مدونة سهيل الأدبية ..~.. [الأرشيف]

سهيل2012

12-07-2012, 03:35 PM

بسم الله الرحمن الرحيم

هذه أبيات نظمتها قبل أكثر من ثلاث سنوات رثاء في والدي ( رحمه الله)

وجميع أموات المسلمين ...

أبووووي أخذ عليّه أنا ميثاق وعهوووود

............. وأبوي العود وصاني أبا أحفظ وصاته

عسى الله يرحمه راح أبوي الشائب العود

................ عسى ربي يقدرني أسوي سواته

أبوي الشائب اللي محل الطيب والجود

................ وأبوي الطيبة مكسبه طيلة حياته

وأبويه مجلسه دووم بالضيفـان مريوود

................ لضيفانه يقدم صحون مفطحاته

هذاك الشائب اللي صليب الرأس والعود

.............. يهابه شجيع القوم ومحزي عصاته

وأبويه عاش لا شك بين الناس محسود

............ يحسدونه على طيبه وكثر حسناته

وأبويه عاش من جملة العرّاف معدود

............. توثق في حبال الله مجوّد صلاته

وأبويه لو مدحته ترى ماني بمنقود

............. ولا يلحقني اللوم يوم أذكر صفاته

لضيف الله وجاره جميع العالم شهود

............. ومن خاواه في الدرب عز الله مرآته

بعد ما مات أبويه تعشى لحمه الدود

........... عسى الله يرحمه بعد ما حلّت وفاته

::

::

:

:

.

.

رحمه الله وجميع أموات المسلمين ...

أبو عبدالرحمن

12-07-2012, 10:35 PM

جميل ما سطرته أخي سهيل

ولا شك أن عاطفة الحزن تجعل النفس تبث أصدق الأشجان والمعاني

رحم الله والدك وجميع موتى المسلمين

أبو عبدالرحمن

12-07-2012, 10:38 PM

وفكرة المدونة فكرة رائعة

من حيث الحفظ وكذلك إثراء المنتدى بهذه الأبيات والخواطر المتميزة الرائعة

وصح بوحك

صقر الحجاز

12-07-2012, 10:50 PM

هلا بك ياسهيل ومرحبا مليون ترحيبة ورحم الله والدك رحمة واسعة
لا شك اننا سعيدين بما تحطه يداك هنا ومتابعين ومشاركين

سهيل2012

12-08-2012, 01:40 AM

جميل ما سطرته أخي سهيل

ولا شك أن عاطفة الحزن تجعل النفس تبث أصدق الأشجان والمعاني

رحم الله والدك وجميع موتى المسلمين

جزاك الله خيرا أخي أحمد وشكرا لكم إذا منحتم سهيلا الثقة وأعطيتم له هذه المساحة

الرحبة لكتابة مدونته الشعرية .. أرجو أن تكون هذه المدونة والتي بصدد كتابتها في هذا

المتصفح - مقنعه لكم وللمتابعين من أعضاء المنتدى .

سهيل2012

12-08-2012, 01:41 AM

هلا بك ياسهيل ومرحبا مليون ترحيبة ورحم الله والدك رحمة واسعة
لا شك اننا سعيدين بما تحطه يداك هنا ومتابعين ومشاركين

الله يبقيك يا أخي صقر الحجاز ..

وجزاك الله خيرا يا صقر وانا فخور بتواجدي بينكم وبمتابعتكم الطيبة ..

سهيل2012

12-08-2012, 01:48 AM

بسم الله الرحمن الرحيم

هذه قصيدة لأحد أبناء عمومتي اسمه : سليمان العتيبي ..أدرجها في أحد منتديات قبيلتي

الخاصة في مجالس الشِعر ..يتذكر من خلالها والده رحمه الله ..ويُثني على والدته ..وقد راقت

لأخيكم سهيل بما تحمل من المعاني الســـــامية والنبيلة وهو يتحدث عن والده ويتذكر مآثره

الحسنة ..وما أحوجنا جميعا إلى ذلك الفعل النبيل ..

يقول الشاعر سليمان :

يبه طال إنتظاري وانتظرت الموت تسع سنين=وأنا ودي عليك الحق وأشوفه طال مشواري
يبه لا صرت تنشد عن حياتي والعمل والدين=على ماكنت تبغاني اصلي واحمد الباري
يبه انا صار لي زوجة وعندي يايبه طفلين=وأحدهم يحمل إسمك يايبه يازين هالطاري
وأبشرك امي بنعمة ومرتاحة قريرة عين=وتدعي لك تقول ابوك كان يعز مقداري
تقلي ياوليدي لا تناسا الشايب المسكين=تصدق عنه وادعي له وسوي له عمل جاري
وانا ادعي لك ليا منه مضى من ليلي الثلثين=وانا ادعي لك بمطلع ليلتي وبأخر اسحاري
وانا اعرف يايبه قبرٍ حضنك من الحصى والطين=قطع عني خبرك وعنك قبرك قاطع أخباري
عسانا يايبه في جنة الفردوس مجتمعين =ويغفر ذنبي المولى ويحميني من أوزاري

رحم الله من توفى من والدينا وتغمدهم بواسع رحمته ..فقد تعبوا من أجلنا وربونا أحسن تربية

ولهم الفضل بعد الله سبحانه وتعالى في تعليمنا وتوجيهنا ..

ورزقنا الله بِر من بقي منهم على قيد الحياة ..وكسب رضــــــاهم ..

وهذه مجاراة أخيكم سهيل لقصيدة الشاعر سليمان :

أنا شوْقني النّص الحزين وهِمت في الشطرين =ما بين الصدر ويّا العجز حِرت وِحــارتْ أفكاري
قريته ثم هل الدمع من عيني على الخدّين =دموع (ن) من عيون سهيل يا ابن العم واجبـــــاري
ذكرت الشـــايب اللي في حياته كـــاسب الثنتين = رضا الله ثم حُب الناس كل (ن) شاهد وداري
أبوي اللي سِواة أبوك عاش الوقت عِسر ولينْ = عطونا علمونا في المدارس كاتب وقاري
بوقت(ن) فيه جمع المال صعب تجمع الألفين = ما يجمعها يا كود التاجر اللي بائع وشـــاري
لكن الله سترهم لين ماتوا ما عليهم دَين = عليهم رحمة الله تحت نوره يسري الســاري
عسى مثواهم الفردوس بالجنة وحور العين = دعوتّ الله وأنا صــادق دعوته سِر وجِهاري

أخوكم / سهيل ..

الشيخ عبدالعزيز بن عبدالله الثمالي

12-09-2012, 03:08 PM

بارك الله فيك يابا احمد-ورحم الله والدي ووالديك-وانت ماتحتاج وصاه من احد-وحياك الله انت ومدوناتك -الرائعه-واصل ونحن متابعون-

سهيل2012

12-10-2012, 11:10 AM

بارك الله فيك يابا احمد-ورحم الله والدي ووالديك-وانت ماتحتاج وصاه من احد-وحياك الله انت ومدوناتك -الرائعه-واصل ونحن متابعون-

جزاك الله خيرا يا أخي أبا عبدالله
ولو ما متابعة الطيبين شرواك ما
دونا ولا تعبنا ..
وابشروا بالخير ..

عطر السحاب

12-10-2012, 06:01 PM

الله يرحم والدك رحمه واسعه وجميع موتا المسلمين صح بوحك فالك التوفيق.

سنا الهجرة

12-11-2012, 08:42 AM

صح لسانك يا سهيل .. ورحم الله والديك وجميع موتى المسلمين

فكرة المدونة فكرة جميلة .. وهذا القسم ما فتح الا لإبداعات المبديعين أمثالك
وهي بلا شك فكرة تحمل في طياتها سلسلة من إبداعاتك التي لم نشاهدها من قبل
فـ أعانك الله على إتمامها

تقبل تحياتي وتقديري لشخصك الكريم

سهيل2012

12-11-2012, 11:39 AM

الله يرحم والدك رحمه واسعه وجميع موتا المسلمين صح بوحك فالك التوفيق.

جزاك الله خيرا يا أبا سامر
وترقبوا بقية المواضيع لاحقا إن شاءالله

سهيل2012

12-13-2012, 11:44 PM

فاصل قصير .. ونواصل بعده ..

لا شفت همّك تزايد واصل (ن) حدّه =والنفس ضاقت من الدنيا وما فيها

دوّر على الله وقت الضيق والشدّه =يحـلـّهــا الله ومن عنده يسويّــهـــا

سهيل2012

12-15-2012, 11:55 PM

بسم الله الرحمن الرحيم

عدنااااااااااااا من جديد ..

واليوم جايب لكم قصيدة رثاء في أحد شيابتنا الذي توفاه الله قبل عام تقريبا .. وهذا الرجل

اسمه : محمد .. التقينا به قبل ما يربو على 22 عاما بمدينة تربة البقوم .. وقتما كنا نعمل

هناك .. وقد استقبلنا ( رحمه الله ) احسن استقبال ، وأحسن رفادتنا وأكرمنا ..

وكنا نلتقي به من بعد العصر .. في فناء منزله العامر بجوار نخلة ( صفري) وكان يخرف لنا من

رطبها إذا صافت ويكرمنا ولا يحسد أحدا سواء من ربعه أو جيرانه واصدقائه ..

وقد قضينا معه عامين تقريبا كانت من أجمل أيام حياتنا .. وعندما عدنا إلى الطائف لم

تنقطع صلتنا به .. بل تأصلت وتم تثبيتها ودعمها بزيارات متبادلة عائلية حتى غدا عم

محمد وعائلته من المقربيين لسهيل وأفراد عائلته ..

تجمعنا مناسبات الأفراح .. ونشارك بعض في الأحزان والأتراح !

وعندما وافته المنية نزل عليّ الخبر كالصاعقة ولكن هو قضاء الله وقدره لا راد له ..

فرثيته بالقصيدة التالية :

أألا يالله طلبتك ياكريم الوجه ويا الجاه =كريم الجاه ويا الوجه رب الكون سبحانه

تغفر ذنوب عبد ضعيف يا ما زل في دنياه = ضعيف(ن)زل وأكثر زلته هرجه من لسانه

عسى الله يرحم محمد ولد دوفان هيوالله= ويغفر له خطَاه ويشمله عفوه وغفرانه

هذاك الشائب اللي دائم البسمه على محيَاه = وسيع الصدر وحْلال الكرَم والجود عنوانه

هذاك الشائب اللي في تربه ياكثر ما جيناه =يرحب بالضيوف ودونهم ما صك بيبانه

ليا جا الضيف غدى الضيف من ميسوره وعشاه =يقدم للضيوف اللي لِفوه صحون مليانه

إله بيت(ن)سواة القصر في شكله وفي مبناه = وقدامه نخل صفري وتفاحة ورمانه

غرسها من زمان(ن) فات واسقاها الوفا بيداه =ولا صافت جنى منها التمر واعطاه صدقانه

هذاك الشائب اللي فزعه ونخوه لمن ينصاه=يحقق مطلبه في سراع ثم يتعب على شانه

يبا يشهد له الضيف وخوي الجنب لا خاواه = وتشهد له شهادة حق بالمعروف جيرانه

عسى ربي يبيحه والجنان الخضر هي مثواه=أبا ادعو له واختمها بذكر الله سبحانه

رحم الله عم محمد وأسكنه فسيح جناته وجميع موتى المسلمين .

والسلام عليكم ورحمة الله وبركاته

سهيل2012

12-25-2012, 01:31 AM

بسم الله الرحمن الرحيم

وهذه أبيات نظمتها في شهر رمضان المبارك من العام المنصرم 1433 في مكة المكرمة

في أحد الفنادق في العزيزية وقد كنت أتواجد بعض الوقت للبحث عن الشبكة في الاستقبال .. حالي حال الكثير من نزلاء الفندق صغارا وكبارا ..

وقد لفت نظري شائب يجي كل يوم ويجلس معنا ويناظرنا بعيونه ويروح .. أكثر من مرّة !

وقد عرفت بأن الشائب يدور للسواليف .. بين أناس سيطرت على عقولهم أجهزت الاتصالات

والتقنيات الحديثة ..

وأخيرا أقبل نحوي وقال : مساك الله بالخير يا الأخو .. فعرفت بأنه قد توسم في خيرا

فقلت هذه القصيدة القصيرة :

في الاستقبال شايب يدور للتعاليل
يبحلق في الوجيه ويتمتم في كلامه

يدور للسواليف وعلوم الرياجيل
رمقني بالنظر ثم قدّم لي سلامه

وجا يقرب ومد اليمين وصافح سهيل
يقول إنه من أبها وجا لابس حِرامه

ليا مريتكم شفتكم مثل المهابيل
ما بين الضحك والتمتمه والابتسامه

ألا يا الشايب اللي تمثلك تماثيل
ومن صكات بقعا على وجهك علامه

وجيلك راح ولّى وجا بعده يا كم جيل
تراهم في تويتر لهم رسم وعلامه

أحد منهم يقرقع كما صوت الفناجيل
وأحد يهدل بصوته كما صوت الحمامه

وجالس مثل ما شفت في الشاشه تهاويل
واظن البعض خالط حلاله مع حرامه

ولا ترمش عيونه مصنّم كنه الفيل
تقول انه محرول مكسرة ٍ عظامه

وبعده قال ما من وراكم من محاصيل
وقام وودع سهيل راح مع السلامه

وسلامتكم وإلى اللقاء في موضوع جديد .....

سهيل2012

12-26-2012, 01:10 AM

بسم الله الرحمن الرحيم

وهذه قصيدة نظمتها قبل أكثر من عام ونصف العام إثر دخولي هذا المنتدى الطيب المبارك منتدى قبيلة ثمالة ...

سلام الله سلام يفوح منه الشار والريحان
معطر من عطر ورد الهدا ويا رياحينه

سلام الله من سهيل وتحياتي على الثملان
سلام إسلام يا اهل الدار والمقدار بادينه

تحيه وافيه لأهل الوفا من ربعي العتبان
على سلم العرب والدين وكدها براهينه

صداقتنا قديمه ثابته من سالف الجدان
وجيران وعواني يشهد التاريخ وسنينه

دخلت المنتدى واعجبني التنسيق والألوان
ترى المكتوب باين ياثماله من عناوينه

ماكنه غير خيل سباق تصهل داخل الميدان
تصفحت ودخلت أقسامه وعارف قوانينه

أنا سهيل العتيبي جيتكم داخل مع البيبان
طريق ثماله المعروف بالرجلين ماشينه

سهيل اللي يبا يعرف سهيل الاسم والعنوان
يشوف أحمد عبيدالله يحط يديه بيدينه

ويلقى عنده اسمي كامل وشامل بلا نقصان
مشرفني هذاك الاسم يوم أهلي مسمينه

أبو بندر كما العد القراح ويروي الظميان
ما ينقص ماه من غرف الدلي ياربي تعينه

مرياه للصديق وعون للمسكين والفقران
من محياه شع النور بالإيمان يازينه

ليا جاله صديق(ن) طافي(ن)نوره وهو زعلان
يواسيه ويمد الكيف في الفنجال بيمينه

وابا أذكر بالوفا جمعية(ن)للبر والإحسان
تغيث المستغيث وتمسح الدمعات من عينه

وابا أذكر بالوفا من شيد بناها على السيسان
يقدم حسنة بعشر حسنات(ن)في موازينه

أخيل النو يم بلادكم وأقول يارحمان
تهل المزنه الغرا يسيل السيل من حينه

يسيل السيل مع وادي جفن ويصب في البستان
وتروى شجرة التفاح والرمان والتينه

أخوكم سهيل

سهيل2012

12-26-2012, 01:57 AM

بسم الله الرحمن الرحيم

والآن أجدني ومن مبدأ ( مكره أخاك لا بطل ) ولا بصل اتجه إلى شِعر الغزل .. الربع

ما يبون الشِعر الاجتماعي .. يبون شِعر الغزل وعلوم سهيل مع الثريا .. وحاضرين ..

