عوض بن سلمان
05-25-2012, 10:18 PM
هيض علي الكلام اللي من أقصى الراس منبوت=في المجلس اللي يجس من الرجال الطيبينا
من شاعر يوم غنا باللحن ما فاته الفوت=يبدع جديد الكلام اللي من النوع الثمينا
هذه محاورة جرت بيني وبين ذيب أتمنى تكون بقدر الرضا
قلت
ما عاد لك صوت يا ذيب الخلا ما عاد لك صوت=ما نقدر نجيك يمك وأنت ما تقدر تجينا
ودي بشوفتك يا ذيب الخلا قدام لاموت=واليا قدرنا نجيك تجيب لنا الكبش الثمينا
الذيب
دنياك هذه تراها ياثمالي حظ وبخوت=وان جيتنا يا قطير الذيب لك واجب علينا
يا مرحبا يا هلابك عندنا للشرب والقوت=تاخذ بالايام والا بالشهر والا سنينا
قلت
كنت أستمع في عواك أيام كنا نلبس الدوت=واليوم من فضل ربى لابسين وجالسينا
ناكل في لحم الكباش ولابسين شماغ وبشوت =لكن من فضل ربى مانظر المسلمينا
الذيب
تاكل في لحم الكباش وساكنين في داخل بيوت=واحنا في غب الشعيب مهددين مشردينا
مانسمع الا الفشك من يمكم والكلب مفلوت =وان جاكم الذيب وانتم ناصبين اله كمينا
قلت
احنا ملكنا الشفر والدوج والنيسان وفروت =وانتم في غب الشعيب الله يعين الصابرينا
تسعون سعي الوحوش ومعرضين النفس للموت =اصبر وصابر ورزقك عند رب العالمينا
الذيب
انا فمنزالي اللي من سنين طوال منحوت=محصور في الديرة اللي في شعابيها ربينا
وانتم علي داركم وبلادكم والخير مكتوت =واحنا علي حدكم والكل منا كارهينا
من شاعر يوم غنا باللحن ما فاته الفوت=يبدع جديد الكلام اللي من النوع الثمينا
هذه محاورة جرت بيني وبين ذيب أتمنى تكون بقدر الرضا
قلت
ما عاد لك صوت يا ذيب الخلا ما عاد لك صوت=ما نقدر نجيك يمك وأنت ما تقدر تجينا
ودي بشوفتك يا ذيب الخلا قدام لاموت=واليا قدرنا نجيك تجيب لنا الكبش الثمينا
الذيب
دنياك هذه تراها ياثمالي حظ وبخوت=وان جيتنا يا قطير الذيب لك واجب علينا
يا مرحبا يا هلابك عندنا للشرب والقوت=تاخذ بالايام والا بالشهر والا سنينا
قلت
كنت أستمع في عواك أيام كنا نلبس الدوت=واليوم من فضل ربى لابسين وجالسينا
ناكل في لحم الكباش ولابسين شماغ وبشوت =لكن من فضل ربى مانظر المسلمينا
الذيب
تاكل في لحم الكباش وساكنين في داخل بيوت=واحنا في غب الشعيب مهددين مشردينا
مانسمع الا الفشك من يمكم والكلب مفلوت =وان جاكم الذيب وانتم ناصبين اله كمينا
قلت
احنا ملكنا الشفر والدوج والنيسان وفروت =وانتم في غب الشعيب الله يعين الصابرينا
تسعون سعي الوحوش ومعرضين النفس للموت =اصبر وصابر ورزقك عند رب العالمينا
الذيب
انا فمنزالي اللي من سنين طوال منحوت=محصور في الديرة اللي في شعابيها ربينا
وانتم علي داركم وبلادكم والخير مكتوت =واحنا علي حدكم والكل منا كارهينا