اللي بعدها يامشيلح !!!!

[{بعيدالنظر}]

على الله اللي يعلم أسباب الممات من الحياه=ولاّ البنادم يخلط اسباب الحياه مع الفنا
اللي غرق وش عاد لو مديت له حبل النجاه=واللي بعدها يامشيلح مالها ألا آنته وأنا

[أبو عبدالرحمن]

على الله اللي يعلم أسباب الممات من الحياه=ولاّ البنادم يخلط اسباب الحياه مع الفنا
اللي غرق وش عاد لو مديت له حبل النجاه=واللي بعدها يامشيلح مالها ألا آنته وأنا

واللي بعدها يا مشيلح..

بانتظار هذا الإبداع..

عساكم على القوة

[مشاكس]

بدعة رائعة
ننتظر المبدع أبو عادل
فهو لها وهي له

[عناد العصيمي]

يعطيك العافيه وصح لسانك

وفي انتظار ابداع ابو عادل

[ابو عادل]

والنعم بالله عالم الكون الفسيح ومنتهاه=وحنّا تحت حكمه ولاناخذ يكون اللي لنا
مايغرق الااللي يبا قاع المحيط ولاحزاه=وانته وانا نسبح لو التيّار موجه ضدّنا

[@ بن سلمان @]

وانته وانا نسبح لو التيّار موجه ضدّنـا

[{بعيدالنظر}]

الله يبيّض وجه من لاقام للماقف حماه=مايندرق عن لازمه في فقر ولاّ في غنا
أنا بدالي علم وجهه مايعوّد في قفاه=مدري وش أسبابه وجدره فوقه الباني بنا

[حسن عابد]

قواكم الله بس انتبهوا من التيار اللي ماعرفنا قصته
بن سلمان وش دخلك في التيار ولا انت معهم
وجدران وبنيان ومحاورة اعتقد رايح تكون قوية ياخبر اليوم بفلوس بكرة بلاش

[@ بن سلمان @]

حسن
مالي ومال الموضوع
اذني تتوحى
وعلم اليوم بفلوس بكرة ببلاش

[مشعل الثمالي]

حي الله الشعار
للمعلومه
الاسمنت غالي
والبحر غدار
تحياتي ,,,

[ابو عادل]

المشاكس
حضورك بالدنيا

[ابو عادل]

أبو عبدالرحمن
ياسلام على حضورك المتميز
مشكور ياالغالي

[ابو عادل]

حسن عابد
تحتاج لعمل اختبار حساسية
خصوصا في الفترة الانتقالية في الجو التي نعيشها هذه الأيام.
شكرا لمرورك.

[ابو عادل]

بن سلمان
أصبت فيماقلت
وشكرا لك.

[ابو عادل]

الله الله
استلم يابعيد النظر.
.
.
.

كلّ يبي يحمي حدود ارضه وعينه في سماه=واللي عرف درب الجمايل مايبي حمد وثنا
عيني تشوف الجدر والباني يدربي فالحصاه=مدري حصاته بانية والا يدربي من دنا

[{بعيدالنظر}]

ماهي حرابه لاتروّح روحة مقيط ورشاه=العلم فيه نفوس ماترتاح وقلوب جبنا
إياك يبدي للمشاكل من لسانه في جماه=اللي تولّع من هنا تخمد ونطفيها هنا

[{بعيدالنظر}]

مرحبا في مرحبا
الأحبه
ابو عبدالرحمن
المشاكس
العصيمي
حسن عابد
بن سلمان
كل من مر من هنا ومن ذكرته وكل من سقط إسمه من الذكر ولم يسقط من القلب
لكم جميعاً وافر الشكر وعظيم الإمتنان
حضوركم يعني لنا الكثير

[ابو عادل]

ان كان فيها حرب حاربنا ولالانت قناه=حق العرب فيدينها وحقوقنا حنالنا
أبااتريّث ياالعرابي واعرف البير وغطاه=والله يستر حال خلق الله ويسترحالنا

[{بعيدالنظر}]

الأوله تمسي وتصبح من تحت كم العباه=والثانيه ماهي عقيمه مير ماجاها ظنا
يا اصحابنا الثملان مالان الحديد لمن ثناه=الا بنارٍ حاميه وبليس يرمى في منا

[ابو عادل]

سبع الخلا مرصود بالجرة واناماشي وراه=مايتعب الاّرجل من يمشي على درب العنا
من غير مااضيّع زهابي يمكن الصيدة دباه=وليابدت نضحك من الصيدة وتضحك مثلنا

