هُنا محاورات سهيل مع شعراء المحاورة في المنتديات ..

[سهيل2012]

بسم الله الرحمن الرحيم


إخواني أعضاء المنتدى الكرام :

السلام عليكم ورحمة الله وبركاته ، وأسعد الله جميع أوقاتكم بكل خير ..

هنا في هذا المتصفح سأقوم بإدراج محاوراتي الشعرية مع بعض نجوم المحاورة في المنتديات التي أكتب

بها .. وهدفي نقل تجربتي لزملائي وإخواني شعراء المنتدى .. وهي تجربة لا أدعي كمالها ونموذجيتها وربما يعتريها بعض القصور والنقص ..
فإن راقت لكم .. كان بها .. وإن قصُرت عن إرضاء ذائقتكم الشعرية في هذا اللون من ألوان الشعر .. فأرجو
السموحة والمعذره .. والجود من الموجود ..

(( المحاورة الأولى ))


محاورة جرت أحداثها بيني وبين شاعر محاورة قوي جدا في أحد المنتديات .. وموضوعها لايخفى عن
شعراء المحاورة .. أترككم مع أحداثها .. والبداية مع زميلي ( كوكب عطارد )

كوكب عطارد
سلام الله على نجم (ن) تعلى في السماء جذاب
سهيل النجم إله لمعه وإله عينين جذّابه

يقولون الثريا في السماء جاها 100 خطّاب
وأظن سهيل مع جملة نجوم(ن) جات خطّابه

نجم سهيل
ألا يا مرحبا ترحيبة الأصحاب بالأصحاب
بعد كوكب عطارد جا للأرض وحطّتْ ركابه

أبا أخطب ودّها وأغلي مهرها وأبذل الأسباب
وهي تختار نجم ٍ واحد ٍ مطنوخ ترضابه

كوكب عطارد
يدوم إلك البقى صادق معي ما قلت لك كذاب
من رجال الكرم والجود قصره شرّع أبوابه

ألا ليتك تدور لك عن نجوم السماء مجناب
نجوم الشام ونجوم اليمن والله ما تتشابه

نجم سهيل
ألا وش خانتك يا صاحبي كوكب من الإعراب
خواجه والاسم مجهول ما ظني من عتابه

تقوله بعد ما عارض سهيل من المنايا شاب
ياكم نجم ٍ يحب سهيل ثم يموت في ترابه

كوكب عطارد
أنا كوكب سماوي حاضر (ن) في الماقف الغصّاب
لا مرّ المســـجد الأول توضــابه وصــلابه

تشاهد شاشة الساحة وانا شاعر من المرقاب
سواة الصــقر لامنه تعلّى فوق مرقـــابه

نجم سهيل
تمرّ المسجد السنـّي لكنْ ماتاصل المحراب
تصلي في آخر المسجد وأنا أصلي بمحرابه

قناة الساحة تجمّل مع الأقراب والأجناب
ولا ياصقر مكسوره جناحينِه ومخلابه

كوكب عطارد
أنا ما همني يا كود ظلم الأهل والأقراب
ألا يالصاحب اللي ما يقدر صحبة أصحابه

أنا با أنشدك عن رجّال في الساحة سواة الدّاب
سواة الداب الأسود يا عرب والسمّ في نابه

نجم سهيل
ترى الطمّاع ما يملى فمه والجيب غير تراب
يموت الجوع والجوعان والنكبه من أسبابه

هذاك اللي تقوله رجل تاب الله عليه وتاب
على السجاده يصلي ويبكي ماسك كتابه

كوكب عطارد
تقولونه بعد دسمتو اللحية مع الأشناب
وهذا طبع ما هو زين ياربي لا تبلابه

عساها توبة الصادق ويلحقها وراه حساب
ما أقول ألا عسى الله يا سهيل يهوّن حسابه

نجم سهيل
عرفتك من هذا الليلة ياكوكب شاعر ٍ مغتاب
علامك وش تبا بالغائب المسكين تغتابه

بعد طوّلتها شكرك على ضربه من المشعاب
ترى تطرحك ضربه من سهيل برأس مشعابه

كوكب عطارد
تعاتبني وانا أعاتبك وانت اللي فتحت الباب
عسى ربي يسامح عبده اللي خايف عقابه

ما دام إنك نويت الغدر مع صاحبك يانصاب
أبا اقابلك بمهند مجود مسكة نصابه

نجم سهيل
ترى عن مركز التفتيش ما ظني لكم مجناب
يبا يعطونك كتاب ٍ مميّز وانت تقرابه

يا مخبل من يدوّر في غصون الحنظله عُنّاب
هذاك نقول ظني ما معه عقل يتلهابه
كوكب عطارد
هذاك المركز يركز على الاجناب والاغراب
ليا مره سهيل يجيه للحقان طلابه

ألا وش رأيك نختم قبل ما تكثر الانشاب
بعد شابت وشاب القاف كل جا وغنابه

نجم سهيل
ترى المطلوب يا كوكب عطارد جايكم طلاب
حسدتوا نجمكم حتـّى على الماء اللي توضابه

نختـّمها بذكر الله ترى من يذكره ما خاب
يا ربي تذكره في خلوتك يا خوي وتهابه

وسلامتكم

[ثماليه شماليه]

~ ..

الفاضل والهادىء / نجم سهيل ..

يخونني التعبير والرّد أشكرك لروحك النقيّــة وصح الله السنتكم ..

اجزم ان جميع الأعضاء المتواجدين يريدون يسمعون قصتك مع الثرياا

وهذا مما لاحظناه ع اغلب محاوراتك وعشقك لهذا النجم

جزيل الشكر ووافر الإحترام ,.


~ ..

[سهيل2012]

~ ..

الفاضل والهادىء / نجم سهيل ..

يخونني التعبير والرّد أشكرك لروحك النقيّــة وصح الله السنتكم ..

اجزم ان جميع الأعضاء المتواجدين يريدون يسمعون قصتك مع الثرياا

وهذا مما لاحظناه ع اغلب محاوراتك وعشقك لهذا النجم

جزيل الشكر ووافر الإحترام ,.


~ ..
قد يكون عشق سهيل للثريّا مجازيا .. ولا وجود لنجم الثريّا بتاتا .. وإنما استعار سهيل الاسم

لشيء في نفسه يريد تحقيقه ..

وقد يكون عشقه للثريّا واقعا سواء كان المقصود اسم أنثى أو تمّ اتخاذ الثريّا رمزا لهذا الحُب والعشق ..

وقد يكون الموضوع من نسج الخيال تم استيحاؤه من البيتين المشهورين للشاعر عمر بن أبي ربيعه :

أيها المنكح الثريا سهيلا **** عمرك الله كيف يلتقيــــان ِ
هي شاميـــة إذا استقلت **** وسهيل إذا استقل يماني


وقصة النجم سهيل لم ولن تخرج عن هذه التوقعات الآنفة الذكر سابقا ...

وهي لا ولن تخفى على كل صاحب حس مرهف .. وشعور صادق نبيل .. يستطيع أن يسبر أغوار مواضيع سهيل وأشعاره الخاصة بالثريا .. ويحللها .. عندها سيجد ما يسره أو يحزنه !

وقد أفصحت عن شيء من هذا سابقا في منتدى غير هذا المنتدى .. وقوبل الموضوع بالرفض ..
غير كروت الإنذار الصفراء .. والحمراء في مرة ٍ من المرات !

لذا أكتفي بما قرأتم شاكرا للجميع مرورهم ومتابعتهم للنجم سهيل .. والذي لا زال يحمل في جُعبته الكثير لم يقدمه إلى الآن ...

فقط انتظرونا وفالكم طيب ...!

[سهيل2012]

(( المحاورة الثانية ))

وقد جرت أحداثها بين أخيكم سهيل وشاعر اسمه : ضامي الشوق ...

والبدعة كانت من الشاعر ضامي الشوق :


ضامي الشوق


سلام مبدا مثل مبدا النور
في منتدى ربعي وصدقاني



الليله المعنى بوسط بحور
وسهيل يذكرني وينساني


سهيل
يا مرحبا ليلك فرح وسرور
يالصاحب اللي جيته وجاني

أقول لك يا صاحبي ماجور
لن كان في رأسك حميداني


ضامي الشوق
دام البقا والفعل جاله دور
يا مكرمين الضيف والعاني


شاعر وله بصمه مع الدكتور
ماهو بالأول لاكن الثاني


سهيل
أنا أتحرى لك سنه وشهور
أدورك ياذيب سرحــــــاني

لن كان ودك نكشف المستور
ولا تريّح لا تحــــــــداني


ضامي الشوق
ياسهيل منته بالقشر مجبور
ون كان لازم لا تحراني

عطني علوم الشاعر المشهور
والليل ميدانك وميداني


سهيل
المشكله في عِودنا المشقور
لكن ما ندري عن الجـــــاني

أحد (ن) يولّع شِعلة الدافور
وأحد (ن) حلف ما يقبل العاني


ضامي الشوق
القدر يطبخ والدلال تفور
ونقهوي الضيفان من داني


ياقشر حظك ياسنام الثور
ياللي على الجنبين ميزاني


سهيل
الضيف ما يأكل طعام السور
لو كان ضيف الله من أخواني

نكبتكم اللي جت من الهامور
أقولها صادق من لســــاني


ضامي الشوق

السالفه مرت عليها عصور
لو كان فيها راح ما كاني

وسهيل يشرحها على الطابور
من دون زود ودون نقصاني


سهيل
اثنين سواقين في البـــابور
اللي دخل مع ساحل عماني

واحد من الاثنين شاهد زور
والــثاني المظلوم نصراني


ضامي الشوق

الشايب اللي كسر الباكور
شيطان يضرب راس شيطاني

راحو رجال (ن) يحكمون الشور
ماباقي الا صمع الأ ذاني


سهيل
الشـايب اللي ما يجيب العور
قول وفعل مرحوم يالفـــــاني

لو كان عقب له رجال صقور
والحل عند حقوق الإنســـاني


ضامي الشوق
مشكور ياشيخ العرب مشكور
لو كان ما عطيته ولا اعطاني

منته بلا منهي ولا ما مور
لكن طعت افلان وافلاني


سهيل
يا ضامي أنته ما عليك قصور
وصلتهـــا لحدود لبنــــــــاني

معذور يا الطيب وأنا معذور
وختامها مسك (ن) وريحاني

وسلامتكم

[سهيل2012]

(( المحاورة الثالثة ))


وهذه محاورة شعرية بين أخوكم سهيل وشاعر من جماعة الربع اسمه ومعرفه ( الجزل ) غاب عن المنتدى

فترة طويلة .. وأخذه الحنين إلى منتدى ربعه وجماعته وعاد قائلا :


مهما يطول البعد وتطول الاسفار
نرجع بعون الله بخير وسلامه

ماني من الي بدل الدار بالدار
اعيش مع ربعي ليوم القيامه


سهيل
يا مرحبابك عدّ همّال الأمطار
يالغائب اللي جيت حُب وكرامه

الدار دارك يالجزل هات الأخبار
واللي سواة الجزل عارف مقامه


الجزل
دام البقي قنطار يقفاه قنطار
والي سكن بالدار يعرف نظامه

مبطي وجيتلكم مسير ومرار
ياهل المواقف والكرم والشهامه


سهيل
اللي يحب اثنين لابد يختار
يختار ما بين الحلال وحرامه

طرقي مسير ما أنت يا الجزل محتار
دام الفشك والنار داخل حزامه


الجزل
من يحذف الطرقي على الدرب بحجار
مايدري ان الله شديد انتقامه؟

الي يشب النار يصبر على النار
يونس صلاها لو ياصل تهامه


سهيل
ما نحذفه يا لين عّلم بالأسرار
علّم علينا ثم قل احترامه

ما عندنا ألا الموت قصاف الأعمار
للي يعادينا نكسّر عظامه


الجزل
اهل العقول الي يحكمون الاشوار
وليا اقدمو في علم مسكو زمامه

واهل الخطا يبقى لهم بالزمن عار
بوجيههم طول الليالي علامه


سهيل
أهل العقول يمين ما راحوا يسار
وشعيل بيديني موثق خطامه

أنت الذي شرّعت الأبواب ياجار
فتحت باب الشر ويّا الندامه


الجزل
لو تعتذر ماعاد تنفعك الاعذار
المعتدي عرفة بصمة بهامه

حنا لها لا صار بالعلم ماصار
ماهمنا سيناريو بو دلامه


سهيل
عزّ الله إنك شاعر علومك كبار
مسلم وصائم كيف أبا أجرح صيامه

وختامها يالجزل شاعر وبيطار
لن جيت ولا رحت مرفوع هامه


الجزل
شهادتك ياسهيل في صدري شعار
ياشاعر(ن)مثل الجواهر كلامه

واختامها من صاحبك ورد وازهار
ومشلح على متنك وفوقك عمامه

وسلامتكم

وإلى اللقاء في محاورة أخرى مع شاعر آخر من جماعة العربان .

[صقر الحجاز]

صيفية اشغلتنا لكن بثمالة قريب وصح لسانك

[سهيل2012]

صيفية اشغلتنا لكن بثمالة قريب وصح لسانك


الله يعينك ..

