منتديات بلاد ثمالة - إكرام الوالدين

إكــــرام الـــــوالدين

بادي ٍ باسم الولـي رب العبـاد
الكريم الواحـد الفـرد العظيـم
عالم ٍ باسرار ما كـنّ الفـواد
الحليم الدايـم الـرب الرحيـم
بعد ذا عنـدي تماثيـل ٍ اجـداد
قلتهـا ونـا خبيـر ٍ بالنظيـم
ودّي اعرضها عسى فيها سداد
لــسمعها راعي القلب السليم
أو وعاها غافل ٍ والقلب صـاد
ينتبه ويْحيد عن درب الرجيـم
والله الهادي وذا شيء ٍ وكـاد
والنصيحة جا بها الدين القويـم
من تبع أمر الشريعة واستـزاد
وْترّك النمّات والفعـل الذميـم
وْترّك الهرج الذي ما فيـه زاد
بشّره بالخير مـن رب ٍ كريـم
ذا وحظ الوالدين ان كان جـاد
جا لهم بابن ٍعلى الواجب هميم
يكسب الرضوان منهم والـوداد
والسعد بامر الولي عنده مقيـم
ما نسى حمله وضمّه والمهـاد
ما نسى ما قاست امّه في العتيم
إن ْ غدا مرضان جافاها الرقاد
ون صحا تمسي وتصبح بالنعيم
من فَرَحْها به تلَبّسْـه الجـداد
وْتحْجبه من خوفها عن الحريم
جعـل جافـي والدينـه للنّفـاد
جعل يجفاه السعد والحفظ نيـم
جعل ما يلقى على الشدة اسناد
ون نشا له صيب يقعد له خصيم

وســــــلامتكم
صح لسانك ياعبدالرحمن الغريب
ولاهو غريب عليك هذا الشعور تجاه
الوالدين

دمت بخيروعافية

أخوك/خلف بن عبدالعزيز الثمالي