هذي آخر التطورات يا أهل المنتدى والتي حصلت خلال الأسبوع المنفرط ....

هذه قصيدة نظمت ابياتها قبل فترة قصيرة ( منذ أسبوع ) تقريبا ردا على بعض أصدقائي الذين

قالوا بأن سهيلا .. صرف النظر عن معشوقته الثريا .. وذهب إلى ثريات أخريات .........

فوجهت لهم هذا النص :

أنا يا صمتي سهيل العتيبي ما ني بمغرور
........... وعاشق للثريا والهنوف وعاااارف حدوودي

ثرياي الحبيه ما لحقها من سهيل قصـور
........... على سنّة رسـول الله شاااميّه وأنا سعودي

لجرح سهيل بلسم والدوى وضمادة الدكتور
........... عن الطيّب وما يطلب عسى ما تقصر جهودي

وهذي يا هل الضي الهنوف وباسمها المشهور
........... لا أحد يلحِق سهيل النجم يا جبران منقودي

اسم ما يقبل الضمّه عليه وكسرة المجرور
........... اسمْ ممنوع ومن الصرف لا نقص ٍ ولا زودي

أدلعها الهنوف ويوم أسميها بدر وبدوووور
........... وحسّاد الهوى وسهيل ما عرفوا بمقصودي

لها منزال في قلبي ولعبت في حياتي دور
........... ومن شان الثريّا عشت في الأيام محسودي

يا كم شاعر من سهيل العتيبي يا عرب مقهور
........... من سهيل الثريا والهنوف قلوبهم سودي

عسى حاسد سهيل يطب فــ/أول شارع المنصور
.......... يناسبهم ويأكل من عنبهم نصف عنقووودي

وأنا بابني وأشيد للثريا فوق الأرض قصوووور
.......... وأكملها واجملها وأجوْد لها بمووووجودي

تعيش الغاليه بنت السماوي في فرح وسرووور
.......... وأعلمها بكل السااااالفه وأبيّح سدووودي

تدفيني من البرد الشديد بشعرها المنثوووور
.......... عطاااها الله رها في جسمها ريّانة العود ِ

ليا منا تواجهنا يصير الحكي دون شعور
.......... أخاف إنه من الربكه ...... البودي البودي

وأنا مسلم من أهل السِنّه ولا أقرب من المحظور
.........عسى الله يغفر ذنوبي عتيبي مسلم سعودي
..

واسمحونا إن شطحنا ولا نطحنا وإلى اللقاء في نصوص قادمة إن شاء الله .....

سهيل2012

12-26-2012, 02:33 AM

بسم الله الرحمن الرحيم

وهذه قصيدة موجه لسهيل من أحد شعراء دولة الكويت الحبيبة يُدعى / عبدالله بن غشام

وموضوع القصيدة له صله بالموضوع السابق - صراحة - فقد التقينا في أحد الملتقيات الثقافية

والتي تُعنى بالشِعر والأدب وكنت أكتب مواضيعي الأدبية وأذيل المواضيع مرة باسم /

عاشق الثريا .. ومرة : عاشق الهنوف ....... ومرة عاشق الجوزاء ... ومرة / نجمة الصبح ..

وقد استغلت هذه النقطه من بعض الأعضاء في الملتقى وأخذوا يتندرون من كلام سهيل .. وبأنه

مؤجرا قلبه مجمعا سكنيا وفندقا وهكذا ...

وفي خضم هذه الأحداث أجد هذا الشاعر والذي كان هادئا جدا في الملتقى يثور كالبركان ويدرج هذا

النص العجيب والذي ينعت فيه سهيلا بالحج / متولي !!!

وقصته المعروفه ...

وإليكم النص الذي يتحدث عن نفسه :

المساعـي نورهـا صبـح امتجلـي
والفعـال الطيبـة حصـن الرجولـه

عاشق لذات السَّبع يقلـط وأهلّـي
يستزيد امن الجلد لأجـل البطولـه

يا رفيع الذوق وش عـذر متولـي
ما عرفنا سلعته وش هـو ميولـه

في هوى الثنتين غارق ومتسلـي
مــرةٍ لـلـحـرب يقـرعـهـا طـبـولـه

مــرةٍ يـاخـذ مــن العـلـم ويـخـلـي
العمـيـل الـــي نـبـادلـه العـمـولـه

الـريـال ندبـلـه لـــو هـــو مـحـلـي
نصرفه دينار لك يا ابن الحمولـه

في مـدار النجـم يـا النجـم متعلـي
لك مسارٍ لاق لك وأرهق عذولـه

تنكس المنكوس يا المشهور قلّي
لا حشدت الجند لك صوله وجوله

ضابط حروف الشعر مثلك يصلي
قالهـا مــن قالـهـا فـسّـر عـدولـه
من طرق بـاب المهلّـي مـا يولّـي
مـر بـه ليلـه علـى هجـسٍ ينـولـه

شفّـر القيـفـان والـبـرواز مجـلـي
ملمسـه ناعـم علـى ظـنٍ يطـولـه

شارع المنصور ما هو في حولّي
صاحب الخفين وش ضيّـع نعولـه

مبتدى مسك الختام ان قلت علّـي
صغتها لسهيل وأدري به فضولـه

طوّل الصبر الجميل الكيف مطلي
بالجمـالـه علّـهـا مـثـل الخجـولـه

الهنوف الغشمريـة بنـت الأصلـي
أو كمـا ضـي الثريـا فـي شمـولـه

يا جزيل الشعر أنا سجيـت رجلـي
والخصال الطيبـة حـرز الرجولـه

وإلى اللقاء في رد سهيل على الشاعر الكويتي / عبدالله بن غشام ..

سهيل2012

12-26-2012, 02:37 AM

بسم الله الرحمن الرحيم

هذا ردي على أخي الشاعر عبدالله بن غشام ........

يا هلا بالصاحب اللي ما يمَلي = لا طرى شيءٍ على باله يقوله

ياهلا بالقاف والطرق المسلي = بيني وبينه قضيه ومحلوله

من كويت الخير صاحب ما يزْلِي = جاي لأهل الضي يشعب في ذلوله

متِوِلـِي نجمكم فووق متعلي = ما مشى فــ / الأرض يومين برجوله

والنظر للشام والنجم متغلي = واترقب من سنه ساعة وصوله

بينه وبينه مسافه ما حصلي = في الشمال يدور وانا أدور حوله

والنجوم الثانيه جتني محلي = حيّوا سهيل النجم ثمْ صفقوله

في السما ما أحد ٍ ياعبدالله فطلي = من حلاة سهيل جوه ووقفوله

الخجل ويا الدلع من طبع خلي = السما دوله ونجم سهيل دوله

جيتكم في الضي باسقاط ٍ مظلي = وانشدوا جبران ما جيت بسهوله

والبعير شعيل في الحرّه مفلي = والبدو من حول حوله شوشوله

بارك الله فيك يا وارد مجلي = عبوتين مبستره .. بانت فعوله

شارع المنصور ما دله بدلي = الله إنه يقطعه عرضه وطوله

والهنوف الغشمريه جت تهلي = فوقها وبل المطر حطت ثعوله

مبتدى مسك الختام ومن هو اللي = حط داب الضلع الأسود في حثوله

يا ابن غشام أنت صاحب ما تملي = أنت رمز ٍ للوفا رمز الرجوله

وسلامتكم جميعا واسمحوا لنا إن جا شطحات ولا نطحات ..

متمنين لكم أسعد الأوقات وافضلها .

ابوسيفين

12-26-2012, 02:56 PM

سهيل2012

12-27-2012, 02:36 AM

صح السانك ياشاعرنا مدونه رائعه تستحق القراءه مرارا

لكني ماكنت اظن انك بعد العلوم اللي جبناها لك عن محبوبتك انك تستمر في المجاهره بعشقك لها ، ماغير وش نقول سوى إن الحب أعمى 000000 تحياتي 0

وقبل الوداع اقول اني دورت لي بيت من قولك ولالقيته ؟؟؟

كلمتها كلمه يتيمه ثم ردت كلمتين = أنت بدوي ! رح دور جٍمالك يا واد وعٍٍِِِدها

تقدمت شمس الضحى تسلب قلوب العاشقين =تمشي كما الطاؤوس تتبختر ولا أحد ٍ قدّهـا

متوشحه لبس السواد وعطرها من ياسميـن =ما شفت منها غير غرتهـا وأصابـع يدّهـا

سبحان خالقها...تناسق ..في الصدر رمانتين =حين أقبلت ..ناظرت بعيوني ملامـح خدّهـا

مدوره ..ومحوره ..والشَعرمن فوق الجبيـن =رجل ٍ توخرها شوي ..ورِجـل قِـدم تمدّهـا

ساعة تلاقينا يديني لامسـت تلـك اليديـن =تِقول مِد يديك ..وانـا أمدّهـا ....واشدّهـا

وِقفت اتمتم بالحروف اللي عصتني مرتيـن =ولا نطقت من الحـروف ألا ثلاثـه عندهـا

كلمتهـا كلمـه يتيمـه ثـم ردت كلمتيـن =أنت بدوي ! رح دور جٍمالك يا واد وعٍٍِِِدهـا

ما تدرٍي إن البدو لطامـة وجيـه المعتديـن =رووس الرِجال اهل الجمال وتفتخر في شدّها

ما تدري إن البدو كسابة جميـل ومسلميـن =تعيش وتموت البدو مثلك ..ما بيـح سدّهـا

وآخر كلام أقول عِفنا مـن دروب العاشقيـن =أنا أعترف وأبصم بِعشر اليوم مانـي قدّهـا

وسلامتك يا ابو سيفين وتحمل عواقبها .. ولا عاد تستفز سهيل ويجيب العيد !

ترى ما خفي أعظم .. افهمتني ؟

ابوسيفين

12-27-2012, 11:20 PM

اللي يشوفك يقول وش هذا الشجاع !!!!!!!

كمل الابيات اللي حذفتها وان ماشطبك ابو عبدالرحمن من المنتدى ولا ما اكون ابو

سيفين

سهيل2012

12-28-2012, 01:55 AM

اللي يشوفك يقول وش هذا الشجاع !!!!!!!

كمل الابيات اللي حذفتها وان ماشطبك ابو عبدالرحمن من المنتدى ولا ما اكون ابو

سيفين

بالجوال في منتصف المسافة بين جدة والطايف

نعم فيه ابيات محذوفه لكن وين قريتها يا حمدان ؟

ما قد نزلت في اي موقع !!

كيف عرفتها ؟

صراحه مخولتني الله يسامحك !!!!

ابوسيفين

12-28-2012, 11:22 PM

ترجع بالسﻻمه
وهذا مايحتاج سر لو فركت (( الصلعه )) شوييه كان تعرف وترى العلم سابق للرساله اياها ولن ازيد

رعد الجنوب

12-28-2012, 11:39 PM

صح لسانك ملايين واعذرنا في التقصير مشاغل وبرد وو

سهيل2012

12-29-2012, 12:27 AM

ترجع بالسﻻمه
وهذا مايحتاج سر لو فركت (( الصلعه )) شوييه كان تعرف وترى العلم سابق للرساله اياها ولن ازيد

ما تـُلام من بعت مزرعة المنقا وأنت ( تصطفق )

الله يكفينا شرك !

سهيل2012

12-29-2012, 12:29 AM

صح لسانك ملايين واعذرنا في التقصير مشاغل وبرد وو

صح بدنك ..

ما ريت حسن عابد ؟

ماله حس ولا خبر !

سهيل2012

12-29-2012, 11:50 AM

بسم الله الرحمن الرحيم

وهذه قصيدة موجهة لسهيل من الشاعر الكويتي / عبدالله بن غشام ..

وهي تتحدث عن نفسها ولها موضيع خاص لا تسألوننْ عنه يقول ابن غشام :

الـمـسـاعـي نــورهــا صــبــح امـتـجـلــي=والـفـعــال الـطـيـبـة حــصــن الـرجــولــه
عـاشـق لــذات الـسَّـبـع يـقـلـط وأهـلّــي=يستزيـد امــن الجـلـد لأجــل البطـولـه
يــا رفـيـع الــذوق وش عـــذر مـتـولـي=مــا عـرفـنـا سلـعـتـه وش هـــو مـيـولـه
فــي هــوى الثنتـيـن غـــارق ومتـسـلـي=مــــــــرةٍ لــلـــحـــرب يــقــرعــهـــا طـــبـــولـــه
مــــــرةٍ يـــاخـــذ مــــــن الــعــلـــم ويــخــلـــي=الــعــمــيــل الــــــــي نــبـــادلـــه الــعــمــولـــه
الـــريــــال نــدبـــلـــه لــــــــو هــــــــو مــحـــلـــي=نصرفـه دينـار لـك يـا ابـن الحمـولـه
فــي مــدار النـجـم يــا الـنـجـم متـعـلـي=لــك مـسـارٍ لاق لــك وأرهــق عـذولـه
تنكـس المنـكـوس يــا المشـهـور قـلّـي=لا حشدت الجند لك صولـه وجولـه
ضابط حروف الشعر مثلك يصلي=قـالــهــا مــــــن قــالــهــا فـــسّـــر عـــدولـــه
مــن طــرق بــاب المهـلّـي مـــا يـولّــي=مـــر بـــه لـيـلـه عـلــى هــجــسٍ يـنـولــه
شـــفّـــر الـقـيــفــان والـــبــــرواز مــجــلـــي=مـلـمـسـه نــاعــم عــلــى ظــــنٍ يـطـولــه
شـارع المنصـور مـا هـو فـي حولّـي=صاحـب الخفيـن وش ضـيّـع نعـولـه
مبتـدى مسـك الختـام ان قلـت علّـي=صغتـهـا لسهـيـل وأدري بـــه فـضـولـه
طوّل الصبر الجميل الكيف مطلي=بـالـجـمـالــه عــلّــهــا مـــثـــل الـخــجــولــه
الـهـنـوف الغشـمـريـة بـنــت الأصـلــي=أو كـمــا ضــــي الـثـريــا فــــي شـمـولــه
يا جزيـل الشعـر أنـا سجيـت رجلـي=والـخـصـال الطـيـبـة حــــرز الـرجـولــه

وهذا ردي المتواضع عليه /

يا هلا بالصاحب اللي ما يمَلي = لا طرى شيءٍ على باله يقوله

ياهلا بالقاف والطرق المسلي = بيني وبينه قضيه ومحلوله

من كويت الخير صاحب ما يزْلِي = جاي لأهل الضي يشعب في ذلوله

متِوِلـِي نجمكم فووق متعلي = ما مشى فــ / الأرض يومين برجوله

والنظر للشام والنجم متغلي = واترقب من سنه ساعة وصوله

بينه وبينه مسافه ما حصلي = في الشمال يدور وانا أدور حوله

والنجوم الثانيه جتني محلي = حيّوا سهيل النجم ثمْ صفقوله

في السما ما أحد ٍ ياعبدالله فطلي = من حلاة سهيل جوه ووقفوله

الخجل ويا الدلع من طبع خلي = السما دوله ونجم سهيل دوله

جيتكم في الضي باسقاط ٍ مظلي = وانشدوا جبران ما جيت بسهوله

والبعير شعيل في الحرّه مفلي = والبدو من حول حوله شوشوله

بارك الله فيك يا وارد مجلي = عبوتين مبستره .. بانت فعوله

شارع المنصور ما دله بدلي = الله إنه يقطعه عرضه وطوله

والهنوف الغشمريه جت تهلي = فوقها وبل المطر حطت ثعوله

مبتدى مسك الختام ومن هو اللي = حط داب الضلع الأسود في حثوله

يا ابن غشام أنت صاحب ما تملي = أنت رمز ٍ للوفا رمز الرجوله
وسلامتكم وسامحونا .. وفكونا من صاحبنا أبو سيفين .. عنده خوافي وعلوم

لا يبلشنا بها الله يوفقه !

