رحم القطاوة

[@ بن سلمان @]

besmallah:
salam:
( 5 ) قطط
الاولى اخت الثانية
والثانية ام الثالثة
والثالثة اخت الرابعة
والرابعة ام الخامسة
والخامسة ام المشتاق
السؤال : الاولى وش تنادي الخامسة ؟
هل هي : بنت خالتها
بنت بنت خالتها
بنت بنت عمتها
لا قرابة بينهما
اخرى اذكرها

[المشتاق]

بن سلمان
طيب ما فيه حوافز للاجابات الصحيحة
يمكن الخيارالاول
ههههههههه

[ABO TURKI]

الظاهر تطلع
حرمة امها من الرضاعة
يا اخي اكره ما عليه الحاجات اللي فيها تفكير كثير
اتعب ويجيني صداع وحالة اكتئاب

[@ بن سلمان @]

يالله شدوا حيلكم
فيه واحد منكم حول الاجابة

[أبو عبدالرحمن]

انا استغرب كثرة السؤال عن هذا اللغز

حيث وصلت لي رسالة مستعجلة تتطلب الحل السريع..

مياووووووووووأم مشتاق

[النتيف]

طبعاً تناديها بميااااو والا تبيها تقول لها يا بنتي

الأولى تصير أخت جدة الخامسة والخامسة هي أم المشتاق خوي ابو تركي واللي معلمه اللغة الباكستانية عشان كذه يصدع راس أبو تركي من كثر التفكير ((لاحظ الاستنتاج))

هههههههه

مشاركه حلوه يا بن سلمان بس لاتعيدها

[بن داخل]

اللي يظهر لي يابن سلمان
ان كان ماضعف بصري انهم عدلا

[@ بن سلمان @]

النتيف
والله لو تدري
بس حظي اكبر مني ولاني كنت مشغول الذهن جاوبتها صح
بس قاعد اسأل نفسي لو كنت وقتها فاضي وش كنت ابي اجاوب به
مدري ؟

[منقاش]

يا رفيقي يا ابن سلمان ليش تبتلينا بسعالات تتعبنا بها ؟
الأولى تنادي الخامسه : يم مشتاق .
والوله تصبح جدة الخامسه لأن الخامسه بنت بنت أختها بشرط أن الثالثه والرابعه يكونون اخوات شقيقات او لأم . ولا يكونون أخوات لأب أو بالرضاعه لجل انه في هالحاله ما بين الخامسه والأولى قرابه .
وختامها وش رايك في رفيقنا اللي متلوي على المكنسه وابي لا يردها على طلابها ؟؟.

[@ بن سلمان @]

بن داخل
ما انت بعيد عن الحل
وان كنت اجزم ان منقاش يبي يلخبط اللي جايين تالي
منقاش
ترانا في جد بطل عن المزح وخلك مع ابو نشقه
والمكنسة ما انت مخليها لين اشوف ابو تركي كانسك بجاروف مع باب المنتدى

[حسن عابد]

[quote=@ بن سلمان @;54556]besmallah:
salam:
( 5 ) قطط
الاولى اخت الثانية
والثانية ام الثالثة
والثالثة اخت الرابعة
والرابعة ام الخامسة
والخامسة ام المشتاق
السؤال : الاولى وش تنادي الخامسة ؟

الاجابة

الاولى تنادي الخامسه

ريم تنادي 000مقدر اقول شي اخاف من 000

يقولون من ذل سلم الفزعة يابو نشقه

[المشتاق]

حسن
هبلت بك ريمان
حتى هنا تهذري بها

[الشيهان]

قبل اجاوب ودي اسال الحسابه

هو الطرّف دخل والا بعد احنا فالنثره

[@ بن سلمان @]

اه يا بو امجد
شكلك وصلت للحل

[حسن عابد]

اه يا بو امجد
شكلك وصلت للحل


يابن سلمان انا قايل ابو امجد خطير بس ما حد مصدقني

[حسن عابد]

[quote=المشتاق;54717]حسن
هبلت بك ريمان
حتى هنا تهذري بها

المشتاق

قدري مع النسوان واحدة تحب والثانية تهدد وانتم ياحلفائي ساكتين وابو امجد يبغى 500

وبن سلمان مسوي ابو زحرة ومسوي احكام علينا وحنا غلابى وبن عزاب يرعد ويزبد على خاله تدري بطلت ما عاد انا خاله وابو عادل مثل ابو امجد يخطط على بن داخل وابو تركي حرامي مكانس ومقاش ممتحنا بالحمار والمكنسة 000

كني زودتها حبتين واخربت موضووع الرجال يمكن لكن يبشر بالعلوم الزينة اذا عدل حكمه

[abonayf]

بن سلمان

يوم كتبت اللغز وين كنت

الضاهر ماعاد ينقعدلك في الرياض

[الحجاج بن يوسف الثقفي]

ياحبك في التعقيد يابن سلمان
مفهومه تطلع حرمت الاوله والثالثه زوجت الثانيه

[أبو عبدالرحمن]

أبو أمجد
الظاهر شباط انتهى

[@ بن سلمان @]

وين المشتاق؟
هو اللي كنه قرب
شدوا حيلكم

[H Y T H A M]

