حسن عابد
10-30-2013, 12:01 AM
هذا برستيج الليالي والايام =كلا على ليلاه غنا مواويل
احد خياله فيك ياليل واحلام=واحد طموحه فالسمر والتعاليل
واحد مسفط في طوابير الاوهام=واحد رسم واديه باحلى المحاصيل
واحد سعى بالجد في كسر الارقام=حتى وصل هوليود منتج تماثيل
وانا كما غيري من الناس عوام=اقدح زنادي قبل شب القناديل
ارى طموحاتي تسير يالاقلام=وتسوقها سوق الكرم للفناجيل
عازم على روس الطويلات قوام =ماجامل الراحة بكثر المراسيل
حزمت امري والثقة امر وحزام =تمنح كثير الناس وقفه وتمثيل
ماني على ماقيل فالوقت منظام =قناعتي للصين تبني مداهيل
ولاني على طرد المقفين لوام =لوم المقفي مايحل المحابيل
طبعا ولي غاية وسجه بالاقدام =تفوق غايات الرجال المشاكيل
ياحظ لو تقلط مع الروح خدام =جبت الثريا والجدي ونجمة سهيل
ولو معك في ساعة الجد شعام =اطلق عنان الخيل مع ضمر الخيل
واهدي ....مجد وحقوق ووسام =يبقى لهم نوماس بين الرجاجيل
احد خياله فيك ياليل واحلام=واحد طموحه فالسمر والتعاليل
واحد مسفط في طوابير الاوهام=واحد رسم واديه باحلى المحاصيل
واحد سعى بالجد في كسر الارقام=حتى وصل هوليود منتج تماثيل
وانا كما غيري من الناس عوام=اقدح زنادي قبل شب القناديل
ارى طموحاتي تسير يالاقلام=وتسوقها سوق الكرم للفناجيل
عازم على روس الطويلات قوام =ماجامل الراحة بكثر المراسيل
حزمت امري والثقة امر وحزام =تمنح كثير الناس وقفه وتمثيل
ماني على ماقيل فالوقت منظام =قناعتي للصين تبني مداهيل
ولاني على طرد المقفين لوام =لوم المقفي مايحل المحابيل
طبعا ولي غاية وسجه بالاقدام =تفوق غايات الرجال المشاكيل
ياحظ لو تقلط مع الروح خدام =جبت الثريا والجدي ونجمة سهيل
ولو معك في ساعة الجد شعام =اطلق عنان الخيل مع ضمر الخيل
واهدي ....مجد وحقوق ووسام =يبقى لهم نوماس بين الرجاجيل