ومثلكم وشرواكم إذا غابوا يُفتقدوا !

[سهيل2012]

(( المحاورة الخامسة ))


محاورة بين سهيل وشاعر من جماعة الربع مُعرفه ( المقدام ) وهو من شعراء الربع المبدعين والبداية كانت من أخيكم / سهيل


سهيل
راح حسني ثم مـات معمـر القذافـي
قص رأسه واحد (ن) من ربعنا شيباني

باقي (ن) بشار والإيرانـي المتعافـي
روسيا والصين ويا الشيعي اللبنانـي


المقدام
مرحبا ياسهيل ولا به شى عنا خافي
عزوتى الاد عمى ربعنـا العتبانـي

ما حسبنا يالعتيبى خذ كلام (ن) وافي
دولة الايمان زالت دولـة الطغيانـي


سهيل
شفت لك جِرّه يا ابن شيبان تمشي حافي
جرتك يا صاحبي ما هو بواحـد ثانـي

وقف الغارات يا سرحان ما جـا كافـي
خائف (ن) ذبحتك عند خميني الإيرانـي


المقدام
جرتى وان شفتها ترى سمانـا صافـي
جرتى يا صاحبى ما نى لـك الله جانـي

ما حسب سرحان فى موجة بحرنا الطافي
والخمينى لا تهابـة ضنـوة الشيطانـي


سهيل
أمنا اللي تحتضنا بالحضيـن الدافـي
كيف تِزعِلْها على ورعانهـا بالعانـي

من هبوب البرد يا ما غطتك بلحافـي
أعطت المسكين وأغنت واحد(ن)فقراني


المقدام
أمكم فى تالى الاوقات قلب(ن) جافـي
ضيعت من كثر ما جاها من الورعاني

اطلـب الله لا يغطـى امكـم السافـي
والعطاء يا صاحبي من وهبة الرحماني


سهيل
أمنا اللي لبستك الثوب الأبيض ضافي
علمتك وسلمتـك الموتـر اليابانـي

عيب واحد مشترك ببطاقة الصرافـي
يعرفونه ربعنا الحضران والبدوانـي


المقدام
جاك علمى ياسهيل الخير جعله لافي
موتري من وارد اللى صانعه الماني

موترك رايح ابه السيـر والحذافـي
مار لا تدري بك البدوان والحضراني



وسلامتكم .. وإلى اللقاء في محاورة قادمة إن شاء الله

[سهيل2012]

(( المحاورة السادسة ))


وهذه محاورة بين أخيكم سهيل وشاعر من الجماعة في المنتدى الخاص معرفه ( سلطان الغرام ) والبداية

مع أخيكم سهيل والمعنى في بطن الشاعر .. ولا أظنه يخفى على متذوقي شعر القلطة ..

سهيل

هلا يا مرحبا بالشاعر اللي مخفِي الجرّه
ومهما يخفي الجرّه نعرف الذيب بعيونه

وقف له ضابط التفتيش قدامه ليا مـرّه
عرفت الاسم والعنوان وأنتم ما تعرفونه


سلطان الغرام

يدوم الك البقاء يا الشاعر الي مابرد حره
بعد ما انته عرفت الذيب معك الذيب وشلونه

تقصون الاثر من اطيب اثركم يا اهل مره
وربع سهيل من فعله هذا ما ظن يرضونه


سهيل

على ما قال غـرم الله تراهـا قـرّه وسـرّه
يحوف الذيب الأشهب ذيب ثاني ما اختلف لونه

من ذياب الحجاز الله يكافـي صاحبـي شـرّه
عيونه حُمر لا مثلـك ولا شكلـك يصيدونـه


سلطان الغرام

اشوف عيون مبيضه وشوف عيون محمره
وسلطان الغرام يقول معكم ماتقولونه


ياكم ذيب ٍ ليا جاني في عينه كحله اذره
لعيون الذيب ملح النار والبارود يعمونه



سهيل

لو عيونك سليمه ما وطتْ رجلينك الجمـره
شمالي (ن) ما يعرف بالقدم يمشي على هونه

لقى ديرهْ بعد وسم المطر بالخير مخضـرّه
وقام يبحلـق عيونـه وقـام يحـدّد سنونـه



سلطان الغرام


كثر خيرك وخير الله ياراع الفول والجره
شمالي مقلطه من السمينه يتعب صحونه


صناديق الذهب والماس كنز لعالم الذره
بسماء الامجاد مهما سهيل يرقاء ينقصر دونه



سهيل

ترى الفوّال فوله ينفع الجيعان ما ضـرّه
ولا هي مهنة العتبـان والله مـا يبيعونـه

أبا أرحبْ وأبا أكرمْ صاحبي سلطان وأبره
وأبا أربيه ثم أرضيه وأسـدد لـه ديونـه



سلطان الغرام

يبا يضيق الحجازي من مزوحي لو ابا ازره
ياقشر صدوركم يا اهل الحجاز الي تحبوونه


بعد صارت حلوق ابيار اهل السر من غره
عسا سيل الحياء من ماطره ما تقفي مزونه


سهيل
غراب البين ضيّع مشيته في وادي الحرّه
يقلد له حمامه من حمام الـورق مزيونـه

آبار أهل الحجاز محصّنه تحصين بالمرّه
وآبار أهل الشمال يخضها العساس وبشونه



وسلامتكم وإلى اللقاء في محاورة قادمة إذا ما طفشتوا ومليتوا من محاوراة سهيل ..

[رعد الجنوب]

صح لسانك انت شاعر محاورة رائع

[سهيل2012]

صح لسانك انت شاعر محاورة رائع


صح بدنك يا أخي رعد الجنوب ..

وعاد سهيل يحمل في جعبته محاورات جديدة حول ( سهيل والثريا )

سترونها هنا - إن شاء الله - عند تفرغي ..

فقط انتظروني !!

[سهيل2012]

محاورة سهيل القادمة - إن شاء الله - مع أحد الشعراء المعروفين ومدير أحد المنتديات ولم تخلو

كالعادة من ذكر ( حبيبة الألب ) الثريا !! والتي كانت المحور الرئيسي للمحاورة المذكورة ..

وربما تتكشف بعض الحقائق عن الثريا ..

تابعونا لاحقا وفالكم طيب !!!

فقط انتظروني !!

[الحاج سلام]

منتظرين ومنا الصبر ومنكم الوفا .

[سهيل2012]

بسم الله الرحمن الرحيم


(( المحاورة السابعة ))

وهذه المحاورة هي آخر محاوراة أخيكم سهيل في المنتديات .. وقد جرت أحداثها في منتصف شهر شعبان
الماضي مع الأستاذ والشاعر المخضرم / عبدالله المنصوري ( مدير منتديات مكتب التربية والتعليم بــ ...........) وهو شاعر نظم ومحاورات معروف من خلال المناسبات والفعاليات التي تقام في تعليم ......
والبداية كانت مع الشاعر / عبدالله المنصوري


عبد الله المنصوري
سلام من شاعرٍ يعرف حقـوق الـرجال *** للشاعر اللي مقدم للـثريا طـلب

انا ادري انك سهيل وماعلى اسمك جدال *** لكن قلي من اللي يعسفون الصعب


سهيل
يا مرحبا من سهيل وعرفِكم ْ راس مال **** يالشـاعر اللي بقــانونه وسلم العرب

لو هي بســفك الدّمى ولا بخشمْ الريــال **** لن كـان طوّعتهـا وأغرقتهـا بالذهب


عبدالله المنصوري
ونعم بحـالك لكـن المـاء يفت الجبال *** والضامي اللي يمـر النهر مـاقد شرب

وسط السماء نجم والاخرى تروح زوال *** لكـن دخيلك تـرفق لايضيع التعب


سهيل
أبا آرد العِدّ واشرب من قراح ٍ زلال *** مــا همنـي لو يصـير الدّم ليـن الـركـب

الجـوع ما يقطعهْ يـا كود لقمهْ حـلال *** يا حلوها من سنام شعيل في أول رجب

عبدالله المنصوري
دور علاها وتلقاها على كـل جال *** واللي يناظـر سما يطرح عقاله غصب

انا رميت الاجـابه في يدين السؤال *** لكـن اشوف العتيبي مايكب النشب

سهيل
سلامة الرأس تكفي لو يروح العقال *** أعَلِمِك وش حصل ولا تعرف السبب

حقيـقة سـهيل مـا ظـني تعوّد خيــال *** وأنته جوابك يا أبو نياف فيـه العجب


عبدالله المنصوري
حـقيقة سهيل ماتفرح رجـال الشمال *** وانا جوابي قريته في غلاف الكتب

واللحم فوق الثرى والدود جايه مجـال *** والادمي بين منطـوقه وفعله غلب


سهيل
أنا جـنوبي عشــقتْ النــجمه أم الــدلال *** لـكـن عيّـا البــخت والحـظ مـا الله كـتبْ

وش ياجد الدود في جســم ٍ غدا كالخِلال *** جلدْ وعظم والضلوع العوج مثل الخشبْ


عبدالله المنصوري
الدود مـامـور والدنيا حرام وحلال *** واللي مشى في طريق الحق فاز وكسب

وانا اشوف البناء وصل لحد الكمال *** وابن النفيعي طـرب وابن النفيعي طرب


سهيل
كسبــان كسبـــان من شجع فريق الهلال *** واللي يشـجع فريق النصر صـدق انـكبْ

وابن النفيعي ما شجعهم على كل حــــال *** يشــجع الرااااااااقي اللي فوق هام السُحبْ

عبدالله المنصوري
الرااااااقي اللي تقوله ضيعـوه العيال *** لو انهـم لعبوا بجد انتصر ما انغلب

وختامها ياسهيل يطيب معـك المقال *** وتطيب لي معرفتكم ياعريب النسب


أرجو أن تكونوا أن قد استمتعتم بما ورد بين ثنايا هذه المحاورة وإلى اللقاء في محاورات قادمه إن شاء والسلام عليكم ورحمة الله وبركاته .

[الحاج سلام]

بيض الله وجهك اشعار جميلة ومنوعة ، وسعت صدورنا يا سهيل ونشطتنا صح لسانك ودام بيانك .

[ابوسيفين]

صح السانك وعلا شانك مبدع انت وخوياك

[سهيل2012]

بيض الله وجهك اشعار جميلة ومنوعة ، وسعت صدورنا يا سهيل ونشطتنا صح لسانك ودام بيانك .


وجهك أبيض يا الحاج سلام .. وصح بدنك ولن أبخل بأي محاورة أتوقع أنها تعجبكم وترضي ذائقتكم الرائعة ..

[سهيل2012]

صح السانك وعلا شانك مبدع انت وخوياك


شكرا لحضورك الراقي ..

[سهيل2012]

(( المحاورة العاشرة ))



وموضوعها حول خافي الذِ كر فيليكس ونقزته المشهورة .. والثريا ..
مع الشاعر المقدام من شعراء قبيلتي والبداية عند سهيل ..


يا الله إنك لا توفق خواجتنا فيليكس = طامع ٍ يبغى الثريا وهي ما هي بـ له
كان ربي وفقه ثم أخذها وين أطس = كان أخذهــا في طـريقه ووداها هله


المقدام


الله اكبر يا سهيل ويش جاك وش تحس=راح همك يم من بالجمال مدلله
صاحبك فيليكس يا صاحبي يبغى يعس= باذن ربك رحلته بالنجاح مكلله


سهيل
الخواجه ما نبي له يا ها المقداااام رس = مذهبه ما هو بطيب في حلقه سلسله
وجهه أحمر دايري مير عينه عين بس = الله إنه وسـط وجهه يهب له قنبله


المقدام
الخواجه يا سهيل له سنين منغمس = صاحبي وصاحبك ليش انت ما تتخيله
اه يا وقت وحنـا معه نلعب تنس = كيف تالى الوقت يا ابن العرب تتجاهله


سهيل
دونها ضابط خفر دونها جند الحرس = دونها المقدام وسهيل راع الاوله
المدرس خلص الحصه ودق الجرس = كل رجال ٍ يجازونه بحسب عمله



المقدام
الخواجة فى علوم الفضاء راكب فرس= وانت يا راع الغنم فيش عقلك مشغله
كل ما شفتلك زول (ن) تحرك تلتمس= تشتغل فيك المكينة ونـورك مشعله


سهيل
حبها في القلب من عشرة سنين انغرس = والله إني خايف أموت حيل من الوله
ما غدااابي ثم ضيــعني ألا أبو هلس = مير قصر علمك الزيـن ولا طـوّله


المقدام
تو ما دليت درب العرب يا بو انس = الخواجه ما يعرفون هذى البهلله
يا حاسفه يا عميلى على وقت عمس= ضاعة الهقوة مع اللى غدى فى البهذله

م/ن
وسلامتكم ولا يهون فيليكس النمساوي أبو قفزة ..
وإلى اللقاء في محاورة قادمة إن شاء الله ..