بن سلمان

يوم كتبت اللغز وين كنت

الضاهر ماعاد ينقعدلك في الرياض




أنا أعلمك يابونايف
الرجال كان في روضه الخفس مكشت خميس وجمعه

[@ بن سلمان @]

برشل
لوووووووووول
عطني جواب

[المشتاق]

اجل
تصيربنت بنت خالتها
صح

[abonayf]

عرفنا الان سر اللغز من يوم فيه خفس وطلعه

الحل يابن سلمان

البسه الاوله تقول للبسه الخامسه يادادي

[رويعي الغنم]

البسه الاوله تقول للبسيسه الخامسه = مياو مياو
وألأوله ما تقرب للخامسه لأنهم زناويه عيال شوارع وقلال أدب .
بالمناسبه : يبو تركي أذا سرقت أسرق جمل , وترفع شويه ورد المكنسه للمغثي المخرف وحماره , وتراني مستعد اعوضك وأشتري لك واحده أحسن منها حتى لو تبي مكنسه سحريه تطير بها وين ما بغيت .

[الشيهان]

الله يسامحك ياحسن عابد انا وش دخلني في مشاكلكم

بن عزاب الله ربنا وربه وانت على حده وبن داخل ماهو منكم ببعيد وبيقيت الشله منك وحول وانا مالي شغل لامن بعيد ولا من قريب

بن داخل اعطاني 500 ريال قال خلها معك نبغى نشتري بها ذبيحه لبن عزاب ووقتها بن عزاب كان عندنا في المسجد صلاة المغرب

وانا على طول رحت المطبخ اللى عند الكبري ولقطت هرفي وعلى البيت يوم جيت وسيارة بن عزاب ماهي فيه قمت قطعته وحطيته في الثلاجه وسلامتكم

ولو دفعت انت 500 كان تمام ضمنا الخير لاخر الشهر بس عاد مافيه نصيب


ابو عبد الرحمن طالما انتهى الشباط والمشابط اكيد انحل اللغز ماعاد يبغالها تفكير

[رويعي الغنم]

هالحين يبو أمجد يوم تحول منتداما منتدى مشاكل وتوترات ومزرعة فتن وش بلاك ؟؟.
أقول كب عنك اللبايش وخليك في موضوع القطط واذا جاوبته لك مني جفر أن ولدت العنز الجرباء اللي ماتت,..

[أبو علي]

ابو امجد طردتك عمتك زهور من منتدى الشعر والشعراء وتبي تخلو بحسن عابد لوحدك ليه وبعدين تجيك الثله الصالحه اللي حواليك ، ( قر ) لعقلك المرة (زهور) قالت لك والله لا ما تحترم نفسك لاخليك مثل لربعك وانا تراني احبك ما اسفط فيك المنقود

[أبو علي]

رويعي بيض الله سواد عيونك والله راعي حمية شد حيلك خلنا نسري ها الضبعاني اللي والله ما حقه الا القطلة نقطع بها ظهره

يا حسن عابد : قرب المشاعيب من منقاش ومن رويعي الغنم خلهم يجلدونه يقطعون علباته ويسرونه ..................................

[أبو علي]

ابو تركي المكنسه محري انها تقطعت الليل والنهار تكنس ردها على المغثي هذا وفكنا من شره .

[رويعي الغنم]

أبن عزاب ,, خير يا طير ؟؟.
أقول لك ولأبو تركي ولأبو أمجد بيض الله لحاكم وسود وجيهكم وعسى روسكم روسن ما تدفن ...
بعدين أبو عادل جفانا ما عاد يبدي ولا يعدي ؟؟ ,, وينك يبو عادل؟؟.

[ABO TURKI]

المكانس كلها مشتاقة لك
اهداء لمنقاش ورويعي الغنم
فاصل اعلاني /
مكنسة ابو تركي خير ما يوجد من مكنسة تقوم بجميع اعمال المنزل
بالريموت كنترول سارع بطلبها الان واذاوجدت الخطوط مشغولة اعد الاتصال
العرض ساري حتى نفاذ الكمية
هاتف رقم : 0000000000
او: 00000000001

[حسن عابد]

باقي خمسة ايام من ايام البساس يابن سلمان وبعدين الرويعي حله ليه ما تعطيه هدية

بن عزاب بيض الله وجهك لكن اشوف بن سلمان قام يشب النار وابو امجد اخذ عقال بن داخل واشترى به خروف واكله وهذ اعترافه هو ويعني ان بن داخل سوى اللي عليه والان الحق على ابو امجد

ابو امجد عليك بالهناء والعافية لكن ما ترى يالحبيب ان هذا حق لابن عزاب وعلك رده

[حسن عابد]

باقي خمسة ايام من ايام البساس يابن سلمان وبعدين الرويعي حله ليه ما تعطيه هدية

بن عزاب بيض الله وجهك لكن اشوف بن سلمان قام يشب النار وابو امجد اخذ عقال بن داخل واشترى به خروف واكله وهذ اعترافه هو ويعني ان بن داخل سوى اللي عليه والان الحق على ابو امجد

ابو امجد عليك بالهناء والعافية لكن ما ترى يالحبيب ان هذا حق لابن عزاب وعليك رده