بعيد النظر مطلووووووووووووب

[مشاكس]

هلا يامرحبا بالشاعر اللي ماقصر يمناه
........... عن اهل الجود يوم ان البخيل ايديه في ثوبه
ليا منا لقينا السوق بيع ومشترى جيناه
............ نبيع ونشتري فالسوق والارزاق مكتوبة

[ابو عادل]

هلا يامرحبا بالشاعر اللي ماقصر يمناه = عن اهل الجود يوم ان البخيل ايديه في ثوبه
ليا منا لقينا السوق بيع ومشترى جيناه = نبيع ونشتري فالسوق والارزاق مكتوبة




والله والنعم بك وببعيد النظر

بدعة ولا أحلى، والله ماانت هيّن يامشاكس
ننتظر بعيد النظر

[{بعيدالنظر}]

أشغلنا حسن عابد الله يسامحه بتركي الفين .
آآآآسف على التأخير
إستلم لاهنت



لعل إلك البقا والدار له سورٍ يضم بناه=بنوه أهل الوفا فوق الصفا طوبه على طوبه
لو إن أهل التمني كل متمني يجيه مناه=لقيت أهل الغنا وأهل الفقر تجّار محسوبه

[{بعيدالنظر}]

أستاذي الكبير: مشيلح
ماعليك زود يابو عادل وشكراً لحضورك ..

[ابو عادل]

ياسلام عليك يابعيد النظر
رد مفصل تفصيل
صح لسانك
وسأكون متابع لهذه المحاورة التي يبدو جمالها مبكرا
قواكم الله.

[@ بن سلمان @]

المشاكس المعاكس
امسك الخط قدامك ممنوع الاتجاه المعاكس برعاية بعيد النظر
مرحبا الف بمروضين الحرف

[مشاكس]

عسى ربي يديم اللي بنى بيت السعد وارساه = ومن حوله رجال قدمو زاده ومشروبه
ترى مافيه حي الا يشوف انه رفيع الجاه = ولا منه مشى فالدرب يرفى عنه بجنوبه

[مشاكس]

أبو عادل مرورك
زاد اللقاء جمالا
لك مني خالص التقدير

[مشاكس]

بن سلمان
ياحبك فالمرمسة
هذي كلمة اغريقية تعني المشاكل
ياليتك تقف فالصف ولا تقعد تطامر

[مشاكس]

عزوتي يامشتاق
بس دخيلك لا تجيب العود والسبح خلك عاقل
وناد الرداعي خله يصب القهوة

[{بعيدالنظر}]

أقول آمين وآنته لاكتبنا خطنا تقراه=أبو عشرين تدبيله وصدمه نعرف أسلوبه
ليا منّك عرفت أول طريقك ماضمنت أقصاه=بلاش مشاكسه وديوسها من عصر محلوبه

[{بعيدالنظر}]

ابو عادل .. شاعرنا واستاذنا الكبير
حضورك زاد من صفاء هذا المتصفح
أشكرك لأنك تضيء الأمكنه

[{بعيدالنظر}]

مراقبنا الراائع وشاعرنا الجميل : بن سلمان
أهلاً بك وبحضورك الذي زاد من الق الحرف
تقديري ايها البهي

[ابو عادل]

ثنينكم اثنين قروم ماشاء الله عليكم ومافيكم حيلة
بس تكفون عن الصدمات ههههههههههههه
لازلت متذوقا لما تكتبان .

[مشاكس]

أقول آمين وآنته لاكتبنا خطنا تقراه=أبو عشرين تدبيله وصدمه نعرف أسلوبه
ليا منّك عرفت أول طريقك ماضمنت أقصاه=بلاش مشاكسه وديوسها من عصر محلوبه
تغوي فالمشاكس والمشاكس ياعسر مغواه = وانا ماني بقايل لك علامك تعلن التوبة
أنا خابر عبيد الله معه سيف ومعه شلفاه = لكن الظاهر انه شالها في ايديه مقلوبة

[{بعيدالنظر}]

على هونك ترى مال التجر ماهو بعنز وشاه=يجوز إنك غلبت ورحت لك مع ناس مغلوبه
طبيعي لوترافس يالمشاكس وآنت فى المذكاه=أحاديث الصحاح منقّحه ماهي بمكذوبه

