كلنا ضد منقاش

[ABO TURKI]

ياجماعة الخير هذا منقاش طغى وتجبر ماهو لاقي احد
يوقف في وجهه وخصوصا من يوم اخذ المكنسة
المهم انا قررت من اليوم ان شاء الله اوقف في وجهه
واسوي حزب ضد منقاش ومن يرغب في الانضمام ما عليه سوى تسجيل اسمه
و4 صور شمسية مكشوف الرأس وملف علاقي ويكون اخضر لا هنتم واذا ماعنده
مو مشكلة المهم يسجل اسمه الصفحة موجودة على مدار الساعة وموظفينا في
انتظاركم سارعوا بالتسجيل فالمقاعد محدودة قبل ماتصير محجرادة
انتظر التسجيل والمؤيدين ابغى اشوفكم تجاوزتم الحد الائتماني

بسييييييييييييييييييييييطة يا منقااااااااااااااااااش المنحاااااااااااااااااااااااااااااش

[S N I P E R]

ممكن أعرف وش السالفه عشان أوقف معاك يابو الشباب >>> ملقوف

[الهـامـــور]

الهـامـــور أول الواقفين في صفك يابو تركي

عاد كله كوم والمكنسة كوم ... قوية والله :mad:

وبخصوص الصور والملف اجيبها بعدين

[admin]

معليش صديق المهنة ـ أبو تركي ـ

أنا أعلن انضمامي لمنقاش
شعارنا:


مقاش راعي المرجلة وغيره ماش
وعلومنا سنعة وما ننحاش

[ABO TURKI]

الهرجة يابو الشباب الرايق المروق انته ان منقاش ماعاد يشوف احد
وشايف نفسه ولا احد عاجبه وطغى وتجبر ولا بد يوقف عند حده
هذا العلم وسلامتك صورك وملف الله لا يهينك
حياك يالهامور وانت مسموح من الصور زميل مهنة
اما انت يا ابو اسم انجليزي تعال معنا احسن
لأن حزب منقاش رايح يكون منحاش واللي يجي معاه ماش
في انتظار باقي الأعضاء .........

[H Y T H A M]

أفا يابوتركي
فيه أحد يوقف ضد أستاذه وإلا نسيت مواضيع منتدى التراث
الرجل ماقصر كل يوم يشرح ويفهم فيكم وأنت ولاتحسون فيه
حتى لو اخذ المكنسه تراه سوى فينا خير من بعد الغبران اللي انت غبرتنا بها
كح كح كح

أنا مع ابونقشه
بالروح بالدم نفديك يامنقاش
ابونقشه ابونقشه هو هو هو هو هو هو

[منقاش]

أني أبو نقشه من جد ما هو كذب الخيال اللي ما ينزل من على ظهر حماره ..
عذروني يا ثماله كنت مغيب ومن الله قريب ورى وراعينكم البلهان اللي جايين لكم أدرس فيهم على الدياس عساهم بالنتيف ..
وتروني ما دريت عن تقولات أبو تركي ألا هالليله .
لكن خذوا تاريخ هذا الرجال اللي أبتلاني وسرق مكنسة حماري وابى لا يردها الا بعد فجعه رويعي وتهدده يعيد قصة طيارة عورش..
أبو تركي هذا اللي اليوم مشرف ويهرج مع جنبه وسيفين ما تقطع راسه كان ورع أكبر مني بحوالي عشرين سنه (يعني اليوم شيبه معنس لا أحد يجوزه ومنقاش صغيرون) , وكان يلعب معنا في السياح , ومدوخ أهله بالعياط والشباط ولا شغله ألا يعترط من مشريه في جلده ومن ما يعترط أصبح جلده زي جلد الضب (انتبه لا يصيدك ابن سلمان ويشتويك)والسبب أنه مربي ديك تركي ولا يرقد الا وهو معه تحت البطانيه ,, ويش النتيجه ؟؟. النتيجه ملاه بالكرش حتى أستكرش الله يا منا .
عاد من يومها سميناه أبو تركي أبو شباط وعراط من كرش الديك
والمكنسه سرقها يبغي يكنس بها الكرش لكن أستردها منقاش اللي ما يضيع حق حماره...

