منقاش حلال ألعقد / الحلقه ألأولى

[منقاش]

هاك أليوم عصير وأنا قاعد في فية الحده أعترط من مشريه متلقيتني , واحيان أهنهن بغنايا وأتقهوى من خمرة جنبي , وأتذكر أيام شبابي , وافكر كيف أحفر كم حفره واوقع فيها بعض الناس اللي هم على بالي وعارفين أنفسهم بدون أجي على ذكرهم ,,, ألا وهاك الورع اللي جاء يسعى يمي ويبرشت من بعيد بكلام ما عرفته ,,, بعد وصل عندي قال قوم يا عم منقاش ,,, عمرو موسى ومعه ناس جالسين هناك في فية الوغيفه اللي في ناقع الركيب , ويقولون قل لمنقاش : تبي تجي الى عندنا والا نجيك ؟؟ طبعا جوابها معروف ,, ما أبغيهم يجوني يكلفون عليه ويخسروني وانا ما أمديني أسوي كرم وانا كنت أطرد الكلب واربض مكانه ...
مالكم في الطوال والسواعده , قمت من مكاني وتعممت بعمامتي وتغرزت واحتزمت بقياد حماري وحطيت نعالي في رجلي وبتلت على أولي ألى عند الجماعه , ألا وهم عمر و ولد حياة موسى الله يرحمه والسنيوره ومعه مرته المغروره , وكنتليزه رز حقت أمريكه, وعلي ولد حياة عبدالله ولد صالح الله يرحمهم عن اليمن , وابن ابي محمد عن ثماله , وبرويز مقرف , ومحمود ولد حياة عباس حق السلطه الفلسطينيه , والمقطف , ورويعي الغنم , وابن لادن حق آل ساعد,,, سلمت عليهم بالوجيه كلهم ألا كنتليزه رز صافحتها بروس أصابعي خايف أني أستاثم واطب طبه ما ترقع , وبرضه كني مستحي من صاحبها ابن داخل ...
يوم شفت معهم كنتليزه رز قلت لهم : ما هذا مكان علوم يا ربعي ومعكم هالمره ألأجنبيه اللي مكان العلوم معها في البيت ,, أعتذروا يقولون أنهم عجالى ,, رديت عليهم وقلت : أنتم معذركم يالباقين بس أنتي يا كنتليزه رز أجنبيه ولك واجب لا بد تعودين عليه تاكلين واجبك في البيت , وتقدرين تجيبين معك نسوان قد ما تقدرين , ردت وأعتذرت ,, قلت في نفسي , في مية داهيه , ما عليك حسافه ..
بغى رويعي الغنم يبربس ويهرج ورد عليه عمرو ولد موسى وقال له : خلك يا رويعي في مكانك حشيم ومبرطم وانطم ,, أنت مكبور ولا أنت مجبورعلى الثرثره ..ثم ألتفت يمي وقال : نحنا ناصينك وناخينك يا شيخ منقاش , وارسلنا عليك من ورانا من العربان , وهم جامعة الدول العربيه وهيئة ألأمم , وترانا داخلين عليك يا رفيقي أنك تحل مشكلتنا مع اليهود اللي من يوم نحنا ورعان الى اليوم نحنا شيبان ما أنحلت , وكل ما بغينا نفك عقده منها زادت تشربكت علينا , وهالحين تلوت على رجلينا وعلى كراعين أصحابنا المريكان والانقليز والطليان وبقية خوياهم البقر والحمير..
قلت ما فيه مانع ,, بس تحطوني في وجيهكم وتحفلوني وتكفلوني يا من حضر باسمكم واسم من وراكم من رجال ونسوان أن اللي أسويه من صلح ما أحد منكم يحور والا يدور عنه والا يطلع وينزل فيه,,, رد عمرو موسى وقال : تم وانا أبو عمريه ,, ما جيناك ونصيناك يا منقاش ونبي نخرص في جابه تسويها تطفي بها بيننا وبين عيال عمنا اليهود فتنه دخانها ما عمره خمد ..
قلت هي أنتم أخمدوا ,,, وانا تعرفوني ما مثلي في الرجال,, أن بغيت أولعها أقدر أشعلها وان بغيت أطفيها أقدرأنهيها ...
وحتى ما نطول عليكم , الحلقه الجايه تبي تشوفون الشيخ منقاش وهو يحاول يقلب الحصى ويبني جدار السلام ويهدم الجدار العازل ويصلح بين عيال العم , العرب واليهود ,, وسلامتكم ....

