سلام الله على زهره

[العائد]

سلام الله على زهرٍ نبت في غير وقت انبات = نمى واشتد عوده وارتفع من يقدر ايطوله
انا بنشد زهور الريف ماانتي من عرب صنهات = رعاة البل والا عزوتك مع ربع هلهوله

[زهور الريف]

الا يامرحبا بالشاعر اللى حافظ العادات = دروب العز شابرها وفعله سابق (ن) قوله
وانا اضن العقل دايم يترجم محتوى النظرات = ليافكر نضيف العقل لازم يكسب الجوله

[العائد]

نعم هذا الكلام اللي لقيته يبرد الحرات = سلمتي يا زهور اللي تعرف الشعر وسبوله
وانا فكرت في الشعار ولين الشعر هبات = ولا هبيت مع عاقل تجيني افكار معقوله

[بن داخل]

الصفوف وين هي

[المشتاق]

الله الله
ليش انته يحب زحمة
طيب صبر شويه
صدق بدو

[أبو عبدالرحمن]

عساكم على القوة
ونحن نتابع هذا الجمال

[عثمان الثمالي]

عساكم على القوة
ونحن نتابع هذا الجمال


الله يعطيكم العافية

[زهور الريف]

كلام الطيب لاهل الطيب اسوقه مابها غِرات = ولانرضى لك الا علم وافي وانته تطوله
ليا هبت هبوب الشعر عسى الله يجبر العثرات = بعد سقت المطايا حثها والدرب وش طوله

[حسن عابد]

بيض الله وجهك اخي العائد
ما خاب املي فيك واصل بدون فواصل نتابعك
زهورنا
حضورك غير قواك الله نتابع

[العائد]

كفو يا طيبه من طيبين الذكر والقالات = ولا هبت هبوب الشعر محفوله ومكفوله
وانا طارح نظر للفلوه اللي تترك الفلوات = وتتّبع نياق البدو والنيات مجهوله

[@ بن سلمان @]

العائد
زهور الريف
هلا وغلا وعلى الرحب والسعة

[العائد]

بن داخل ...المشتاق....ابو عبد الرحمن ......عثمان الثمالي....حسن عابد :
حياكم الله وابشروا باللي يسركم مني ومن شاعرة المنتدى زهور الريف

[زهور الريف]

اسفه على التاخير بس تعرفون اليوم ربوع وفله وحياكم الله جميعا



زهور الريف مبداها ترى دايم على الطلات = تقود العرف بخطامه وتمشي به على اصوله
وتجار البلد تعرف متى الشروات والبيعات = ومن يجهل فنون السوق ضيع كل محصوله

[العائد]

ابا زيدك من الاشعار سيد سادة الابيات = سلاحك في الوغى درعين ولا سيوف مسلوله
انا حسبت بنت الشاة ترضع من حليب الشاة = لكني شفتها تسعى ورى ابو قرون مفتوله

[زهور الريف]

سلاحي عرف يالعايد وياكم من حريبٍ فات = لفا واقفى وهو يسحب من الخيبات في ذيوله
شعاع الشمس لاباني تغيب اقمار مع نجمات = حليل اللى بكشافه يقول الناس مهبوله

[ريمان]

حضور متميز ماتم طرحه يدل على قوى متكافئه
قواكم الله

[العائد]

هلا بالعارفه والعرف له حزه من الحزات = ولا جانا رسول العرف نفرح به ومرسوله
انا بنشدك عن ثعلب وفي ذيله سبع لفات = أذي للزرع واهل الضرع ابو كلمات معسوله

[العائد]

الاخت زهور الريف : أعذريني لدي إرتباط حتى المساء . سأعود إلى المنتدى إن شاء الله

[زهور الريف]

خذ راحتك ونحن في انتضارك


ترى بعض الوجيه السود ماتصبر عن الصكات = قرينه تحفر الحفره وتمسي اليل ماكوله
هذاك الماكر المكار ماله حساب فالغابات = توطاه الاسود اللى عليها اشناب ماهوله

[الحجاج بن يوسف الثقفي]

نييياااااااااااااااااااااااااااااااااااااااع
يازهرة المنتدى
وش بك ماعاد تسيرين علينا في الاستراحه

[العائد]

لكني خابره وهقك في مره من المرات = ولولا الله ثم الناس كنتي رحتي في رجوله
وانا خابرك ياام زهير معدوده من الذربات = علامك ما لجمتي الثعلب المكار وذيوله

[زهور الريف]

الا ياكثر ماتحلم صغار الناس فالنومات = وتصبح في سعاده كنها بالريش محموله
واهل المال تلقاها وفي وجه الفتى بسمات = والفقران من فقره يعد الناس من حوله

