رد الشاعر المفقود

[صقر الحجاز]

يلوح البرق والرعاد هبي ياهبوب النود=عدد ماشع نور سهيل بانواره وميزاته
ودخِن فالحطب ياعودنا الجاوي ودهن العود= عسى جودي مع الأجواد ماتغلق ملفاته
على سلم العرب يوم العرب فالماقف المحمود= ترحب بالضيوف وكل شيخِ تبان خطواته
غيابي زال ماباقي على النشاد والمنشود = سوى نحر الجمال ودعوة المدعو بقواته
واخص منادي الحله على وضح النقا المجرود = مطبب كل جرحٍ فالزمن تصعب مداواته
وفاه مميزه لاجيت مجلس شيخه المعهود = يخاويني على ماقال يامحسن مخاواته
وهذي حكمة الشعار لاجات الصدور ورود = يهيمون ويشبون القبس كلا وغاياته
لو إني والمخاوي انبرد كبود ونعل كبود = واذا ملنا نميل ونخطف الشيخ وفتواته
لأنا ماحسبنا لليالي البيض قبل السود = وذلك من دهاه وبعد نظراته وهقواته
عذاريبه سعة صدر وكرم مشهود لا محدود = وصفحه عن خويه لو يطول الليل ماباته
يقوله صقر لسهيل العتيبي والله المعبود = عسى الله يسعده ويسامحه في كل هفواته

[منقاش]

صح لسانك وزان فالك يا ابن عمي يا صقر الحجاز , وان كنت صقر الحجاز فلا يغرب عن بالك انت وباقي الصقور ان ابو نقشه قدس سره ودام ظله الشريف اصقر منكم وهو صقر الجزيره كلها بما فيها حجازها ونجدها..
وكان بودي ابدع من القيفان ما تيسر وارد عليك انت ومخاويك , لكني فضلت التمشي ببرتوكولات حلفنا ومراعاة الأختصاص وترك الرد عليك لشاعر الحلف المفوه راعي القاف والميقاف النجم سهيل ..
اما المخاوي اللي تعزويت به فهو مثل الفشك اللي تسمع صوته ولا ترى فعله ,, والدليل هروبه من المنتدى بعد وريناه نجوم الليل ضاحيه من نهار وفي مقدمتهم النجم اليماني ..
يا صقرنا وراك تلعب في الوقت الضايع وتنفخ في القربه المخروقه ؟؟, خذها نصيحه تخلص من المخاوي واخلص لأبو نقشه , وان كنت لا تحب الناصحين وباقي في اذانيك شوية صمم فزيد من عزاويك بالمخاوي وناظر هو صدى صوتك يعود عليك والا يضيع في اثير بدر الدجى ؟؟.
يا صقرنا حليفك اتحداه يطل برويسه عليكم وعلى المنتدى ما دام أسد الشرى ابو نقشه قاعد له هنه على ركبه ونص ...
وسلامتك انت والسامعين اجمعين...

[سهيل2012]

عسى جودي مع الأجواد ماتغلق ملفاته

عسى جودي مع الأجواد ما تغلق ملفاته ...

عسى جودي .......

عسى ...

آآآآآآآآآآآآآآآآآآآآآآآآآآآآمين..

صح صح صح لسانك ..

ولا يهونون السامعين ..

أنا اشهد إنك رديت الرد الوافي الكافي اللي يجمد على الشارب !

ويشهد لك قولك قبل سهيل ..

حتى الشيخ منقاش حسيت واستنتجت من رده إنه مبسوط من حُسن منطوقك يا حسن

أحسن الله إليك في الدنيا والآخرة وأكثر من أمثالك المبدعين ..

الآن أقدر أقول نجحت قصيدة سهيل ( الشاعر المفقود ) بعد هذا الرد ..

وأصبح الشاعر الموجود والجود من الموجود .

[سهيل2012]

وترك الرد عليك لشاعر الحلف المفوه راعي القاف والميقاف النجم سهيل

هلا بالخط وكاتب الخط وشيخ الشيوخ وأكبر مطنوخ ..

بعض الكلام ما عاد له رد يا الشيخ منقاش .. الشاعر رد على قصيدة ( الشاعر المفقود )

وصار ( الشاعر الموجود )

وصح لسانه ..

سعدنا بعودتك من جديد ويا هلا ومسهلا .

[أبو عبدالرحمن]

صح لسانك يا صقر المنتدى

كفيت ووفيت

مشكلة سهيل وهقنا في الثلاث حروف

[سهيل2012]

صح لسانك يا صقر المنتدى

كفيت ووفيت

مشكلة سهيل وهقنا في الثلاث حروف

على مين يا مدير ؟

صدقني ( إنها تعرف بيت راعيها ) !!

ومن أول وهله ونظرة !

[دموع الأقصى]

يعطيك العافية

[صقر الحجاز]

صح لسانك وزان فالك يا ابن عمي يا صقر الحجاز ,
يا صقرنا حليفك اتحداه يطل برويسه عليكم وعلى المنتدى ما دام أسد الشرى ابو نقشه قاعد له هنه على ركبه ونص ...
وسلامتك انت والسامعين اجمعين...

يابو نقشه تساومني على رفقة خوي الجنب=وهو غايب ولا يدري عن اللي قلت بغيابه
وانا ما احسب على غيابه مع الايام اية ذنب =على قول المثل من طول الغيبه له اسبابه
بدون انظر خيام(ن) مالها حبل وعمود وطنب=يكون الحق ياصقر القواقز مات طلابه

[صقر الحجاز]

عسى جودي مع الأجواد ما تغلق ملفاته ...

عسى جودي .......

عسى ...

آآآآآآآآآآآآآآآآآآآآآآآآآآآآمين..

صح صح صح لسانك ..