صقر الحجاز

01-05-2013, 09:24 PM

مافيك حيلة انت والثرياء

سهيل2012

01-06-2013, 12:39 AM

مافيك حيلة انت والثرياء

وأنت كذلك يا صقر ..

قضية .. في غيابك وفي حضورك !

سهيل2012

01-06-2013, 12:51 AM

بسم الله الرحمن الرحيم

تذكرتُ أبياتا شعرية تتحدث عن القرى وجمالها وطيب الحياة بها ...
فقد كنت معلما بإحدى مدارس المدينة وبصحبتنا أحد حراس المدرسة يُدعى : بنيه الثبيتي وعندما علم بأنني أقرض الشعر .. أخذ بالتقرب مني وسماع بعض الشوارد أثناء فراغي .. وكان يذكر لي قريته (صعبه)وكيف هجرها أهلها ونزحوا إلى المدينة .. وتركو القرية ..

وطلب مني أن أصف حال القرية في أبيات شعرية .. فطيبت خاطره بهذه الأبيات في قريته ( صعبه ).. فتخيلت القرية ماثلة أمامي .. وهي خـــــالية من السكان .. علما بأن قدمي لم تطأ أرض هذه القرية .. ولم أرَها في حياتي .. وكلها تخيلات شاعر .. قد تصدق .. أو العكس ..

سلام يا صعبه اللي ما مضى يا صعب فرقاك
يالقرية اللي جبالك راسيه تحت حصونك

ياما مضى لك من أيام السعد في أقصاك وأدناك
حتى شيوخ القبائل من غلاك يشرفونك

واليوم ما أحد (ن) بها ماكنْ أهلها عاشوا هناك
تمر الأيام عام وعام وأهْلِكْ ما يجونك

كانوا شبابك وشيبانك وضيف العز ينصاكْ
يلقى الكرم عند سكانك وفي داخل عيونك

ف الطائف أسكنْ لكن القلب عيّا كيف ينساك
أذكرك يا صعبه وربعي تراهم يذكرونك

الله يحفَظْك يا صعبه يا عل المزن تغشاك
ترسل عليها المطر يا الله من عالي مزونك

من مذكرات أخيكم سهيل 1414من الهجرة
»

صقر الحجاز

01-10-2013, 12:17 AM

اسمح لي معك بالمشاركة
وصفت القرية بشكل جميل وانت لا تعرفها ولي مع القرى في البادية ذكريات وابيات سوف اهديك شيئا منها
انا احب العصريات في القرى وخاصة عندما تبدأ الشمس بالزوال
اصلا وجودك غايتي ومرادي =مالي على بعدك مرام البته
صورتك من سفح الجبل للوادي=واثرك عاهدني وانا عاهدته
لو كنت طالب ثالثه اعدادي=راحت شراييني معك منفته

القرية لها صورة ماتغيب عن بال اي شخص عرفها وعاش فيها حينا من الوقت وانا غبت سنوات عن مكان الصبا وعندما عدت اليها كتب هذه الابيات
000000
زمـان اول تحـول والليـالـي مسـرعه يافـلان =وكل ماجات ليله نذكر المـاضي وهـالينا
على ذاك الجدار اللي خذله الوقت والنسيان =نشوف احلامنا واللي نزل باطراف وادينا

اما هذه رسالة محب لمن احبه
يادار جينا وارض الله وسيعه
0000000000000000000نقريك يادار سلم المسلمينا
ماصار يادار هجران وقطيعه
0000000000000000000ولا هو بتكريس للواقع مدينا
يادار دنيا العنا ماهي مطيعه
0000000000000000000000ايام ناتي لها وايام تاتينا
بشراك يادار حنا فالطليعه
00000000000000000فوق الاشده على طول السنينا
اهل الودايع ولا عشنا وديعه
00000000000000000ورد العزايم على الجنب المتينا
حقوقنا كامله مثل الشريعه
000000000000000000ماتنقص من شمال ومن يمينا
يادار جيناك والخطوه سريعه
000000000000000000حب وغلا في رياض الصالحينا
ماجيت يادار ومدور ذريعه
000000000000000000000لكن عوايد ونهج الغانمينا
اذا رحل قوم ماترحل طبيعه
00000000000000000000000بقدرة الله رب العالمينا

سهيل2012

01-10-2013, 12:50 AM

سهيل2012

01-10-2013, 01:20 PM

ليا منك لمحت سهيل في ها المنتدى موجود

في دار العز وحلال الكرم في منتدى ثمـاله

تطمن واعرف إنه حقق الغـايات والمقصـود

ترى الرجـال ما يثبت وجوده غير بأفعـــاله

سهيل ..

سهيل2012

01-13-2013, 02:46 AM

بسم الله الرحمن الرحيم

هذه قصيدتان بدع ورد بين مقدام وزميله سهيل ...
وتاريخها منذ أقل من عام تقريبا ........

البدع من الشاعر / مقدام العتيبي .....

سلام ياللي كايد الهم ينزاح= وتجلي العمى ياذا الرفيق الموالي
في خوة الطيب ترى البال يرتاح= ويروق للي يكسبون المعالي
غيبت عن الانظار عساك مرتاح= وجعلك على القوة وطيب الحوالي
في مجلس الشعار جيه و مرواح= تاخذ وتعطي و المعاني جزالي
الهقوة انك رحت يا خي سواح= في خوة اللي طيبهم فوق عالي
ولاني لسدك يا فتى الجود بواح= ولاني من اللي يكثرون السؤالي
لكن مثلك نفقده كل ماراح= ولا ينفقد في القوم كود الرجالي
قلبي مولع بطلعت الطيب ليا لاح= وأهل الشكالة ونادرين الفعالي
ربعي هل الطالات ليا هبت ارياح= اما تهب النود والا العوالي
ربعي الاد عتيبه ولانى بـ / مداح= في حزة الصدات تحمي التوالي
يشهد لهم فعل المشوك والارماح= أفعالهم تعرف شرق وشمالي
وصلاة ربي عـد ورد (ن) ليا فاح= ريحه على المختار في كل حالي

وهذا رد سهيل :

يا ناظم أبياته على قافية آآآح = في شطر والثاني مقفى بآآآآآلي
يا مرحبابك طلع مشمش وتفاح = تفاح شامي مال والغصن مالي
تفاح في بستان راعيه فلاح = تفاح ما يسقونه الماء الزلالي
نبت (ن) طبيعي وعثري غطوه بوشاح = وشاح شارينه من السوق غالي
دونه زكرتي محتزم في يدينه سلاح = قوه وخبره في فنون القتالي
يا ليتني دكتور للقلب جراح = واداوي اللي يسهرون الليالي
هذا وكل اللي سبق كان مفتاح = للي بقى من شِعري اللي طرالي
والنعم بالمقدام مثل ابن شلاح = كساب طيب يروم كل المعالي
شاعر من الشعّار كبتن وملاح = ملاح فاهم في الشِعر ما يبالي
فزعة بني عمه ليا صاح صيّاح = طش العمامه ياعرب والعقالي
مقدام مثل الصقر مخلاب وجناح = يكفخ بجنحانه علا كل عالي
وختامها ذكر الله يجيب الأرباح = يرتاح قلب المؤمن أول وتالي

وسلامتكم جميعا .....

أبو عبدالرحمن

01-13-2013, 08:08 AM

ليا منك لمحت سهيل في ها المنتدى موجود

في دار العز وحلال الكرم في منتدى ثمـاله

تطمن واعرف إنه حقق الغـايات والمقصـود

ترى الرجـال ما يثبت وجوده غير بأفعـــاله

سهيل ..

متابعين لهذه الأدبيات الرائعة

لا عدمناك أخي سهيل

سهيل2012

01-14-2013, 01:26 AM

متابعين لهذه الأدبيات الرائعة

لا عدمناك أخي سهيل

ومتابعتكم يا مديرنا سِر استمرارنا وتواصلنا معكم يا رعاكم الله ..

سهيل2012

01-22-2013, 09:54 PM

بسم الله الرحمن الرحيم

هذه قصيدة أسندتها إلى الشاعر / الهاجس

سلام الله على الهاجس الشاعر البيطار = سلام الله على الشاعر اللي من الباحه
على شاعر الجزله على كبتن الشعار = سطع نجمه وباسمه على شاشة الساحه
مع أهل الضي شاعر وله حشمه ومقدار = طبيب القلب والهاجس اليوم جراحه
مهندس للقصائد ليا من صاغ الأفكار = يصوغ الفكره البِكر والنفس مرتاحه
ترى باسمه وشِعره لفت جميع الأنظار = نراقب طلّته في المسا قبل مسراحه
تفضل واركب الطائره وانته الطيّار = وسافر بنا للشام والمشي بالراحه
عساك توصِّل سهيل لنهاية المشوار = ويقطف من البستان بيديه تفاحه
على سِنَّة محمد تجي وتعمِّر الدار = تراها القصر بابه وقفله ومفتاحه

وهذا رد الشاعر الهاجس :

عليك أزكي تحية يا سهيل الشاعر المغوار=تحية من ورود الفل والأزهار فواحه
سطع نجمك وشعَ الضي وأسمك زادنا أنوار=وزان العقد وأعلن ضيَنا عرسه وأفراحه
قدومك كنه الوسمي وغيمة هلت الأمطار =زرع فينا ربيع الشعر وازهاره وتفاحه
عليكم ما نزود ومثلك أتقن حبكة الأشعار=ويسرج عاديات القاف مسراحه ومرواحه
تشاورني على سفره وانا تطربني الأسفار = نصل عمَان الى بيروت الى الشهبا وقرداحه
ألا يا طيب سفرة والثريا تحتري المشوار= وكل قد عرف في السوق مشراته ومرباحه
ترى حظ الفتى مقسوم لو حاطت به الأسوار=ولون الليل ما يجليه غير الضي ومصباحه

وإلى اللقاء في قصائدة جديدة أخرى ..

الحاج سلام

01-22-2013, 11:14 PM

ابيات جميلة ومعاني لا تنقصها الجرأة ولكنها معاناة الشعراء تطفو على السطح بعد ان ينسجوا منها هذه القصائد البديعة . ولكنكم معشر الشعراء تقولون ما لا تفعلون .

سهيل2012

01-24-2013, 02:50 AM

بسم الله الرحمن الرحيم

هذه قصيدة أسندت على سهيل من شاعر شاب من جماعة الربع يقول :

سهيل ذاق الويل من حب رعبوب
راحت حياته بين وصلٍ(ن)وهجران

القلب من بين الصناديق منهوب:
والجفن طول الليل يبكي وسهران

يجاذب الونات و القلب مصيوب:
حصيله من الود لوعه و حرمان:

اليوم هو في صوب والزين في صوب
و لا حاصل(ن) له لو تناساه نسيان

راع الهوى ما تاب لو عزم يتوب:
يصبح معيف ويمسي الليل ولهان

وهذا ردي على الشاعر / مشعل بن منيف بجاد العتيبي علما بأنني لاأعرف الشاعر وإنما معرفة نت

سهيل ذاق الويل والنجم موهوب = والاسم نجم سهيل بطران بطران
مطلوب يا مشعل من الشام مطلوب = ترى الوعد عشرين من شهر شعبان
الحاجه اللي ما تحقق و باسلوب = صعبه وراء الحاجه ثمانين شيطان
نجيبها وبليس ملعون مغلوب = بذراع ولا مال لو هرجة لسان
يا مشعل الممنوع مرغوب مرغوب = وسهيل مهما صار يا مشعل إنسان

سهيل2012

01-25-2013, 10:43 PM

بسم الله الرحمن الرحيم

وهذا شاعر معرفه ( صابي السيف ) أسند لي هذه الأبيات :

ان كان فزعاتنا ياسهيل تقربها= ابشر بنا كلنا لرضاك فزاعه
وان كان شيلاتنا بالشعر تعجبها=لجلك نضمنا فنون الشعر وابداعه
وان كان صيحاتنا توصل وتطربها=صحنا لها كلنا بالعون شفاعه
وان كان ودك تقدم صدق تخطبها =بالجاه والمال واهل الضي نفاعه
وان كان عيت وقالت ماتناسبها=نزوجك من بنات الضي في ساعه
حدد مدارك لنا فالجو واحسبها=والضي كله معك بالحال وذراعه
ويمم بنا وين ماقررت تطلبها =حنا جنودك لها بالسمع والطاعه

(كيبورديه ) منتازة جدا لها معاني لا تخفى على متابعين سهيل ..
وقد رددت عليه قائلا :

يا راعي الفزعه علومك تشذبها = وأنا أتسمّع لها من دون سماعه
حيّا الله الفزعه اللي جيت جايبها = يمكن تساعد سهيل وتضبط أوضاعه
ما دامها نوّخت عندي ركايبها = يا صابي السيف عندي صارت وداعه
شرِّقبها يالبناخي ثم غربها = لين نتقهوى من الشاهي ونعناعه
وندسم اللحيه وتغرق شواربها = ويمسح الضامي الأشناب بصباعه
ونروّض الخود ونطلـّع مواهبها = ما دامها من حدود السيف مرتاعه
ما عاد ابا الأرض تأكلني عقاربها = شوفوا سهيل اليماني وين مطلاعهوسلامتكم جميعا ..

صقر الحجاز

01-26-2013, 12:39 PM

ماعاد ابا الارض تاكلني عقاربها
ماعاد ابا الارض تاكلني عقاربها
ماعاد ابا الارض تاكلني عقاربها
ماعاد ابا الارض تاكلني عقاربها
ياسلاااااااااااااااااااااااااام توليفه رائعه

سهيل2012

01-26-2013, 08:33 PM

ماعاد ابا الارض تاكلني عقاربها
ماعاد ابا الارض تاكلني عقاربها
ماعاد ابا الارض تاكلني عقاربها
ماعاد ابا الارض تاكلني عقاربها
ياسلاااااااااااااااااااااااااام توليفه رائعه

يا سلام .. يا سلام يا صقر !

صدق : ما يفهم الشاعر إلا شاعر !!

شكرا لمرورك واقتباسك الذكي !

سهيل2012

01-27-2013, 07:53 AM

بسم الله الرحمن الرحيم

بدون مقدمات ..~~

السلام عليكم .. واسمعوا يا هوامير الضي .. !
//
//
//

ألا يا ونتي ونيت ثم ونيت عشــ 10 ـــر مرار ~~
~~~ و عشــ 10 ـــر أكنـّها ما ودي العُذال توحيهــا

وبعد العشر ســالن الدموع الصــافية مدرار ~~
~~~على الخدين يا سهيل اليمــاني كيف تحصيهـــا

على طير ٍ من طيور السما ودّع سهيل وطار ~~
~~~~ عسى ربي يسمّح طرقته والله يسويّهــــا

وبعده راحت العـَشـرَه ثمان وباحت الأسرار ~~
~~~~~ تهاون النجوم ولا بقي لي غير ماضيهــــا

إله منزال في قلبي خصوصي حشمه ومقدار~~
~~~~ وتقدير النجوم الغـــالية من طيب غاليهـــا

كرهت الصيف وقدومه بدا لسهيل جوّه حار ~~
~~~~ وعفت الدار والديرة والأرض وكل ما فيها

زمان ٍ فات أنا المعصم وهو حول اليمين سوار ~~
~~~~ أولف له بيوت الشِعر وبصوته يغنيّهــــا

أسولف له سواليف البدو وش قالوا الشعار ~~
~~~ من بيوت الغزل والطيّب يوضّح معانيهـــا

ومن شانه حبيب القلب طب سهيل في الأخطار ~~
~~~ مرار يصيبها سهيــل اليمن ومرار يخطيها

أجي للصف والطلاب قدمِي جالسين صغـــار ~~
~~~~ أدرسهم دروس النحو كاتبها وقاريهـــا

ويسألني حداهم طالب ٍ فاهم من الشطــّار~~
~~~ علامك شاحب الوجه وعيونك من مبكيّها

نسيت إنه صغير ورحت أهذري وش حصل وش صار
~~~ واهل الســالفه طقطق من أولها لتاليهــــا

وافصفص للصغار اللي حصل لو العلوم كبـــار ~~
~~~ ويبكون الصغــــار وكل عين تهل صافيهــــا

ويدرون زملايــه والمديـــر يولم الإنذار ~~~
~~~ ويكتب في الورق محضر خطايه ثم يمضيهــا

شهود المحضر معمّر والآخر صاحبي عمّار ~~
~~~ عداي اللي من سنين ٍ مضت تنفخ علابيهــا

وحتى اسمي كِتب فــ اللوحه اللي داخل الدوار ~~
~~~ ارحل .. ارحل .. ارحل .. قبل تكثر دعـاويها

أبي رأي ومشوره من رجال العرف والأشوار ~~
~~~~ قبل تكبر قضيتـنا وننشب في بلاويهــــا

أنا أواصل بعد فاصل وأكمل باقي المشوار ~~
~~~ واعد نجومنا اللي في السما واسري مساريهـا

أو إني أعلن التوبه نصوح وبعدها استغفــار ~~
~~~~ عسى يغفر ذنوب سهيل فــ أولها وتاليهــا

وأختمها بذكر الله وأبا أصل ِ على المختار ~~
~~~~ محمد سيّد العالم وهــا الدنيــا ومن فيهـــا
//
//

اللهم أصل ِ وسلم عليه وعلى صحابته أجمعين
والسلام عليكم ورحمة الله وبركاته .