[@ بن سلمان @]

الله من سعة صدرك عليهم يا منقاش
اشوى اني ما ني معك والا كان ادرعت بهم الوادي واولهم عمروموسى ورويعي الغنم
ما ضيعنا الا هم وجامعتهم هذه اللي لو صكوها وفتحو بدالها كلية حربية كان يمكن الحين حالنا يالعرب اقوى واسلم , وكان لقيت اليهود هم اللي نا صينك يبون الفكة منا .

[ابو عادل]

تراهم ماجوك الا يوم شافوا الخمرة جنبك وانت وراك تختص المرة بالعزيمة وتهمل مفتلين الشوارب ؟ لا وتقلها جيبي معك نسوان زيادة
والله يامنقاش علومك الأصلية تغيرت واشوف فيك شواري ماتعجب ......تكفى تراك شيخ ومحسوب على جماعتك لاتلخبط بعد المشرية والعرطة والظاهر ان المكان اللي جلست فيه
نابت فيه حريق بعد الأمطار. وبعدين ارم الحزام اللي محتزم به لاتفضحنا مع الضيوف ــ اللهم ولّ علينا خيارناــ.

[أبو عبدالرحمن]

منقاش حلال العقد ـ أشوفها كبيرة شويه ـ

لكن ممكن تجيء منك ...

وتحصل على جائزة نوبل للسلام

[بنك المعلومات]

منقاش اجل العلم لك خير
هذاك اليوم اللي تذكره كنت مواعد بن داخل ابشري منه عسل وقال لي الوعد عند النحل في قرية الضباعين , المهم قبل يحمى النهار والياني في البطحاء تحت الحجبة حقت بيت ال داخل والقى لي سيارة ما هي غريبة ويوم اني قربت منها الا وهي سياره جميل بن حامد الهميش , وانا ازهم يا بن داخل ويطلع لي البنقالي من الخيمة , وين عمك قال هو يقول يروح مشوار ويجي بعدين , قلت ما حط عندك لي شي , قال الا فيه هذا القدر , اخذته وركبت سيارتي , قلت انا ورا ما امر بن عزاب اتقهوى عنده واخبره يبيع زهاب للنيامس واحيانا ينلقي عنده شوازن وانا اخذ نفسي الا وانا عند بيته وازهم ويطلع لي الورع حقه , ياعلي وين ابوك , قال ابوي لقى من هنا هو وبن داخل ومعهم رجال ثالث , طيب وش تبغي منهم , قلت ما تكب لقافة ابوك , قلت تقول لقوا من وين , قال من هنا , والياه الدرب اللي هذاك اليوم يوصفه لنا ابو عبدالرحمن مع رويعي الغنم اللي هو

http://www.thomala.net/swer/s/ss11.jpg 700)this.style.width = 700;" border=0>
وانا على اولي الين جيت اخر حد تصله السيارات وانا اوقف سيارتي واليا شي صوالين وجييوب نكرة في ثماله كلها , قلت ابقعد الين يجون ما لهم درب غير هذه , وقبل تميل الفية وهم يجوني محدرين والياهم هم العرب اللي توصفهم ومعهم بن عزاب وبن داخل وجميل الهميش , ما ادري وين وصلو ولا وش يبون , سألت بن داخل قال كنا نقص لنا في نحل , وبن عزاب يتخملا ومير يجفل بوجه كل ما لديت يمه , وبعدها قال بن عزاب عدينا للقهوة , وضوينا معه انا وبن داخل والهميش , والا رويعي الغنم وخوياه ما ادري وين دربهم , الا اني سمعت بن عزاب يقول لرويعي ان الرجال ما يروح دايم في فية الحده كل عصرية , ولا ادري عن من يتكلمون الا يوم سمعت هرجتك عرفت انهم يقصدونك .