[>>>>المشيلحي<<<<]

افا يابو تركي نحن معك ومؤيدين لقضيتك ولنا النصر على منقاش واعوانة

[ABO TURKI]

والله ونعم بك يالمشيلحي
وهذا المنقاش المنحاش طلع ماش وعنده في العظام هشاش
ولو مايرد المكنسة اخذنا رجليه بالمحاش
واوريك يا منقاش انا معي مشريه هاه
نهاااااااايتك قرييييييييييبه

[>>>>المشيلحي<<<<]

منت داري ليش اخذ المكنسة
علشان يربطها في الحمار ويغبر على العالم
حسبنا الله ونعم الوكيل

[ABO TURKI]

يامشيلحي شوف قوة العين في منقاش يبغى يضيع الهرجة عشان مانطالبه بالمكنسة
والرجال مدعي عليك انك سرقتها
لا تسكت خلينا نسوي مظاهرات وهذا الطاغي سيأتي له يوم

[>>>>المشيلحي<<<<]

المظاهرة جاهزة واللوحات مكتوووبة
وباذن الله نهاية منقاش عن قريب
نصرنا الله يا ابو تركي

[@ بن سلمان @]

منقاش منقاش السهم القيادي
وغيره خشاش

[أبو علي]

وانا ابشارك في المظاهرة تكفون يا ربعي خلونا نفتك منه اذانا اللهم نصرك .

عليكم بالعدة والعتاد خلونا نطرح الرجال .....................

[حسن عابد]

بن عزاب وابو تركي والمشيلحي شدوا حيلكم وان بغيتم ابو نشقه تروه يراقب من بعيد

المكنسة المكسرة يامنقاش عهدة للاستراحة رجعها احسن لك واني لك من الناصحين

[أبوخالد]

يابوتركي الصلح زين وخلنا نقعد الرجال للمذهب
ونشوف علومه
وبعدين يالك ياعليك

[منقاش]

يبو خالد أنت معزبنا ونرضاك في أكبر من كذه , وتكفى ألحق رفاقتك قبل تنشقر عصاهم ويصل الدم للركب .
العثر أبو تركي والمشيلحي سرقوا مكنسه الضعيف حماري ,, واليوم هانت مصيبة المكنسه مع مصيبة البردعه اللي سروا بها في ليل أظلم .

[المشتاق]

افا يا منقاش
انت تدعي بالبردعة
تدري ان البينة عليك وان ما اثبتها وش ينجيك من ابو نايف لو علقوا عليه عاني

[ابو عادل]

أنتم ياقلال الخاتمة تبون تهوشون على منقاش ليه ماوراه رجال؟
نسيتم ان الوحيد اللي يمتلك حمار منكم هو منقاش؟
طيب لوبكرة واحد منكم عنده دياس مافكر انه يمكن يحتاج حمار منقاش؟

الزبدة:
أنا ضد اللي يتعدى على منقاش وحماره ومكنسته وبردعته واللي يرشه بالماء أرشه بالدم أنتم عارفين ان منقاش وحماره كنز أثري متحرك يمثل التراث والحضارات البائدة
يعني هذا ثروة والحمار وملاحقه ثروة أخرى يجب ألا تفرطون فيها وياماعبي لكم.
علم جاكم ويتعداكم ولايهمك يامنقاش ولايقدرون يطولون شعرة من حمارك

[المشتاق]

ابو تركي انت والمشيلحي
ما راح يدب لكم هالمنقاش غير ابو نايف
علقوا عليه عاني في البردعة اللي اتهمكم بها
انا ادري ان بن عزاب ابو وجهين يبدي لكم بوجه وهو اللي يعبى في البدوي عليكم

[@ بن سلمان @]

العلم تطور يامشتاق
ولو بغينا استخدام التقنية في اثيات التهمة على المشيلحي وابو تركي وريناكم كيف
لكن الراي الاول والاخير لمنقاش لو بغى يبشر

[منقاش]

واصباحك يا منقاش اليوم صباحاه
الرخوم زاد سرقوا الرشمه والتبع
واللي سرق الرشمه ابن عزاب حسب ما وصفه لي الحمار , أما التبع فهو معروف سارقه ورايح أفضحه كما فضحت ابو تركي والمشيلحي يوم سرقوا المكنسه والبردعه .
الزبده : ما عاد فيه أمن ولا أمان وكل شي سرق ولا بقي ألا أعز شي عندي وهو حماري اللي ما أفضله على أحد فيكم (يعني أنتم وياه في درجه واحده) ,, ومن خوفي من الحنشل الشورديه الحراميه سرت أربطه معي في الغرفه وأحيان يفزعني وانا في لذيذ المنام بنهيقه .
رفيقي أبو عادل : أثلجت صدري بحميتك فيه ووقفتك مع الحق ضد الباطل واهله مثل ابو تركي والمشيلحي وابن عزاب ,,, وصدقت الحمار وتوابعه من تراث القبيله والمفروض كلنا نحشم فيه وفيها ,, ولعلمك حتى أدارة ألأثار حماري مسجل عندها من التراث ..
رفيقي ابن سلمان : مواقفك تبيض الوجه , وخلك من أهل الخنبقه والمخنبقين أمثال مشتاق وحسن عابد وبقية الطقم ...
والختام :التبع ما هو بعيد واجد عن أبن داخل , لكن خلوني أتأكد واتثبت أول حتى لا نظلم الرجال والا غيره (تعرفوني حقاني) , أما الثلاثه اللي عرفتوهم فهم حراميه بنمره واستماره ....