سهيل2012

01-28-2013, 07:58 AM

بلغوا ســــت الحُسن بلغوا ســـت الجمـــــــال **** قولوا سهيل اليماني على الأرض ارتمى

طاح فوق الأرض نجم (ن) هوى بين الجبال **** بعد عَـذ ّر في الثريّا وعَـذ ّر في السمــــــا

عاش عمر(ن) فات بين الحقيقه والخيـــــــال **** ما حصلـّه من نجوم السمــــا غير العمى

يوم حُســـــاد الهوى قَطّعوا حبل الوِصــــــــال **** يحسدون سهيل ..ظامي يموت من الظما

الأدب والشِعر سمّوه بالسِحر الحــــــــــــــلال **** ربمــــا يســـــحر قلـوب الأوادم ربّمـــــا

خير منها كلهــــــــا ذِكر ربـي رأس مـــــــال **** من قرب حول الحِمى طاح كلـّه في الحِمى

أخوكم المُحب / سهيل العتيبي

سهيل2012

01-29-2013, 08:20 PM

بسم الله الرحمن الرحيم

بدون مقدمات ........

وعادْ سهيل ْ يا ثماله ْ لهذا المنتدى مشتاقْ
يقول سهيلْ يا اهل المنتدى ما أطيق فرقاكمْ

سلام الله عليكم من جديد ْ وزادت ْ الأشواق
لكمْ مشـتاق حيل أفرح بشـوفتكم ولقيـــاكم

تعارفنــا على سَلْمْ الرجــال وبيـــننا ميثــــاقْ
ومـن كثـرْ الغـلا يا لطيـبين أكلــت منقــــاكم

عتيبي (ن) على وضــح النقا ياربعـنا صــدّاق
يمـجد فعلـكم لا مــن مدح ويقــدّر لحـــاكم

ومهما غـابْ بظـروفه ترى ما هـو غيـاب فراقْ
وزالن الظـروف القاسـيات ... وشغلْ وجــاكم

يحـث خِطاه لا منـّه مشى في طرقته سبّاق
علــى فــنـّه وطــاروقه بعـلمــه مــاتـعدّاكــم

بعد مرت سنه وأكــثر ما ظني عاد به مِدراق
أبا أكمل حقـوق أهل الـــوفا وأدور رضـــــاكم

بيوت (ن) عمّروها الطيــبين الهـــا ذرا ورواق
ليا منه نصاهاالضيف يا أهل الطيــب يلقــاكم

وأخص أحمد مدير المنتدى في عِلم ولا أخلاق
مِـجند نفســه لخدمتــكم أقصــاكم مع أدنـاكم

من الأعرج يديــر الصـرح ويـوقع علـى الأوراق
أبا أشهد له شــهادة حق قهـوانـي وقهــواكم

وأختمهـــا بذكـرك يا كريم الوجـه يا خـــلاق
بعد ما أغنى سهيل بنعمته يا ناس وأغنــاكم

وسلامتكم وكل عام وأنتم بألف خير

سهيل2012

02-09-2013, 01:34 AM

بسم الله الرحمن الرحيم

قصيدة ( اجتماعية ) قديمة وجدتها في مذكراتي مورخة بعام 1416هـ

يا الله يالله يا معبود يا غافر ذنوب العباد = يا مطلع فوقنا تعلم سرايرنا وتدريبها
ياللي عذابك نزل في قوم صالح ثم في قوم عاد = يوم إنهم كذبوا بالأنبياء ما فاد تكذيبها
إنك تديم الرخا والأمن والنعمة في هذا البلاد = وإنك تقبل صلاة العبد يوم إنه يصلي بها
سر ياقلم ياقلم واكتب هجوس(ن)هيضت بالمداد = واحذر من الغلطة اللي يا قلم تبدي عذاريبها
زراعة القمح لا جت حزته تفرح بوقت الحصاد = وتبيع محصولها في السوق وتسدد مطاليبها
وأهل الدبش والغنم تسرح به من الصبح يرعى العراد = وليا أقبل الليل تضوي والسعد يملأ محاليبها
والفارس اللي يبا العليا ويركب في ظهور الجياد = يركب على ظهر الأصيلة من الخيل ويماريبها
الخيل معقود (ن) الخير بنواصيها تجيب المراد = واللي يبا الخير منها يجتهد في كثر تدريبها
أحد(ن)يبا يدرك الحاجة ويركب فوق ظهر الشداد = ديار يصبح بها وديار بعد العصر يمسيبها
وأحد(ن)ضعيف رقد عن عيشته راحت لسرب الجراد = تلقاه حول الركيب وغترته ما غار يوميبها

سهيل2012

02-15-2013, 10:26 PM

بسم الله الرحمن الرحيم

لقد ترددت كثيرا في إدراج هذه القصيدة في المدونة خوفا بأن يوصف ( سهيل )

بلقب : صاحب مشاكل !!

ولكن أخيرا قررت إدراجها من باب التنويع في المدونة .. ولا أحد يسأل سهيلا عن القصيدة

ومناسبتها .. أتركوها في القلب تجرح ولا تطلع و ....

قبل البدايه يا ..... ثم طرح السؤال = ذكر الله أولى من علوم العرب كلها
والثانيه ياسلام الله سلام الرجال = واللي سواتك صليب الرأس ما أملها
رجال تعرف حقوق الجار ويا الخوال = وسلوم ربعك يا ........ شيخ وتدلها
احذر تسمع يا ......قوم قيل ٍ وقال = أهل الحسد بان لي فــ/ قلوبها غلها
لن كان لك حق فأبشر به يا ... تعال = وأرضيك يا لين كبدك عندي تبلها
لن كان زعلان حط عقال وأنا عقال = نرضى شيوخ العرب وتجيك وتحلها
والله ما أخبر لكم عندي جنيه وريال = من عهد أبويه وجدي وأنته أفطنلها
دارك جنوبيه وعينك تطالع شمال = هذي من الله وهبه كيف تاصلها
من فضل ربي ومصدرها حلال ٍ زلال = أودعتها الله ربي خلها خلها
شارينها بالدراهم والريال الحلال = ما هي سريقه ومغصوبه ومحتلها
وختامها يالعتيبي بعد تم المقال = صلاة ربي على المختار ما أملها

وسلامتكم وإلى اللقاء في قصيدة أخرى بإذن الله .

صقر الحجاز

02-17-2013, 12:32 AM

صح لسانك ياسهيل واعذرنا على التقصير
يااخي هذه الايام فيها كسل عجيب مدري انا سوداني ههههههه

سهيل2012

02-17-2013, 01:52 AM

صح لسانك ياسهيل واعذرنا على التقصير
يااخي هذه الايام فيها كسل عجيب مدري انا سوداني ههههههه

معذوووور يا أخي صقر الحجاز ..

ونفسي والله أشوف ديوانك الشعري والذي يجمع شتات شِعرك

أنت واخي حسن عابد وبقية عمالقة المنتدى !!

يعني الديوان حلو يوفر جهد ووقت على القارئ !

ولا لا ياصقر !

سهيل2012

02-23-2013, 02:04 AM

أنا يا صمتي سهيل العتيبي ما ني بمغرور
........... وعاشق للثريا والهنوف وعاااارف حدوودي

ثرياي الحبيبه ما لحقها من سهيل قصـور
........... على سنّة رسـول الله شاااميّه وأنا سعودي

لجرح سهيل بلسم والدوى وضمادة الدكتور
........... عن الطيّب وما يطلب عسى ما تقصر جهودي

وهذي يا هل الضي الهنوف وباسمها المشهور
........... لا أحد يلحِق سهيل النجم يا جبران منقودي

اسم ما يقبل الضمّه عليه وكسرة المجرور
........... اسمْ ممنوع ومن الصرف لا نقص ٍ ولا زودي

أدلعها الهنوف ويوم أسميها بدر وبدوووور
........... وحسّاد الهوى وسهيل ما عرفوا بمقصودي

لها منزال في قلبي ولعبت في حياتي دور
........... ومن شان الثريّا عشت في الأيام محسودي

يا كم شاعر من سهيل العتيبي يا عرب مقهور
........... من سهيل الثريا والهنوف قلوبهم سودي

عسى حاسد سهيل يطب فــ/أول شارع المنصور
.......... يناسبهم ويأكل من عنبهم نصف عنقووودي

وأنا بابني وأشيد للثريا فوق الأرض قصوووور
.......... وأكملها واجملها وأجوْد لها بمووووجودي

تعيش الغاليه بنت السماوي في فرح وسرووور
.......... وأعلمها بكل السااااالفه وأبيّح سدووودي

تدفيني من البرد الشديد بشعرها المنثوووور
.......... عطاااها الله رها في جسمها ريّانة العود ِ

ليا منا تواجهنا يصير الحكي دون شعور
.......... أخاف إنه من الربكه يحك البودي البودي

وأنا مسلم من أهل السِنّه ولا أقرب من المحظور
.........عسى الله يغفر ذنوبي عتيبي مسلم سعودي
..

..

..

وسلامتكم واسمحوا لنا إن كان شطحنا ولا نطحنا ..

أخوكم / سهيل العتيبي .

سهيل2012

03-03-2013, 02:07 AM

بسم الله الرحمن الرحيم

وأنا أتصفح هذه الليلة مواضيع الواحة .. وجدت هذه الأبيات القوية والجميلة لأخي الشاعر

المبدع / بن سلمان ..

هلا يا مرحبا ترحيب فالميزان بالف جنيه =والف جنيه فالسودان لا تسقي ولا تطعم

حليل سهيل مغوي الناس والشيطان هو مغويه = ولا اغواه اللعين يعيش لا يقطع ولا يلزم

حلفت يمين سد يمين يالنجم الشقي لارميه =واعلم صاحبي لن كان ما يدري ولا يعلم

اعلمه إن من يبلى العرب يأتيه من يبليه = ولو إن الشقي معروف للهوشات متولم

دخيلك يا سنا وخر عن اللي جيتكم ناويه = بعد ما جبت في كفي السلاح وجيت بالمحزم

وردي عليها :

يدوم الك البقا يا اللي بدعت القاف يا راعيه = بعد ما جيت يا راع الحبق مرّار ومسلّم

ترى من لا يعرف الصقر يا لطيّب يبا يشويه = يمين (ن) ما هي يمينك لأغرك مرّ مع علقم

ترى من هو تحدى سهيل بالميسم يبا يكويه = ها ثم يداوي الكيّه يا ابن سلمان بالبلسم

والسؤال : أين هذا الشاعر ( ابن سلمان ) ؟

وأين اختفى ؟

اللي يعرفه يبلغه سلامي واحترامي ..

حسن عابد

03-04-2013, 12:59 AM

فقدناه شاعر وناصح واديب
تعلمنا منه ولا زلنا نحتاجه لكن ابتعد ولا نعلم سبب ابتعاده

سهيل2012

03-04-2013, 10:05 PM

فقدناه شاعر وناصح واديب
تعلمنا منه ولا زلنا نحتاجه لكن ابتعد ولا نعلم سبب ابتعاده

لكل إنسان ظروفه في هذه الحياة ..

وابن سلمان تعرفت عليه من خلال موضوع ( الحبق والنعناع ) .. والأبيات التي بدعها ..

شاعر قوي جزل - ما شاء الله عليه ..

شاعر مطبوع .. ولكن للأسف قصائده ومواضيعه حولية يذكرنا بزهير بن أبي سلمى ..

من يعرفه يبلغه سلامي ..

سهيل2012

03-04-2013, 10:16 PM

بسم الله الرحمن الرحيم

عندما مرّ كاتبنا وشاعرنا الفذ المبدع / حسن عابد على المدونة في المشاركة ما قبل السابقة أثارني تواجده وتذكرت قصيدة وجهتها له قبل فترة ليست بالقريبة عبر واحة شعراء المنتدى أقول فيها :

سلام الله سلام (ن) فيه برق (ن) لاح صفق رعود
على أهل المنتدى الطيب ومن يكتب في صفحاته

ألا يا أخوان يا اهل المنتدى به شاعر (ن) مفقود
أقــول اســمه ثلاث حـروف موجــود بســجلاته

ألا يا ربعنــا لن كــان حي وصــاحبي موجــود
يجــي لسهيل يـتــكلم بعد ما طــوّل سكـــاته

حــرام إني فقدته وانتظر متى عســاه يعود
عســاه يسجل حضوره يعوّض كل مــا فــــاته

تعارفنا عل الصفحــات لا حاسد ولا محسـود
إله وقفــات ويّا سهيل ما أحد يسوي سواته

وعيــبه لا تحديــته يثــور وكــنّه البـــــــارود
يرد الصاع بالصــاعين طـعم الموت بأبيـــاته

وبيته مع هل الفرعه بني عمّه رجال الجود
إله وزعــه وفزعــه والرجــال تشــوف مدّاته

يمد الـوافيه سَلم اليمين ويبذل المجــهود
ســواة أبوه كل الطيـب موجــود بملفـــاته

أقول إن كان حي ويعرف المعروف والمقصود
يدش المنتدى فورا علــى فعله وعـــاداته

وكان إنه توفـى مات في قبره كلاه الدود
هــذاك القبر ياربي طلبتك ترحـم أمــواته

أبا أدعو له بنص الليل صـادق والعباد رقود
عسى الله يرحمه ويسامحه في كل زلاته

وقد جاء الرد من شاعر آخر معرفه ( صقر الحجاز ) !!!!!

