رد : بياع من يشتري؟
 

وع
انواع الرشح

رد : بياع من يشتري؟
 

أنت يبو نجمتين يا مخاويني ما تبي تركد وتعقل ولا قريبك ركاده ولا عقل
الرويعي مدحني وانا أستاهل وقبله خلايق مدحوني أهمهم الشيخ الشاعرابو عادل والشيخ الشاعر سنا الهجره والشيخ الشاعر الدكتورعايض القرني .
وبعدين ويش اللي رد ابو نقشه جرباء وقبل 200سنه ,,,,,, سم بالرحمن ودور شيخ يقرا عليك حتى يخرج الجنيه اللي متلبسه بك ولاعبه بالمواص اللي باقي في جمجمتك .
اما الغلاء فهو من أعمالكم ومن الخنا والرز واللحم والأرزاق اللي تكبونها من أسواركم في بيوتكم , وتكبونها بعزايمكم وقصور أفراحكم في مكبات الزباله , ومن قطيعتكم لأقاربكم وقسوة فلوبكم على ضعفاكم مثل خدمكم في بيوتكم وعمال النظافه اللي ما تعطونهم راتب يعيشهم واوجبتوهم يجمعون الخرده من النفايات حتى تعينهم على سد بعض حاجاتهم , ومن الكبر اللي دخل في قلوبكم حتى ظن خبلانكم أن السعودي سلاله أزكى من باقي السلالات الا سلالات الخماجات واهل الخليج والأمارات.
والله أني خايف على عيالكم اللي فتحوا عيونهم على الخدم والحشم والسرف والترف ولا علمتوهم على الخشونه وشكر النعمه والرحمه للضعيف واحترام الكبير .
والزبده ما يبي يشتد خوفي عليكم الا بعد خمسين سنه أذا أنتهى البترول وراحت السكره وجات الفكره,,, لكن وسعوا خطركم لأني استبعد في هاك الوقت أنه باقي أحد منكم ياللي تقرون اليوم حكم الشيخ منقاش .

رد : بياع من يشتري؟
 

الله يهديك بس يا مخاوي منقاش وش هالعلوم اللي تطريها


وش عمك ما عمك وش ها الخرابيط اللي تقولها

أنا مالي عم نهائياً حتى اللي مزوجني خالي


وبعدين هذي علومك وانا كنت ناوي أمدحك بقصيدة عصماء صماء بكماء

ما تخرش المية وما باقي عليها الا رتوش وتكتمل ولا هي مثل قصيدة

رويعي الغنم المسروقة من قبل 200 سنه ونصها مدح والنص الثاني ذم



لكن طالما هذي علومك شكلي بهون ( القصيد للي يستاهلونه )


الا اذا أعتذرت ومن هذا المنبر عن سوالفك اللي مالها سنع !!!

رد : بياع من يشتري؟
 

سنا الهجره : حياك الله يالشاعر راعي القاله والطاله
وتراني أبشفع عندك وابغيك تطلع قصيدة المدح اللي تسوي فيها لمخاويني , تراني ناصيك وطالبك تخرجها للشمس ,وخذ في بالك ترى المخاوي يستاهل المدح ويستاهل اللدح, وطالب ابن سلمان يثبتها تحت أسم مخاويني .
أما العمعمه فأنا عم المخاوي في البر والبندر وحتى في الصين , وهو خابر أنه ما يتجرا يركب طياره والا حمار ويسافر الا مع منقاش , ولا عرف الدين والصلاه واخراج الزكاه الا على يدي, يعني كان مطعس ولا أهتدى للأسلام الا ببركتي .
وهو يوم ينعت احد ويقول عمك منقاش كما يوم قالها لك ما يقصد بها الا المدح لأنه طيلة خمس وعشرين سنه مبرمج عليها وكان كبير خويايه واشرهه كل عيد بفروه وناقه قارح ما فيها ولا سن ورعية حمير , وكان أذا أطراني عند الناس ما يقول الا راح عمي الشيخ منقاش وجا عمي الشيخ منقاش أطال الله في عمره .
ويوم بطر وسار يطول لسانه ويتجرا ويقول منقاش (كذه حافه بون عمي الشيخ منقاش طال عمره) زعلت منه وطردته طردة ..؟.. من أخوتي ونهايتها سار عمه ابن سلمان , وهذي نهاية كل قليل خاتمه أفاك ناكر للمعروف والجميل عضاض لليد اللي أحسنت عليه .
وعن نفسي ان سعلتني من عمي هالأيام ؟, أقول لك عمي أبو عبدالرحمن وولي الرحمن وعدوي الشيطان , وسلامتك أنت والقراء .