[ABO TURKI]

ماشاء الله زادوا المؤيدين وقرب يومك
واتهاماتك هذي اللي ترميها يمين ويسار نبى نعلق عاني عند ابو نايف
ونطلبك للحق ونتفاتش العلوم وانا رجال موكل ولد عمي بن عزاب
في العلوم كلها ومازال باب التسجيل مفتوح للمزيد من المؤيدين
واما انت يا ابو عادل ارجع للطريق الصحيح واترك منقاش لا تروح في الطوشة
وقريبا ان شاء الله ستقع في شر أعمالك يا منقاش انت وزمرتك

[بن عواض]

لا تخاف يا أستاذ / منقاش ودائما النجاح له ضريبة واصل وبدون فاصل معاك رجالة تاكل الزلط وسيبك من الطلبه العصاه مسيرهم اسود بعد الرسوب تلاقيهم يدفون عربيات في الحلقة .

[ABO TURKI]

ان لم تستسلم يا منقاش سنهدر دمك

[>>>>المشيلحي<<<<]

سنقيم على منقاش الحد باذن الله
نصرنا الله يا ابا تركي وابن عزاب
ابن عزاب اشكر وقفتك الرجولية نصرك الله

[abonayf]

ابو تركي
انت وزمرتك العصاه رافضي التعليم ومحاربي التقدم
هذا جزا منقاش بان ضحى بالوقت الثمين المخصص لحماره ووهبه لكم لتتعلمو بعض من علوم العرب جزاه تسرقونه وتتهمونه بما هو بريئ منه .

اعقل انت وزمرتك وروحو نضفو الفصل بكره ولا بعده عندكم درس من فقيد عصره واوانه الاستاذ الجهبذ منقاش .

[ABO TURKI]

ابو نايف الظاهر انك تبى تلحق منقاش
ارجع لرشدك ووخر عن منقاش ترى ما ينفعك
منقاش قرب يومه والمشيلحي يرصد حركاته في كل مكان وعندي علومه اول باول
وقريبا سوف ترى منقاش وحماره عبر الاقمار الاصطناعية ولكن في الوقت الحاضر
لأسباب أمنية لن تنزل الصور
وترى دم منقاش مهدور من اليوم واللي يجيب راس منقاش او حماره يبشر باللي يطلبه
سلم نفسك يا منقاش احسلك من انك تنحاش

[أبوخالد]

ابوتركي روح وقلبك قدك ابوخالد في صفك

[ABO TURKI]

كفو يا ابو خالد يازميلي
لا والله رحت وطي يا منقاش
الحق عمرك وعود للدرب احسن

[@ بن سلمان @]

في غيبتي
ما سك خطوتطاولون على عمكم منقاش
شوري عليك يا عم منقاش اللي خطي منهم في الدياس لا يفوت من الذروة

[ABO TURKI]

يا بن سلمان تعوذ من ابليس وارجع لجادة الصواب انت وابو نايف
ترى بكرة النهار كاني ماني انا ليس مسعوول
قد اعذر من انذر

[ABO TURKI]

منقاااااااااااااااااااش استسلم
http://www.asmilies.com/smiliespic/evil/029.gif (http://www.asmilies.com)http://www.asmilies.com/smiliespic/evil/029.gif (http://www.asmilies.com)
http://www.asmilies.com/smiliespic/evil/059.gif (http://www.asmilies.com)http://www.asmilies.com/smiliespic/evil/059.gif (http://www.asmilies.com)
نهايتك يا منقاش زي كذه
http://www.asmilies.com/smiliespic/evil/123.gif (http://www.asmilies.com)http://www.asmilies.com/smiliespic/evil/123.gif (http://www.asmilies.com)
نياهاهاهاهاهاهاهاهاهاها

[abonayf]

اقول تعوذو من ابليس

اخطيتم ومنقاش رجال مايشيل في قلبه وسمعت انه اذا رديتم ماسرقتم من حماره بيكلم لكم الحمار يسامحكم شرط ترضون حماره

[@ بن سلمان @]

اشوف يا بو تركي انت والمشيلحي ما راح يجيبكم الا الشون
ثم توخذون وتربطون من اياديكم للجرين ثم تحوقون كل القصيل وتزبرونه لين ينظر في امركم

[المشتاق]