[سهيل2012]

بسم الله الرحمن الرحيم

وهذه محاورة بيني وبين شاعر اسمه / مقدام العتيبي


مقدام

سلام ردية من خاطري يا سهيل
ردية يشمل الحظار مضمونها

مثل العسل طعمها والكيف بن وهيل
من شاعر يبدع القيفان بالحونها


سهيل

دام البقى يا المسلم وأنت صاحب جميل
عني وعن من حضر بالأذن توحونها

يا صاحب الهيل ما أنته يالعتيبي بخيل
سوق الفناجيل للي يستحقونها


مقدام

طبيت فى ديرتك ودي ادور حصيل
لكن وش هالصلاة اللى تصلونها

ربعي هل الطايلة لاهى تحيد وتميل
ضيعت يا سهيل سلم القوم وقانونها

سهيل

طبيّت فــ / الموقع اللي ماش زيّه مثيل
عليه وبل السحابه هلّت مزونها

والنعم وأنا زميلك وأنته أحلى زميل
وسهيل له غاية ٍ ما ينقصر دونها


مقدام

أشوف بعض العرب ويا دبشهم محيل
مدري من الوقت والا علوم تخفونها

ايامنا يا سهيل ما فيه شى يستحيل
لا تقول مدرى عن اللى تجر فى اردونها


سهيل

ما شفت صفق الهوا لقّح طوال النخيل
وعيونكم حِوْل ما ظني تشوفونها

وأنته تعرّضت يا مقدام عابر سبيل
عَمْلّتْك ما ربعك عتيبه يسووّنها


مقدام

صفق الهواء من قديم الوقت عرفك قليل
نتاجها دايم ابحثلك تزمونها

من شب نار الحطب يصبر وقلبه عليل
فى جادة الطيب مع ربعى تعرفونها

سهيل

تضحك على سهيل ما تقدر ترى مستحيل
لكن خل القدم تمشي على هونها

لن قاله الله لقيتك في طريق الجبيل
لاذكرك سالفة ليلى ومجنونها


مقدام

ثن الركايب تراك اخطيت درب الدليل
شوتات ( مسي ) فلا تقدر تصدونها

ليلك معى يا طويل العمر ليل طويل
لن عشت لنسيك قصتها ومظمونها


سهيل

أثْنـِي ركاب الفكر في كل يوم ٍ وليل
واللي سواتك يجون نخلص ديونها

لبست ثوب الشياكه فوق ثوب الأصيل
لكن ما جمّلت مقدام فــ / عيونها


مقدام

لنا مواقف على الطالات يابو خليل
والا انت حملتك يالمقرود يشدونها

حنا ليا من حضرنا الخيل تصهيل صهيل
تعرف اهلها وتعرف من يعنونها

سهيل

إلكم مواقف تكاسي صح يـا بـو نبيـل
واللي برخصه عمومي جو يسوقونها

أسهر مع الهم والهوجاس والله وكيل
لكن بنـت السمـا مـا تضحـك سنونهـا




مقدام
مواقف الطيب ناقفها بشكر جزيل
نبنى خيام الوفاء محد يبنونها

اسهر مع الهم والهوجاس ليلك مهيل
مانت قريب من اللى تهز فى امتونها


وإلى اللقاء في محاورات قادمة إن شاء الله .

[الحاج سلام]

مرحبا اخ سهيل وصح لسانك ودام بيانك واعجبني الطرق اما المعاني فهي في صدور الشعراء

ولكن الا تلاحظ غياب اللعابة ربما ان للبرد دور في ذلك .

[سهيل2012]

مرحبا اخ سهيل وصح لسانك ودام بيانك واعجبني الطرق اما المعاني فهي في صدور الشعراء

ولكن الا تلاحظ غياب اللعابة ربما ان للبرد دور في ذلك .



نعم يا أخي الحاج لاحظت غياب اللعابة لأننا ما أشعرناهم بذلك وكانت مباشرة

ومثلك عارف ها الأيام اللاعب المحترف يكلف أكثر من 200 ريال كم يبيلك لاعب وكم 100

فاهمك وعارف ما ترمي إليه وما قصدته ويعطيك العافية .

[أبو عبدالرحمن]

عساك على القوة أخي سهيل

[سهيل2012]

عساك على القوة أخي سهيل



وأنت كذلك ..

وسأحاول أن أقدم لكم هنا ما يناسبكم ويتماشى مع ذائقتكم الشعرية .

[دفء الحنين]

يعطيكم العافية

[سهيل2012]

بسم الله الرحمن الرحيم

(( المحاورة رقم 11 ))

مع مقدام العتيبي ..



مقدام

سلام الله عليكم يالعريب اللى ترد القاف
ليا جانا كماك من العرب لازم نحييبه

اشوفك يا سهيل مع العرب وسط الحرم تطاف
بعــد وقع قرار التوسعه والعلم تدريبه


سهيل

ألا يامرحبا ترحيبة ٍ تقرأ ولا تنشــاف
تفضل وانثبر واهرج معي يا نكبة عتيبه

أبا أسعى في الحرم وأطاف دام إن القلوب نظاف
وأنــا ماني لحــالي كل مســلمْ جـا يصليـــبه


مقدام
لك الله يا عميلي حاسبك واحـــد من العراف
واقول العلم عندك ياعميل الخير محريبه

لكن احرص توقع ما نبا فى هالحلول انصاف
نبا حل صحيح صح يا ذيبان تعديبه

سهيل

وش اللي دخلك فــ التوسعه يا محمد الصحّاف
أشـوف محمد الصـحّاف يا مكثر مطاليــبه

تراني كاشف المعنى تمام وعارف الأهداف
وعارف علمك اللي جايني ساري تهذريبه


مقدام

تنبه وانتبه لا تجيك حذفه من يد الحذاف
ترى الحذاف صيده من جزال الصيد يرميبه

ترى محمد معه سيف العداء يا صاح والمخطاف
عسى الايام من ينوى خراب البيت تغديبه

سهيل

تبي تحذف سهيل إليا تقدم حذفتين خلاف
وحذفٍ في القفى لسهيل أخوك خلاف ومصيبه

أنا عارفك يا مقدااام شاعر ماعليك خلاف
يبي يضحك بسِنِه والحنش مسدوح في جيبه

مقدام

حشى يا صاحبي صاحبك ما قد غير المحراف
على وضح النقاء يمشى بلا شك ولاريبه

لكن المشكلة ام جنيب ماهي ترغب الانصاف
دواء ام اجنيب عندي حالف ذا الليل لاجيبه

سهيل

ألا يا بلشة السايح ألا يا نكبة المصطاف
على خط الحويّه كل خلق الله تهليبه

نا البنك ومديره والدراهم وآلة الصراف
وأنا راع الثريّا سهيل ما تطفي مشـاهيبه

مقدام


عسى ما انتم نسيتوا يوم جيتونا من الارياف
على خط الحويه الناس تدري ويش تنويبه

درانا انك سهيل ولا انت من ال سعود والاشراف
الا يا شاعر (ن) يطاف وحنا اللى ندعويبه


سهيل

على خط الحويّة ضاعت الأرباع والأنصاف
أخذها الشايب اللي تخدع العالم تراحيـــبه

بعدصارت كذا يا صاحبي شابت وشاب القاف
عســاك تختمه قدام لا نسـري نغنـيبه

مقدام

توقع وانتبه لا تبلع اللقمه يا بن عياف
ترى من كبر اللقمه يغص الناس تحكيبه

سهرنا ثم ضفرنا ياسهيل ولاش منك خلاف
يشيب القاف يا شعار والكتاب ترويبه


وسلامتكم جميعا ......

[الحاج سلام]

احسنت يا سهيل صح لسانك ومع احترامي للمقدام الا ان بعض العرب يستاهل ان تكيل له على قفا الصاع اذا جا ساري بعلمه يهذريبه ،...

[سهيل2012]

احسنت يا سهيل صح لسانك ومع احترامي للمقدام الا ان بعض العرب يستاهل ان تكيل له على قفا الصاع اذا جا ساري بعلمه يهذريبه ،...

شكرا لك أيها الحاج سلام ..

من ردودك وتعليقاتك لا تخرج عن اثنين :

1- إما أن تكون شاعر محاوراتٍ مخضرما وداهية من الدهاة ..

2- أو تكون ناقدا وقارئا جيدا لشعر المحاورة !!


وأعتذر على سقوط حرف ( الألف ) من البيت :



(( أنا البنك ومديره والدراهم وآلة الصراف *** وأنا راع الثريا سهيل ما تطفي مشاهيبه ))

[سهيل2012]

بسم الله الرحمن الرحيم


( المحاورة رقم 12 )


مع المقدام ايضا ...


ســــهــــيـــــل

سلامْ والليلـه المعنـى شمـال
للشـام ويّـا المزايـن كلّـهـا

ما مثلها يالعتيبـي رأس مـال
والوضحْ ياصاحبي مـا أملهـا


مـــــقــــــدااااااام

يا مرحبا عـد همـال الخيـال
يسقى ربـوع الوطـن مازلهـا

كل المزاييـن كسـب للرجـال
ياخـى قلبـي عشـق حبنلهـا


ســــهــــيـــــل


دام البقى روح يوميـن وتعـال
وإن طعتني فـ/ المزاين فلّهـا

الوضح ما مثلهـا لـون ودلال
لسهيل لن طعت شوري خلهـا



مـــــقــــــدااااااام

ودى بخوة كماك مـن العيـال
اديارهـا يـا سهيـل ادلـهـا

ترى المزاين يبا خشم الريـال
وانما معك شئ عنـدي حلهـا


ســــهــــيـــــل

الوضح أخذها العتيبي واحتمال
لا حلّ في ديـرة (ن) يحتلهـا

ضيّعت عمرك تطرّد في الجِمال
ضامي وكبدك ما أظـن تبلهـا

مــــــقــــــداااااام

كب العتيبى ترى مالك مجـال
شوفت عيونك ماهو حـظ لهـا

مقدام يعرف حرامـه والحـلال
يا نعم يا شجـرةٍ فـى ضلهـا


ســــهــــيـــــل

وسط المزاين وميّلـت العقـال
عرفت أنـا دِقهـا مـن جِلّهـا

لكن أبسدح لـك الليلـه سـوال
علمني الوضح من هـو خِلهـا


مـــــقــــــدااااااااام

لو كان ما فالبلـد جـد وخـال
جمبيتـى يـا سهيـل اسلـهـا

بعض المسايل ترى فيها احتمال
الكفو يـا سهيـل هـو ندلهـا


ســــهــــيـــــل

يا أخوي مقدام مالك فـ/ الطوال
وصـل عتيبـه علومـي قلهـا

ما فيه زي الثريّا فـم الجمَـال
لكن قلـي يـا كيـف أصلّهـا


مــــــقــــــدااااام

اكيد يا سهيل فى ساحة نظـال
الوضح يـا صاحبـى ودهلهـا

وان كانك ازريت لا تخلق جدال
بالهون نسقـى عطاشـا بلهـا

ســــهــــيـــــل

أكيد وأنته مـن كـرام السبـال
من ربعي أهل الوفا مـا أملهـا

يا راعي الوضح لويت الحبـال
وسهيل صاحبك جـاك وحلهـا



مـــــقــــــدااااااااام

اخيل برق الحيا فى كـل حـال
فالشـرق والا شمـال اخيلهـا

يا سهيل والله مـا لدلـك بـال
واعلومك احـذر عليـه تعلهـا





وسلامتكم جميعا .....