[مشاكس]

ليا منك عرفت ان التجر ماتترك المقضاة = وش اللي حد راعي الثوب الابيض ينفض جيوبه
انا بنشد عبيد الله عن الطرقي وش اللي ازراه = زعل ولا رضي ماجى من الاجواد منبوبة

[{بعيدالنظر}]

ليامنّه لفاك الضيف رحّب وإهدم المحجاه=ولا تبدي بهرجه والعرب ماهي بمغصوبه
ليا منّك بغيت الصدق كلٍ ماقفه يحماه=ولا تنشد عن الطرقي ترى دلتك مشروبه

[مشاكس]

أنا شفت العرب وسط المحاجي قلت باسم الله = وراعي الوافية ماتلوي الاجواد عرقوبة
لك الله لالفانا الضيف مامنا ولد يشناه = ولامنه قلط يلقى من الاجواد ماجوبه

[@ بن سلمان @]

يعطيكم العافية
ناوين تخلونها صباحي علينا
المشاكس
الحظ تراك تحت راداري

[المشتاق]

مشاكس
تراك اعتزيت بجان وجاك
وين درب عبيدالله

[المشتاق]

أنا شفت العرب وسط المحاجي قلت باسم الله
وراعي الوافية ماتلـوي الاجـواد عرقوبـة
لك الله لالفانا الضيف مامنـا ولـد يشنـاه
ولامنه قلط يلقـى مـن الاجـواد ماجوبـه

[حسن عابد]

ليامنّه لفاك الضيف رحّب وإهدم المحجاه=ولا تبدي بهرجه والعرب ماهي بمغصوبه
ليا منّك بغيت الصدق كلٍ ماقفه يحماه=ولا تنشد عن الطرقي ترى دلتك مشروبه

جواب مقنع بكل المقاييس لله درك ايها العرابي

[حسن عابد]

ليا منك عرفت ان التجر ماتترك المقضاة = وش اللي حد راعي الثوب الابيض ينفض جيوبه
انا بنشد عبيد الله عن الطرقي وش اللي ازراه = زعل ولا رضي ماجى من الاجواد منبوبة

عملاق ايها المشاكس
غصت في اعماق البحار واتيت بالدرر
فعلا مشاكس

[حسن عابد]

أشغلنا حسن عابد الله يسامحه بتركي الفين .

آآآآسف على التأخير
إستلم لاهنت



لعل إلك البقا والدار له سورٍ يضم بناه=بنوه أهل الوفا فوق الصفا طوبه على طوبه
لو إن أهل التمني كل متمني يجيه مناه=لقيت أهل الغنا وأهل الفقر تجّار محسوبه

المعذرة بعيد النظر احببت ان اشغلك بالمنتدى للتواصل معنا باستمرار وفقك الله

[ما عندكم أحد]

ابو علي
امررها لك اذا امتدحت بعيد النظر
شاعر رغم انفي
لكن مشاكس ...
شعر كله معاكسه ومناكسه
لعله من بقايا تلبط شرا

[{بعيدالنظر}]

ترى من مد نصف الكف للعالم عطوه ملاه=وهذي سايره والآدمي يشقى لمطلوبه
أنا أقول إن زرعته خير ولاّ غير لك مجناه=بنادم مايحاسب يالمشاكس غير بذنوبه

[مشاكس]

هل المرحان تجزى الضيف لاجاهم على مبداه
............... ليا منه بدى بالخير يلقى الخير فدروبه
ومن يكفى يمينه كيف تبغي اهل الوفى تجزاه
.................وهو لاجى فجال العد يبغي العد لغروبه

[مشاكس]

مافيه أحد
لا تخليني أحطك على الصدام
ولا أفكك الا في قعر سدرة العويجاء

[الشيهان]

.......... وهو لاجى فجال العد يبغي العد لغروبه

والله منت بهين يالمشاكس الله يكفينا شرك لايحطونك في جدول المحاورات الجايه ثم عاد طببوها


صدق خوينا ما عندكم احد اضنك من بقايا تحبط شرا

[بن داخل]

شيهان
الظاهر ان شوفك على قدك
هذا المشاكس ماتشوف من كثر
صدماته ماقعد ولا شي من مقدمة السيارة
عود يستعير حمار منقاش
والجايات اكثر