ياخوي فيصل

[مشعل الثمالي]

ارسل الطير واحمله مني سلام=مير ياخوي فيصل لا تحسب نسيت
كم سنين مضت عديتها بالتمام=واتذكر جميلك يوم يمك نصيت
نظرتي في زماني نظرتي للأمام=والأمل مافقدتة يوم فيك اعتزيت
الكرم والشجاعة من صفات الكرام=من صفات الكريم لا نخيته نخيت
قال بشر بها لا حك الإبط الحزام=لو خسرت الكثير وللحمول ارتكيت
كلمة الحق مايلحق بهلها ملام=انته الهقوه اللي في زماني هقيت
لو يجف القلم حظرت غيرة قلام=في مدايح رجال إلهم مع الناس صيت
آه وا عيني اللي مهتنت بالمنام=حارب النوم عيني من كثر ماشقيت
طول وقتي وانا كني كسير العضام=لا بشرب اهتنيت ولا بزاد اهتنيت
كل من عاش يسعد فالزمان ويضام=يسقم اللي صحيح ويهدم اللي بنيت
واذكر ابويه اللي له وفا واحترام=الله يمد في عمره وأنا له دعيت

[حسن عابد]

مشعل وفقك الله انت على الطريق الان

[@ بن سلمان @]

واذكر ابويه اللي له وفـا واحتـرام الله يمد في عمره وأنـا لـه دعيـت

قواك الله يا مشعل
صح لسانك
واطال الله في عمرك وعمر والديك على الطاعة

[مشاكس]

صح لسانك يامشعل
وبارك الله فيك وقدرك على بر والديك

[ابو عادل]

عزيزي مشعل
الآن أستطيع أن أقول بأننا كسبنا شاعرا ينتقي الفكرة ويخرجها ببناء بديع
نعم وجدت في هذه القصيدة عذوبة بهرت بها. واعتبر هذه القصيدة هي الانطلاقة الحقيقية
واصل فمستواك قد تغير 180 درجة ولم يعد الطريق وعرا أمامك.
صح لسانك
متمنين لك التوفيق ومنتظرين منك المزيد.

[مشعل الثمالي]

ابن العم
حسن عابد
بن سلمان
مشاكس
ابو عادل

سلمتم على تنويركم الموضوع فزدتو شرفا بمروركم على الصفحه
وتعطرة القلوب بعطر الاخاء والمحبه .
بيض الله وجيهم جميعا .
تحياتي,,,

[أبو عبدالرحمن]

ما شاء الله عليك ...

صح لسانك شاعرنا :مشعل الثمالي

لا عدمناك ...ولا عدمنا قصائدك..

[خلف بن عبدالعزيز الثمالي]

صح لسانك ياخالي يامشعل
وونعم بفيصل
وسلم لي على ابوك باالسلام الكثير تراه صاحبي
بس الزمان بعدنا

أخوك خلف بن عبدالعزيز

[ما عندكم أحد]

متمنين لك التوفيق ومنتظرين منك المزيد.

[مشعل الثمالي]

هلا فيك اخووي
ابو عبدالرحمن
خلف عبد العزيز
ماعندك احد
سلمتم على تنويركم القصيده
ودمتم بخير
تحياتي ,,,

[هذا انا]

قصيدة جميلة صح لسانك وسلم بنانك
جعللك الله من البارين لوالديك

[المستشار]

صح لسانك يامشعل باقي عليك سلمان ونلقبك شاعر الأخوة
وياليت تمدحني بقصيدة حلوة لأني برضه أخوك في الله
اش قلت؟

[مشعل الثمالي]

صح بدنك اخوي
هذا انا
المستشارسلمت ان شاء الله
والله انت راعيها وتستاهل كل طيب
وخير والمقبلات تستهل امزونها.

[فارس الظلام]

وهاهو الشاعر مشعل الثمالي يعود إلينا من جديد لينيرنا بكصيدة جزلة تزخر بالمعاني الجميلة
والصور الخيالية ولكن لدي سؤال حيرني اثناء قراءة هذا النص الجميل وهو
كيف يحك الحزام بالابط ؟ ( ارجو التوضيح للقارئ) وهكذا عودنا الشاعر مشعل في استخدامه المعاني المدفونة وتوظيفها بشكل يبهر القارئ ويجعله يتسائل عن هذه الافكار العجيبة
تحياتي لك مشعل وقدما انشاءالله ومن افضل الى الافضل ياشاعر المستقبل ياقنبلة العصر وكل الاوقات انت

[مشعل الثمالي]

سلمت يافارس الضلام
وجهك ابيض
لو حك الابط الحزام
مهما يصير انا دونك وانا عونك
في جميع الضروف
وهذا مثل طال عمرك قديم
نورت الصفحه فارس

[ابوعهد]

الله الله
يسعد قلبك