[سهيل2012]

بسم الله الرحمن الرحيم

((المحاورة رقم 13 ))



مع شاعر جزل معرفه : نظام ساهر

والبداية مع الشاعر نظام ساهر

كـل بنكــنً رصيده يصـرفه في حرام

ولا أنا بنــك شعـري راصده للسديس

قــوم ياصاحبــي ياسهيـــل شد الحزام

دام مصــدر حـلالك مـن قناة السويس


سهيل

بنك شِعر ورصيده شِعر ولا كلام
بنكك اللي تمدّح به مديره بليس

كيف أشد الحزام وساهر أسوأ نظام
فقر الشعب وأكثرهم طعامه تميس


نظام ساهر

يخــزي الله شياطيــن الحســـد والحرام

ولا انا زود شعري يكتمك وسط كيس

ساهــر يؤدب اللـــي مامشــى بأحترام

مــار كــل العرب ظني ضحية لميس



سهيل

يالعتيبي تخيّر بين حرب وسلام
والوعد بيني وبينك نهار الخميس

كان ساهر وقف لي في طريق الغرام
الله يعوّضك في وصل ليلى يا قيس



نظام ساهر

خيرتي كان جات الحرب قسمي سنام

وأن بغيت الســـلام علــومنـا ماتخيس

العــقـــول الخــفيـفــه قــدمـنــا ماتلام

والعوض فالتفاهم تجربه قـــرن تيس



سهيل

لنوايا مطـايا نية سهيل شـام
ننتظر لين يا ساهر يموت الرئيس

فزعتك يا ابن عم سهيل شد الحزام
هاتوا أحلى عروسه والعتيبي عريس



نظام ساهر

ريــس الـــــشام ظني مايجيه انــهزام

وانت نيـــــتك يأبــن الــعم نية نحيس

ابـشــــر بفزعتن تاصل بلوغ الـمرام

وكان جت للزواج انته عريسنً تعيس


سهيل


ريس الشام في خشمه تراب وعـرام
لعنة الله عليه المجـرم أكبـر خسيـس

فزعتـك يالعتيـبـي يــا رفـيـع المـقـام
فزعة ابن المحيا لابن عون الرويس

وسلامتكم وإلى اللقاء في محاورة قادمة إن شاء الله

[d9d9]

والله نفس المصايب تتالا وذكرات ربي على من لبى السلام ا انت يابن السوق نجممك اشوفه تتعالا والمرما بغيدا وتمشي بالغشاما

تقبل العز مني وبسلطان الندما والدرب واحد والحظ عندنا حظ شاطر

[سهيل2012]

والله نفس المصايب تتالا وذكرات ربي على من لبى السلام ا انت يابن السوق نجممك اشوفه تتعالا والمرما بغيدا وتمشي بالغشاما

تقبل العز مني وبسلطان الندما والدرب واحد والحظ عندنا حظ شاطر



شكرا على مرورك والله يعز مقدارك ويعمّر دارك

[d9d9]

ولاندمت

[سهيل2012]

بسم الله الرحمن الرحيم

المحاورة ( الرابعة عشر )


بين سهيل العتيبي والشاعر المبدع : حسن عابد الثمالي



سهيل
سلام الله عليكم من سهيل اللي وصل جيزان
ومن صبيا ومن فيفا بلاد الفل والكادي
بعد روّح سهيل الله يعوّض ربعه العتبان
تعدى سامطه ومع الطوال وراح من غادي



حسن عابد
اناوشلون ارحب وانت متعدي جبل دخان
عسى ربي يردك يمنا يامطول المادي
تركت الفل والكادي وبحر اللول والمرجان
ورحت لديرتن فيها بني فارس وبغدادي



سهيل2012
طمعت ِ إنك تواسيني وأنا ظامي وأنا جيعان
ولا يروي ظماي الما ولا لقمه من الزادي
ظمايه تقطعه شربه هنيه من جبل لبنان
لكن المشكله من دونهم يحداني الحادي


حسن عابد
ولا ياسهيل اشوفك تبعث الاهااااات والاشجان
وهذا شي عادي لو تصيح العمر وتنادي
جبل لبنان دونه قوم وجبال وجبل حوراااااااااان
عسى قلبا تشيله مايشابه بيرق النادي



سهيل2012
عساها يا ابن عابد للعتيبي تالي الأحزان
وتسمع بالعلوم بالطيبة في موجة الرادي
جبل لبان أعرفه يا حسن وأدري عن العنوان
قبل مدّة كتبت اسمي عليه ويوم ميلادي



حسن عابد
عصا موسى لموسى وخاتم اسليمان لسليمان
وربك رازق الحيتاااان هو الرزاق والهادي
جبال الطور همي وش على فرعون ياهاماااااان
لو العاصي شربته قلت حظ سهيل متهادي

سهيل2012
أخاف ان العصا بيديك ترجع حيّه أم لسان
وترميها يا ابن عابد حسن مجبور في الوادي
أنا شفته بوسط السوق لا راضي ولا زعلان
وصلى العصر في العباس ما أدري مسجد الهادي



حسن عابد
على مر الليالي وسالف الايام والازمااان
مافرح عين تشناني وسمي فوق الاكباااادي
لو ان سهيل ريح واستخار وعوذ الشيطان
ماطال الحلم في نومه وجمع كل الاضدادي


سهيل
يا ابن عابد حسن خط الرياض يمر مع رضوان
على الخط السريع الناس سردادي ومردادي
عسى منقاش يعطينا من الخوخ ومن الرمّان
عطى الشاعر سنا الهجره وأنا ماني بحسّادي



حسن عابد
تشوف الناس مع رضوان لا راضي ولا زعلان
ورجلا مايخاااوي الناس اجل ماعنه نشادي
مادام ان الفواكه مثمره والورد في البستان
وراه اسهيل مايقدم على الصومال وتشادي


سهيل
أجل يا الله مشينا قولها بسم الله الرحمن
لكن المشكله ورى الشفا تسعين نقادي
نباها شام وأنت تردني يا خوي للسودان
ترى والله ما ني عنتره وأبوي شداااادي



حسن عابد
ترى منقاش غمض واستعان بصاحبه حمدان
على متن السحابه يدرسون الطقس وبلادي
ولن جاريتهم ماقلت لا رابح ولا خسراااااان
واذا هونت مالك من جبل دخان معواااادي


سهيل2012
ترى حمدان عنده يا حسن عابد علوم سمان
........... نبا حمدان في هرجه على دلّه وبرادي
نباه يعلم سهيل وحسن بالبيت والعنوااان
........... نبيها دجة ٍ يم الشمال بدون معواااادي


حسن عابد
كبر شوقي وانا في سكتي ماشي على الحدان
ولا ادري كيف اعود لك وانا صفيت عدادي
خوي الجنب ذخره صاحبه لوكاااان مهما كااان
ابا اعسف خطوتي واجيك ورادي وسدادي


وإلى اللقاء في محاورات قادمة إن شاء الله ..

[صقر الحجاز]

واصل واصل متابعين

[سهيل2012]

بسم الله الرحمن الرحيم

(( المحاورة 15 ))



مع الشاعر جبراااان العتيبي ...

والبداية مع سهيل والمعنى ( متشعب ) يعلم به الله !!

يا لالاله .. يا لالاله ..يا الاله ... يا لالاله يالالاله يا لالاله يالالال .
طول علينا الليل وييييييييينك يا جبرااااااااااااان ..

يا ملتقى ....... وسناه وحروفه
يا وين جبران العتيبي ما اشوفه
أسبوع غايب ما عرفنا ظروفه
طول علينا الليل ويييينك ياجبران

عدد نبض الحروف وخطها اللي كلنا نقراه = سلام الله على أهل الملتقى والضي وحضوره


أبا أدوّر على جبران نبض الضي لين ألقاه = وأقله في أذنه أنت الضي يا جبران مع نوره



جبراااان

يامرحبا واهليـــــن يارافع الراس
من عهد ابوك وجد جدك بنوماس
ذكرتني وانا مــع الوقت منحـاس

طول علينا الليل ويييينك ياجبران

هلا بالشاعر الي طاب لي بين العرب مرساه
من أول يوم زار الضي كل أعضاه مسـروره

وإذا كان الجبر ضي الحروف إسهيل له مشكاه
ونور العين ماتبصر بعين وعين محضـــــوره



سهيل

دام البقى يا صاحبي صاحب الروح
تجبر كسور العظم وتداوي جروح
لا تعتذر والله ما أقول مسموح
طول علينا الليل وييينك ياجبران

سهيل إليا مشى في الدرب يا جبران عد خِطاه = مع أهل الطيب شرواكم ضبطت الصوت والصوره

ليا جــاكم سهيل ابن العتيبي وسع المقهــاه = ترى الطرقي ما يمشي في الطريق ألا بباكوره



جبرااان

أنته علامك ياسهيل اليماني
دايم تجي وتروح وانته تعاني
وان كان تبغاني وتبغا مكاني

طول علينا الليل وييينك ياجبران

سهيل إليا مشى فالدرب يذبح في طريقه شاه
ويتصدق على نفسه عسى مايلحقه ثوره

بعد شبك بنات الناس جاني من يمد إرشاه
هذا غير الكلاب الي على طرياه مسعوره


سهيل

هذي ظروف الوقت يا خوي جبران
جيتك وانا مكسور خـاطر وتعبان
وشبك قلبت وصرت يا خوي ثعبان
طول علينا الليل وينك يا جبران


سهيل إليا جلس حول الصحن ما تنقصر يمناه = لقيت دياركم فيها الحيا والزين ممطوره

عسى ما تحسـدونه ربه اللي رازقه واعطاه = لكن النفس يا جبران منهيه ومـاموره


جبرااان
ياصاحبي شكلك من إبلاد فارس
والبرد في ذيك المرابيــع قارس
وابواب ديرتكم بعشرين حارس

طول علينا الليل وييينك ياجبران



هنا تلقى الشـبب والي يدور للشـبب يلقــــــاه
على وضح النقاا نكتب هموم القلب وشعوره

وديرتنا ربيــــع وكل ساكن عايـــشٍ بحمــاه
وخير الله كثير وديرة الحســـــاد مخبــــــوره


سهيل


الفارسـي مــا غيّر سلوم ربعه
ما يختلف في الوقت نهجه وطبعه
لو مات جوع اخير من موت شبعه
طول علينا الليل وينك ياجبرااااان

اخاف إن الجمل يشبع يا جبر وينتفخ علباه = عطيته لقمة ٍ يا جبر سدت نص حنجوره

يبا يهدر واظنه بعد يهدر تسمعون رغاه = يدوخ شعيل من كثر التعب يبرك على زوره



جبرااان

إسلوم بعض الناس فيها فداغه
مثل الجمل لامرغتـــه المراغه
وانته تعرف السالفه ياصبـاغه

طول علينا الليل وينك ياجبران

إذا شبع الجمل ياسهيل يلقى من يقــط ..صاه
وهذي ديرةٍ ياسهيـــل محميــــــه و محضوره

وإذا ودك يروح إلديرته ياسهيـــل في بلـواه
يبا يلقى السمر والطلح والما الزين بقدوره


سهيل

جبران يا جبران وين أنت ساااري
مريت من جنبي وتضرب بواااري
عان الجمل بالقيد تحت الكبااااري
طول علينا الليل وييييينك يا جبران


هذاك بعيرْ لو يهبدك يا جبران ما تنساااه = ترفق فيه واعط الضيف يا جبران ميسوره

ليا منه دجنْ في المزرعه كسّرت لك رجلاه = وجبته عند جبّار الكسور الجبر دكتوره


جبرااان

السالفــه ياسهيل ماهي شطاره
يتسابقـــون الناس يــم الغماره
السالفه فيها تقــــــــدم حضاره

طول علينا الليل وييييينك يا جبران


انا ماني بخايف يوم بعض الناس كب إحذاه
ولي بالطــب خبره دورةٍ من فوقـــــها دوره

جملكم يالعتيبي فيه شـــك وريبةٍ باحشـــاه
واظنه مثل ماقالوا تهيــــج وحـــم مستوره
:

سهيل
بين النجوم الساطعه يا قمرهاااا

يطالع أصفرها بعين وحَمَرْها

كل النجوم تطيع لامن ومرها

طول علينا الليل وينك يا جبران

أنا أشوف العتيبي جالس متكي عل مركاه = بــ هاك الروض الأخضر والفراش يداعب زهوره

بعد ميّل عـقـاله سبحته تومي ما بين يداه = وكاشخ كنـّـه الدكتور ريس مجلس الشوره




جبرااان

ياصاحبي نجمـــك بضيـــــك تعــــلا
والكـــل مايقـــــدر عليـــك إيتخــــلا
يوم الســوالف معـــك لا ماتمــــــلا

طول علينا الليل وينك يا جبران

وانا شوفك معي سيف السعد والبعض لي محلاه
ولا ياسعـــد حظـــي بعد جا للضــــي دافــــــوره

تبا تشعـــل نجـــوم الضي والريـس معك بالجـاه
ولك بالضــي يابن العــم حق إتقـــــــود بابــوره
:

سهيل

ترى الكواكب يا جبر مع بعضهاااا
ما أحد ٍ بقادر يا ابن عمي يعترضها
والناس في ذا الوقت يا مكثر مرضها

طول علـــينا الليل وينك يا جبران

نجوم الضي بوجود القمر لا طل يا ما حلاه = ويا ما أحلى النجوم وكل نجم محني ظفوره

وأنا لي نجم ما غيره تضيع الشمس في محياه = ليا منـّه حضر بين النجوم تقول الأسطوره




جبرااان

ياسهيــل ودي لك بكثر القنـــاعه
خـــل التطنز عنك ويا اللكــــاعه
مالك ومال الي بشفــك طمـــاعه

طول علـــينا الليل وينك يا جبران



انا ياسهيل لي مبداء وكلا يحترم مبداه
تباها بالسما ولا تباها بارض مهجــوره

ترفق لايجيك الي عطاك من الحلال أغــــلاه
ويسحب من تحت راسك مخدة ناس مقهوره



تمت المحاورة ....

وإلى اللقاء في محاورة قادمة - إن شاء الله ...