يلوح البرق والرعاد هبي ياهبوب النود
عدد ماشع نور سهيل بانواره وميزاته

ودخِن فالحطب ياعودنا الجاوي ودهن العود
عسى جودي مع الأجواد ماتغلق ملفاته

على سلم العرب يوم العرب فالماقف المحمود
ترحب بالضيوف وكل شيخِ تبان خطواته

غيابي زال ماباقي على النشاد والمنشود
سوى نحر الجمال ودعوة المدعو بقواته

واخص منادي الحله على وضح النقا المجرود
مطبب كل جرحٍ فالزمن تصعب مداواته

وفاه مميزه لاجيت مجلس شيخه المعهود
يخاويني على ماقال يامحسن مخاواته

وهذي حكمة الشعار لاجات الصدور ورود
يهيمون ويشبون القبس كلا وغاياته

لو إني والمخاوي انبرد كبود ونعل كبود
واذا ملنا نميل ونخطف الشيخ وفتواته

لأنا ماحسبنا لليالي البيض قبل السود
وذلك من دهاه وبعد نظراته وهقواته

عذاريبه سعة صدر وكرم مشهود لا محدود
وصفحه عن خويه لو يطول الليل ماباته

يقوله صقر لسهيل العتيبي والله المعبود
عسى الله يسعده ويسامحه في كل هفواته

سهيل2012

03-09-2013, 11:01 PM

بسم الله الرحمن الرحيم

وفي الأسبوع المنصرم .. وبينما سهيل يحضر لأحد مواضيع لغتي الجميلة في المرحلة الابتدائية إلا وتقع عيني على أحد النصوص الشعرية

لأمير الشعراء : أحمد شوقي عن وصف الطائرة .. يقول في أحد أبياته :

فإذا جاز الثريا للثرى ***** جرّ كالطاووس ذيل الخيلا !!

والشاعر يصف هبوط الطائرة وبأنها تركت الثريا نحو الأرض .. إلى آخره .......

وعندئذ حزنت وغضبت وتكدر خاااطري .. !!

حتى أنت يا أمير الشعراء .. ( تتحرش ) بالثريا .. وتتعرض لها في أتون العشق والوصف !!

وفكرت أن أتجاوز هذا النص .. ولا من شاف ولا من دري !!

خاصة بعد ان افتضح أمري وعلم أكثر زملائي وأصدقائي بقصتي وعشقي للثريا ..

حتى وصل الامر ببعض أبنائي التلاميذ أن عرف رقم جوالي عند طريق برنامج ( النبر بوك ) وغيره ..

ودخلوا لسهيل عن طريق الواتس وتويتر .. بدون علمي !!!!

ولكن حدث مالم يكن بالحسبان !!

مدير المدرسة اللــ ....... عرف بالسالفة من خلال التحضير وإعداد الدروس .. وقرر أن يزورني في نفس الموضوع !!

أعددت العدة للدرس .. وبفضل الله تمكنت من شرح الدرس واجتياز بيت شوقي المشؤوم :

( فإذا جاز الثريا للثرى ...........جر كالطاووس ذيل الخيلاء ) ..

ولن أخبركم بأدق التفاصيل .. ولكن أترككم أن تستشفوها من بين ثنايا هذا النص البسيط :

،،،،،، سامح الله شوقي الشاعر البيه الأمير

................يوم غنى بالقصيده فــ وصف الطائره

،،،،،، وصف للطيّـارة اللي بجنحــان وتطير

............... تحمل الفولاذ وحمولها اللي جائره

،،،،،، كنّها كوكب مضى سهم فــ القلب وخطير

............... والثريا فوق نجمه مطله سـاهره

،،،،،، الخطأ منكم يا ابن شوقي المصري كبير

............... لا تعرض للثريا تراهاااا طااااهره

،،،،،، لا أنت الأول يا ابن شوقي ولا أنته بالاخير

.............. أصدقا لسهيل ما قدروا مشــاعره

،،،،،،في الفصل واقف ياشوقي وعيني تستدير

.............. مرت الذكرى بلحظه عليّه عابره

،،،،،،، هلـّت الدمعه وخاف وبكى الطفل الصغير

.............. يوم شاف سهيل يبكي عيونه حائره

،،،،،، ثم جات النكبه وشرّف البيه المدير

............... والفصل يبكي من أوله يالين آخره

،،،،،،، قلت يبكون التلاميذ من وصف الأمير

................ كلها من وصف شوقي لجسم الطائره

وسلامتكم .. والعذروالسموحه إن حصل تقصير ..

سهيل2012

03-12-2013, 01:52 AM

بسم الله الرحمن الرحيم

هذه القصيدة مهداة إلى الشيخ / عبدالعزيز بن عبدالله الثمالي بمناسبة زواج نجله الأكبر /
بتاريخ 21-4-1433من الهجرة
د . عبدالله ...

سلام الله على الشيخ وسلام الله على الدكتور = سلام الله عليكم ياثقيف العِزّ والهيبه

سلام(ن)ياصل رجال الوفا في قصرها المعمور = على سِنّة رسول الله سلام إسلام نبديبه

وبعده دامت الأفراح في قصر(ن)كساه النّور = قِبال القصر شيخ القوم يا ما أكثر تراحيبه

يرحب بالضيوف ليا أقبلوا في مقدم الطابور =نسيب عتيبه الهيلا مِشرف ربعي عتيبه

نسيب عتيبه الهيلا حَكيم الرأي ويا الشور = يمد الكف الأبيض ما يدس يديه في جيبه

بني عمّه على جنبه تقول إن الرجال صقور =مشاييخ (ن) ليا أقبل ضيفهم كل(ن)يهليبه

عوانينا اللي إلهم في مواقيف الرجال حضور = حضور يشرف عتيبه ما به شك(ن) ولا ريبه

وأبارك لك ياعبدالله عسى أيامك فرح وسرور= ترى الطيّب يا عبدالله تطيب الناس من طِيبه

مبارك عرسكم واللي سواتك ما عليه قصور = مبارك عرسكم يا ابن الشيوخ اللي نماريبه

عسى الله إنه يوفِــقك يا دكتورنا المشهور = وشيخ القوم دوم الدوم ما تطفي مشاهيبه

ترى سهيل اليماني نجم لامع في السما مذكور = إله تاريخ كل الناس يادكتور تدريبه

إله مطلب صِعِيب يحققه يوم الزمان يدور= سنين عجاف ما حقق سهيل أكثر مطاليبه

ولقمه من سنام شعيل تكفي عن طعام السور= ولو قالوا شعيل بعير ياما اكثر عذاريبه

ليا مني مِدحت الشيخ وعياله ما ني مشكور = بعد وصلت سهيل عتيبه الهيلا مكاتيبه

ختام القول ذكر الله عسى ذنب(ن)مضى مغفور= وأختم بالسلام اللي بدينابه وننهيبه

سهيل2012

03-18-2013, 01:11 AM

بسم الله الرحمن الرحيم

بدون مقدمات ... ولمن يُجيد قراءة ما بين السطور !

ما بين منقاش النشب والمخاوي = شفت المشاكل تطِّحِن والبلاوي

واحد من الاثنين مكار حصني = والثاني السرحان ذئب ٍ وعاوي

يقنب بصوته ذيب مثل الذيابه = وليا انتشى موّل بصوت الجلاوي

منقاش كنّه سيل قام يتحدّر = يقطـّع العقمان سيل ٍ نحاوي

ومخاوي المسكين قام يتراجع = نحو الشمال تقول سبع ٍ خلاوي

يخشى من الشيخ المبجّل يحوسه = يعطيه لُكمة غيض فوق الكلاوي

واليوم أشوف الحرب دارت رحاته = والشيخ أبو نقشه لا يرحم وياوي

وياه صف الفرس والصين والروس = يا حبّهم للمحكمه والدعــاوي

جاهم من الله فوق سُلطه قويّه = نجم ٍ من نجوم السما طاح هــاوي

وقع على جبال السراة ونسفهــا = هد الجبل يا لين سار متساوي

وختامها هذي مزوح وسواليف = والهرج ما ينفع بعيد الهقاوي

سهيل2012

06-21-2013, 02:49 AM

بسم الله الرحمن الرحيم

بدون مقدمات :

ألا ياربعي الغاليـن إذا زليـت ولا أخطيـت
عساكم تسمحون وتدمحون لمسلم الزلـّه

أنا ما أقصد زعلكم يا أهل المعروف لا زليت
جرحـت الجـرح واداويـه أنا دكتـور للعلـّه ..

أنا منكم وأنا فيكم وأنا حارس عمود البيت
هذاك المجلـس اللي كلبـونا ننعـم بظلـّه ..

بنوه الطيبين من الرجال وصار ذِكر وصيت
مشرّع بابه وضيف السعد لا مرّه يدلـّه ..

أنا أدري ما أحدْ ذاكرني ليا ودعتكم واقفيت
وش اسم سهيل مع كبر الأسامي داخل الحلـّه

أبا ألملم جروحي وانسحب ما عاد تنفع ليت
أبا أرحل وأمسك الخط العمومي وآخذه كلـّه

عسى ربي يسامحكم ختام القول فــ آخر بيت
ختام القول ذِكر الله كريم الوجه ما أملـّه ..

***************************
أخوكم الراحل / سهيل ......

12 - 6 - 2013

حسن عابد

06-22-2013, 12:21 AM

راحل ايش

سهيل2012

06-23-2013, 01:51 AM

راحل ايش

أحيانا يكون الراحل في عرف الناس : المتوفي يا حسن !

وسهيل لا زال حيا على قيد الحياة ... والأعمار بيد الله ..

وأظن سهيل يقصد بالرحيل : المغادرة من الكتابة في الشبكة العنكبوتية !!

والله تعبت يا أبو علي .. خاصة من الكتابة في بعض المواقع ( المنغلقة ) فكريا وثقفيا وعقليا !!

فقد أتعبوني بحذف مواضيعي والترصد لي ولما أكتب وآخرها قبل أسبوعين في أحد المواقع

تم إيقاف موضوعين لسهيل بدون وجه حق !!

ما أدري حسد ولا حقد ولا وش القصة يا حسن ؟؟

كم مرة أعلن رحيلي من النت وأسيح في أرض الله و ( أذلف ) غير مأسوف عليّ !!

ولكن إذا تذكرتك يا أبو علي والطيبين من شرواك من الرجال كأبي عبدالرحمن والحاج وحمدان ومنقاش وبقية هوامير وكتاب المنتدى المبدعين سواء في منتداكم العامر أو في بقية المواقع التي أتشرف بالكتابة فيها .. أقول إذا ذكرتكم رجعت مشتاقا للقياكم عبر النت ...

ولكن أعتقد بأنني راحل لا محاله .. ولكن ذلك في علم الغيب يا حسن !

سهيل2012

06-30-2013, 09:46 PM

بسم الله الرحمن الرحيم

هذه قصيدة لأحد الشعراء ( سافر العتيبي ) من أبناء عمومتي أرسلها لي قبل يومين ..

سلام انا بابديه لسهيل بوسام=بوسام طيب ومعارف عذيبه
خلك على طيب الوفاء دوم مقدام=يارعي علومن تجينا عجيبه
فالوقت جعل اسهيل ماهو بي ينظام=راعي وفاء والطيب دايم نصيبه
امشي على منهجك وادرب قدام=يالي تداوي الجرح ونته طبيبه
منهو قعد يقعد ومن قاملك قام=في مجلسك يطيب علمن تجيبه
فالنفس انا حامل علومي كذا عام=واليا بديت العلم مابه غريبه
شفت المجاهد دوم لابسله احزام=لابس حزامه والهدف مايصيبه

وهذا رد سهيل عليه /

يا مرحبابك عد من صلـّى ومن صام = شاعر قديم ومن قبائلنا العريبه
انته توصّي مسلم ٍ فاهمْ بالإسلام = من جور بقعا والليالي صار شيبه
شايب من الدنيا ومن صكّات الأيام = لو تستمر شهرين والله لتغديبه
لبّست بيديني ياسافر روس الأيتام = واليوم كبرت صار للأيتام هيبه
الدرب مزروعه ياسافر فيه الألغام = تجيك فيه الكارثه ولا المصيبه
تبا تجاهد روح شوف الكلب بالشام = يمكن تموت ونفتخر بك يا عتيبه
وختامها ذكر الله أحسن قول وختام = ذِكر الله اللي فــ / الشدايد نلتجيبه
وسلامة الجميع وإلى اللقاء في قصائد قادمة - إن شاء الله .

سهيل2012

07-05-2013, 03:37 AM

بسم الله الرحمن الرحيم

على غرار " خطب الشيخ أبو سيفين " التي دأب عليها مؤخرا في ردوده وتصريحاته " المقتضبة"
على من يراهم خصوما .. وهم أصدقاء مخلصون له .. أبدأ موضوعي هذا ..

فالحمد لله والصلاة والسلام على من والاه وعلى آله وصحبه ومن استنّ بسنته العطره إلى يوم الدين ، وبعد:

في غياب الشيخ المونديالي / منقاش الثمالي عن الساحة خلال الفترة السابقة عمّ الركود
صراحة أغلب أقسام المنتدى وافتقدناه بالإضافة إلى بعض الأسماء المعروفة والمبتعدة والمؤثرة في منتدانا الأغر .. عجّل الله عودتهم لمنتداهم ..

وشكل غياب الشيخ فرصةذهبية لبعض حلفائه- الذين كانوا معه في السراء والضراء - لأخذ مكانه عنوة دون أدنى خوف من الشيخ وسطوته .. وأولهم سهيل !!

فالاعتراف بالحق فضيلة يا أصدقائي .. فقد سولت لي نفسي في بعض الفترات أنني الشيخ

بعد أن زيّن لي الشيطان بعض الأفعال والأقوال من خلال مواضيع المنتدى .. ولكنني تراجعت عن

خطئي وعدت إلى جادة الصواب والحمد لله ...

والثاني الذي حاول يحتل مكانة الشيخ هو أحد أبرز حلفائه والرجل الثاني في ......والملقب

بأبي سيفين .. فقد استثمر غياب الشيخ لصالحه وأخذ ( يتغلغل ) في أعماق الأعماق ويصفي

أصدقاءه قبل خصومه .. وآخرهم النجم سهيل !!

فقد ناصبني العداء وأخذ يكيل لي التهم من خلال ردوده ( الحارّة ) ولبس عباءة الشيخ مقلوبة

وأرعب حلفاء الشيخ السابقين وأحبطهم وثبط عزائمهم !!

واليوم : أين أنت أيها الشيخ ؟

فاعلم يا رحمك الله أن الخطب جلل ، والمصيبة كوارثية .. إن لم تتدخل سيحل حمدان أبو سيفين شيخا جديدا للحزب !!

عندئذ : والله لن أبايعه ولن أضع يدي في يده .. وساعلن انسحابي من الحزب على كل الاشهاد .. ولن أتراجع عن ذلك القرار ماحييت !

قبل شهر الصوم بأيام وطلوع الهلال
خبروني وين منقاش غائب له سنه

عهدنا به يوم غادر وروّح للشمــال
طوّل غيابه ما أحد طمّن أصحابه عنه

طبّ وسط المعركه بالعمامه والعقال
والخصوم اتراجعت وقفَت خوف ٍ منه

لا ركبْ ظهر الفرس ما تقول ألا غزال
كل فارس يقترب من حدوده يطعنه

النصر بعد الصبر والشهادة رأس مال
من يبيها يترك أهله وماله ووطنه

أشهد إنه من ثماله كريمين السِبال
لا نطق بالحق تسكت جميع الألسنه

شيخ قولْ وفعلْ والطيبات من الخصال
بالكرم تشهد ضيوفه وقدْرِهْ وصحنه

بين خانكدي وباكو وغنجه رِحْ تعال
كل شيخان إذربيجان تعرف مسكنه

الله اللي عوّض الشيخ في سود الليال
عوّضه في تمر بيشـه وبنّه ولبنه

والختــام أقول وين الإجابه للســؤال
خبروني وين منقاش غائب له سنه

وبعد ما قراتم .. هل من طلــّة جديدة للشيخ يضع من خلالها الحروف تحت النقط !!