ولا يهونون السامعين ..

أنا اشهد إنك رديت الرد الوافي الكافي اللي يجمد على الشارب !

ويشهد لك قولك قبل سهيل ..

حتى الشيخ منقاش حسيت واستنتجت من رده إنه مبسوط من حُسن منطوقك يا حسن

أحسن الله إليك في الدنيا والآخرة وأكثر من أمثالك المبدعين ..

الآن أقدر أقول نجحت قصيدة سهيل ( الشاعر المفقود ) بعد هذا الرد ..

وأصبح الشاعر الموجود والجود من الموجود .

حاولت امتط صهوة جوادي للحاق بك لكن تبقى راعي الاولة
وان ارضيت حلفكم الكريم شعريا فما ذلكم الا بفضل الله عز وجل
رغم ما المسه منكما لتشريكي في غياب مخاوي منقاش لكن سأبقى صامدا حتى يعووود

[سهيل2012]

يابو نقشه تساومني على رفقة خوي الجنب=وهو غايب ولا يدري عن اللي قلت بغيابه

وانا ما احسب على غيابه مع الايام اية ذنب =على قول المثل من طول الغيبه له اسبابه
بدون انظر خيام(ن) مالها حبل وعمود وطنب=يكون الحق ياصقر القواقز مات طلابه

// إبداع يُحرض على المُجاراة // ولي الشرف أن أجاري صقر الحجاز :


أبو نقشه ليا أقبل يا صقر دور على مجنب = تراني محزمه والرمح ويا السيف ونصابه

من بريده طرد صاحبك ومخاويك للمذنب = كواه بكيتين وصفقتين وشقق ثيابه

عليك الدور جاك الذيب صوته كالرعد يقنب = لكنك ريّع المعدال قبل يعضّك بنابه

[منقاش]

اخواني صقر الحجاز وسهيل اليماني , وبقية الشعراء من امثالنا ..
البارح نظمت عقد من الأبيات الشعريه على جيد واحده من امهات القصايد ارد لكم فيها الصاع صاعين و التحيه بمثلها والا باحسن منها .
لكني بعدها تعشيت كبسة رز ورقدت على ظهري , وكني مع الشخير والنخير فتحت فمي وتلمالي بعض اللوامي , ومع كثرة التلميات سرى عليه يا ربعي ليل واختلاف حيل من الكوابيس والدعابيس ويوم صحيت الصبح الا وفمي يبابي ولا باقي في راسي ولو حتى بيت واحد من القصيده, ويبدو لي كما يوم يبدي لكم يا اخواني ويا اخواتي ان الحكواتي (اعني الله يامنا المخاوي) هو اللي سرقها ما غيره حرامي نصاب يقدر يسرقها..
الزبده : بعد سويعات صقر الجزيره وعقاب القوقاز ابو نقشه يبي يسافر بمشيئة الله من الطايف لباكو فلا تكثروا علينا البواكي , وادعو لنا رب العباد بسلامة المراح لهاك البلاد والماتى لهذي البلاد , وشكرا ...

[صقر الحجاز]

صح لسانك يا صقر المنتدى

كفيت ووفيت

مشكلة سهيل وهقنا في الثلاث حروف

رعد صقر حسن كلها ثلاث حروف

هلا بك عدد ماشع نور سهيل سعادة المدير

[صقر الحجاز]

يعطيك العافية

الله يعافيك ويطول في عمرك

[صقر الحجاز]

// إبداع يُحرض على المُجاراة // ولي الشرف أن أجاري صقر الحجاز :


أبو نقشه ليا أقبل يا صقر دور على مجنب = تراني محزمه والرمح ويا السيف ونصابه

من بريده طرد صاحبك ومخاويك للمذنب = كواه بكيتين وصفقتين وشقق ثيابه

عليك الدور جاك الذيب صوته كالرعد يقنب = لكنك ريّع المعدال قبل يعضّك بنابه

ونعمين فيكم وكفو ياسهيل لكن المعدال شغلته شغلة الله يخارجنا

[صقر الحجاز]

اخواني صقر الحجاز وسهيل اليماني , وبقية الشعراء من امثالنا ..
البارح نظمت عقد من الأبيات الشعريه على جيد واحده من امهات القصايد ارد لكم فيها الصاع صاعين و التحيه بمثلها والا باحسن منها .
لكني بعدها تعشيت كبسة رز ورقدت على ظهري , وكني مع الشخير والنخير فتحت فمي وتلمالي بعض اللوامي , ومع كثرة التلميات سرى عليه يا ربعي ليل واختلاف حيل من الكوابيس والدعابيس ويوم صحيت الصبح الا وفمي يبابي ولا باقي في راسي ولو حتى بيت واحد من القصيده, ويبدو لي كما يوم يبدي لكم يا اخواني ويا اخواتي ان الحكواتي (اعني الله يامنا المخاوي) هو اللي سرقها ما غيره حرامي نصاب يقدر يسرقها..
الزبده : بعد سويعات صقر الجزيره وعقاب القوقاز ابو نقشه يبي يسافر بمشيئة الله من الطايف لباكو فلا تكثروا علينا البواكي , وادعو لنا رب العباد بسلامة المراح لهاك البلاد والماتى لهذي البلاد , وشكرا ...

تروح بالسلامة وترجع بالسلامة مقصرين في واجبك لكن سامحنا طال عمرك
اما القصيد يخدمك فيه سهيل عطه العنوان وهو ما يضيع دربه

[سنا الهجرة]

أبدعت في هذا النص يا صقر
ما شاء الله عليك .. وصح لسانك حتى ترضى

[صقر الحجاز]

أبدعت في هذا النص يا صقر
ما شاء الله عليك .. وصح لسانك حتى ترضى

هلا وغلا سنا
رضاك هدف