[منقاش]

أبن عمي ابن سلمان : لا بد اللي يبي يصلح بين الناس يوسع صدره ,, المهم , أن كان ودك تخاويني في رحلة الصلح تراك مرحب بك ...
ابن عمي أبو عادل : دايم تحط لنا في الرز بصل يبو عادل وتقلب المعاني على قد نيتك.
هالحين الخمره وش دخلها وجابها من البيت والحقنيها تحت الوغيفه عند الناس ؟؟ , يا ناس لا يغرر بكم أبو عادل, ترون الخمره كفتيره يصخمها الصخام من شبوب النار حتى تسير سوداء وتكتسي منه ومن الماء من داخل حتى يسير سمكها قفله , ونحطها لتحمية ماء المقهاه واحيان نسوي فيها البن .
وبعدين الحرمه عزمتها لأنها أجنبيه جايه من سد البحور ولها واجب وابغي ألينها يسير تساعدنا في حل المشكله ..
والحزام ما هو شغلك ؟؟. أحتزم بقياد حمار والا عقال جمل , هذا على وسطي ماهو على وسطك ,, وان كان عندك نصايح أنصح بها نفسك وخذ بثار فراس وبعدين تعال ممكن نقبل منك راي ...
أبن عمي أبو عبدالرحمن : الكباير معروفه الله يعصمنا منها والباقيه بسيطه ...
أبن عمي بنك المعلومات : راح الكنز عند سويد الوجه قليل الخاتمه رويعي الغنم , وقعد ابن داخل ورى الذبان وابن عزاب ورى الضان .. لا خير فيهم ولا في رويعي , ما أنطس من هذا ألا ذاك ...

[بن عواض]

كفو والله يامنقاش حلها حلت عليك العافية والمرة الي معهم وش لابسه لا يكون متعرية تري يغمي علي بلادن ويروح فيها .

[أبوخالد]

صح يامنقوش
ماهو منك من الخمره والله اللي جنبك
خلتك تشوف المعزى اوادم
اكفوشششششششششششششششش

[مشاكس]

يامنقاش
لو علمتني كان انفكيت عليهم من
الفرعة ودستهم ومعهم حمارك الله لايعيدهم

[بن داخل]

يالله حيه وحي علومه منقاش
لو ماهم خابرينك راعي فزعة
ووزعة ماتنادوك وانا خابرك
على قيس العلوم اللي جاتني مع كندليزا
انك انت اللي تدخلت بين انور السادات
وحسين حق الاردن وسويت علومهم مع اسرائيل
وانا مابغيت بنك المعلومات يبدي بعض العلوم عني
بس مادام انه جاكم بطرف العلوم حتى لاتروحون بعيد
الوادي اللي لقيناه نزلت عام الاول فهاك الشعب بالنحل
ةبهذلتني عليه الدبورة وعودت كلمت كنداليزا وقلت لها شي
ارهابيين ماخلو لنا ولا نحل قالت نمر يمك لا جينا لمنقاش
ويوم مرت ولاها جايبه ولد موسى قالت بلكي انه من دمكم
ولحمكم يصلح بين دبورتكم ونحلكم وان ماقدر جبنا حاملت الطايرات
لا غلقنا شغلنا اللي جايين من شانه ونصك دخال النحل بكم كنبلة كيميائية
ونريحكم من مجاور الاشرار المهم شافت دخال الدبورة من بعيد وقالت كلمة فجعتني
ووقف شعر راسي قالت كني اتفرج فتورا بورا قلت بس ماتحت الله قوي اظن طايراتكم
تصلها قالت بس منقاش سمى لنا واحد من السواعده اسمه مسبب لنا عقدة نفسية والمكان
اللي يجي فيه ماننتصر فيه قلت الرجال اللي قاله اجودي رايح حاله وحال نفسه
يوم جات ماشية قالت نتشاور ونرد منك اعطنا ثلاث وانا مانشدتها ثلاث ليالي والا سنين
بعدين ان جاني جابه رديتها لكم
وسلامتكم ياوجيه الخير

[الشيهان]