.
( نعم طل الشيخ عن طريق مراسله ابن أبي محمد ... )

سهيل2012

07-20-2013, 11:26 PM

بسم الله الرحمن الرحيم

أيها الإخوة الكرام أعضاء منتدى ثمالة /

السلام عليكم ورحمة الله وبركاته ، فبعد اللت والعجن والصياح والنياح الذي حصل بعد موضوع

أخوكم سهيل ( غلطة سهيل غير مقصودة ) على الرابط :

http://www.thomala.com/vb/showthread.php?p=609894#post609894 (http://www.thomala.com/vb/showthread.php?p=609894#post609894)

وبعد المداخلات العنيفة من الأخوين الناقدين ( الحاج سلام وحمدان أبو سيفين ) وعدناكم

بقصيدة تجسد واقع ما حدث حول الشأتين التي باعهما سهيل في سوق الأغنام .. وأثار

موضوع بيعهما أخي أبو سيفين وأشهر سيفيه - كعادته - في وجه حليفه سهيل وساعده

على ذلك ابن عمّه : الحاج سلام .. سواء في البيان أو الخفاء وحاولا بكل قوة إسقاط سهيل

من رابطة أعضاء المنتدى المؤثرين والهوامير .. ولكنهما أخفقا بعد أن تصدّى لهما المشرف

العام ( واللي قبل العام ) أحمد الثمالي والعالم بالحقيقة كاملة وأحبط عمليتهما قبل أن

تنجح !

أما الشيخ / منقاش فلم يتجرأ على الدخول وأرسل بعض الردود المقتضبة مع أحد معاونيه ..

وهي ردود ( خجولة ) جدا لا تليق بشيخ أكبر حزب من أحزاب المنتديات في العالم !!

وتوارى عن الأنظار .. وفي وقتٍ سهيل أحوج ما يكون لوقفته ومساندته ... ووقف المد (السيفي)

إن صح التعبير قبل أن يطيح بالشيخ وبحزبه ...

والآن أترككم مع القصيدة والتي ذكرت بعض أبياتها في رابط الموضوع ( القضية ) وانتقدها أبو

سيفين قبل أن تولد !!

ولكن ( ما يخالف ) يا حمدان هاهي ماثلة أمامكم الآن .. ضعوها على فراش ( بساط ) النقد
وانقدوها واجلدوا شاعرها بسياط النقد ما أستطعتم !!

وإن لم تفعلوا ، انبريت لنفسي وفعلت مالم يفعله ( الحطيئة ) في زمانه !!!

ألا يانكبتك يا سهيل تالي قصة الشاتين = دروا كل العرب فــ/الطائف المأنوس والديرهْ

عسى الله لا يعود سعود ويّا قروشه الميتين = ندورْ للمكاسبْ واصبحت للأجودي عيره ْ

يعيّرني بها جبران مع حمدان أبو سيفين = ثنينْ من أصدقايه نسيوا المعروف والجيره

ألا ياليتني ذكيتها ذكاه بالسكينْ = يعالج جلدها الجزّار ويشغـّل سواطيره

وقسّمت اللحم طازهْ على الفقرانْ والمسكينْ = طلبت الله يا أبو سيفين يا حمدان فــ/الخيره

لكنهْ صارْ ما صارْ وتحملنّا همومْ ودين ْ = لأن العبد في حكم الله الوالي تدابيره

وأنا خائف بعد هذي تجي وحدهْ من الثنتينْ = يطول الماد والعجلان ما يقضي مشاويره

صحيحْ إنا بدو ما قط عشنا في بيوت الطينْ = ولا نعرف جحا لو طقْ في جدره مساميره

هلْ بيوت الشَعر فــ/الباديه وأهل المعزْ والضين = حدانا لو يجيهْ الضيّفْ يمكن ينحر بعيره

هيوالله ينحرهْ ثم ينحره ويروح في ستين = تروها في عيون البدو والله مدّه صغيره

نعزّ الجار ونحبْ الخوي والضيف فــ/العينين = ثلاتهْ كل واحد يبشرْ بعزّه وتقديره

بعدها ننتظرْ عودتك يا راكان ابن حثلين =تشارك صاحبك في همّه وتقبل معاذيره

أنا راضيك قاضي محكمهْ وتربي المخطينْ = تهللْ فوقهم وتكبرْ بعشرينْ تكبيره

تصك الروس بالراس القوي وتصير كيس طحين = تقص الغصن ويحت الورق ونسلمك طيره

وكلمة طير حطوا بالقلم من تحتها خطين = بكفك طير وآخر طار وأنته طيّب السيره

ألا ياليتني ويّاك وأشرب من بحر قزوين = أنا والشيخ أبو سيفين عفنا موية الديره

نباها بالحلال وحسب ما وصّى عليه الدين = تعاف النفس لقمهْ كنّها (لوزين) تصبيره

نختّمها بذكر الله وتمّتْ قصة الشاتين = تعبنا من هــ/ ذا الموال شوفوا واحد ٍ غيره

سهيل2012

07-20-2013, 11:34 PM

مابيع سمحات الوجيه المجاهيم
عشان ابدلها بخنزير باكو
ولاتنقلب عندي جميع المفاهيم
واذا انشدوني قلت ذا العلم ماكو
اروح سايح مثل باقي المعازيم
وارجع وانا ماهمني مابلاكو

( النادر )

الله يهنيكم بها يالمناجيم = ترعى وتشرب من بزابيز ساكو

خسارة ٍ في تبنها والبراسيم =مهما شيوخ البدو فيها تحاكوا
أخير منها يا صديقي براهيم =سجة قدم يا زينها في موناكو

سهيل

سهيل2012

07-21-2013, 08:59 PM

بسم الله الرحمن الرحيم

هذا مراد بيني وبين الشاعر / سافر ( على لون الكسرة )

يقول أبو زياد /

ياسهيل لاتترك الواجب=اسمع كلامي وانا بوصيك
العين لا تعتلي الحاجب=هاذا المثل احفظه بكفيك

وهذا رد سهيل /

عين الخليفه على الحاجب = تمد لا اقبل كفوف يديك
تروح تشجب مع الشاجب = تروغ ما ظنتي يمديك

سهيل2012

08-15-2013, 09:32 AM

بسم الله الرحمن الرحيم

هذه أبيات لأحد أبناء عمومتي .. نظمها في ( جيزان ) أثناء زيارته إلى هناك برفقة

أحد أصدقائنا أيضا وكلاهما شاعران وأديبان مشهود لهما بالابداع والمعرفة ..

يقول صديقي :

الله من زين (ن) بصبيا لقيناه = متعلق الكادي ويمشي على الهون
لد النظر يمي وقلبي تمناه = ناديت ياسافر بعد سرت مفتون
سلم عليّه ثم شاور بيمناه = وعبدالله الحجلي شهد قال مزيون
يطيب لي شوفه ونظرة محياه = ناديتهم ياناس تكفون تكفون
لا هو جلس معنا ولا احنا سلمناه= يا ليتهم معنا يطيعون يمسون
من بعد شوف الزين روحي معنّاه = يا الله يارب الملأ تصلح الكون

وقد وصلتني الأبيات عن طريق ( الطير الأخضر ) وعرفت معناها وتخيلت الموقف ورديت بالأبيات التالية :

من مرصد سهيل العتيبي رصدناه = بالصوت والصورة ورقم التالفون
المشرف اللي يا جماعة فقدناه = من غَيبته والقلب مغبون محزون
وينه مغيّب وين سارت مطاياه = نبا الخبر والصدق لن كان تدرون
الصدق بالعينين والله ما شِفناه = لكن عِلم(ن)من وكالة يقولون
شافوه في صَبيا صبا والهوى جاه = متغرّز بريحان وأوراق زيتون
منكس عقاله شمالي يا ويلاه = ويلد بالنظرات في اللي يمرّون
يا زين ظبي البان يا طيب مرباه =من صدّته كل المخاليق يشكون
ذوب الشهد والتوت يقطر من شِفاه = صنع(ن)طبيعي رمش وحجاج وعيون
سبحان رب(ن)كمله زين واعطاه = يدوخ اللي في الهوى ما يدوخون
وختامها ذا الصدق جبته من أقصاه = واضح وضوح الشمس ما هو بمكنون
من مرصد سهيل المجالس ومبداه = ذكر الله أحسن جعلكم ما تهونون

لا إله إلا الله .. ألا بذكره تطمئن القلوب .

حسن عابد

08-21-2013, 12:10 AM

بارك الله فيك ايها النجم

سهيل2012

08-21-2013, 09:56 PM

بارك الله فيك ايها النجم

الله يجزاك خيرا يا حسن .. وحيّا الله ها الطلّة ..

وهذي بيتين نظمتها تهنئة لأخي حمدان الثمالي عندما تمت ترقيته للمرتبة الخامسة عشر

مستشار ..

خمسةْ عشرْ مبروك يا حمدانْ رتبة مستشارْ = خمسة عشر وأنتهْ تزيد المرتبهْ عزّ وشرفْ

تزيــدها تشريــف إلكْ هيبهْ كبيرهْ واعتبارْ = يستاهلك حمدان أبو سيفيــن يا بنت التـرفْ

سهيل2012

09-24-2013, 12:29 PM

بسم الله الرحمن الرحيم

أبيات وجهت لأحد أصدقائي يدعى ( منقاشا ) وأقصد بها آخر وهو أخي
الشاعر الشهير ( أبو سيفين ) .. ومعناها حول موضوع يخصنا نحن الثلاثة ...

عسى منقاش يعطينا النصيحه دامها ببلاش = ويظهر مع حماره طيب السيره على الشاشه

حصل علم ٍ مكدِر خاطري جا للعتيبي كاش = من الصاحب وأنا ضيف الله الجالس على فراشه

هروج ٍ جات بين ثنين تشبه رشّة الرشاش = بغيناها مزوح وكل واحد جاب رشاشه

يصك الباب ما بيني وبينه ما يريد نقاش =وأنا رجال مدمن صحبته ما أتعب من نقاشه

لحقني من مطركم يا ثقيف الطيبين رشاش = ورأس الظبي يا منقاش ما أحد يدور عراشه

صحيبي قلبه الطيّب نظيف أبيض سواة الشاش = تراه أخوي ابن عمي صديقي جار والباشه

وهذا رد أخي وصديقي الشاعر : ابو سيفين /

انا البارح على دربي وصلت لشيخنا منقاش
لزوم نزور راس العلم ألا يا محلا نقاشه

لقيته في طرف خدره على رجله لفا يف شاش
وفي ايدينه معى كبر العمر خطله ورعّاشه

تحوفز راعي الهمه ودق النجر والمهباش
وقهوانا وجاب علوم من عامين جيّاشه

وقال اسمع انا بانصحك حذرا تصحب الغشاش
ترى درب المراجل ماتعرفه ناس غشاشه

وحذرا باب بيتك تغلقه وتركب الدفاش
وكم واحد من البخله ذبحه الجوع بفراشه

ليا منه نصاه الــعـلم سوى سالفة ماطاش
وقام يصيح وينادي وخلاّ الروس منداشه

يصيح مع العرب ياناس فكوني وهو بكاش
يبي بعض العلوم تضيع في بكشه وف/هواشه

وسلامتكم جميعا ..

سهيل2012

09-24-2013, 01:55 PM

وهذه أبيات موجهة لأخي منقاش طبعا .. ولن أفصح عن معناها .. علما بأن الشيخ ( أبو سيفين ) طرفا في القضية كالعادة !
فعداوتنا .. أقصد " صداقتنا " مزمنة !! ليس لها دواااااااء !!

يقول سهيل /

يقول الشيخ خنقه فــ/السفل لا كف عند الناس = وخنقه فــ/السِفل ما ظني الشيخ يتحمّلها

وصدقنا ورحنا السِفل لا مشرف ولا حُراس = وأكلناها على الصابر هوى بدري من أولها

وصاب سهيل يامنقاش بعد الخنقه الوسواس = ما أقول ألا عسى الله معكم اليومه يجمّلها

أحسّب فــ/السِفل دلّة وهيل وبن فــ/المحماس = وشبّة نار ووجار ورجاجيل ٍ نجاملها

وأثر ما فــ/السفل غير السلاسل في يد الحبّاس = ليا جاه الغشيم يداه في رجله يسلسلها

هنيّه غلطته في صاحبه محمود بن عبّاس = ألا ياكبرها والله ما صدقت يعملها

ألا ياشيخنا ماجور فيما صابكم لا باس = من العثرات والطيحه عسى ربك يبدلها

سهيل2012

09-24-2013, 10:58 PM

بسم الله الرحمن الرحيم

السلام عليكم ورحمة الله وبركاته ..
بدون مقدمات .. قصيدة تحكي شيئا من واقع سهيل ..
" خارج المنتديات .. وبعيدا عن أعضائها "

أنا أفرح لا جلست مع الرفاقه والقلوب نظاف
وقالوا يا سهيل ابن اليماني هات سولافه

وكل (ن) ناظر سهيل وعيونه كنّها الكشّاف
يبون من السواليف الدقاقه ما اني بتافه

وأنا طيّب ولا أرضى للرجال الطيبين خلاف
عيون الذيب وحده للأمام وحده خلافه

يقولون الرجال الأولين إن الجميل أسلاف
ترى سهيل اليماني يحفظه ويسدد أسلافه

إمام المسجد اللي زعلك يا مشرف الأوقاف
نعرفه باسمه الطيّب وكن أوصافك أوصافه

تغيّب عن صلاة الفجرما شفناه في الميقاف
بعد كبّر مخدّة رأسه وغطّوه بلحافه

صديق سهيل في هذا الزمن بطاقة الصراف
تراها أوفى صديق يشرفك وتشوفْ ميقافه

ليا سمّنتها تشبعك لا جات السنين عجاف
تسد الرجل وعياله في مرواحه ومنكافه

وشربة ما من يدين البخيل أظنها تنعاف
تشوم النفس عن زاد البخيل وماه وتعافه

يقولون الخبر يسمع بالآذاني ولا ينشاف
وذلحينه على الشاشات كل ٍسمعه وشافه

بعد شابت عوارضنا عسى تتحقق الأهداف
ياربي ساعد سهيل الطموح وحقق أهدافه

وأختمها بذِكر الله بعد تمّت وشاب القاف
عساكم تشكرون سهيل صح لسان محرافه

وسلامتكم جميعا ..
أخوكم / سهيل .

سهيل2012

09-24-2013, 11:01 PM

بسم الله الرحمن الرحيم

أيها الاخوة أعضاء منتدى ثمالة :
السلام عليكم ورحمة الله وبركاته ..
يسعدني أن أقدم لكم هذه القصيدة الجديدة وهي - صراحة - على النيّه ؛
وغير موجهة لأحد ، وتعبر عن نفسها وكل متابع يقرأها حسب مزاجه ..
أرجو تقبلها كما جات بدون رتوش ومقدمات مملّه .....

سهيل من بعد الثريا لا رفيـق ولا صديق
غابت وغاب الصدق بعد غيابها والأصدقا

جلست وحداني وضيّعت المسافه والطريق
بين الرجا واليأس لا ماتت ولا حان اللقاا

غديت ويّا الهمّ صاحب صار أخويه الشقيق
عسى الله لا يعود الصحبه اللي يا نقا شقا

وقتٍ مضى كنت الوحيد اللي لحضرتها عشيق
مابيــننا غير السـلام ومرحبـابك والبـقا

بيني وبين الترفه الغرنوقه السد الوثيق
والشاهد الله سلمنا كله على وضح النقا

واليوم حُسّاد الهوى قد شكّلوا ضدي فريق
والكبتن اسمه تعرفونه في الصدور موثقا

صديقي اللي ذاخره لا شب في قلبي حريق
لكنّه ضيّـع الصحبه وضاعت هقوة من هقاا

عساك يا سهيل اليمـاااااني بعد هذيّه تفيق
بعض الصداقه قامحه في ذمة سهيل محقا

حظي كما حظ النصر النادي الحُر العريـق
أحد ٍ رقى حظه وأحدْ ف الأرض حظه ما رقا

اكبر طموحه يوم يتمكمك على صحن السليق
ما همّـه الا جوع بطنه غير هـذي ما لقى

أهل المزارع يزرعون ويأكلون من السويق
والبدو عند الخـَلـْفه إن درّت يملون السقا

عزّ الخوي والجار والضيف المسيّر والرفيق
يالله ثبـّتهم على المعروف وعلوم التقى

وسلامتكم ....
أخوكم المُحب / سهيل

سهيل2012

10-05-2013, 02:54 AM

بسم الله الرحمن الرحيم

هذه قصيدة للشاعر / جبران العتيبي ..