م / ن

[سهيل2012]

بسم الله الرحمن الرحيم


(( المحاورة16 ))

محاورة جرت أحداثها بين أخيكم سهيل والشاعر ( الهاجس ) الغامدي والبداية مع الهاجس :


سلامي عليكم مثل برق المخيله
وطلعُه كما عذق الرطب في نخيله
سرى هاجسي وأمتط رجله وخيله
سرى الليل والبارق جنوبي جنوبي
^^^
يا سلامي عليكم كل يومٍ وليل = يهل ضيٍ حروفه صاغت أقوالها
شفت مقدام والصابي وشفنا سهيل = والسما حاط بنجومه ومنزالها


سهيل

ألا مرحبا مثل المطر في نزوله
يهل البرد والمااا وترخي ثعوله
أقوله وكل الضي وأهله تقووله
سرى الليل والبارق جنوبي جنوبي


مرحبااا يالمسلـّم مرحباااا يالزميل = سيل حدّر على الركبان واشتالها

من بنى قصره العالي بوسط المسيل = لا يذم امنا فــ/ السوق وعيالها


الهاجس

عليك السلام وكل خطوة سلامه
ولا تلحقك منا سهوم الملامه
ليا شفت مثلي لا تقلي علامه
سرى الليل والهاجس يعاني يعاني
^^
البقا يا زميلي وأنت راع الجميل = قايد القافلة والخيل واجمالها
حظنا طاح في وادي طويلٍ طويل = حفيت أقدامنا ما دلت أسبالها


سهيل

تعلم تعلم عن سهيل اليماني
قبل عشرك تعوّد يا خويه ثماني
مكانك وأنايالهاجس الزم مكاني
سرى الليل وسهيل اليماني جنوبي

نعرِفِك باسمك المشهور ما أنته بخيل = حِلّة أهل الكرم معروف مدخالها

جيتكم طرقي مسيّر وعابر سبيل = قرّب الدّله الصفرا وفنجالها



الهاجس

بهرني جماله وأغتواني دلاله
وأنا يا عرب بنصاه وأشرب دلاله
ومن دلني للدار يكسب دلاله
سرى الليل والهاجس شمالي جنوبي
^^
يا سهيل اليماني كان علمي قليل = هقوتي نعرف الديرة ومدهالها
ما ترفّ الشوارب غيرلأم الجديل = والمطر من غيوم الجوّ وأحوالها

سهيل

بهركم جماله لعنبوا حي حيه
يلامض لسانه كنّه لسان حيّه
ليا مره الهاجس يدق التحيه
سرى الليل والبارق جنوبي جنوبي

والله إنك شمالي صدر وأكبر دليل = غترتك فوق رأسك مائل عقالها

الطريق السريع اللي يروح الجبيل = مر قدااام شارعها ومنزالها




الهاجس

طلعنا وكان الجو غيمة وغيمة
وهتانها ما بين غشقة وديمه
ربيعا لفانا يالله أنك تديمه
وسرى الليل والبارق جنوبي جنوبي
^^
ديرتي جوها ي سهيل جوٍ عليل = مثل باريس واليونان وأمثالها
مير قلبي معذبني وحالي عليل = خلنا في قصايدنا وموالها


سهيل

عسى الطائرة توصلك سالم وطيّب
وتحذفك عند سهيل حوله قريّب
وتأخذ سهيل نروح عند الحبيّب
سرى الليل والبارق جنوبي جنوبي

والله إنه حرام (ن) حُرم ماله مثيل = مختلف لونه وشكله عن أشكالها

شكلها المعجزه والحاجه المستحيل = بعد ما صعبت الله فوق حلالها



الهاجس

معي هاجسٍ ما بات ليله يلالي
سرابي بطون الأودية والتلالي
وعينه على نجمٍ يلألي يلألي
سرى الليل والهاجس مع الليل ساري
^^
التقاليد حدة جيلنا بعد جيل = والعرب قيّدتها عمها/خالها
حيّ جولة على البسفور والدردنيل= وأبن عبده يغني مالي ومالها


سهيل

عيونك على النجم الجنوبي جنوبي
علام البحر يا صاحبي ماج نوبي
ومهما يموج انا قويه جنوبي
سري الليل والبارق جنوبي جنوبي


الوكيل الله ولا غير ربي وكيل = يجزي الناس حسب زيادة اعمالها
فيه تركي من استنبول يبغي كفيل = يوصل العاشق لعنوان منزالها


الهاجس

يبان الثمر من طلعته والبوادي
وتُعرف وسومه للحضر والبوادي
ليا شفت وسم سهيل نوّخ بوادي
سرى الليل والبارق جنوبي جنوبي
^^^
يا أبن الأجواد ما للأصل غير الأصيل = والمباني على السيسان وجبالها
لو شطحنا وطحنا كل ميله بميل = مالنا إلا بنات الدار وعيالها



سهيل


يبان الثمر ينضج ليا صاف صيفه
على الضيعه اللي يعتبرها مصيفه
مصيفه ليا جا الصيف ما أحد ٍ وصيفه
سرى الليل والبارق جنوبي جنوبي

والله إنه مرستك والله إنه حليل = والحيل من طبوعه يوم يحتالها

نتوضا بمانا كنّه السـلسـبيل = عِفت أنا دار مي وقفة أطلالها



الهاجس

ليا جاك وسم الصيف جينا نصيّف
ونقضي هلال الشهر وإلا نصيّف
عسانا نضيف أبو مقامٍ رهيّف
سرى الليل والبارق جنوبي جنوبي

^^
يا سهيل اليماني كيف عذق النخيل = شاقني تمرها في فيّة إظلالها
الجدايل تمايل فوق خصرٍ نحيل = والعذوق المنيفة مالت أحمالها


سهيل

ليا جاك وسم الصيف كثرت طروشه
وكل (ن) نصيبه مايحوشه يحوشه
ترى من هو ضعيّف قليله قروشه
سرى الليل فوقه لاتقلي جنوبي

فرحه وشوق للعشـّاق ظل ٍ ظليل = نكبه إن كان راحت حظ عمّالها

والختام الله أقوى ذِكرِه أفضل حصيل = يربح المسلم اللي ختّم وقالها



وسلامتكم وإلى اللقاء في محاورات قادمة - إن شاء الله ..

[سهيل2012]

أشكر جميع المتواجدين

وأرجو المعذرة إن كانت بعض المحاورات

طويلة بعض الشيء ...

[سهيل2012]

بسم الله الرحمن الرحيم

((المحاورة رقم 17 ))

وهذه المحاورة مع أحد زملائي واصدقائي شاعر وملك الكسرة الشاعر : سافر بن مسفر العتيبي .. والبداية مع أخي سافر ..


سافر
سلامي عليك وكل لليله ابا اوذيـك
وبا اخذ علومك ياسهيـل اليمانـي

ابا اوذيك لين الناس تسمع شكاويك
وانا جالس(ن) مرتاح والله امكاني


سهيل

ألا مرحبا من شاعر ( ن ) دوم يغليك
تراحيب مثـل الهيـل والزعفرانـي

تركـدْ وهَـد السرعـة الله يخليـك
قبل عشـرك الليلـة تعـوّد ثمانـي


سافر

يدوم البقا ياللي ترحب وانا اوحيك
تراحيب للي جاني بالحيل عانـي

بعد جيتني لابـد اقـرص اذانيـك
تراني انـا معاملـك يامودمانـي


سهيل

أبا أختار عِود الراك بين المساويك
يناسب سهيل أحسن من البيشماني

تقوله يا سافر وأنته قصار(ن) يديك
ما تلحق على لمس الخشم والآذاني

سافر

تحفظ على راكك وقصر خطاويك
لكن الجفاء مبغاه طول الزماني

رميت الرمي الي يصيبك ويخطيك
ومن بعدها قصبت حتى السواني


سهيل

يقولون رجل الديك تاتيك بالديك
لو الديك يا سافر جفل ما يداني

أبا أضحِكك ساعة شويّه وأبكيك
تبكيك كلمه وحدّه من لسانـي


سافر

يطول الدهر يارجل مانـي مخليـك
اباصلـح الجلسـه وتكـي وزانـي

ابا مـر للقاضـي وخليـه ينبيـك
وشى اللي جرى هك السنه في ثواني


سهيل

تقوله يا ابن مسفر وتنفخ علابيك
بعد ما رزقك الله بسهيـل ثانـي

أبا أشرشحك وأسرحك ثم أضويك
يا حتى تتوب ولا تغر المعانـي


سافر

تطش المقاضي وانت خضراء مرابيك
سمعنا طبول العيد شهر ارمضانـي

تراك الصحيب اللي كثيره طواريـك
تحمل عفوشك مـع فـلان وفلانـي


سهيل

تحاول تلحقهـا ولا عـاد يمديـك
وصيدَتك يا الحصني ترى عقرباني

إبه واحد(ن) شيطان ساري يغويك
يغويـك بلسانـه بـلا ترجمانـي


سافر

سهيل العريف اللي وقع ف شرابيك
ييجر الحون الطيبـه دان دانـي

تحب القشر لكن ماني مجاريك
تبا تاكل الحنبص وتعلج لبانـي


سهيل

طحالك سليمه والمرض في كلاويـك
وقلبك خضر ما بين عوج المحانـي

عسى الشيخ أبو هاني يوقع لك الشيك
زحول الرجال تقـدر فـلان وفلانـي


سافر

تراني طبيبـك اللـي دايـم يدويـك
ابك علة (ن)منهـا دوامـن تعانـي

تعرف الحقيقه يوم ابو هاني مغليـك
بعد غاب ضعت وسرت في درب ثاني


سهيل

ياسافر عسى الله يا صحيبي يعافيك
عشيره يا كم تبعد عن أهل المحاني

ليا غاب أبو هاني عشاكم من البيك
ولن جا حضر جاب السمن والسماني


سافر

انا خاطري طايب واناوي ابا ارميك
اباارميك من برجن طويل المبانـي

ابو هاني جنب عنه مافيه تشكيـك
سهيل امتلطختـن كفوفـه حنانـي


وسلامتكم وإلى اللقاء في محاورات قادمه إن شاء الله ..

[سهيل2012]

بسم الله الرحمن الرحيم

(( المحاورة رقم 18 ))

مع الشاعر المعروف : محمد المشروع ..


والبداية مع المشروع :

الليله المشروع حاضر والحموله للجمال
احمولها فظهورها والنار من شبابها

واللي على راسه عمامه ثابته تحت العقال
ايميز علومه ومقدار الحى وشنابها



سهيل

يا مرحبا بك حاضر بحاضر يا مشروع وتعال
على الهوى في ليلة(ن) ياذيب ما يسرابهـــا

قرب وابا اخذ لي معك يا شاعر عتيبه مجال
واهل اللحى يا صاحبي تعرف وجوب اصحابها


المشروع

الله يبارك فيك جاوبني على واحد سوال
النار والبارود مار الخيل من ركابها

اتعبك عمك تالي الايام مع سود اليال
هاذيك وداها وهاذيه عليكم جابها


سهيل

هذا سؤالك يا محمد وجه لأم العيــــــــــــــال
ما له سنع عندي مصيبه عيب ما ترضابها

عمي وعمك يا محمد وانت عارف وش قال
دلتك يالمشروع مرّة مـــــا رضي شرابهــــــا


المشروع

جاك الكلام المختصر والفال يقفاه العقال
والخيمه اللي في مهب الريح مس اطنابها

حنا مشينا بالعدال وخل مشيك بالعدال
ون كبرت الهرجه على راسك تراك اسبابها



سهيل

عارفك أنا يا محمد المشروع من ذيك الليال
حسبتك يابن العم جا مسلم وهل حسابها

ما شي بدربك والذيابه من يمين ومن شمال
الله يخارجكم من جبال الهدا وذيابهـــــا


المشروع


انا على سلم العرب وصرف ذهب مصرف ريال
ولا الافاعي ما حسبت اروسها وذنابها

اليا سرقت اسرق جمل وليا زبنت ازبن جبال
والناس صادقها يبا يشره على كذابها



سهيل

تصرف ذهب حسب الطلب عارف كريمين السبال
سافر وأبونايف شهود الحجه وكتابها

عز الله إنك يا بن عمي من عريبيـن الخـــــــوال
تراك مثل عيوني الثنتين وانا أهدابها

وسلامتكم جميعا ..