يامنقاش كل الناس هروجك ماهي عاجبتهم ومشككين فالمسأله من اولها لاخرها

اما انا مصدقك وباصم لك بالعشره حقت رجليني قبل ايديني

اهم حاجه انك شرحة لنا مشكلة الخمره وابو عادل الله يهديه نيته ماش

بس عاد فيه هرجه ما بينتها لنا
انت تقول انك مصطتهم بالوجيه كلهم واخذتهم بوس الا الفرخه كوندليزا رز معك كل الحق
افهم من كلامك ان المغروره حرم السنيوره لقطها ببوسه

تكفى علمنا خلنا نحضر معك ان كان فيه جلسه قادمه وخلهم يجيبون وفد من حزب الله مره وحده وان كان فيه من طهران ترى الرافضه ماهم مباعدين الخيره وادني ماهداهم للخير

[ABO TURKI]

ماهو منك من الخمرة اللي جنبك
يا ابو مشرية

[abonayf]

اقول كفو يامنقاش

شد حيلك بس ابو امجد سال عن حرم السنيوره ويقول وراك ماعزمتها مع كندليزه

[منقاش]

أبو خالد وابو تركي : مع أنكم شيبان أكبر مني يعني ما عمركم شفتم الخمره اللي يطبخون فيها المويه , يعني الكفتيره السوداء الكبيره اللي ضايعه غطوتها .. هاه فهمتوا ؟؟.
يبن داخل : الله يكفي ثماله شرك أنت وبربستك مع هالكندليزا رز ,, أنت يا قليل ألخاتمه ليش توريها حلالنا وديارنا وتخملى أنت وياها في الخليان,, أن ما أبلغ ألكور المريكاني حقها وأخليه يصفي حسابه معك ويوريك النجوم قايله..
ابن عواض : أنت يمكن آخذك خوي أذا حسنت من سلوكك معي ..
أبو أمجد : أذا أنت مصدقني الباقين حطهم في الخرج ,, أما ألمغروره فأنا سلمت عليها أحسبها رجال أول مره ,, المعثوره مقصره شعرها ولا نبهني ألا الورع اللي جابني ,, قال لي ونحنا قعود معهم , يا عم منقاش ترى براطمك مليانه بويه حمراء ,, قلت من وين جاتني يا ورع ,, قال : يا عمي من مدام السنيوره اللي هناك بين رويعي وبلادن .
كنت أعود أمسح براطمي واتلثم من الفضيحه ..
أبو نايف : تكفى يبو نايف لا يشككونك فيه أبو عادل وابو أمجد ,, تراني ما أمشي ألا دغري ...

[@ بن سلمان @]

منقاش هذه وزعتي معك ان لزمك شي والا شي
http://www.arabstop.com/ta7meel/up/1146169861.jpg

[ابو عادل]

يامنقاش الله يصلح نيتك ياهاالشايب أنا ماقلبت العلوم بس فهمت كذه وهذا من نص كلامك الله يهدينا واياك لكن علمني يوم جلستو تحت الوغيفة كنتم جالسين خليطي والا العوائل تحت وغيفة العوائل والرجال تحت وغيفة الرجال.
وتكفى يامنقاش صحيح انك شايب مدقدق بس أوصيك في الحشمة ولاتكون عينك طويلة زي لسانك.

[abonayf]

رويعي ودي اصدق بس تقول الورع يقول براطمك حمراء انت وين سلمت الله ياخذ ابليسك ياذا الشايب

[منقاش]

أبن سلمان : وزعة رجال ومبدى ينومس وبيض الله وجهك ..
أبو عادل : تدمدم لا تفتضح , ترى الناس شاكين فيك بعقل,,, وبعدين اللي يسمعك يقول ما عمره شاف نسوان ,,, وانت وابن داخل وابن عزاب وابو أمجد وما فيه فرامل وخلف عبد العزيز وابو خالد وابو تركي والمشيلحي أكبر نسونجيه في بلاد الحرمين.
أما سعالك , كنا خليطي والا لا؟ , ألجواب : أول ما جيت لقيتهم خليطي , قلت لهم ما يصح يخوان في سبول القبايل ألأختلاط , هاثم رديت الرجال في شق من الوغيفه والنسوان معي في الشق الثاني .. ثم قلت لهم يا آنساتي , وراكم ما تطلعون يا نسواناتي الوغيفاتي تحمطون وتسيرون قفانا منها تطالعونا من فوق ومنها تحمطون ,, وباقي القصه بعد طلعوا معروفه ...
أبو نايف : وراك تحسبني رويعي الرمه ,, أنت نسيت أن اللي يهرج معك منقاش ؟؟ وبعدين يا رفيقي أظن الحمار من نيمه أكلت منها نيم والظاهر بعضه بقي على شدوقي وشنافري ,, وان كان الحمار ما هو من النيمه فهو من الحماره ...