يقول فيها /

ياوجودي وجد عودٍ جبروا كتفه وساقه
بعد مامرت عليه أيام من عمره مريره

راحوا إعياله عنه بالهجر ساقه بعد ساقه
يوم جفت ديرته راحوا شتات بلا بصيره

مابقى إلا واحدٍ حارس على لمّ الرفاقه
والرفاقة مالقوا مجلس يضم أهل العشيره

كل مادارت رحاهم زاد بالجو إصطفاقه
مالهم مرسى جويد ولالهم بالأمر شيره

وكل يوم يزيد حمل العود ويزيد إحتراقه
مادروا عن علّة المغبون في جوف السعيره

مستغلين التحكم فيه ووجود الإعاقه
والجمل لاطاح ضاعت عدته في كل ديره

لين روّح عودهم ماعاد فيه إلا صفاقه
مايفيد علاج لو حطوا جبيرة في جبيره

وانت ياراع الوفاء الي تدرج ذوق ولباقة
خلهم في دار ساكنها الحسد والشك سيره

لو بدت شمسٍ جديدة ماسفرت فيهم شراقة
والليال السود تستر عيبهم وتشق غيره

قسمة الله حطها مابين باب وبين طاقة
والذرائع طاغية والفكر مثقال الشعيره

ياعقول النور ثوري ماعلى المقسوم فاقة
جددي عرش الولاء بعقول قومٍ مستنيره

وانقذي عودٍ رعى إسمك وانكتب في وسط باقة
قبل مايفنى وتفنى سيرته ويموت حيره

والقصيدة مُلغمة من صدق ومشفرة .. ولم يستطع فك شفرتها سوى سهيل ومقدام العتيبي
وبعض جماعة العربان ذوي الخبرة ..
ولها معنى خاص بيننا صراحة .. وقد حاولت أهدئ نبض الضي شوي وأمتص حماسه وأبتعد عن ( العود ) قدر الإمكان ليس خوفا

ولكن تقديرا لوجيه بعض الرجاجيل من ربعنا الطيبين .. واللي مهما صار نعزهم ونغليهم .. خارج أروقة العمل والروتين ..

إليكم القصيدة وهذا االرد /

هذا ردي المتواضع على أخي جبران العتيبي :

هاضني جبران نبض الضي ما فيه إندراقه
حضّر البلجيــك شاعرنا وصندوق الذخيــره

يتوجد ويتوعد زااااد للحرب اشتيـــاقه
من طناخةراس بِيدِه فصّل سلوك الظفيره

باني ٍ قصره على ساس المعزّه والوثاقه
والبيوت اللي جواره كلها طلعت صغيره

قصر شامخ من شموخ الشاعر مزيّن رواقه
كل ٍ يروووده من الشّــعار من شبه الجزيره

اجتمعنا فيه من حولك ووثقنا العلااااقه
دامك أنته صاحبه والشيخ بندر هو مديره

بيننا المعروف دايم والمحبه والصداااقه
صادقين وربنا اللي فوق عالم بالسريره

لا تقول سهيل نجم الليل جا فيه انطرااااقه
جانح(ن) للسلم كاسر في حساب ابن عميره

تو نجم سهيل باقي مابدا بالانطلااااقه
مانبي ضدّ الرفيق يراعي الشاعر ضميره

والعسل معروف طعمه يالعتيبي بالذواقه
لو طعمه مختلف في ها السنوات الأخيره

والختام الله يحفظ ربعنا كل الرفاااااقه
جعلهم في خيـــر دائم والذي قدْصارخيـــره

وسلامتكم جميعا وأعتذر إن قصرت أبياتي
عن ما كنتم تتأملونه من العبد الفقير إلى
الله سهيل العتيبي ...

ريلااااكس .. ريلااااكس ... ريلاااكس ..
ريلاكس ياجماعةالعربان .. ريلااااكس .. .

سهيل2012

10-05-2013, 02:57 AM

بسم الله الرحمن الرحيم

بدووون مقدمات .. هي جات سسسسذا /

عسى من لامني في حُب ليلى ياعرب بالعوق
........... عساه العوق في دنياه ..لايسمع ولا يوحي

لأن العامرية حلوة لسان ودلال وذووق
............ عطاه الله رها ف الجسم ويا وجه مملوحي

ثقافتها من الجيل الجديد وحلوة المنطوق
............ تراها يادكاترة الهوى هي سبة جروحي

وتفتن بالعيون الناعسه وحجاجها من فوق
............ رسمه المجرم اللي ناوي ٍ يقضي على روحي

وخلقة ربنا ........ بصدرها المفروق
............ ورد ......... والخصر كنّه خط ممسوحي

ثقه برقا خذتها ثم حلم الطيبه من روق
............ لها مبسم سواة البرق يوم يرف ويلوحي

ليا فاقت وراقت كل عُشاق البنات تروق
............ لكنْ ان ليا تعكر جوّها تتعب بعد روحي

ابوها الشيخ راع المرجله تاجر بوسط السوق
............ ليا مره فقير القوم يقضي كل مصلوحي

وخال البنت راعي بل معروف ويحب النوق
............ ليا جا الضيف ينحر من حداها كل منقوحي

واخوها الفارس اللي ما يعرف الغدر وياالبوق
............ يواجه للخصوم مواجهه والخصم مطروحي

مادام انه سسذا يستاهلون إلْهم علي حقوق
............ ابا اكتبها وافندها وأفقطها على اللوحي

..

وسلامتكم ..

وياليت صاحب الدعم اللوجستي .... يدعم حليفه سهيل ..
ولو معنويا .. في وقت قلّ فيه الصديق .. وأضعنا الطريق !

سهيل2012

10-05-2013, 02:59 AM

بسم الله الرحمن الرحيم

زرت سوق عكاظ هذا العام مرتين رغم تحفظاتي التي ذكرتها .. وتغنيت ببعض الأبيات .. خارج السوق طبعا ؛ لتعارضها مع شعر الفصحى وبضاعة السوق الأدبية الثمينه
فإليكوها كما كتبتها بدوون رتوش /

يالالاله يالاله .. يالالاله يالاله .. مايريس النجوم الا سهيل اليماني ..

يا سلامي على السوق العكاضي مدبّل
مثل طعم العسل والزيت فوق المتبّل
لو ف/ السوق صاحي مع خبول ومهبّل
ما يريس النجوم الا سهيل اليماني

ناجح السوق مهما شككوا في نجاحه
والحمى ما أحد جاه ونجسه واستباحه
ما علينا من الحاسد ولا من صياحه
مايريس النجوم الا سهيل اليماني

احيوا السوق باسمه والخطب والقصايد
والسلوم القديمه ... للعرب والعوايد
يسعدون الحضور ويبدعون الفرايد
مايريس النجوم الا سهيل اليماني

امرؤ القيس ناظرْ في سهيل وغمزله
علق اسم الثريا بين طلعهْ ونزله
يا عسى الناابغه يصدر قراره وعزله
ودهم يقهرونك يا سهيل اليماني

بلغوا صاحبي حمدان راع الحميه
وصلوه السلام وبلغوه التحيه
بعد كب ْ الحجاز وراح نجد العذيه
ما يريس النجوم الا سهيل اليماني

يم نجد العذيهْ يمكن ألقى الثريا
حول برج الوليدْ وفي قصور العليا
لا تقولون حظ سهيل ميّل وعيّا
ما يريس النجوم الا سهيل اليماني

يا هلْ العاصمه بالله لا تحسدونه
ماش غير الثريا شي يملا عيونه
افزعوا بالدراهم وافزعوا بالمعونه
ما يريس النجوم الا سهيل اليماني

والذي ما تساعده الظروف يتعذرْ
نقبل العذر والخاطر عسى ماتكدّرْ
راضي سهيل بالمقسوم ويا المقدّرْ
ما يريس النجوم الا سهيل اليماني

نختم أبياتنا تمت حروف القصيده
نذكر الله مدبر حكمته في عبيده
يا عسى أيامكم حلوه ودايم سعيده
ما يريس النجوم الا سهيل اليماني

ما يريس النجوم الا سهيل اليماني

مايريس النجوم الا سهيل اليماني

وسلامتكم والعذر والسموحه والشك زائل
والسلام عليكم ورحمة الله وبركاته ..

أخوكم / سهيل العتيبي ..

سهيل2012

10-05-2013, 02:04 PM

وحول الموضوع الآنف صرح الشاعر الكبير / عيد بن شده المرشدي العتيبي قائلا :

ياسهيل الحجازي من عتيبه جدودك
الك مني تحيه بالكلام الجميل

يالسواط المعلم شف بالي وجودك
عندنا في ثنايا نجد هيلً وحيل

لو تسير شكرنا يالعتيبي جهودك
نكرم الضيف لاجانا ونحمى الدخيل

وكان ردي عليه :

يا ابن شدّه كفؤ والضيف دائم يرودك
كان ضيفْ متعني .. كان عابرْ سبيل

صاحبْ سهيل وافي صادق ٍ في وعودك
هيل نجد العذيّة يبري اللّي عليل

صبرك شوي وأشرفك داخل حدودك
خبّر ألاد مرشد باسمي إني سهيل

سهيل2012

10-06-2013, 11:42 PM

الله على النادر من شعراء ( منتدى ثمالة ) يقول في رده
على سهيل في موضوع ( مايريس النجوم إلا سهيل اليماني )
على الرابط /
http://www.thomala.com/vb/showthread.php?p=612436#post612436

من صغرتي ماحب دوواج الاسواق
واليوم دوج بي سهيل اليماني

عرجب بنا من فوق عوصٍ بلا ساق
داست على عرق الزمن والمحاني

من شان عذراً عندها سرب عشاق
وكلٍ لمح منها بصيص الاماني

عذراً بلا ذمه ولا عندها اخلاااق
كم عذبت في عشقها مودماني

اما الرياسه فلي فيها وجهة نظر وان تغنابها شعراء المحاوره بغرض المناورة

واسمح لي في مرور المستعجل

وكان ردي عليه /

من صغرتي مغرم وعاشق وصداق
شاعر وأميّز في رموز المعاني

للعوص ركابه واهل بل ونياق
تاطا الحثاث وتقطعه في ثواني

من شان عذرا راحت قلوبنا حراق
مجهولة العنوان ويّا المكاني

ما عاد به يالنادر اليوم مدراق
صاحبك عشرهْ ما تعوّد ثماني

سهيل .......

خطيييييييير جدا هذا النادر .. والله خطييييييير !!!

سهيل2012

10-20-2013, 11:31 PM

بيني وبين الشاعر / عيد بن بجاد العتيبي .. وأظنها الأخيرة !!!

عيد بن بجاد /

وجودي على اللي خدها مثل نور البيت
على كشن لكزز مع خطوط القويعيه

يحوفه غلامً في سلوم العرب عنتيت
يبى جادلن تلعب بقلبه عتيبيه

عيد بن شده

.............................

توجدْ يالعتيبي وأنا مثلك ويا ليت
تحقق للعتيبي سهيل "العامريّة"

أقول الحي يا عيد أظنْ أبدى من الميت
وش تقولون يا أهل الوفا وأهل الحميّة ؟

سهيل العتيبي ..

سهيل2012

10-27-2013, 11:19 PM

بسم الله الرحمن الرحيم

بدون مقدمات .. هاكموها من الآخر :

وداعا من سهيل وسامحوني
وإن طالَ الغيابُ تذكروني

أودعكم وقد ذرفتْ دموعي
وأنتمْ يا رفاقي ودعوني

فإني قد تركتُ كلّ شيءٍ
عساكم بعد هذا تتركوني

لأني قد سئمتُ العيش هذا
وأنتم في اللوازم تخذلوني

على عشْق الثريّا ثم ليلى
أراكم يارفاقي تحسدوني

لقد ونستكم دهراً ودهراً..
ولكن للأسف لمْ تشكروني!

لقد أنصفتكم من كلِ نفسي
ولكن للأسف لم تنصفوني !

( فلا والله مافي العيشِ خيرٌ)
إذا أنتم يا قومي تظلموني

( لقد ناديت لو أسمعت حيا )
ولكن للأسف لم تسمعوني !

( وخلتكم سهاماً صائباتٍ )
فكنتوها ولكن في عيوني !

أعيش العمر في منأى وحراً
وأنتم كيف حالتكم بدوني ؟

سأحمل فوق متني كلّ همٍ
وأرحل بالهموم على متوني

أأرباب الفصيحة عدت حالاً
طريدا من بني قومي خذوني

خذوني تائبا في القلبِ جرحٌ
وجسما منهكا أثرالطعون ِ

ألا يكفي عققوقاً يا حياتي
أعودُ لك وقد زادت شجوني

أأبناء الخليل خذوا سهيلا
قدمت لكم وأنتم تعرفوني

خذوني عاشقا تركَ الثريا
لحسّاد الهوى ، لا تعذلوني

لقد لاقيتْ في عشق الثريا
ألا عن عشقها لا تسألوني

نصير الضادِ قد جيت إليكم
نصير الضادِ هلاّ تقبلوني ؟

لسان الضاد يا لغة الكتابِ
فأنت الفخر في كل القرون ِ

أخوكم الراحل / سهيل اليماني ..
والسلام عليكم ورحمة الله وبركاته ..
سامحكم الله جميعا .. وسامحوني .

وهذه آخر قصيدة لأخيكم سهيل في هذه المدونة ..

وسامحوناااااااااااا والسلام عليكم ورحمة الله وبركااااااااااته .

سهيل2012

04-15-2014, 01:44 AM

بسم الله الرحمن الرحيم

عدنا من جديد لإكمال مدونة سهيل واختيار بعض قصائدة الجديدة ..

:::::::::::::::::::::::::::::::::::::::::::::::::: ::::::::::::::::::::::::::

هذه الأبيات موجهة لسهيل من أحد الشعراء الجدد في النت ..

حول غياب سهيل عن الساحة مؤخرا .. ويعدني فيها بثريا - من الصين

وهي : إسقاطه ( قبيحة ) لم ترق لسهيل .. ولم ولن تنطلي عليه !

يقول شاعرها :

ألا من هو يطمني عن سهيل العتيبي وين /:/ زعل ما أدري تغلّى من يطمنا عن غيابه

اله حشمه وله تقدير يسوى عيوني الثنتين /:/ عساه يعود ويكمّل مواجيبه مع أصحابه

أنا من عادتي ما اطرد وادور ربعي المقفين /:/ لكن سهيل غير وكلنا ياربعه نهابه

أنا زقراط كان اخطيت أبا أرضي صاحبي ذلحين /:/ أروح اليوم مع مقدام ونسنتر على بابه

ونعطيه الوفا وان كان يطلبنا قروش ودين /:/ نسدد له مطاليبه بشرط نعرف طلابه

أنا درعه وانا حزامه وسيف الهند ابو حدين /:/ وفي يمناه يضربه ويعرف وين مضرابه

إذا يبغى ثريا طيبه حلوه من الحلوين /:/ تجيه مكمله ومجمّله وتقبل ترابه

عروسه طيبه وبلادها معروفه من الصين /:/تنسيه الثريا ثم تغليه وتعزوابه

قصيرة خشم ياسهيل وبعد صغيرة عين /:/ لكن احذر توريها يا نجم سهيل لعتابه

وبعد أن قرأتها وعرفتها .. لا بد أن يكون الرد قاسيا فقلت له :

سهيل بخير وغيابه ثلاث أيام مع يومين
ما وصلت للزعل وانته غيابه تعرف أسبابه

ليامنه زعل خلا جماجمكم تروح طحين
تقوله وأنت يازقراط ابن حنطقله أدرابه

تهابه غصب وتقبل يدينه ياغراب البين
ولا مثلك ولا شرواك يقدر يحرق أعصابه

أنا سهيل العتيبي والله انه ماغدا لي دَين
لكن انته مابااااقيلك عقل طيب تلهابه

احط الموس فوق الروس ياحبحب على السكين
وسيف الهند بيميني مجود مسكة نصابه

الا يا كثر ما عانيت في وقت العسر واللين
وبعض الناس راحوا يا ولد حنطقله نهابه

عتيبي(ن) من الطايف ومن سمنان وسمينين
ما نخطب غير بنت شيوخ لابه فوقها لابه

ثريا الصين ما تملى عيوني سعرها ريالين
تناسب مثلك وشرواك كذاب (ن) وكذابه

تونس وحدتك لا رحت لليونان يا مسكين
جسد صامت بليا روح وعتيبه ما ترضابه

وسلامة من يقرأ .