والله لان عاش راسي يا منقاش ما تاخذ لا حق ولا باطل
ولن جات الامور للبايش تراني ماني قليل شر
وترا ابو تركي ما هو لحاله استسلم وتعوذ من بن سلمان واخوه ابو نايف

[ABO TURKI]

والله والنعم يا مشتاق
كثروا المؤيدين
منقاش ماعاد عندك الا الاستسلام
نياهاهاهاهاهاهاهاهاهاها

[أبوخالد]

يامنقاش لا تنحاش
طبطب راسك للمشتاق

[رويعي الغنم]

يا ناس بيضه ما تداقش حجر
صحيح أنكم مجموعه من البيوض لكن خصمكم منقاش صخره
ثم أنصحكم واقول روحوا بعيد عن منقاش لا ينومكم مغناطيسيا كما نوم أخوكم بوش ,, واللي ما دري منكم يروح يقرأ الموضوع في المنتدى العام

[>>>>المشيلحي<<<<]

(منقاش المعلب حالياً)
طعام جديد للقطط والكلاب
ومنه راح يصير

طعام جحوش

[النتيف]

لا والله يا منقاش أشوف الرجال قطبوك وأخذوا حمارك وانت تتفرج

وصادوا صاحبك رويعي في الدرب وأخذوا غنمه

والحادثه هذي موثقه بالصور واللي ما يدري يراجع الموضوع في هذا المنتدى

والله يستر الظاهر الدور الجاي على بن سلمان وأبو نايف

[بن وافي]

حنا معك يابو تركي
ضد كل من طغى وتجبر
لين نشوفه شايل عصا المكنسة ومنحاش

[ABO TURKI]

ستعود المكنسة بإذن الله
وستكون هناك محاكمة عادلة لمنقاش ومعاونيه
وكل سيأخذ جزاءه ويعود الحق لأصحابه
ونتحرر من منقاش وزمرته
والقوات ستتدخل عسكريا في اليومين القادمين ان لم يسلم منقاش

[>>>>المشيلحي<<<<]

تم اليوم القبض على احد معاوني منقاش المنحاش يتنصت ويجس الاخبار في المنتدى
وسيتم تسليمه الى المباحث في المنتدى

نهايتك على وشك يا منقاش انت وحمارك ورويعي الغنم اللي ما معه اقامة

[منقاش]

عساكم بالنتيف يا بعداء اللي يتنتفكم كلكم واحد واحد ومعه الزغيره والعتريس , من المشيلحي الى ابن عزاب وابن داخل وابو عادل وابو تركي وابن وافي وحسن عابد وخلف عبد العزيز وابن عواض وبوش وكونداليزه رز وبرويز ولد مشرف وهتلر ولد حياة حمامه..
هالحين يا طرنثث ياللي ما قدرتوا تستردون لي المكنسه اللي سرقها أبو تركي , والتبع وقبله البردعه اللي سرقها المشيلحي, والرشمه اللي سرقها ابن عزاب, والدنادش اللي سرقها ابن وافي وجايين بعضكم يبي يسرق حصن القبيله وبعضكم يبي تمشية حال ويشهد بالباطل ..
الحصن في صك رويعي الغنم ومعه جبل أبو هشيم والسويداء وكنفعر وعوارش , شهادة حق ما هي ورعنه من حقتكم ....

[أبوخالد]

والله وجا يومك يامنقوش

[abonayf]

شكلنا بنخربها معك يامنقاش

ابعد عن الحصن وخلنا احباب الحصن مااحد بياخذه هذا علم ولا ترو بنحوسها حوس

[ابو عادل]

يامنقاش
كنافي صفك ومن يوم شفناك تدعي علينا الا تهبا وعساك بالمتينة والهندري والدقاق
وأعلنها من اليوم اني ضدك ومتضامن مع شلة الأنس اللي ينحطون على اليمنى ماهوانت اللي ماتعرف الا الرشمة والتبع والبردعة فكة الله منك .
وأنت ورويعي الغنم واحد يدعي والثاني يشهد (أبو الحصين وذنبه) أقعدوا قعدود وعقارب سود.
لكن هين الحصن حصني وموقفه جدي غياظ الله يرحمه ومستمسكات رويعي الغنم يبلها ويشرب مويتها.

[ABO TURKI]

ياسلام لا والله الا رحت طراطيع يا منقاش انت ورويعي القمل
جانا ابو عادل وبيلحقه ابو نايف وبتقعد لوحدك
ماعاد احد يقرب منك زي اللي معه مشريه تذكرها والا ناسي
نيهاهاهاهاهاهاهاهاهاهاهاهاها

[أبوخالد]

الا يستاهل هو وشلته التعبانه
حوقهم يابوتركي بالمكنسه