رد : بياع من يشتري؟
 

يا مدهش الزم فراشك .

رد : بياع من يشتري؟
 

يبن سلمان يبدو لي أنك أنت المدهش
وان كان صحيح تراك مسامح لأنك مشرف ما نقدر نسوي لك شي ولأنك من العوارشه الأبرار .
أما أذا كان ما هو أنت ليش تساند الباطل ولا تقف مع الحق والحق أحق أن يتبع ,, ما أقول الا حسبي الله ونعم الوكيل .
ولا أستنكر اللي سار وأنتم في آخر الزمان .
وبعدين ويش معنى النعفقه ؟ . لا يكون سبه لا قدر الله .
مشرفنا الفني : كيف تساون بين الجاني والضحيه , وبين الحمل الوديع والذيب ؟.

رد : بياع من يشتري؟
 

سبحان الله نكبر و تنقص عقولنا
منقاش معرف مجهول
ومدهش معرف مجهول
انا لا اعرف من يكون منقاش اصلا و رضيت انا اكتب معه باسلوبه و طريقته لكن سبحان الله هو يجهل على نفسه قبل يجهل على غيره
كنت اظن بان ياتي اليوم الذي اتعرف فيه على شخصه و اقدم له نفسي وانه اصبح وشيكا و ان الفة ومحبه ستاتي مع الايام القادمة
لكن حساباتي تذهب ادراج الرياح
اقدم اعتذاري ان كنت قد سببت لمنقاش ما يسيء له لاني على يقين اني لم اسيء لمن يكتب وراء معرفه
وتقبل صادق الود بكثير من ندم و قليل من عتب

رد : بياع من يشتري؟
 

الله لا يسامحك يا مخاوي ,, هذي نتيجة مواضيعك اللي تشب بها الفتن بين المسلمين.

رد : بياع من يشتري؟
 

يا منقاش لو كنت انا مدهش اقول على ايش تسامحني
ما جاء مني ما يستوجب السماح
ارجع و اقرأ ما كتب لك مدهش على هذا الموضوع لتعرف انه لا يعرف الا معرفك و لا يدري من انت
احسن الظن بالناس يحسن الناس الظن بك
انا لم ادافع عنه و لا اسانده فانا لا اعرف الا معرفه ولم اجد منه ما يكدر نفس . او يكسر خاطر

رد : بياع من يشتري؟
 

بيض الله وجهك يا مدهش , وتراني هذي المره ما زعلت لكن أحبيت أحط موانع بسبب ما سبق , وعذرك مقبول واعتبرنا صفرنا العداد من جديد .
بس خذ في حسابك أنك تعرفني 100% وتعرف أن شخصية منقاش أمثلها لكنها ما هي خلقي الطبيعي ولا أرضاها لنفسي في عالم الواقع لأنها لا ترضي الله لكنها موجوده في مجتمعنا بصور واشكال مختلفه .
أما أنا والله ما أعرفك لكن أنطباعي عنك أنك رجال طيب القلب ومستقيم وراعي صلاح وخطاء وخير الخطائين التوابون , لكنك متسرع وعندك عنز تنطحك وتدهورك في حفر بسيطه .
ولو أني ما أنا معروف لأغلبة ألأعضاء , وكنت مثلك بمعرف مجهول كان خليت القاصي والداني يقول اللي يبي ,, لأني وقتها مجهول ,, لكن مشكلتي أني معروف , وأغلب معرفاتي معروفه .
شخصية منقاش اللي أمثلها لو ما ألأعوجاج اللي فيها والألتواء مع الغشامه والتخيبث والتخلف والتصلف ما كان أصبحت مسليه وفكاهيه , وثق أنت والأخوان أني ما أزعل بحق وحقيق الا أذا أستشفيت أن صاحبي جاد في تهجمه ويكتب عن حقد وهذا هو السبب اللي فجر الخلاف لأول مره بيني وبينك في أسابيع مضت .