|
رد : تركي الميزاني ينتخي بثقيف
اقتباس:
هذا الكلام الصح:26: تحياتي |
رد : تركي الميزاني ينتخي بثقيف
اولا انا مؤيده لهذا المدحدر في كل كلامه والله لاتركي ولا غيره يجي ولاحتى صفر على الشمال مع صياف الحربي شفاه الله وبن طوير وفقه الله ومطلق رحمه الله
اما كلام ابو عادل فهو صواب لكم اما انا فا قول وبالله التوفيق ان كل الشعراء ماعندهم سالفه واولهم انا محاكيتكم ولو كان البرنامج علمي لما شهدنا عشر العشر من هذا التيار المنهمر من المشاهدين ولاكن ياكثر الغاوين والحمد لله على كل حال عموما انا والله ما اصوت لاحد لامطيري ولاعتيبي لو فيه شاعره كان صوت لها مو بس بالرسايل كان صوت وصرخت وصعقت ورحت الى الامارات حتى تفوز وتقطع كبودكم ياالرجال وسلامتكم تقبلوا كلامي بصدر رحب احسن لكم |
رد : تركي الميزاني ينتخي بثقيف
تركي الميزاني
شاعر مبدع بكل المقاييس شاعر امتع الجمهور بحضوره وغيابه بشعره في المحاورة وبشعره النظم شاعر جعل من قبيلة مطير اسم كبير شاعر دافع عن مطير وثقيف كثيرا رغم ما واجهه من عداء من الشعراء والجمهور ورغم ذلك وقف لهم بشجاعة تحسب له لا عليه شاعر ادخل على فن المحاورة الكثير من الالحان الجميلة تركي اخذ من الشهرة والمال الكثير رغم صغر سنه وهذا دليل على شاعريته تركي المطيري له محاورات قوية مع فيصل الرياحي ومستور العصيمي والقرقاح وملفي الروقي كل من يهوى الشعر او يحترفه يتمنى حضور تركي المطيري في زواج ابنه او اخوه او قريبه الكل لاحظ الحفلات التي يحضرها تركي المطيري كيف تكتظ الساحات بالجمهور اليس هذا مقياس لقوة شاعريته ؟ لاحظنا الجمهور في الامارات كيف يصفق كثيرا لتركي المطيري عند دخوله وعند ما يغني لهم مقطع شعري لاحظنا اللجنة لا تنتقده كثير هل هذا مجاملة ؟ لاحظنا اللجنة تطلب منه غناء بعض المقاطع اليس دليلا بأن اللجنه معجبه بشعره ولحنه وصوته ؟ لاحظنا انه الشاعر الوحيد من شعراء شاعر المليون والذي تم دعوته لاحياء احدى الامسيات بالكويت اقول ربما ان هناك من هو افضل منه في البرنامج ولكن اليس من حقه على خندف كلها رد الجميل لابنها البار اتمنى من الجميع التصويت لتركي |
رد : تركي الميزاني ينتخي بثقيف
يستاهل التصويت
|
رد : تركي الميزاني ينتخي بثقيف
لا والله اخذت ربعي الحمية |
رد : تركي الميزاني ينتخي بثقيف
اقتباس:
احترم النصف الاول من كلامك ولا عليه كلام اما انك تقطعين كبود الرجاجيل فهذه انقزيها ولو تصرخين باوتارك الصوتيه كلها يا صوتك ما يطلع برا لثامتك يا ام لثام اهجدي واركدي الين يجيك ولد الحلال اللي يضفك من بيت اهلك |
رد : تركي الميزاني ينتخي بثقيف
لا ازال اقول يستاهل الترشيح
تحياتي,,, |
رد : تركي الميزاني ينتخي بثقيف
اقتباس:
سلمت يمينك ياحسن عابد الاخ ابو عادل وبن سلمان استغربت كلمة الحمية رجل يطلب منكم التصويت طلب فزعة وانتم ترون انه شاعر ويستحق الا يقال له ابشر الاخوة الذين يقارنون بين تركي وصياف وغيره اعتقد لو كان صياف في شاعر المليون كان انا اول من صوت له هو وابن طوير البقية لا تعليق همسة : يوسف العتيبي اعطته اللجنة 22 من خمسين يعني قلنا راح فيها لكن بصراحة وراه لابة قالت لجنة ماهو انت اللي تقررين وطلع غصب!! انا من ناحيتي راح اصوت بكل ما استطيع من قوية ( حمية ) وليست جاهلية يابن سلمان لان الحمية الجاهلية هي العصبية القبلية اذا اتت في مقابل الدين مجرد رأي ولا انسى شكركم على التفاعل تحياتي |
رد : تركي الميزاني ينتخي بثقيف
انا شخصياً اقول
يستاهــــــــــــــل التصويت كيف ما يستاهل ونحن نرى العتبان صوتوا للعراقي ووصلوه للمرحلة الاخيره وهو ما يستاهل ( لو اردت ان اصوت في البرنامج ما راح اصوت الا للمطيري ) |
رد : تركي الميزاني ينتخي بثقيف
اقتباس:
وسع صدرك اخي الحبيب , هي وجهة نظر بالنسبة لي انا ارتب لك شعراء المليون المترشحين حسب افضلية من وجهة نظر خاصة بن فطيس , العازمي , عبدالرحمن الشمراني , تركي , يوسف العتيبي وهذا الاخير زي ما تفظلت وصلوه لابته وحميه والا ... تركي يمكن شاعر مراد وصوت وشعبيته جات من الصوت والموالات والهمز واللمز والا نصف الجمهور اللي يحضرون حفلاته ما يدرون وش يقول , ما غير طربة صوت . اقول وسع صدرك اخي الحبيب , مطير والنعم فيهم وانا جاري اللي نطح بيتي من بيت الجرباء وانت تعرف وش هم الجرباء , ولو كنت ابصوت لتركي لكفاني مانع قوله : صوتوا لي يا ثقيف وخصمنا محدن درابه = قلتها وانا من المطران حمران النواظر انا ما احب الرجال اللي يحقر الرجاجيل |
| الساعة الآن 08:46 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by