[abonayf]

بارك الله فيكما فمثلكما جدير بالمتابعه

[abonayf]

بعيد النظر
على الله اللي يعلم أسباب الممات من الحياه=ولاّ البنادم يخلط اسباب الحياه مـع الفنـا
اللي غرق وش عاد لو مديت له حبل النجاه=واللي بعدها يامشيلح مالها ألا آنتـه وأنـا

ابو عادل
والنعم بالله عالم الكون الفسيح ومنتهـاه=وحنّا تحت حكمه ولاناخذ يكون اللي لنا
مايغرق الااللي يبا قاع المحيط ولاحزاه=وانته وانا نسبح لو التيّار موجه ضدّنـا

بعيد النظر
الله يبيّض وجه من لاقام للماقف حمـاه=مايندرق عن لازمه في فقر ولاّ في غنـا
أنا بدالي علم وجهه مايعـوّد فـي قفـاه=مدري وش أسبابه وجدره فوقه الباني بنا

ابو عادل
كلّ يبي يحمي حدود ارضه وعينه في سماه=واللي عرف درب الجمايل مايبي حمد وثنا
عيني تشوف الجدر والباني يدربي فالحصاه=مدري حصاته بانية والا يدربي مـن دنـا

بعيد النظر
ماهي حرابه لاتروّح روحة مقيط ورشاه=العلم فيه نفوس ماترتاح وقلوب جبنـا
إياك يبدي للمشاكل من لسانه في جماه=اللي تولّع من هنا تخمد ونطفيهـا هنـا

ابو عادل
إن كان فيها حرب حاربنا ولالانت قناه=حق العرب فيدينهـا وحقوقنـا حنالنـا
أبااتريّث ياالعرابي واعرف البير وغطاه=والله يستر حال خلـق الله ويسترحالنـا

[هذا انا]

لا املك الا ان ارفع القبعة احتراما واعجابا بهذان العلمان اللذان يضئان لنا هذا المنتدى بإبداعاتهما فشكرا لهما

[عناد العصيمي]

الله يبيّض وجه من لاقام للماقف حماه=مايندرق عن لازمه في فقر ولاّ في غنا
أنا بدالي علم وجهه مايعوّد في قفاه=مدري وش أسبابه وجدره فوقه الباني بنا

انا اشهد ان اللي سماك بعيد النظر ماغلط . ولاهان ابو عادل الشاعر الراكد وسيع البال .
ولا تنسى تبلغ الرجال اللي على بالك وتقوله الصيد على قد المحميه.

[{بعيدالنظر}]

سبع الخلا نسمع قنيبه ماعرفنا اللي نواه=له نيةٍ تبدي ليا منّه على الراعي دنا
حفّظ زهابك وإنتبه والسيف مارده عصاه=وإن كنت راعي سيف غيرك ناس أهل سيف وقنا

[حسن عابد]

الله الله واصلو قواكم الله
قواك الله ابو نايف لا غنى لنا عنك في المنتدى الادبي

[مشعل الثمالي]

الله يستر عليك يابو عادل
انا اشهد انك لها ولا هان بعيد النضر
ماشاء الله تغرف من بحر
ماهي غريبه عليك.

[ابو عادل]

أبو نايف
أشكرك على جمع المحاورة بمتصفح واحد
وأقترح عليك أن يتم جمع أبيات كل محاورة تجري على المنتدى ويتم نقلها الى المحاورات وتقسم المحاورات الى قسمين :
المباشرة لوحدها
غير المباشرة أيضا تكون مستقلة وهذا يساعد على التبويب ويسهل الرجوع الى أي محاورة
بدلا من فتح الصفحة تلو الأخرى وليكن هذا نهجا مستمرا والرأي لكم.

[ابو عادل]

هذا أنا
وأنت أيضا جدير بالاحترام لشاعريتك الجميلة وأدبك الجم
فشكرا لك.

[ابو عادل]

عناد العصيمي
ماتهون طال عمرك واعتقد أن رسالتك وصلت من غير وسيط .

[ابو عادل]

حسن عابد
الله يقويك ومشكور على المرور.

[ابو عادل]

مشعل الثمالي
حياك الله من متابع
وأشكرك على الإطراء لبعض ماعندكم
عساك تسلم ياابن العم ولاهنت.