[النتيف]

وانعم بك والله يا أستاذ منقاش مالها إلا انت تحل هالمشكله
ومثل ما أنشبتها هاك الأيام بيننا واليهود حلها الحين
انت اللي عقدتها وانت اللي تحلها

وتراني سمعت انه العراقيين ومن وراهم السودان يرقبون حلك ويحترونك تفضالهم
ودهم يشورونك في مشاكلهم عساك تعلمهم بحلها بعدما داخت روسهم وتحيروا في أمورهم

[الشهير]

يامنقاش وراك يوم انته عندهم مافكيت حمارك عليهم وخليت كوندليزه رز
تعطي الوديان من الفجعه عشان تحسبلك ألف حساب0000000هههههه0

[منقاش]

النتيف : نعم حالك وزان , واما التدخلات بين القبايل العربيه فنا ما أحبها ,, بس هاذي جات الى عند خشمي وتعرفون ودي أميل الميل على عيال عم العرب الصهاينه ..
الشهير : ما يخوفها الحمار وهو شعار حزبها ,, وما ودي أخوفها عساها تزيد تعود علينا وبرضه مستحي من صاحبها ابن داخل ...

ألا على فكره , نسيت لا أقول لكم أني سألت ولد حياة موسى حق جامعة العرب وقلت له : يا عمرو وراك ما جبت مدامك معك تستادم عليها في الدرب ونتشرف بمعرفتها والقيام بالواجب.
كان يعتزي وعيونه طايره من راسه , ويقوم واقف بعد كان جالس ويقول : أنا أبو عمريه أبوها من جد ما هو كذب ,,, من متى يا منقاش أحد يقدر يجيب آنسته والا مدامه لها الديره وعندكم ابن عزاب وابو أمجد وخلف عبدالعزيز اللي عيونهم طايره من فوق روسهم ؟؟؟ , عودت أهديه واسمي عليه أربه يكثم وتكبه النفاضه ,, باين أنه مقروص من شي ما هو زين من رمهان ثماله...

[راعي السواني]

تراك مصختها يا منقاش
ومصاختك ردت ألأخوان لا يردون عليك
وهذا دليل على طيب ألأخوان وترفعهم عن المهاترات وسفاسف ألأمور
جزاهم الله خيرا , ونسأل الله لك الهدايه ولجميع ألأخوه , أنه سميع مجيب .

[الشيهان]

نزيد ونعيد ونعود على منقاش وحماره الارقط

يامنقاش الله يوفق غيرك انا قلت لك اني مصدقك مافيها (طقة عصى )على قول النجديين اللى انت عشت معهم وصرت زيهم نجدي

الحقيقه ان القصه كلها رهيبه بس عاد انا ما قاهرني الا براطمك يوم رحت تبرطم بها على براطم السنيوره حقت السنيوره
انت ما تعرف ان بعض المواد هذى مسرطنه وممكن تسبب لك الفشل الكلوي والوباء الكبدى وانت منت ناقص فشل وغالي علينا بغلاوة حمارك

تكفى يامنقاش ليتك برطمت على براطم كندليزا تراهم مايحطون على براطهم الا اصلي ماهم زي العربان اللى كل شغلهم غشش في غشش

[رويعي الغنم]

يا منقاش أشوف علي عبدالله صالح أغتار منك وحاول يقلدك هاليومين , والظاهر أنه شربكها بين الفلسطينين على ماهي مشربكه ..

[منقاش]

يبدو أن العقده ماهي رايحه تنحل ...