منتديات بلاد ثمالة - وطني لايستحق الارهاااب

اقتباس:

المشاركة الأصلية كتبت بواسطة خلف بن عبدالعزيز (المشاركة 3124)

بسم الله الرحمن الرحيم
*
*
هذه القصيده أخوتي في الله إحتلـّت المركز الرابع عشر
بين شعراء الخليج والسابع بين شعراء الممملكة العربيه السعوديه
حسب ماذكرته مسابقة أبها الوطنيه للعام 1424هـ
وإني لأهديها لكم ولمنتدانا الحبيب
*
*
وطني لايستحق الارهاااب

[poem=font="Simplified Arabic,5,000000,bold,normal" bkcolor="" bkImage="" sdImage="" border="none,4,#000000," type=2 line=0 align=center use=0 shcolor="" shgcolor="" gwcolor="" stretch="0" pwidth="0" num="1,#000000" break=""]
بسم الله أبدا وأحمده خالق الكون=ومنزّل القران علام الاسرار
سبحانه اللي ان راد له شي ٍ يكون=يامر عليه بـ (كن) ولياه قد صار
الواحد المعبود مانام له نون=محصي الخلايق هم والافعال لشعار
ثم الصلاه هي والسلام ألف مليون=على النبي محمد من قريش مختار
من بعدها ياخواني ياللي تمونون=يانسل يعرب والنشاما والاخيار
يهل الوفا والجود ياللي تزومون=عن مايذلّ النفس ياخوان عمّار
يافزعة المحتاج واللي يونون=من قسوة الايام وأفعال الاشرار
حنا ترى اسعد بشر ان كان ترونا=نحظى بأطهر أرض وأنساااب وأخبار
بلد أبونا وامنا جوه يمشون=وأصبح مشاعر أفئدة كل من زاار
اللي جعل به خالقي بيت مزبون=بيت الله اللي يزبنه كل الابرااار
بيت ٍ حماه الله من اللي يهدون=ما أنهدّ كود أشرم على فيل بحجاار
هو مهبط القرآن انا فيه مفتون=أحمد وُلد به قبل يبعث بالانواار
نزل عليه الوحيّ في غار مكنون=أشـْرف على أبطح( بكـه) أغليه من غاار
مهد إحتظن زمزم وأسقت من عيون=بعد الكريم أشفت خلايق من أضراار
مهد إحتضن طيبه وقامت بها ركون=مسجد نبي مرسل يبشـّـر ونـذّااار
منها إنطلق إسلام ودعاه يدعون=للواحد المعبود في كل الاقطار
دكـّوا بلاد الفرس والروم وحصون=وسلاحهم ( الله وأكبر) وبتااار
وأصبح وطن أمة محمد من قرون=واحد بعهد ملوك عباس الاحراار
لكن تقسـّـم بآخر أحفاد مأمون=عقب الوهن جوه التتر وأشعلوا النار
وأبدى الصليب أطماعهم جوه يغزون=لكن صلاح الدين فارس ومغوار
أخرجهم الفارس بعد كان مغبون=وتوحـّـد الموطن بعد مـرّ مشواار
عاد الوطن في عهد عثمان ميمون=لكن ( أتاترك) أجهضه عقب الاطوار
وأستعمر الاجناب ماكان مضمون=إلا الوطن هذا تولاه ستاار
قيّض لها الاحرار دونه يفادون=منهم أخونوره للأمجاد سبـّـااار
حرّ إنطلق من خبـّـت ماقال بالعون=حب السلامه أحسن على زلّ وبهار
جنـّح على ماضاع في وقت مشحون=وأصبح على (المصمك) بمخلب ومنقار
خلـّى القطا هي والرخـّم مايطيرون=ماطار غير الحرّ بيمين ويساار
أسس وطن وحـّد عرب كانوا يشكون=هاك التشتت من عذاريب وأخطار
كوّن لنا دوله على شرْع مسنون=رفرف علمها شاق حلوين الانظار
وأخرج لنا ثروه من أبار وبطون=بأسباب دعوة قانته لحيّ جبار
خدم بها دينه وشعب ٍ يحبون=من اوهب الملك لملك يبني اجدار
ناهج على نهجه سلاطين يبنون=يحمون دين الله ومن في الوطن سار
منهم فهد وسـّع لمنهم يطوفون= باحات بيت الله ومسجد ورا .. آبااار
طبع لهم مصحف على شان يقرون=وأنفق على الحجاج واللي بعد جار
هو خادم البيتين شعبه يدينون=له بالوفا والحب طالت به أعمار
أضفى على الوان الوطن فهدنا لون=فايق على الالوان زاهي على الدار
ياشينكم شيناه ياللي تنافون=وهّابهم معطيهم زمام وأدوار
إن كان وشوش فكركم فكر حمدون=روحوا (إسألوا أهل الذكر) والحق جهـّار
قولوا لي أنتم هل مع الليل ترضون=أهدم عليكم بيتكم وأقتل صغار
واجهز على شايب وأرمي له الشون=وأرهب نيام بأمن وأصير غدار ؟؟
هدف خطا من فكر خاطي ومجنون=وأشنع خطا التنفيذ بأسلوب جزّار
ماهو جهاد أقتل رعايا ينامون=ومعاهدين لوقت والوقت مرّاار
وقت الجهاد بأمر والي ودندون=لـستنفر الامه على كل ثوّااار
اليوم حنا بوضع ندفع وبالهون=صولات الاعدا بالتحايل والاشوار
وأنتم بإرهاب الاعادي تصولون=على الوطن وأهله بلا حق وأعذار
عودوا لصحيح إسلامكم واتركوا الدون=واستغنمو المهله وعودوا لأنصار
يالله يارحمن يامنزل النون=إحفظ فهدنا والمواطن والاسوار
وأنصر دعاة الدين واللي يذودون=عن ديننا وديارنا أسألك غفار
وأختم كلامي قبل ما اهديك مرصون=لأهل النقا والفكر نظـّااامة أشعار
بأفضل صلاه وأزكى مع اللي يصلون=على النبي المختار ماشعْ سمـّاااااار[/poem]

وسلاااامتكم
الشاعر / خلف بن عبدالعزيز الثمالي

بيض الله وجهك ملون مليون مليون مره
شاعر بحر وكبير تستحق الاشاده
والتقدير بلا شك