إلحق حمارك يامنقاش وانت يارويعي غنمك تراها راحت

[النتيف]

الحقوني يالربع مضى عليه سالفه اليوم احترت فيها
وهي إن حمار منقاش وغنم رويعي اليوم أنا شايفها محمله على دينه والسواق الظاهر إنه ماهو غريب كني مشبه عليه

وأنااللي احترت وش الهرجه معقوله منقاش يكب حماره ورويعي يبيع غنمه زياده أكيد الموضوع فيه إنا
بس أنا اللي أعرفه إن رويعي يمكن يبيع غنمه بس إنه مستحيل منقاش يستغني عن حماره .

المهم إني لحقت الدينه أبغى أعرف منهو راعيها ويوم إني طالعت في الرجال إلا وهو متلطم ما يبدي منه إلا عيونه وكني عرفت العيون هذي ماهي غريبه عليه

عاد أنا صورت الحمار والغنم وهي محمله في الدينه وأبغى منقاش ورويعي الغنم يعلمونا وش اللي صار هم بايعينها ولا هاجين لديرة ثانية ولا هي مسرووووقه
والله يسترنا إن كانت مسروقه عز الله ليتجنن منقاش على حماره من بعد المكنسة والبردعه ولا منقاش يبي يتلقى الصعادين خلقت المهبول يدور غنمه

وهذي هي الصور

http://www.thomala.com/up/images/nOm65640.jpg


http://www.thomala.com/up/images/cN266840.jpg

[>>>>المشيلحي<<<<]

يبغون يهجون خايفين منا
قالو فيها مووووووووووت
وتعليب

[abonayf]

ياخوفي يكون مسروقه لكن ان كانت مسروقه فغرماه معروفيين

[>>>>المشيلحي<<<<]

الربع شادين يابو نايف الله يعافيك

[منقاش]

يا الله صباح خير , هو أنتم ما تمرحون وتتركون عباد الله ؟ وهو ما وراكم دوام ؟.
أشكرك يا ولدي يا نتيف واطمنك أن حماري معي في الغرفه بضرمته في أمن وأمان وأبعد على المشيلحي من نجوم السما .
لكني عاتب عليك كيف ما تعرف حمار خالك منقاش اللي كبير في سنه ولونه أسود والحمار اللي في اللوري شباب ولونه أبيض .
وتطمنوا على غنم رويعي اللي نصها معزى وتلحف الجبال من كثرها ولا يشيلها 100 لوري ,, المهم تطمنوا ترونها في البروح وسلامة الروح ...
واظن اللوري بحماره وغنمه لحسن عابد وخلف عبدالعزيز ....

[abonayf]

حقاني يامنقاش ماتجي منك الخطيه ابد

يوم ان الغنم ماهي بلك ماحبيت تضلم احد لله درك من رجل كريم يابى على نفسه الضيم ولا يرضاه على غيره

[النتيف]

يا منقاش تأكد من حمارك تراني ماني غشيم عنه وان كان على معزا رويعي تراها بأول اللوري وانا عارفها زين وهذا ماهو كلامي أنا وبس اللي شافوا الصور عرفوا حمارك .
وانا خابر اني يوم عديت من جنب اللوري لمحت شي مدسوس عند إدين الحمار الظاهر إنها بردعه حمارك اللي مسروقه

[ABO TURKI]

وين رايح يا منقاش انت وزمرتك
وراك وراك ومسوي تمويه على الحمار يعني انه مو حمارك
جايبينك جايبينك الله لا يعوق بشر وستلقى الجزاء الرادع في محاكمة عادلة
انت ومعاونيك حتى تكون عبرة لمن لا يعتبر
نياهاهاهاهاهاهاهاهاهاهاهاهاهاهاهاهاها

[أبوخالد]

لا اله الا الله كل هذا خوف يامنقاش
هذا وانت باقي ماشفت شيء
عارفين وين رايح من غير ماتنكر