[سهيل2012]

بسم الله الرحمن الرحيم

(( المحاورة رقم 19 ))

محاورة جديدة قبل أسبوعين تقريبا بين سهيل وأحد ابناء عمومتي الشاعر /
سافر مسفر العتيبي .. والبداية من سافر حيث يقول /


سلام الله لبو احمد ساري طرقي وهو عجلان
يصادمني مع الروحه يصادمني مع الجيه

على شانه نبا نهدم بيوت ٍ مالها سيسان
أنا خائف على رجله تلوى فوقها الحيه

سهيل

ألا يامرحبا يالشاعر اللي تعرف العنوان
تعال ادخل مع البيبان حط يديك فــ/ يديه

تبي تهدم بيوت الطيبين اللي لنا جيران
تعوذ من شياطينك يا سافر واحسن النيه

سافر

يدوم لك البقا يا اللي ترحب والخطوط تبان
وأنا شايفك بعيوني ما بين الشمس والفيّه

ترى جيرانكم جيران ياللي مفتري فتان
أنا ماني من اللي يعرض الحسنات بالسية

سهيل

خطوط المملكه توصِلك يا سافر ليا عمّان
مع الزرقا يجيك الخط والوجهه شماليه

ابه خط ٍ يبا يوصٍلك لين تطب في لبنان
لكن احذّرك من التضاريس الطبيعية


سافر

فــ / وسط المملكه عايش ولا ظامي ولا جيعان
ولا لي وجهة ٍ تبعد عن حدود السعودية

عمى ما أدري مفتّح ما تشوف النار والدخان
على رأسك تدور الدائره 100 على 100

سهيل

بغيتك يا العتيبي تشبع من الخوخ والرمان
ما دام ان الدير في أقطاركم دهْر وسناويه

أدوس النار والأخطار سلم لربعي العتبان
وأحط السيف أبو حدين في روس الحراميه


سافر

أشوف الخوخ الرمان أنا ما أبغى لكم عنوان
دياري مثمره وبطيبها وقطارها حيه

ترى ربعك عتيبه حشام وتقفل على الدكان
وبانت لي حقايق منك في خط ٍ وبرقيه


سهيل

ترى الخط العمومي بين أهل رابغ واهل عسفان
يوصّلك المدينه كان به رخصه عمومية

أبو دكان مقضاته شراها بأرخص الأثمان
يجونه شفتهم بالعين مرّاره وطرقيه


سافر

نعرف خطوطنا فــ / المملكة يالعاشق الطفران
بيوت الله ناصلها بدون هذي وهذيه

تحمل ذمتك علوم ما عندك لها برهان
عيونك غشتك ياللي سهر عينه غراميه


سهيل

أنا مغنيني الله وانشد المقدام مع جبران
خلقنا الله يا ابن العم يا سافر غناويه

بريه ذمتي ياللي تعرف الزود والنقصان
ولا عمري يا ابن مسفر جلست مع الحقاويه


سافر

عناك الله مع اثنين وبانت صورتك ألوان
غناوية فــ / بعض أمور وبعض أمور سرية

تبري ذمتك في مجلسك يالعاشق الطربان
ترى اللي شار لك بالعلم في ثوبه أماريه


سهيل

رجال ٍ فــ / اللوازم تنطح الفريّس فــ / الميدان
ولي صورة وبالألوان يا الطيّب خياليه

وراع الثوب لابس ثوبه الأبيض على الأمتان
يسج أقدامه الثنتين من شقصان لا .. ليه

سافر

تروح يمين ولا يسار أنا بأقول لك غلطان
الك صورة مع الألوان يبغالك بعد كيه

وراع الثوب الأبيض قام يعلجكم على اللحيان
يسج اقدامه الثنتين لكن ماش حريه


سهيل

يديني دون حلقي والفشق في محزمي مليان
ما عندي للعِدا رحمه ولا فــ / القلب ماويه

أبا أربيك .. وانسيّك خط يمر مع نعمان
وأردك غصب مع خط البهيته واليمانيه

سافر

يدينك ردها فــ / الجيب وانت ضعيّف ٍ تعبان
هذي علومك سجلت يا طاق طاقيه

هزيل القول تنطق به ولا أنت مقابل الشجعان
تبا ترمي بنفسك فــ / الخطر فــ / دروب عبرية

سهيل

أبا أطلقها يدين تقرر الشوكه على الميزان
لكن يديك يا سافر تورق فــ / الملوخيه

هزيل القول ما جبناه تعرفني فصيح لسان
يا راع الموتر اللي سرعته سرعه جنونيه


سافر

يدينك مطلقه في البحر يا ظامي ويا عطشان
تفرج فــ / البحر بالليل مره صبح واعشيه

أنا اللي مقرر الميزان يا مغرم وياعشقان
مالي نظر معك مره وأبا أمسّك بيديه


سهيل

تقوله والبحر فيه الكنوز اللول والمرجان
وفيه الحوت الأزرق ياكلك يا ابن الأفنديه

طعام سهيل والبدو السمن والتمر والقرصان
وأهل جده عشاهم يغمش ومنتو وطعميه


وسلامتكم وإلى اللقاء في المحاورة رقم ( 20 ) إن شاء الله .....

[حسن عابد]

ماشاء الله عليك وصح لسانك ومن معك

[سهيل2012]

ماشاء الله عليك وصح لسانك ومن معك


أحسن ما قلت يا أخي حسن ..

صح بدنك وأرجو أن تكون تجربة سهيل البسيطة جدا راقت لكم ..

[سهيل2012]

بسم الله الرحمن الرحيم


(( المحاورة رقم 20 ))

محاورة بين سهيل وشاعر من الجماعة .. معرفه ( الساهر ) ..

الساهر
سلام تسليمه من البال الوسيع ** تسليمة الاصحاب عند اصحابها
الشك زايل نشترى ولا نبيع ** ياهل خيام (ن) ماتطيح اطنابها


سهيل
يا مرحبا في صيف ولا في ربيع ،،،،،،،، ترحيبة مثل العسل جينابها
الشك زائل وأنت وانا نستطيع ،،،،،،،، نرجع السكين جوف نصابها


الساهر
خلك علي مهلك مع الخط السريع ** الناس فى لحضه تثور اعصابها
والله ماناكل طعام من ضريـــــــــــــع** اللي خلطها شك مانرضابهـــــا


سهيل
وانته على مهلك وزبدك لا يميـــــــع ،،،،،،،،،،،، المشكلة حولك تعرف أسبابـها
يا اللي تبا ترقى على الحيد الرفيع ،،،،،،،،،،، قدامـــــــك ذياب تحد أنيابهــــــا


الساهر
الديره الي دونها باير صنيع ** وش عاد ابى من وعلها وغرابها
ياسهيل انا مشيتها مع كل ريع ** ماهمني روس العرب وذنابها


سهيل
قدم دليلك والمــــذاهب ما تضيــــــع ،،،،،،،،،،بين الرجال اللي طوال أشنابــــها
وانا أدري إن الحق ما يرضي الجميع ،،،،،،،،،، وإن جاتك (مصيبه) تبا ترضابــــها


وإلى اللقاء في محاورة أخرى ..

[سهيل2012]

بسم الله الرحمن الرحيم

(( المحاورة رقم 21 ))



وهذه محاورة جرت أحداثها بين سهيل وشاعر من الجماعة .. معرفه ( أبو نائف )

والبداية مع أخي الشاعر / أبو ناااائف ..



ياسلامي سلام (ن) فيه شرهه وعتاب = = شرهتي فوق روؤس (ن) ما تحسب الملام

كل علم (ن) مسجل بالقلـم فـ / الكتـاب = = ويــــن فـعــل الأوائــل جـعـلـهـم للــرحــام



سهيل

مرحبابك ..خطا شــرهتك ولا صــواب ********* قص علمك وسلمك بعد رد الســــــلام

قدم كتابك وبيني وبينك حســـــــــاب ********* فيه سطر(ن) حلال وفيه سطر(ن)حرام


أبو نائف

البقا يالمرحب عّد وبل السحاب = = ياسهيل الكريم إبن الرجال الكرام

ودنا ودنا تكـمـل رقـوم النصاب = = لا تغـر الـعلـومـي يارفـيـع الـمقام



سهيل

باين إنك ..سواة الذيب مخلب وناب ******* ذيب(ن) أشهب سرى يقنب بخشمه عرام

بهر الـدلة ..يجيـــك الخبر والجــواب ******* ليــن شرابـــــها يفقه وينســــــــى الطعام



أبو نائف

إيه ذيب (ن) وبادي فوق كل مرقاب = مـير يالـذيب الأمـعـط صايدتك السهام

الـرسايل كـثـيـره ياعـزيــز الجـنـاب = واصـل (ن) ذكرها مكتب مديرك العام


سهيل

كان ذيب(ن) فقدامك رجال(ن) ذياب ********* بعد ما قام حظك حظــي اليــوم قام

خلها بالظروف ..وصــك للشر بـــــاب ********* عندنا سيف(ن) يقص اللحم والعظام


أبو نائف

نـعـم والله وفـيكـم ميـر لـيش الـغيـاب = = الـذيابه نـعـرف أقـسومهــا فـ الـسنـام

درة (ن) محتموها أشيوخها والشباب = = خل سيفـك محله وين روؤس الأقلام



وسلامتكم وإلى اللقاء في محاورات قادمة ..

والمحاورتان السابقتان منقولتان من أحد منتديات الجماعة .

[سهيل2012]

بسم الله الرحمن الرحيم


( المحاورة رقم 22 )



محاورة جديدة ( قبل أسبوع ) تقريبا بين سهيل والشاعرالمعروف / رعد الجنوب ..

والبداية كانت من رعد الجنوب .. القائل /


ياسهيل وشبك محتدي بالحيل
ماكن لك قلب وعقل ولسان

اكرب حزامك وانتبه للسيل
السيل زمه يقطع الوديان


سهيل

لأنك يا شاعر ما عَدلَت الميل
ميّلت يمك شوكة الميزان

سيل ٍ يغطرف مع طلوع سهيل
قدامه الثملان والعتبان


رعد الجنوب

والله مالي شف بالتفصيل
لمحه وحبه تزرق النيشان

الهاجري مايتعبه تحليل
بالذات لن حول على نعمان

سهيل

هذي تبا ياصاحبي تعليل
من غير لا زود ٍ ولا نقصان

الهاجري شغـّال ف التمويل
ف المصرف اللي بالربا مليان


رعد الجنوب

البنك له خطه وله تمثيل
والخط له ريشة قلم فنان

اسلم وسلم لي على التحويل
تحويل حسب الجهد يابو فلان


سهيل
نقدّم الفنجــال بن وهيل
والبنك ومديره تراه إنســان

اسلم وقلـّه جاري التحميل
ياصل بميسوره على العنوان

وسلامة الجميع وإلى اللقاء في محاورة قادمة - إن شاء الله .

[سهيل2012]

بسم الله الرحمن الرحيم

( المحاورة رقم 23 )


محاورة جديدة ( قبل أسبوع ) تقريبا بين سهيل والشاعر / نظام ساهر .. في أحد المنتديات

والبداية كانت مع سااااهر .. القائل :


مرحبــا من هجــوسنً قاسيه ماتلين

تضرب المعركه ماهمها لو تمـوت

ياسهيــل العتيبي لـــو تجــر الونين

ساهر يطاردك لو تنحشر فالبيوت


سهيل

والبقى يالمرحب والخواااافي تبيــن
ما تدش المعــارك لابسين البشوت

مد يمنــاك وأنا أصــافحك باليميــن
ارخ صوتك ما دام الناس حولك سكوت


سااااهر
المعارك لها قومنً وقايد فطين
والخوافي عليها عشه العنكبوت

برفع الصوت فوقك مره ومرتين
وأن بغيت المصافح رجلي اللي تشوت


سهيل

ندحم القوم يا ساهر بجنب (ن) متين
نحمد الله ربي من كبار البخوت

رجلك مقيدة بالقيد يا أبا الحصين
ارفع الصوت ثم إن قدر الله تموت


سااااهر
نســمـع أنــك قــوي عزوم ذيك السنين

مار ذالحين رمشك من بلاك أمحتوت

أبك انــا ذيب مـخلابــه ماكف اليديــن

وموتي أمره من الخالق بعز وثبــوت


سهيل

نفرش الصحن سمن ونلحِفِه بالسمين
ما نـقدّم لضـيف الله قرص الفتـوت

نرمـي الذيــب بالبندق وربك يعيـن
احذر من الرصاص بوسط حلقه يفوت


سااااهر

مــايـــرد الــكـــريــم ألا الـلــئــيــم الـلـعــيــن

ذك شاتــك بــدون تـجـيــب مـــوزه وتـوت

بـنــدقــك مـاتــصـيــب ولا تـجيـب ألك دين

وانت ورصاصك أبا أحبسك وسط تابوت


سهيل

الكرم طبعـنـا في كل حزّه وحيــن
نذبح الحِيل ما نأكل من البحر حوت

سِـلم أهلنا وطبع أجدادنــا الأولين
والبخاري دجاجه يتقاطر زيوت


ساااهر

الكرم من طبوع عتيبه المكرمين

ومن جحدنا كرمنا ماله إلا يموت

عيش جيلك وقبلك راحو الطيبين

بس كرت البخاري ضمن حذف الكروت


تمت المحاورة .. وباقي واحدة فقط ونقفل الجزء الأول بإذن الله ..