[زهور الريف]

اقزوز منسم انت وش جابك هنا بدون استأذان

لو سمحت اطلع ورح الاستراحه تراك عدوي اللدود بعد شهرت بي ونزلت صورتي وانا في عز طفولتي وبدون حجاب


جايك في الطريق قضيه تشهير مروفعه عليك والمحامي منقاش

[العائد]

الا ياصعب حال اثنين يتبارون في الظلمات = احد يرمي صدى الثاني والاخر يتبع في زوله
عسى شمس الضحى تشرق واشوف الخصم في الشرقات = واسيِّر له جيوش كبار رجليه ومحموله

[زهور الريف]

ترى ولت وقوت الحرب بالكرات والفرات = وصار الحرب والتخطيط بالموجات منقوله
تراعد بعض عرباني وخصمه داخل القُبات = ولو شاف الجيوش اللى تضده طاح من طوله

[العائد]

هذاكا فعل شقراوات من نسل الخواجيات = ما هو بنتن يالعربان اهل طاقات مشلوله
تقضين الوقت في الخشخشة ومطارد الموضات = وغاية معرفتكن يا النسا تقطيع تبوله

[زهور الريف]

اشوفك قمت يالعايد تغص وبانت الغيرات = وفكري والعرب يقلون (افا) ياناس معقوله
طلع هذا الولد والله من اهل الرسم والقصات = حشى ما اقول كل رجالنا من مثل تنبوله

[ضماء النهر]

طلع هذا الولد والله من اهل الرسم والقصات

صح لسانك يا اميره

ما هذا الابداع يا شاعره المنتدى

كلام ولا احلى من الاميره زهور الريف

[العائد]

ترى خصمتك يا ام زهير لا راحت ولا هي جات = ولا بد الولد يعقل وتبقى البنت مهبوله
حريم اول كما مزن الحيا مفتاح للخيرات = ماهو مثل البقيع اللي يدوب تشوف ثعلوله

عذرا أيها السيدات والساده . ليس هذا ما اعتقده فعلا , وإنما نخن هنا نتبادل المزح والتسليه مع الست زهور

عزيزتي ظماء النهر : اعلم معزة زهور لديك , لكن هذا حال الدنيا يوم لك ويوم عليك واظن إن زهور تتمتع بأخلاق رياضيه عاليه .

[زهور الريف]

توقع ياولد لاترتطم في عاتي الموجات = ترى افكار التخلف بايده بالعلم مغسوله
زمان البنت قادم وانت خلك كثر الونات = على ذاك الزمان اللى من اول راح مفعوله

[زهور الريف]

حياك اخوي العائد والمزح عندنا ماله نهايه وهو اعز هوايه



اشكرك عزيزتي ضماء النهر يا عيون زهور الريف

ولا يهمك كثر الكلام

زهور الريف ......... زهور الريف كما عهدتيها فيض من غيض

[العائد]

عسى الله يا زهور الريف يحسن منِّنا النيات = ويهدي كل مزيونه ويرزق كل مجموله
أنا ما عاد في صدري ونين ولاش فيه سكات = قنعت ابما تقولنّه قبل ما شوف مدلوله


إختمي المحاوره يا ست زهور جزاك الله خيرا . القاف شاب على الشعار الشباب
مشكوره على هذه المحاوره الماتعه , وارجو أن يكون الجميع استمتعوا بها
وإلى اللقاءءءءءءءءءءءءءءء .

[ABO TURKI]

وفقكم الله
بعد ماحمي الوطيس بطلتوا
عساكم على القوة

[العائد]

معك حق يا ابو تركي والله ما الومك , لكن هذي البير وهذا غطاها
ومع ذلك انا مستعد اقبِّل المحاوره مع زهور على اللي يدفع أكثر
طبعا إن كان ما عند زهور الريف مانع ؟

[زهور الريف]

حياك الله اخوي العائد وقد سعدت كثيرا بالمحاوره الشيقه معك والى القاء وعل الرحب والسعه في اي وقت للمحاوره والقصيد منكم نستفيد


سلمت وطيب الله فال راعي الطيب فالمدات = معاني الطيب عند زهور محموله ومزموله
ومعاني الشعر للشاعر كما التوقيع فالشيكات = يسيرها واذا اصتكت ضرب بالشيش مقفوله

[زهور الريف]

اخي ابو تركي بارك الله فيك والايام طوال لمن يعيش ومد البحر ما ينضب

[ABO TURKI]

بيض الله وجيهكم
والله يوفقكم وزرورنا في المنتدى العام لا تنسون