حياكم الله جميعا
وشاكر لكم تواصلكم وترحيبكم بي

وهذا مما يسعدني

وبدون قصور في البقية

والله يقويكم

البدوي

كفو والله يالبدوي
وياهلا بابوفهد حياك الله الدار دارك
مرحبا مليون
صح لسانك

اللي يسيس الخيل ما هو بركاب
ولا هو بداري ويش عوج العراقيب
الأرض ما ضاقت باهلها والاجناب
ضاقت صدور رجال ما تحمل الطيب
عيبٍ عليه اجهل بعد عارضي شاب
وعيب امدح اللي في جنوبه عذاريب
يا طالبين العلم للعلم طلاب
روح خطيفه عند شهب المخاليب
اللي تخطفه والمداوير غياب
وفي غيبت الراعي تعشابك الذيب
بين الجدي وسهيل يوم القمر غاب
وانته تخطط تبدي الشمس وتغيب
كذبت لك صادق وصدقت كذاب
من ضعف عقلك يا قليل التجاريب
دن الحطب ويجيك للنار شباب
يشبها وتشوف شهب المشاهيب


صح لسانك يالبدوي

والله كلام جزل من شاعر جزل

*(عودة والعود احمد)*

السيف ما هو فاس مع كل حطاب = السيف بيديه عطيب المضاريب

الموت واحد والتفكر فالاسباب = وقدام حد السيف خضر المشاعيب
تاديب والتاديب تعزير وعقاب = ياعل قبل السيف تصفي المشاريب
ولا تستعير الاسم يااعز الاصحاب =ما يستعيره إلا حسين التعاجيب
//

هلا وغلا ياابو فهد

الدار دارك وانت من ارباب الشعر والادب

سعدنا بقدومك كيف لا وانت احد قامات الشعر في مجتمعنا

وقد صافحت المنتدى بشامخة تستحق الوقوف عندها وقراءتها اكثر من مره

لما تضمنته من حكم وصور بلغية جميله

لافض فوك يا ابا فهد ومرحبا بك

حياك الله يابو فهد وصح لسانك
أسعد الأوقات نشوفك بيننا