]

ههههههههههه
ماالومك يوم تحلم والسبب معروف جعلني مامريت عليك في حلمك ايها النادر المبدع


هلا يابو علي

قراءت الكبار دايم تحفز على المزيد وانت اكبر من الحلم ياراقي

النادر

[النادر]

اليوم كثرت الأحلام وكثروا المفسرين

حتى صاروا يتصدرون القنوات الفضائة

لكن على قول حسن عابد الله يجعلني ما أمر في حلمك

لأنك ما فيك حيلة ولا تنقدر مع ان عندي احساس اني أنا واياك نجد أنفسنا في الشعر العاطفي أكثر مراس وأكثر جمالية < ولا تعلم أحد


هلا والله بتحت الصفر

تشريفة مرقاب ومد شوف والناس قامت تاخذ وتودي

ماعليك ماني معلم احد

سلمت يالراقي

النادر

[النادر]

هلا والله يابن الخال


بدءا فاني اعتذر عن التأخير لظروف خارجة عن ارادتي

وكنت اتمنى اني مع هذا الحرك الغير عادي من الجميع ومن شخصك بالذات

صحيح اني لا ارقى لمصاف النقد والمحللين

لكن يبدو ان وراء الاكمة ما وراءها

لافض فوك واعلم جيدا انك تجيد السباحة واعلم ايضا انك تسنطيع مصارعة الامواج مهما كانت عاتيه

اخي هكذا عهدناك بعيد المرامي وتحسن الناء وتكم الشور وتبلغ الهدف


لاعدمناك



هلا والله بابن العمة

شهادة اخ كبير اتقلدها وسام

لازلت على الشاطئ واحاول جذب من يريد السلامة

شكرا لك قراءاتك ياراقي

النادر

[مرفأ الذكريات]

النادر نادر نجد مثل هذا القصيد الرائع

دمت في تألق

[ابو عادل]

واشوف لي حصني يسوق الذيب في درب الحلال
اليا اعتلى الصايح يخالفهم على زرب الدجاج
ههههههههههه
والله ياهي صورة خطيرة يابوعماد
كم أنت عميق لله درك

[النادر]

النادر نادر نجد مثل هذا القصيد الرائع

دمت في تألق
مرفاء الذكريات

شكرا لك الاطراء العذب

النادر

[النادر]

واشوف لي حصني يسوق الذيب في درب الحلال

اليا اعتلى الصايح يخالفهم على زرب الدجاج
ههههههههههه
والله ياهي صورة خطيرة يابوعماد
كم أنت عميق لله درك


ابو عادل

والله لني داري انها ماتفوتك انت والقمم الشعريه هنا

لك من اخيك كل الحب

النادر

[خلف بن عبدالعزيز الثمالي]

كيف حالك يا أبا عماد؟
ولكم أعجبني هذا الطّرح الأكثر من رائع حين اعتليت المرقاب
وفّقك الله .