الذيب
05-15-2012, 03:28 PM
بسم الله الرحمن الرحيم
الحمدلله الذي اتم نعمته علينا وعلى عباده الصالحين ....
تحيه صادقه ملؤها الحب والوفاء يتبعها امانه حملتها من والد واخوان و اقارب واصحاب
واسأل الله ان اكون احسنت صياغتها ونقلها لأهل الوفاء ........
الا يا اهل الرياض اول غرامي = تساجع فالحرم سرب الحمامي
تساجع واردف الشاعر لحونه =وفيكم لا قصد لا ما يلامي
يبادركم على طيب التحيه =وياخذكم على الصفحه وسامي
عطيتوا هالزمان ملاة عينه =اجل وشلون وانتم في كلامي
رجالاً والرتب تحت النواصي=عظيمه تصغر بروس العظامي
الا يا كم انا صايم و صايم =وجا عيدي بعد طول الصيامي
بغيت اعجل و اقدمها هلالٍ=و قلت الصبر للبدر التمامي
بن مساعد جزيل وله جزيله =و مثله للوفا خالي حزامي
وجيهٍ فالنهار تعيش بيضا =نجوم الارض في وقت الظلامي
دليل اللي يدور له دليله =شهاب الظالم ونصر المضامي
بالأخلاق الجميله و الفضيله =مثل غيري لقوا زود احترامي
ابارك من ضميراً شال طاره =وينشد يا خوالي يا عمامي
نشيد الرعد في تالي بروقه =مثال الربط فيكم و ألتزامي
ألا يا قطعة القلب و لحمها =ألا يا العزوه اللي لي تحامي
عساني بالقصيد انقل شعوري =وعن القربى كثيرين الأسامي
ألا يااهل الرياض الخاطر اسمى=من اللي شايفينه في كلامي
الحمدلله الذي اتم نعمته علينا وعلى عباده الصالحين ....
تحيه صادقه ملؤها الحب والوفاء يتبعها امانه حملتها من والد واخوان و اقارب واصحاب
واسأل الله ان اكون احسنت صياغتها ونقلها لأهل الوفاء ........
الا يا اهل الرياض اول غرامي = تساجع فالحرم سرب الحمامي
تساجع واردف الشاعر لحونه =وفيكم لا قصد لا ما يلامي
يبادركم على طيب التحيه =وياخذكم على الصفحه وسامي
عطيتوا هالزمان ملاة عينه =اجل وشلون وانتم في كلامي
رجالاً والرتب تحت النواصي=عظيمه تصغر بروس العظامي
الا يا كم انا صايم و صايم =وجا عيدي بعد طول الصيامي
بغيت اعجل و اقدمها هلالٍ=و قلت الصبر للبدر التمامي
بن مساعد جزيل وله جزيله =و مثله للوفا خالي حزامي
وجيهٍ فالنهار تعيش بيضا =نجوم الارض في وقت الظلامي
دليل اللي يدور له دليله =شهاب الظالم ونصر المضامي
بالأخلاق الجميله و الفضيله =مثل غيري لقوا زود احترامي
ابارك من ضميراً شال طاره =وينشد يا خوالي يا عمامي
نشيد الرعد في تالي بروقه =مثال الربط فيكم و ألتزامي
ألا يا قطعة القلب و لحمها =ألا يا العزوه اللي لي تحامي
عساني بالقصيد انقل شعوري =وعن القربى كثيرين الأسامي
ألا يااهل الرياض الخاطر اسمى=من اللي شايفينه في كلامي