[ابو عادل]

سبع الخلا يقنب ولو طلّيت يرجع في خلاه=وان كان وليا السبع ناصيني ترى شكره خنا
ماانسى كلام اللي يقول آفات الاخبار الرواه=مانعرف المجني عليه ولانعرف اللي جنا

[{بعيدالنظر}]

للجميع أقول :
الله يبيّض وجيهكم دنيا وآخره إيوالله
أنا أشهد إنكم تنومسون .
وأنا مع إقتراح أستاذي ومعلمي الشاعر العملاق : مشيلح الثمالي حول التخصيص والتبويب في نوع التوقيت للمحاورات .. وجمع كل محاوره لوحدها في موضوع مستقل بدون ردود حتى يسهل على القاريء التصفح

[{بعيدالنظر}]

لاواعنا قلبٍ تدوج إبه الروابع واعناه=راع الذهب فى السوق مدري ليه ماجاه زبنا
اللي يدل الدرب شرق وغرب والله ماغواه=ماكل ماتلقاه حالي فى الزمن مر وسنا

[ابو عادل]

لوماذهب راع الذهب مغشوش جاله من شراه=وان كان بعنا واشترينافيه يهتزّاسمنا
مدري تبي تشري منه والاتبي تكسب رضاه=وانصحك لاتشري بضاعة ماعليها ختمنا

[عناد العصيمي]

لوماذهب راع الذهب مغشوش جاله من شراه=وان كان بعنا واشترينافيه يهتزّاسمنا
مدري تبي تشري منه والاتبي تكسب رضاه=وانصحك لاتشري بضاعة ماعليها ختمنا

اش الابداع هذاكله يابو عادل ما يلام بعيد النظر في اللي قاله عنك .
لكن الذهب على اسمه ذهب ماخبرنا الذهب ينغش .

[{بعيدالنظر}]

ما آنته غشيم إنعلمه وش تعني فروض الصلاه=آنته بهذا الراي غشيت العرب وتغشنا
الطير ماياسعْه لارفّ الجناح ألا فضاه=ياللي بعلمك اللي قمت تفتي قبل لا اقول إفتنا

[{بعيدالنظر}]

للتصحيح الخطأ كان زياده في عجز البيت الأخير
:5: ما آنته غشيم إنعلمه وش تعني فروض الصلاه=آنته بهذا الراي غشيت العرب وتغشنا
الطير ماياسعْه لارفّ الجناح ألا فضاه=ياللي بعلمك قمت تفتي قبل لا اقول إفتنا

[{بعيدالنظر}]

الله يحييك يالغالي : عناد العصيمي
يعلم الله كلنا نقدرك ونحترمك وتأكد الجميع هنا إخوانك مهما كان
اشكرك على المتابعه

[abonayf]

أبو نايف
أشكرك على جمع المحاورة بمتصفح واحد
وأقترح عليك أن يتم جمع أبيات كل محاورة تجري على المنتدى ويتم نقلها الى المحاورات وتقسم المحاورات الى قسمين :
المباشرة لوحدها
غير المباشرة أيضا تكون مستقلة وهذا يساعد على التبويب ويسهل الرجوع الى أي محاورة
بدلا من فتح الصفحة تلو الأخرى وليكن هذا نهجا مستمرا والرأي لكم.

ولا يسير خاطركم ياشعرائنا الا طيب

سيتم العمل على هذا بالتنسيق مع ابو عبدالرحمن وستشاهدونه قريبا

[ابو عادل]

عسانا مانعدمك ياأبونايف
أنا أشهد انك حريص على كل مايحقق الفائدة
أشكرك من كل قلبي.

[ابو عادل]

ودّك تشوف الموت في غيرك وتامر بالذّكاه=ياقوّقلبك ياالعرابي ماانت خايف ربنا
يازينها الفتوى لكن المشكلة قاضي القضاة=اللي يقسّمها على كيفه وينسى قسمنا

[{بعيدالنظر}]

بيّض الله وجهك دنيا وآخره يابحر الشعر
أسعدك الله إينما كنت .
سعيد بهذه الرحل التي كانت حافله بالمعرفه وحافله بالادب والأخلاق وسعة الصدر
أنا فخور بك يا ابا عادل
أطال الله عمرك وصح الله قلبك ولسانك
دمت وعلى الخير نلتقي

[ابو عادل]

بعيد النظر
ووجهك أبيض
حفظك الله ورعاك فوالله انا نستفيد من تجاربنا مع أمثالك من عمالقة الشعر .