رد : وداعاً سأغادر المنتدى الى الابد
 

الماضوع اللي كتبته يبن وافي جميل ووافي , والزبده كن بالله ولا تبالي يعني أخلص عملك لله ولا عليك من أحد .
وتراني أنطردت من المنتدى , والمشرفين يوم طردوني أحبوا الله يجزاهم خير يسترون عليه وقالوا : قدم أستقالتك يا منقاش وخذها سنان قبل تجيك عكوز , والمشكله أني حتى هالساعه ما أعرف معنى سنان ولاعكوز , كل اللي فهمته أنهم يقصدون أني أخرج بستر ومصونه .
لكن الحمد لله رجعني الله ثم الواسطه ,, وكانت تجربه قاسيه أحسيت فيها بالعزله والحسره لأن المنتدى أصبح مني وانا منه , وعرفت منها أن الشمات أكثر من المحبين ,واقسى الردود عليه كانت مثل : ما ودنا تروح يا منقاش لكن الله يقبلك , ومثل : روح يا شيخ الله يوفقك , ومثل : يا جماعه أتركوا منقاش الرجال قرر يروح ولا يبي يتراجع في قراره .
أما ألأخوان اللي أنسحبوا مثل حسن عابد وابو تركي فأعتقد أن الحب الطبيعي اللي أظهره لهم أعضاء المنتدى كافي أنهم يحشمون من أفتقدهم ويرجعون , وغيابهم خساره على من يحبهم وهم يستاهلون المعزه اللي أظهرها ربعهم .
واذا يبغون الراي السديد يرجعون حتى يغيظون الحساد ويريحون المحبين ويخلصون عملهم لله.