{بعيدالنظر}
03-05-2007, 02:52 PM
محاوره مباشره جرت بين {بعيدالنظر} والشاعر العلم الداهيه: د. حمد العصيمي .
بتاريخ 14/2/1428 هـ
اي يوم أمس الأحد ونزولاً عند رغبة البعض هنا
أحببت جمعها ومشاركتكم بها
أتمنى أن ترقى ولو إلى القليل من تطلعكم وذوائقكم
.
.
.
.
عبيدالله العرابي
سلام من هاجسٍ مايختلف نهجه عن الناس=الا أنه اليا بدا يبدي على النهج الحضاري
ماكل من كبر حظه يفرق الفضه من الماس=ياتاجر السوق ياكم فيه من بايع وشاري
د. حمد العصيمي
يا مرحبا يا العرابي من صميم القلب والراس=قلطت ارحب لو المشراف به شعار غاري
غاب العرابي ثلاث شهور من طنجه لمكناس=واليوم ينشد عن المكبوس والرز البخاري
عبيدالله العرابي
الله يبقيك لو ما آنته حريص وصادق إحساس=ماكان يمديك متبرمج على عشرين طاري
غاب العرابي وعاد وحصّل المسجد به أجراس=والله يعلم من أخلف نهج مسلم والبخاري
د. حمد العصيمي
انا ادري انك معك سكر وتاكل زين لا باس=لكن مرات نبلش فيك في وقت الطواري
ما فيه في مسجد العباس يا كود ابن عباس=والمسلمين الف واحد بين كتاب ٍ وقاري
عبيدالله العرابي
ياكبر قلبك وياحسده لو الارياق يباس=تحلف على الما لو الظامي عن اللي فيك داري
اللي تعجّل بناها من جهل وآمست بلا ساس=جهله مسريه واصبح ما تذريه المذاري
د. حمد العصيمي
انته كما الكهربه وليا لمستك لمسة الماس=يفور دمك وانا صاحبك ها الحينه وضاري
ترى البنوك اربعه والباقيه من حول الافلاس=ما باقي الا عليها يصدر الامر الوزاري
عبيدالله العرابي
آخر زمانك تغش أهل الذهب وتبيّع نحاس=ضرّوك بالغش تال الوقت وآنته ما آنت ضاري
بعض الأوامر عرفناها حبر من فوق قرطاس=الذيب لو تنشده يعرف معاليق السواري
د. حمد العصيمي
اخر زمانك تحسب الراك يقطع مثل الامواس=وانته عرابي شريف وفيك طبع من المطاري
ما شفت فا الوقت مثل الفاس واللي يطبخ الفاس=ان كنت تدري عن المعلاق والا منت داري
عبيدالله العرابي
الأوله منك فيك كليب سبة موت جساس=ياهل عيونٍ تحب الكحل وتهل العباري
مات العتيبي وعاش ولايزال العرق دساس=يذكر وينسى ويتحلّم على شري وخاري
د. حمد العصيمي
الاوله جتك مني لين سدت فيك الانفاس=والثانيه دونها ادرى يا ابيض الشارب واداري
احسن من اللي لو يدور لها مخرج ومدساس=ما هو بلاقي بعد راحت يدورها عواري
عبيدالله العرابي
ماعاد يمديك راحت ماتجي من بعد الأرماس=ألا أنك تحب تصبح يا اصبح الوجه إنتحاري
ماينكشف راسها ورجولها في ضافي لباس=ياما أقرب اللحم يابو شحم من حد الشباري
د. حمد العصيمي
حنا نعبي لك الاكياس وانت تشيل الاكياس=وليا اظلم الليل جيت تقول وين عظيم ساري
اثرَْك يا بوسعيد ليا احتمت زبدتك هلاس=وتسوي السيف الاملح لو من غصون الشجاري
بتاريخ 14/2/1428 هـ
اي يوم أمس الأحد ونزولاً عند رغبة البعض هنا
أحببت جمعها ومشاركتكم بها
أتمنى أن ترقى ولو إلى القليل من تطلعكم وذوائقكم
.
.
.
.
عبيدالله العرابي
سلام من هاجسٍ مايختلف نهجه عن الناس=الا أنه اليا بدا يبدي على النهج الحضاري
ماكل من كبر حظه يفرق الفضه من الماس=ياتاجر السوق ياكم فيه من بايع وشاري
د. حمد العصيمي
يا مرحبا يا العرابي من صميم القلب والراس=قلطت ارحب لو المشراف به شعار غاري
غاب العرابي ثلاث شهور من طنجه لمكناس=واليوم ينشد عن المكبوس والرز البخاري
عبيدالله العرابي
الله يبقيك لو ما آنته حريص وصادق إحساس=ماكان يمديك متبرمج على عشرين طاري
غاب العرابي وعاد وحصّل المسجد به أجراس=والله يعلم من أخلف نهج مسلم والبخاري
د. حمد العصيمي
انا ادري انك معك سكر وتاكل زين لا باس=لكن مرات نبلش فيك في وقت الطواري
ما فيه في مسجد العباس يا كود ابن عباس=والمسلمين الف واحد بين كتاب ٍ وقاري
عبيدالله العرابي
ياكبر قلبك وياحسده لو الارياق يباس=تحلف على الما لو الظامي عن اللي فيك داري
اللي تعجّل بناها من جهل وآمست بلا ساس=جهله مسريه واصبح ما تذريه المذاري
د. حمد العصيمي
انته كما الكهربه وليا لمستك لمسة الماس=يفور دمك وانا صاحبك ها الحينه وضاري
ترى البنوك اربعه والباقيه من حول الافلاس=ما باقي الا عليها يصدر الامر الوزاري
عبيدالله العرابي
آخر زمانك تغش أهل الذهب وتبيّع نحاس=ضرّوك بالغش تال الوقت وآنته ما آنت ضاري
بعض الأوامر عرفناها حبر من فوق قرطاس=الذيب لو تنشده يعرف معاليق السواري
د. حمد العصيمي
اخر زمانك تحسب الراك يقطع مثل الامواس=وانته عرابي شريف وفيك طبع من المطاري
ما شفت فا الوقت مثل الفاس واللي يطبخ الفاس=ان كنت تدري عن المعلاق والا منت داري
عبيدالله العرابي
الأوله منك فيك كليب سبة موت جساس=ياهل عيونٍ تحب الكحل وتهل العباري
مات العتيبي وعاش ولايزال العرق دساس=يذكر وينسى ويتحلّم على شري وخاري
د. حمد العصيمي
الاوله جتك مني لين سدت فيك الانفاس=والثانيه دونها ادرى يا ابيض الشارب واداري
احسن من اللي لو يدور لها مخرج ومدساس=ما هو بلاقي بعد راحت يدورها عواري
عبيدالله العرابي
ماعاد يمديك راحت ماتجي من بعد الأرماس=ألا أنك تحب تصبح يا اصبح الوجه إنتحاري
ماينكشف راسها ورجولها في ضافي لباس=ياما أقرب اللحم يابو شحم من حد الشباري
د. حمد العصيمي
حنا نعبي لك الاكياس وانت تشيل الاكياس=وليا اظلم الليل جيت تقول وين عظيم ساري
اثرَْك يا بوسعيد ليا احتمت زبدتك هلاس=وتسوي السيف الاملح لو من غصون الشجاري