[سهيل2012]

بسم الله الرحمن الرحيم


( المحاورة رقم 24 )


هذه محاورة جرت أحداثها بيني وبين زميلي وصديقي سافر مسفر العتيبي ( من مدينة جدة )

قبل ثلاثة ايام تقريبا ..... والبداية من الشاعر سافر /


نويتك يا سهيل العتيبي و انت مطلوب
تجيني لطلـب لا توخـر لـو دقيقـة

ياما رسلتلك من رسائل جوف مكتوب
و سلامي بالرسائل قريته ذا حقيقـة

سهيل
سهيل ابن العتيبي ليا جا سد فــ النوب
يجي وقت الطلب ما توخر عن رفـيقه

نويت ألعب معك وأسترق غترتك والثوب
وأشب النار فوقك يا ابن مسفر حريقه


سافر

سهيل اخفاء الحقائق وهو رجال محسوب
ليا جـات الحقائـق يابايضيـع طريقـه

كبار القول خله واتـوب الربنـا تـوب
ونارك طفهـا لايجـي براسـك شقيقـه


سهيل

ترى فنجالك اللي تسوقه دوم مشروب
سـهيل النجـم مـا يفرح بنكبة صديقه

أنا ما أخبر عليّه يا سافر مسفر ذنوب
كبيره غير كفتتك في قدور السليقه



سافر
مديرك رشحك للرياسه وانت منصوب
سهيل اسمين تعرف وكلن له بريقـه

مشيت ادروبك اللي تباها مدور الروب
تطش اعلوم ياسهيل مافيها واثيقـه




سهيل

مدير سهيل ما فيه يا بن الناس عذروب
رفيقي وابن عمي وأنا كبتن فريقه

هذاك اللي تقوله طعام البدو مرغوب
طعام الشيخ يشرب منه ويفك ريقه



سافر

مدير اسهيل قفاء واسهيل اتقول مغصوب
في راس اظلع بادي وشوف روضن يويقه

طعام البدو طيب تراء للنـاس محبـوب
علومك مخطيه وانت تسمـع للموسيقـه


سهيل

مدير سهيل وافي يكمّل كل ماجوب
حرام إن جاك حمّلك حمل ٍ ما تطيقه

رضا تكر يبا يكسر محمد الشلهوب
يبي يأخذ الكوره منه بأية طريقه

سافر

علومن باديه منك مثل الزبد وتـذوب
تحمل نفسك الذنوب وانا نفسي عتيقه

قزاز الساعه اللي معك ياخوك مشطوب
في حماك زرع طيب ونفسي ماتطيقـه



سهيل

ترى المندوب ما يقضي الحاجه لمندوب
وأنا مثل الجمل يمشي الله لا يعيقه

زروع ٍ طيبه في بلدنا كنّها الذوب
بعيده عن شواربك يا راع السويقه



وبهذا ينتهي الجزء الأول من محاورات سهيل مع شعراء المنتديات ..

وإلى اللقاء في الجزء الثاني بعد فترة راحة .. وذلك بمشيئة الله .


وسامحونا ..

أخوكم / سهيل ..

[سهيل2012]

بسم الله الرحمن الرحيم


عدنا من جديد ..

ومع الجزء الثاني من محاورات أخيكم سهيل في المنتديات ..

المحاورة رقم ( 25 )


هذا لقاء تصادمي بين سهيل وزميله مقدام العتيبي وقعت أحداثه الأسبوع الماضي في

أحد منتديات ربعنا بالطائف ، تصادم أسفر عن خسائر وتلفيات في البودي والحديد فقط !
ولا الركاب طلعوا سالمين والحمد لله .. حادث تصادمي لا زالت تبعاته تطاردنا أنا ومقدام
ونعاني منها كثيرا .. نقلته لكم في محاورات سهيل ، وأرجو لكم طيب المتابعة ..


سهيل
سلام الله سلام سهيل بعد البعد والغيبه
بعد طبيّت جيت البيت يا هل البيت من بابه

ابه سافر وابه مقدام فخر لربعي عتيبه
يسد اللازم الطارف ليا من فتّل أشنابه



المقدااام

هلا يا مرحبا يا سهيل لا شـك ولا ريبـه
ليا منك دخلت الدار يا ذيب مـع اذيابـه

عتابه عزوة اللى يعتزي ما يحصد الخيبه
حضر مقدام فى ذالليل مثلك يحسب احسابه


سهيل

يدوم لك البقى يا شاعر ٍ ما ينجحد طيبه
عمود البيت ما يثبت يا كود نجوّد أطنابه

هذاااك اللي تحداني أبا أكسّر عراقيبه
حسافه كيف يظلم واحد ٍ طيب من أصحابه




المقدااام

زمانك وان صفالك تبدى الايام لـك عيبـه
وانا مانى معلم واحد مـن حسبـة اربابـه

تصاريف الزمن تعطى وسيع العرف تجريبه
وانا لى ماقف مع طيبين العـرف والجابـه


سهيل

زمانك خثرب الصاحب يا أبو فالح مشاريبه
وقف دون العدود الصافيه يومي بمشعابه

وأنا والله ما أخشى يا ولد فالح مشاعيبه
لكن أخشى من الجفوه وشرهة ربعي عتابه



المقدااام
تهيض ياسهيل الطيب والاجـواد تعديبـه
وبعض العلم لا يبدى ولانت لاحق ثابـه

ومن قدم لقا بالوقت لـو دارت دواليبـه
فلا يهمك ضعيف المعرفة لو صكت ابوابه


سهيل

عسى شرواك يالمقدام ما تطفي مشاهيبه
بعد هذي تراك السيف يا ابن العم ونصابه

وحشمه للرفيق اللي بدا في عارضه شيبه
أبا أدمح زلّته قبل يتردى يفقد أعصابه



المقدااام

انا ادرى وانت تدرى والعرب ياصاح تدريبه
ترى باب يجيب الريح صكه ويـش تبغابـه

حشايم للرفاقـة والقرابـة الطيـب تبديبـه
عليك البيض يا اللى تعرف المنقود واسبابـه



سهيل

دخلت لمسجد العباس متوضي وأصليبه
لكن الشيخ واقف بالعصا من دون محرابه

عرفت الشيخ باسمه بعد ما عدد مطاليبه
يهدد بالعصا ويحدد أضراسه مع أنيابه



المقدااام

وكاد انك مسوى وقعت وش انت مسويبـه
توقع وانتبه لا ياخـذك صاحبكـم انهابـه

لكن اعزمه واحذر والخطا للشيخ لا تجيبه
وقدم له سمين العذر تصبح من حدى انسابه


سهيل

لبنا في الصميل وتمرنا في داخل العيبه
ليا مرّ الشواوي يا سليّم نتوصابه

يقولون الرجال الضيف في دبرة معازيبه
ترى ميسان وشدانه يا بو فالح ما تتشابه




المقدااام

تعلمنى بحالك والعرب والكل يدريبـه
ليا مرك عميلك فازهبه وكثر بمزهابه

تولم ياستر للشيخ واكرم فى مواجيبه
ترى ربعك عتيبه معشيه الذيب فالغابه

سهيل

من الطائف سرح مرزوق وأمسى الليل في طيبه
يعرفوووو نه ليا طـبّ الحرم يا خوي بثيــــــابه

عسى ربي يسامحنا من النمّات والغيبه
خصوص إنا سرينا الليل يا رجال نغتابه



المقدااام

توردها تصدرها وكل الحكـى تحكيبـه
تقول المشكلة فالشيخ واللى صوبكم جابه

عسى من لامكم فالشيخ ذيب الليل يسريبه
انا ادري وانكم تغلون شيخ القوم واحبابه



وإلى اللقاء في محاورات أخرى بإذن الله ..

[الحاج سلام]

يا هلا يا سهيل ومرحبا عودا حميدا يا ابو احمد عدتم والعود احمد . اليوم مصادفة دخلت لهذا المنتدى ووجدتك تشارك في جوانب عدة وكم هي فرحتي بعودتكم .
لانني فقدت مشاركاتكم وتغريداتكم في تويتر فاذا بكم انتقلتم الى هنا تصدحون بهذه المشاركات الجميلة فحق لي ان افرح بذلك .

[سهيل2012]

يا هلا يا سهيل ومرحبا عودا حميدا يا ابو احمد عدتم والعود احمد . اليوم مصادفة دخلت لهذا المنتدى ووجدتك تشارك في جوانب عدة وكم هي فرحتي بعودتكم .

لانني فقدت مشاركاتكم وتغريداتكم في تويتر فاذا بكم انتقلتم الى هنا تصدحون بهذه المشاركات الجميلة فحق لي ان افرح بذلك .



وأنا كذلك أيها الحاج .....

اشتقنا للسواليف مع الطيبين شرواك عبر المنتديات .. ولنا أصدقاء في المنتديات وواجب علينا
أن نتواصل معهم .. ولكن صراحة باقي الشيخ منقاش من يجيب لسهيل خبره ؟؟
والله له وحشه ما تتصورها !!!!!!!!!

[سهيل2012]

بسم الله الرحمن الرحيم

المحاورة رقم (26 )
بويتات عـــــــ/ السريع قبل يومين بين سهيل والشاعر / نظام ساهر .. ( حول الثريا ) ما غيرها !!!

سهيل
سلام الله سلام سهيل يا أهل المنتدى وأقول
عساكم طيبين وداركم بالخير معموره

من الطائف تراني جايكم يا ربعنا مرسول
وأبشركم بخير وعافيه في دار أخو نوره



نظام ساهر

هــلا يــامــرحبـــا باللي غيابه دار فيه الحول

وحنــا بعـافـيــة دام الـديــر بالـرزق ممطوره

من الطائف لفيت ألنا بعلمك وأله عشر حلول

عساك بخير دايـــم مايجيلك فالردى صـوره


سهيل

يدوم الك البقا وتقول يا ساهر سنه وتطول
طويت البيد واليوم الجمل وقّع على زوره

بعدها يالعتيبـي والله إني ماني بمسؤول
عساها للذهاب تروح وسهيل انتهى دوره


نظام ساهر
أنا لاقلــت طلت سنينــي اللي تبذل المعقــول
وأذا وقـــع جمـلــكم ياولد موجـــــود دكتوره

بعد ماأجهدت نفسك مالقينالك ولا محصول
ليا راحت تعلق من قهـــر حبــك بماصوره


سهيل
جملــنا حافته صكــّات بقعا بالســرا والدول
صبر لين الصبر غلــّق وعبر لك عن شعوره

أخذنا ما كتبه الله لو انه صحنْ سمنْ وفول
تراها خيرْ منْ لقمهْ تقفْ في وسطْ حنجوره



نظام ساهر

جملــكم من بلـــى جمالـــه اللي بالعناء مقتـول

طفح كيله ولا أشعل في ظلامه شي من نوره

أخــذتــو شــي مالــه قيمتــنً فالمجتمــع يازول

لـكـــن الخيــــر راحــت بـه ثريا وأنتهى شوره

سهيل


أخذناها من الحرّة ليا العارض بعرض وطول
مرار نغني هجيـــني ومره نلعـب الكـوره

فدا رأسك يا أبو شاربْ يقولون العرب مفتول
ترى ينبـع تشــابه للجبيــل وراس تنوره

[سهيل2012]

بسم الله الرحمن الرحيم

المحاورة رقم / 27

سهيل

من الطائف مصيف المملكة والشِعر والشعار
يا هل .... الحروف استقبلوا شِعرِه وشِعّاره

سلام الله عليكم يا هل الــ.... ومسا الأنوار
وأخص الشاعر المقدام ودي نسمع أخباره

مقدام
هلا يا مرحبا من مملكتنا هلت الاسرار
لاجل الـ .... واهل الضى نبث الشعر واسراره

بعدها يالمسلم هات ما عندك من الاخبار
ترى مقدام حاضر لك يعرف البيت وادواره

سهيل

يدوم لك البقى يا صاحبي فــ/ بداية المشوار
خوي سهيل ابن عمّه وتبراله فــ/ مشواره

عيّنت الشايب اللي مات قبل أسبوع يا عمّار
ما بين أخوانه السبعه لِفاه الموت واختاره

مقدام
على وضح النقا يا صاحبي لو طالت الاسفار
ترى خوة رجال الطيب ندفع دونها ابشاره

هذك الشايب اللى صار عند الناس ماله كار
بعد كانوا يزورونه كبار القوم فى ادياره

سهيل

عسى الله يرحمه يا صاحبي مقدام لا تحتار
إبه شايـب مكـانه واعرفوا حقـّه ومقداره

لبس ثوب النصارى واليهود اللي تجيك قصار
سعودي نخلة ابن سعود والسيفين بـِشـْعَاره


مقدام

غدى شايب وجا شايب ولا لك فـ/الحياه اخيار
وكل فى بلاده يا عميلي ينصب الشاره

لبس ثوب النصارى والمذاهب كلهن اكبار
يبيع ويشترى فالسوق كنه عمدة الحاره

سهيل

أخذ طبعْ النصارى واليهود ومذهب الكفّار
وهو مسلمْ ورجل ٍ ملتحي ما ينقصْ وِقاره

عطاه السيف أبو متعب ملكنا وافي الأشبار
بعدهـــا كلنـــا راضيـــن والأيـــام دوّاره


مقدام

حشى لـلـه ما يتبع طريق ابليس والفجار
حماه الـلـه يعرف الدين ولاهو راعى الباره

بعــد صدِر قراره نحسبه من جملة الاخيار
ابو متعب نطيعه كلنا والنفس مختاره



سهيل
أنا ما أدري من أهل الجنـّة أو يصلى لهيب النار
مع أشكـاله يطير الطيـر ونعرفه بمنقــاره

ولو انك مدحت الشايب نعرفه غريب الدار
غريب بلاد لابس من على العينين نظــّاره


مقدام

تهيض يالعتيبي والحذر من سيفنا البتار
ترى قبلك طيور روحوا فى طعم سناره

وانا لو امدحه يا صاحبي مثلي بعيد انظار
لكن المشكلة فى اعيونك انت (ه) ليش محتاره


سهيل

على وضح النقى مرّه وأعيد القول عشر مرار
أبا أكسْر عظم ساقه ثم أنا الدكتور جبّاره

أبو متعب قراره صح والله ما عليه غبار
ملكنا اللي نحبّه فااارس الميدان والغاره



عسى الله يدفع الهيه ويقبل شايبك معذار
لكن قدم لشايبك السمينه عقب معذاره

حكومتنا الرشيدة عزها المولى بــ/صقور احرار
على راس الملك حامى دياره وحامٍ جاره


والآن بإمكانكم حل لغز المحاورة والذي يتمحور حول ( الشيبان الثنين ) !!!