سهيل2012

05-16-2014, 12:55 AM

بسم الله الرحمن الرحيم

بدون مقدمات .. هي تسذا :

صديقك يا سهيل اللي يمشي زلتك لا اخطيت
يسامح ويتسامح يغفر الزلـّه ويدمحها

وانا شايف صديقي قاعدلي عند باب البيت
كبر راسه عليّ وزلتي حالف ليفضحها

قدْمْ بيتي يناظرني ليا من رحت ولا جيت
يوقفني يعيد القصه من اول ويشرحها

وانا لولا الجماعه والرفاقه فيه ما لديت
وعيبن لحيتي عند الحقود اجيه واطرحها

ثقيل الطينه اللي يوم شفته جايني صديت
لانه باختصار التسبد يدبلها ويجرحها

تقول انه عراوي وانتثر ماه ودخل في الزيت
وحذفه في مقصاته ماحد قادر يصلحها

وانا لولا الثريا ماتعنيت وكتبت البيت
ليامني نظمت البيت فيها رحت أفرحها

واغردبه علي حسابي وهي تعمله الرتويت
وتنزل دمعة سهيل وتجي تبكي وتمسحها

وانا رافع يديني واطلبك يالله ف/ التثبيت
واغمّض عيني من الخوف والفجعه وافتّحْها

لان الحلوه الترفه تصيب الذهن بالتشتيت
خذت قلبي وروحي عندها يالله تربحها

الا يالله تسامحني ليا زليت ولا اخطيت
واختمها بذكرك تغفر الزلّه وتدمحها

أخوكم / سهيل العتيبي .

سهيل2012

05-18-2014, 11:54 PM

بدون تمهيد : " على لسان الإبل " !!

الله اكبر كيف حطوا بالإبل مرض كورونا
ثم عافوا لحمنا ياسهيل سودان الوجيه

بالدعايه والغوايه والكذب ثم قهرونا
ونشروها ظلم والتوقيع بإبهام الفقيه

ليتهم ياسهيل قبل العلم هذا خبرونا
نرحل من الديره اللي بذنا فيها السفيه

نسيوا ام رقيبه وصيتن مضى ماقدرونا
يوم كانوا يدفعون المال فينا نقد ليه ؟

بالملايين الكثيره كم باعوا واشترونا
في المزاين مالنا قد جا مثيل ولا شبيه

انتخي بالبدو وعيال القبايل ما حقرونا
وافتخرفيهم واحب انا القبيلي وانتخيه

والختام الله يحماكم بعد جاكم كورونا
المرض ماهو بفينا في دجاجك يالفقيه

سهيل العتيبي ..

سهيل2012

05-26-2014, 01:15 AM

بسم الله الرحمن الرحيم

تيمنا بشاعرنا سهيل العتيبي ( عاشق الثريا ) ونزولا عند ذائقته الشعرية ...
كتبت الأبيات أدناه آملا أن تلق إستحسان الجميع ..

ذات المكان إلاّ الزمان اللي جمعنـا مـن سنيـن
تتـكـرم الصـدفـة وتجمعـنـا عـلـى ذات المـكـان

كـنّ الصـدف تولـد وتنجـب مـن صوادفهـا بنيـن
وكنّ الزمن يثبت لنا العـودة علـى مَـرّ الزمـان

الـركـن والقـهـوة وموسيـقـى وجــوّ الحالمـيـن
والبـهـو والـردهــة وزوّاره وقـاعــة لـيــل دان

كانت على الركن الشمالـي وأستـدارت لليميـن
ثــمّ أسـتــدارت بالـنـواظـر كـنـهـا تـلـقـي بـيــان

ترامقـت منـا سهـام الشـوق مــن عـيـنٍ لعـيـن
والقلب مثل الطالب اللي فـي فصـول الأمتحـان

تلاحـمـت نظراتـنـا بالحـيْـل وأغـرقـنـا الحـنـيـن
وتقاذفتـنـا أمــواج تتـلاطـم وحـنّــا فـــي أمـــان

يالرّبع.. تربيع القمـر ماثـل علـى مبـدأ الجبيـن
والوجـه وجـه البـدر زايـد بالشفايـف واللسـان

والـخـد يـتـلألأ مثـيـل سهـيـل فــي لـيـل ٍ مـبـيـن
حتـى الثـريـا ناصـعـة بـيـن الشفـايـف بالثـمـان

والشعـر يتجـدّل ويتعطّـف عـلـى صــدرٍ سمـيـن
والثغـر مابـيـن الشـفـق لـونـه وورد الديـدحـان

والقـدّ مـا طالـه خيـال الشعـر لـو يحلـف يمـيـن
فيـه التناقـض يتّـحـد بـيـن الضمـيـر وعنـفـوان

غمضت عيني وأحفظ الصورة وراحت للخزيـن
وساعة من التأريخ راحت من زماني في ثوان

رشفت كوبـي وأنتهـى المشهـد وفرّكـت اليديـن
علـى أمـل تتكـرر الصـدفـة وفــي ذات المـكـان

( أبو عامر ) الهاجس الغامدي

وهذا ردي على الشاعر الهاجس الغامدي :

ذات المكان اللي تلاقت به قلوب الطيبين
الطيبين اللي تراهم عطّروا ذات المكان !!

تمرّه العشّاق صبح وف/ المسا شوق وحنين
وتقبّل تراب المكان اللي جمعهم من زمان

قمرا وسمرا بين همس وصوت تقبيل اليدين
على النقا والصدق مافيها لاذل ولا هوان

والبدر ضوه يرسم شعاعه على هاك الجبين
كنّه يبارك لامنا وأحلامنا عشر وثمان

وبنت المطر تو ظهرت متعطره بالياسمين
عقب الحيا باللون الأحمر ناظروها بالعيان

أسرارنا في القلب لا يمكن ياعبدالله تبين
من هو سأل عنها ترى جوابنا صارَ وكان

ليل الشتا مع طول ليله يسهرون العاشقين
من أوله تبدا السوالف لين نور الصبح بان

الذيب يا عبدالله يدور على الشاه السمين
يبعد عن المترديه مايضرب الا ف/السمان

تقضي على جوعه وياكل باليسار وباليمين
أنا أشهد ان الذيب باسمه لا خنوع ولا جبان

واللي بعدها جعلكم طول الليالي سالمين
ترى الليالي ماعليها ياولد غامد ضمان

بما فيها من اسقاطات ورموز ومعاني لا تخفى على كل متذوق لمفردات

الشِعر الشعبي .. وبهذه القصيدة أرى : الهاجس / أعاد سهيلا للكتابة من جديد !

وهذه باكورة إنتاجه بعد مرحلة الاعتزال والتوقف الاضطراري !!

سهيل2012

11-06-2014, 02:10 PM

قصيدة من الشاعر / النادر

على جديد طراز من نوع فكسار
اللي على خشمة علامة تيوتا
ازهمك ياشبل مضرا على كار
كار الرجال اللي تحشم وقوتا
ماغيرتهم دورة الوقت وان دار
لهم على سلم الجدود الثبوتا
أجهم بعد تشحن توانكه بالنار
بعد تشيك مويته والزيوتا
من شرق وجهك حدر والخير محدار
قبل بوجهك جعل ينساك موتا
تبا تجيك بيوت وقصور وديار
طفها ولا تلهيك نصبة بيوتا
خل الرياض وضولها عنك بايسار
وحول على جو(ن) عجاجه يلوتا
وافهقه وافهق دار شالح وعبار
واترك حصاة حويل خلفك وفوتا
وقبل تطيح الشمس مع اول عصار
حول المحاني في وسيع الخبوتا
انشد وتلقى الوصف مع كل عبار
عن راعي الحرشا غريم السبوتا
الشهم راعي الصفر دلال وبكار
(سهيل)ماغير ولا عنه فوتا
واحرص وخلك عجل واسبقه باشهار
(حرام مايقسم لنا مايموتا)
واحرص تراخى ماهو براعي اع>ار
انما سبق صوتك سبق منه صوتا
وبعد تقند راسك بغالي بهار
دلال مثله مجليات العموتا
قل له من النادر سلام(ن) بعد حار
مابرده طول الطريق السحوتا
وقل له يقولك لن قسم خير وامطار
وتخالطت بالارض كل النبوتا
نبي تجاورنا على خير ياجار
والعمر سجه واخر تنا لموتا
وعود وعلمني بوش قال ووش صار
خابرك مامون وعدل(ن) ثبوتا

ورد سهيل /

يارعي الفيكسار يا ليش تحتار
اللي كتـبه الله لكـم ما يفـوتا

لن كان متعني ولن كان مرّار
يامرحبـا يالابسيــن البشوتا

يامرحبا واهلين بك سِر وجهار
كلمة هلا للضيف تسعين قوتا

فالديره اللي نبتها كله أزهار
عقب المطر وازهارها لون توتا

عند أهْلها للضيف حشمه ومقدار
تضيّفه بالحشو ماهو ( بحوتا )

ياخذ ثلاث وجاب ويجيب الأخبار
يقص علمـه يا كبــار البخوتا

بعنا الصفر يا جار والوقت دوار
والكف تندى بالكرم ماتموتا

وش قصة الحرشا بالله يا جار
ضحكت أبو سيفين راع الفروتا

ذكّرته بعلم/ن مضى صايرن صار
علمن مثبت بالقلم ف/الكروتا

وختامها للي متابع ومحتاااار
يعلمه حمدان (مين) السبوتا

سهيل2012

11-10-2014, 02:02 AM

أبيات نظمتها في الأستاذ : الحاج سلام .. عميد الحياة الفطرية بمنتدى ثماله

عدد من كبّر ولبى في بيت الله من الحجاج
وكمّل ركنه الخامس بمكه وانتهى حجه

أبا أمدحكم وأزيد المدح ياثماله وأخص الحاج
سلامْ - اللي شجاع ٍ ف/اللقا ما يعرف الهجّه

وسيع البال والفلّه حجازية بهيج حجاج
على طول الليالي ما اختلف ياربعنا نهجه

ترى لا من مدحته صدق ما يلحقني الإحراج
لو اني شايفن بعض العرب ذا اليوم منحرجه

يكفيه اسمه الأول سلام ولا نطقنا الحاج
ألا لن كان حج نقول له مقبوله الحِجّه

وإذا ماحج بيت الله ومثل سهيل دج وداج
نقول الحمد لله ع السلامه وين ها الدجّه ؟

كلمات خرجت من قلب مُحب يا أخي سلام
تقبلها كما قرأتها والعذر والسموحه .

أخوكم / أبو أحمد .

سهيل2012

11-10-2014, 10:29 PM

يعجز اللسان عن الشكر لإدارة منتدانا على

تمييييييييييييييز مواضيع سهيل ..

والتشجيييع المستمر لما يخطه قلمه .

سهيل2012

11-11-2014, 07:03 AM

الشِعر ماهو ميزه لكل رجال
لا صار ماله ميزة ٍ غير شِعره

لازم يكون من المزايا والافعال
طيبه ومعروفه وصدقه وصبره

سهيل اليماني ..

الحاج سلام

11-11-2014, 10:36 AM

سهيل2012

11-12-2014, 12:51 AM

وإذا ماحج بيت الله ومثل سهيل دج وداج
نقول الحمد لله ع السلامه وين ها الدجّه
يا سلام عليك يا ابو احمد وصح لسانك .والحاج دج العام الماضي في ارجاء المعمورة ولم يعد الا مع بداية هذا العام ،وهذا ديدنة فهو لا يضع عصا الترحال ،،،،

صح بدنك وأخوك سهيل - إذا أطال الله في عمره - باقي له حول السنه عن التقاعد

وناوي أدج صح بإذن الله .. ويمكن ما يردني إلا حدود أذربيجان :lol:

zqrat hantgulw

11-15-2014, 01:15 AM

صح بدنك وأخوك سهيل - إذا أطال الله في عمره - باقي له حول السنه عن التقاعد

وناوي أدج صح بإذن الله .. ويمكن ما يردني إلا حدود أذربيجان :lol:

وين تدج يا سهيل ؟؟

يارجال لا تهايط .. زين إن وصلت النعيرية :lol:

سهيل2012

11-15-2014, 07:17 AM

وأنت حدك مفرق عشيره .. ولا تقدر تعدى حلبان يا زقراط ..

وبدون سهيل ما تقدم خطوتين يا ابو قطوتين !

الحاج سلام

11-15-2014, 12:52 PM

وأنت حدك مفرق عشيره .. ولا تقدر تعدى حلبان يا زقراط ..

وبدون سهيل ما تقدم خطوتين يا ابو قطوتين

سلم سلم اللهم حوالينا ولا علينا ..

سهيل2012

11-16-2014, 03:18 PM

وأنت حدك مفرق عشيره .. ولا تقدر تعدى حلبان يا زقراط ..

وبدون سهيل ما تقدم خطوتين يا ابو قطوتين

سلم سلم اللهم حوالينا ولا علينا ..

هههههههههههههههه :lol:

والله ما فاهمني غيرك أحد :wink:

لا تعلم أحد

سهيل2012

11-19-2014, 11:15 PM

بسم الله الرحمن الرحيم

انا اشوف المصايب والحروب وقاصف الاعمار
يحث خطــاه ما بين العرب ومشمرن ثوبه

مابين أهل القرايا والمدن وبسيفه البتار
يقص رقاب خلق الله قبل ما تعلن التوبه

ألا يا الله على حق وشهاده لاانتهى المشوار
يقـوله واحـدن متحسـف ومهلكتـه ذنـوبه

ولا باقي ياساقي غير دعوتنا والاستغفار
لأن أعمــارنا وآجــالنا فاللوح مكتــوبه

أخاف يموت قبلي صاحبي حمدان ياحضّار
قبل يصفحْ يسامحني وانا دوبي وهو دوبه

ترى لن مـت ياحمـدان قبلي بافقدك ياجـار
وشفت ان النصايب فوق قبراخوي منصوبه

أبا أسامحك وأذرف فوق قبرك دمعي المدرار
ثلاث وجـاب لين أسقيــه والدمعـات مصبوبه

وانا مسلم وفاهم عارفن ان الحياه أقدار
توفى قبله ملوك وعرب وشيوخ محسوبه

ولن قدّر علي الله وقبله مت لا يحتار
يسامح صاحبه لا يذكر ذنوبه وعذروبه

خصوصاً قصة الشاتين واللي قبل مدّه صار
يحـاول ويتناسـاها وهي عنده ومكتـوبه

لا يفضح صاحبه ويبيحْ بالقصه وبالأسرار
ويكتب كلمتين وتعزيه في سهيل بقروبه

يقول اللي توفى شاعرْ وتاجرْ من التجار
يخاف الله وغشه للعرب تراه أكبر أكذوبه

وفي الختام / كلها مجرد دعابه والموت والحياة بعلم الله
متعك الله بالصحة والعافية يا أبا حسام وأطال عمرك بقدر
ما عاشه الصحابي : أنس بن مالك .. وسامحونا والسلام عليكم . .
أخوكم / أبو أحمد .