الحاجه... من ارشيفي (قربان اعتذار لانقطاعي)

[النادر]

الاحبه ... اعترف بتقصير ي في تواصلي معكم

ولعلني امد كف الاعتذار ببعض الارشيفيات لعدم تفرغي وانشغالي ... فاقبلوا واعذروا اخاكم



جرب حروف الهجا من الباء للمده=دامك شطبت الالف ماعاد تحتاجه
وشكل على ماتبي بالفتح والشده=والضم والكسر بس لاتكسر سراجه
قلبٍ طوته الهموم وباح لك سده=يومك لباب الهوى كسّرت مزلاجه
بين المشاعر جسور الحب منمده=وبين المحاني قصور الحب وابراجه
كله على شان احبك صار لي مده=سلكت كل السبل عدله ومنعاجه
واليوم اشوفك تباغتني بهالصده=وحمست قلبي حميس البن بالصاجه
ياخل صبرك معي وتزول هالشده=من رحم هالليل خيط النور مبلاجه
والنور لاشع يملا الكون ويسده=وتنسى ظلام الشتات وقمة احراجه
وان كان صبرك نفذ او واصلٍ حده=ارحل وانا قلبي ابخص فيه وعلاجه
ملزوم قلبي على النسيان احتده=الله.. يقهر غلاك ويلعن الحاجه
واشطب حروف الهجا من الباء للمده=مع الالف دامها اشواقك بثلاجه

[ما عندكم أحد]

النادر صح لسانك
بس ترى هنا ما هو مكان قرابين الله يصلحك

[{بعيدالنظر}]

هلا بالغالي : النادر
أبد يالغالي صح الله لسانك وقديمك جديد وقصائدك تستفز المشاعر
دمت ودام هطولك لاتبخل مازال إرشيفك يوجد به كهذه الفاتنه
لاعدمتك

[أبو عبدالرحمن]

يعطيك العافية أبو عماد

وصح لسانك..

[حسن عابد]

ملزوم قلبي على النسيان احتده 0000الله يقهر غلاك ويلعن الحاجة
تعبير جميل وحكمة بنفس الوقت
احترامي

[النادر]

النادر صح لسانك
بس ترى هنا ما هو مكان قرابين الله يصلحك


ماعندنا احد
صح بدانك

الله اكبر يازمن يقبل من الرافضه التقرب بشنق صدام
ولايقبل لشاعر ان يتقرب اليكم باراقة دم البوح

[النادر]

هلا بالغالي : النادر
أبد يالغالي صح الله لسانك وقديمك جديد وقصائدك تستفز المشاعر
دمت ودام هطولك لاتبخل مازال إرشيفك يوجد به كهذه الفاتنه
لاعدمتك


بعيد النظر

المهلي مايولي يالعذب

الجميل فيها انها ارتقت لذوائق النخبه

دمت بهذا النقاء

النادر

[ابو عادل]

النادر
لقصائدك سمة مميزة
ان غبت افتقدناها
لازال لديك الكثير والكثير
صح لسانك وشكرا لك على أن تذكرت المنتدى وأهله بهذه الرائعة.

[abonayf]

النادر

تواصلك يسعدنا ومن يملك مثل هذا العبق الزاخر بالمعاني بارشيفه حق لنا ان نطالبه بالمزيد منها .

دم بخير

[عناد العصيمي]

النادر
قصيده جميله وصح لسانك
وشوقتنا لسماع ارشيفك كله ومنتظرين رائعه اخرى من ارشيفك.