فمن هو الشايب الأول ؟

ومن هو الثاني ؟


فسر يا مفسر !!

والحل أيها الإخوة / حتى ما يروح فكركم قريب !!

الشايب الأول : يوم الخميس

والشايب الثاني : يوم السبت

[سهيل2012]

بسم الله الرحمن الرحيم

المحاورة رقم ( 28 )

محاورة جديدة جرت أحداثها ليلة البارحة 9 - 9 - 1434

وهاهي بين أيديكم الآن نرجو لكم طيب المتابعة ..


سهيل

وش حصل في مصر يا صاحبي عمران
بين مرسي واخوه الزيــن ضيف الله

والله أكلـوا هوا جمــاعة الإخواااان
ما نكب مرسي ألا الشيخ نصر الله


مقدام

ليش تسأل بعــد ما شفت يا حوران
راح مرسي وحكمه وعزنا بالله

الخطا وان مشوبه ضنوة الشيطان
مفتى القوم ناكب شعبهم كله


سهيل

نكبة الشيخ مرسي جات من لبنان
جاته مفـلفـله من عند حـزب الله

شفت مليون مصري داخل الميدان
كـل واحد شـهر بالسيـف ويسلـّه



مقدام

يا سهيل انتبه البندق ام نيشان
والبلا والجلا جاهم من الحله

كيف لو شافت اعيونك اهل ايران
يوم مرسي بغى يضيع هل المله


سهيل

أبك أنا أطب وسط النار والدخان
وأنته متكي وتشرب من الدلـّه

جاك "عدلي" يعدّل شوكة الميزان
فارس (ن) يا ولد مايعرف الذلـّة



مقدام

ابلع العافية وسم بالرحمان
وانتبه لا ترًوح طعـم هالشله

حزة الصفر ما حانت يا كحالان
حزة نحتريها بامر عبد الله


سهيل

ترخي سموعك الثنتين في طهرااان
للـمعمعم شـهر وأنته تعمـعمله

وآخرتها مكلبش من ورى البيبـان
وابن منصور "عدلي" داخل الفله



مقدام

اتسمع انا فى اذاعة الظهران
والمعمعم ما حنا زباين له

راعى الحق ما يغدى ورى القضبان
وانت كانك كما اللى تابع ظله


سهيل

وضّح الاسم يا مقدام والعنوان
يفزع سهيل بأمر الله وياصلـّه

راعي الحق لا حجّه ولا برهان
كان تعرف محلـّه علـّمه قلـّه




مقدام

مانت ياصاحبي ابمحمل السلطان
انت واحد من العالم وحيالله

كن بعض المعانى مالها سيسان
كم كلام يقول لصاحبه خله

سهيل

العوّر شيخوه بحارة العميــان
يا خسارة من يقديه ويدلــّه

لا تحاقرْ سهيل وتنكب يافلان
بعد لفيّت عن معناه هيبله



مقدام

العور واحد منكم يالعوران
انتبه ياسهيل ليدك من الخله

وانت رجال لا شكة ولا نقصان
الحذر مار واجب وانت تفطن له


سهيل

يا الله إني دعوتك تسعه رمضان
تصلح أحوالنا وتداوي العلـّه

ما لحقكم شكوك ولاني بزعلان
شاعر ٍ مثلك وشرواك ما أملـّه



مقدام

يالله انى طلبتك يا رفيع الشأن
تغفر اذنوبنا وتدمح الزله

يا عليم بكونك وكل مابه كان
مثل اخونا سهيل نعزة ما نذله


وسلامتكم .. واسمحولنا على القصور ..

[سهيل2012]

بسم الله الرحمن الرحيم

المحاورة رقم ( 29 )

جديدة ليلة البارحة بين سهيل والشاعر ( سافر بن مسفر )

ومعناها غريب شوي !!!!!!!!!!!!


سافر

سلام الله لبواحمد سلام(ن) والعرب توحيه
بعد صمت رمضان وذقتلك شربه وسنبوسه
اسلم واتسلى سامعن علمك انا واخفيه
وبو دبوس في الأوطان ماشيلك بدبوسه


سهيل

يدوم إلك البقا في المنتدى ياربي تحيّيه
وشربتنا نظيفه ما خلطناها مع الكوسه
تبا تخفيــه ولا للعرب يا صاحبي تبديــه
أبو دبوس عند سهيل إله ثنتين مدسوسه


سافر

يزين العلم ياصاحب بعد ماجيت انا بطريه
وشربتكم نظيفه ولسبب في اعلام منكوسه
يدينك لامست راسك مرار ومرة(ن)تخطيه
دبابيسك على حدك واشوف الحب مع سوسه


سهيل

أقول الخال لو إنه صدق ساعه مع بناخيه
يزيـن العلم وبناخيــه يتعلم من دروسـه
يدين سهيل وصلت للسما وش دخلك في يديه
صليب الرأس ويدينه بفضل الله محروســه


ساهر

بناخيه معه اعلوم وبليس الذي يغويه
يجيب العلم الي مره ومره اعلوم معكوسه
ونا ياسهيل ماودي ذراعك ياخوي الويه
صليب الراس في راسه علوم(ن)دوم منحوسه


سهيل

من البحرين ياصل للهفوف يهف في واديه
جبل قارة بلشنا يا زميل سهيل بنجوسه
ترى من لا يعرف الصقر ياسافر يبا يشويه
تباه يجيك بالعلم الوكاد وظني يحوســه


سافر

تبدي خطر تخفي خطر والعلم الي كانيه
بلشتو في جبل قاره واجاب العلم محبوسه
يجي ويروح راع العلم وراوي الي راويه
وراع الموس جهز شفرته ومجهز(ن)موسه


سهيل

ما أقول ألا عسى الله يصلحه ولا عسى يهديه
قبل نعطيــه ضربة راس ونكسّرله ضروســه
يجي ويروح يطلعلك يا سافر مرخي آذانيــه
قصير شبور تفجع قلبه المسكين ناموسه

سافر
بعد بدى صحيح القول صحيح القول انا راضيه
وبو ناقوس خله في بلاده يدق ناقوسه
ومريض(ن)في العياده نطلب الله العلي يشفيه
وانا لو جيتله من قبل اطفي نور فانوسه


سهيل

صحيــح القول مثلك يالعتيــبي نفرح بطاريـــه
محبتكم من سنين (ن) مضتْ في القلب مغروسه
ختــام القـاف يا ســافر بذكر الله نبا ننهيــه
مدير البنك في بنكه عساه يزكي فلوسه



وسلامتكم وإلى اللقاء في المحاورة رقم ( 30 ) إن شاء الله .

[عطر السحاب]

الله يوفقك يبو احمد دايم حسك وروحك موجودة في ارجاء المنتدئ فالك التوفيق...

[سهيل2012]

الله يوفقك يبو احمد دايم حسك وروحك موجودة في ارجاء المنتدئ فالك التوفيق...


وأنت كذلك يا أخي / عطر السحاب ..

عطر الله جميع أوقاتك بالفرح والسعادة والخير ..

وكل عام وأنتم بألف خير ..

[سهيل2012]

المحاورة رقم (( 30 ))

وأظنها / الأخيره .. !!

مع زميلي الشاعر ابو نايف ..


أبو نايف

ياسهيـل القـاف مـن شأنـك ترانـا بادعينـه
يعني المياقف تاقـف بالرضـى وألا جبـاري
جتني الأخبار عنك ساكن(ن) وسط المدينه
بعد ماهبت على رأسـك نسانيـس الـذواري


سهيل

يالله تســاعد سـهيل وطالبك يالله تعيــنه
أقف الميقاف يابن العم والله باختيــاري

مصدر أخبــارك ترى كذّاب وحنا عارفيــنه
يخدعك بالحكي وأنته يالعتيبي ماأنت داري


أبو نايف


ماهو بكفيك تخيّر أنت محسوب(ن) رهينه
الله يعيينك صحيح سيوف قِدمك مع شباري
سركم في بير وحنا ي الضلالي كاشفينه
صفرت الصافرة إنذار تعلن للطواري

سهيل

انت وش دخلــك يالملقوف ما بيني وبيــنه
باللسان حصان والفعل الردي كنك مطاري

اكشف السِر وتكلم لا حضر عينك ف/عينه
شغل النور وتنبـّه لا تطيـح مع الكبـاري


أبو نواف

علم مابيني وبينك مير نيتكم لعينه
أنت ماسك لك خطوط مطوله والليل ساري
العشاء ما بين ليه والسديره طابخينه
صيدكم بالبندق أم الخمسه أطيور القماري

سهيل

علمك اللي ضامره يا صاحبي وينك ووينه
قِدْم عينك منعطف قبل الوقوف الاضطراري

العشــا للطيــب اللـي لا حضر دسّـم يميــنه
من عظام المالْ ماهو كبسهْ ورز(ن) بخاري


أبو نايف

كم واحد غادروا عرض البحر فوق السفينه
أنت ليش تقودها ما بيننا عازل حراري
العشاء تخاشروا به دام رطنك من رطينه
مجلسي يا سهيل ماهو مجلسك ماني بضاري


سهيل

ماعليهم بعد طسّوا يا ولد عمّي غبينه
والسفينه ماشيه رغم الصعوبه والطواري

مجلس ٍ ما يدخله راع الطحينه والعجينه
بعد كبرت مالها يا ابن الحموله عمّ غاري


أبو نايف

المزاين حصري لشاشة الساحة عارضينه
أقلب الريموت للمرقاب ياذيب الغداري
أدري إن الطيب من جدك وخالك وارثينه
لكن الأيام هذي مختلف والعقل عاري

سهيل

المزايــن ياحبيــب في قنــاتك عايفيــنه
ماعلينا من غليص ولا علينا من مكاري

ضيفنا الطيّب يبا يقلط على سمن وسمينه
والقضية روّحت ما بين بايعها وشاري


أبو نايف

مادرى عنكـم حبيـب راعـي اعلـوم(ن) ثمينـه
يـوم مافيكـم معـه فـ/ الوقـت لا كاتـب وقــاري
الـخـلاصــة وزكــــم هــــذاك والله لا يـهـيـنــه
مابقى إلا يكتب أسماكم على سجل(ن) تجاري


سهيل

وأنت قبلْ مسجّلك (عزّوز) في خبت الدفينه
خلف بِلّه تتبع الذودْ المفلي في الصحاري

والخلاصة نجمنا فوق النجوم وحاسديــنه
حاسدين الصقرفي صيد القهد ويّا الحباري


تمت المحاورة ..
وإلى اللقاء .. والسلام عليكم ورحمة الله وبركاته ..

وأراكم ع خير وسامحوني .

[سهيل2012]

بسم الله الرحمن الرحيم


وهذه محاورة جديدة ( طازه ) بين سهيل والشاعر / عبدالله الغامدي ( الهاجس )

على لون الشقر :


البدع الهاجس
المصاعب والمتاعب لجلها ساقي دروب
والدروب اتسهلت بالحيل والمبدأ سهيل
من يماشيني ونطرقها على درب الصعايب
يبدع المحراف والهاجس يفل ويفتلي


الرد سهيل
الطوارف والعوارف ما تغر من الدروب
واجتمع شاعر بني غامد مع الطيب سهيل
نص طيب يا ولد غامد يا خوي ونص عايب
ودي أَضيّفك ضيفة زي ما ضيفتلي

^^^
البدع الهاجس

مرحبا عد المطر والسيل من عالي النصوب
أنت شاعر يبدع القيفان وأبياتك دليل
ما عَيَاك الشقر وإلا البحر جتْكم بالرغايب
كنّك إلا السيل في وديان ليّه ينجلي

الرد سهيل :
والبقى وسهيل ما صابه تعب ولا نصوب
شاعر ٍ سيّد معاني فالنهار وسيد ليل
حاضر ٍ وإياك يالهاجس ولا بسهيل غايب
جعل هم سهيل مع همك ياخويه ينجلي


البدع الهاجس
مثلكم ياشيخ ما يتعب ولا جته العيوب
عايشن في جو ليّه والهواء كله عليل
والثريا في سماكم تنتظر بدر النجايب
وأنت في جمر إنتظارك تستعد وتصطلي

سهيل
ماعليكم زود يالهاجس ولا حولك عيوب
جو ليه طب للعشاق والقلب العليل
والثريا ماتجي بالسهل لو الحظ جايب
لو تجي ننحر جمل لعيونها نذبح طلي

وسلامتكم

مبتدي في لون الشقر

وعليمي في مدرسة / أبو عامر

وابو عامر زميل وصديق من بلجرشي بالباحه

والتواصل بيني وبينه شبه يومي .

[zqrat hantgulw]

حلو المتصفح

ليه ما تدخل محاوراتك مع الشاعر العلم زقراط

هنا في ها المتصفح ؟

ولا موقد المقام :cry: