((أسرج خيول الشعر)) .. للتواصل معكم !!

[{بعيدالنظر}]

ياليل وش سر المساري تفتح اسراري وابوح=والصدر صندوقٍ عجز غيرك يمون ويسبره

تجتاحني ظلماك واستودعك قلب أخضر وروح=فيها تساوى المقبلات بما تشيل المدبره

يا شادي الألحان صدر الشاعر المغرم يفوح=آلام وأحلام وكلام وحزن يملا دفتره

ياصغرحجم البحر والطوفان عند ألواح نوح=يصنع سفينه تكسر الامواج والقلب جبره

أسرج خيول الشعر وآقطف من ثنايا كل بوح=مايرضي الهاجس ويرضي كل من حب وكره

شاعر خطب ود أمنياته مالقى منها وضوح=وآعطى مواعيده سنين تعد يومه وشهره

مريت من باب الثلاثين وعطى وقتي شحوح=والروض تغريني (فراشاته) (وورده) (وزهره)

حتى ولو تاه المدى ماتاه للشاعر طموح=يسكب بسمع الليل مواله ليا صب سهره

قلبك خلي ياعاذلي قمرية الوادي تنوح=وانا ليا ناحت يميل بخافقي غصن شجره

من وين الاقيها وساقيها بلا موعد يروح=والدرب سجّ بخطوة الساري طلاسم وعبره

يمطر مدادي كل وادي وأبني بحرفي صروح=على مواعيده حضر فكري وهده وعمره

كم عاش في طيبي غبي يهدي معازيبه جروح=مادمت طيّب شهم نادى سهم غيضه وشهره

مافي سديم الغيث ما يمطر ولا برقٍ يلوح=ألاعجاج إليا نفضه الريح صار إله غبره

والمنتظر ظامي وأنا ايامي مثل خيلٍ جموح=بيني وبين العالم الثاني من الجن شعره





[/QUOTE]

[ابو عادل]

لله درك
لقدأسرجت خيول شعرك ولم تكب بك فقد بلغت بها غايتك وطوعتها لتصل ببوحك الى مداه
ولقد صورت المعاناة التي تقف الحلول حائرة أمام وضع حد لها ولاتلام على قولك:
بيني وبين العالم الثاني من الجن شعرة
صح لسانك وسلم بنانك على هذه الدرر الثمينة فمهما سقنا من الإطراء المستحق فلن نوف
مثل هذه الرائعة حقها.

[حسن عابد]

ماشاء الله عليك نشاط متواصل
صح لسانك ايها المتميز

[عناد العصيمي]

شعرك يالعرابي يلامس احساس جميع من يقرأه
صح لسانك على هذه الرائعه

[فتى ثماله]

صح لسانك يالعرابي مليون وما يكفون

كفوا يالنشمي

لاتحرمنا هالابداع

تحياتي لك

[مشعل الثمالي]

بيض الله وجهك
وصح لسانك
تحياتي,,,

[أبو عبدالرحمن]

إبداع متواصل..ودررٌّ تتناثر في أرجاء منتدانا..
نسعد بالنظر إليها..

بعيد النظر : لا عدمناك ...ولا عدمنا قصائدك..

[{بعيدالنظر}]

لله درك
لقدأسرجت خيول شعرك ولم تكب بك فقد بلغت بها غايتك وطوعتها لتصل ببوحك الى مداه
ولقد صورت المعاناة التي تقف الحلول حائرة أمام وضع حد لها ولاتلام على قولك:
بيني وبين العالم الثاني من الجن شعرة
صح لسانك وسلم بنانك على هذه الدرر الثمينة فمهما سقنا من الإطراء المستحق فلن نوف
مثل هذه الرائعة حقها.




الغالي : شاعرنا الرااائع / أبو عادل
سعيد جداً بهذا المرور وهذا التعليق الذي يعني لي الكثير
لاهنت أطال الله عمرك ووفقك لكل خير
تقديري يابحر

[النادر]

مافي سديم الغيث ما يمطر ولا برقٍ يلوح=ألاعجاج إليا نفضه الريح صار إله غبره

والمنتظر ظامي وأنا ايامي مثل خيلٍ جموح=بيني وبين العالم الثاني من الجن شعره





[/quote]

الله .....الله .. راقيه فاخره فارهه

كل مايمكن قوله من اوصاف الجمال قد لايتسع لعمق احساس هذا النزف

فعلا هنا تساااامي وليس شعر فقط

بعيد النظر ليس بالغريب على شاعر في مثل حجمك ان يغيض الندى بعذوبته


شكرا ان كانت شكرا تكفي


النادر

[abonayf]

ابداع متواصل وتألق دائم كما هي العاده من شامخ مثلك


دم بخير وصحه