رد: منقاش والعتبة الصعبة
 

ههههههههههههههههههههههههههههههههه

رد : منقاش والعتبة الصعبة
 

فعلا ألفاظ هذا المسمي نفسه مخاوي منقاش الفاظ سوقيه حشريه وسط آسيويه , ألفاظ لا تليق بمنتدى عظيم كمنتدى أستراحة ثماله , ولا يليق أن يخاطب بها واحد من علية القوم كبدر الدجى وعرعرة المنتدى دام ظله .
ولقد علمت أنها سوقية منذ قال قائلها في مستهل حديثه أنه كان يتسوق في أحد ألأسواق عندما أستقبل مكالمة الشيخ حفظه الله .
علما أنني أستبعد كليا أن يتنازل الشيخ ويهاتف المخاوي , فما هكذا تتناز الصقور وتهاتف الحمائم , وشكرا ....

رد: منقاش والعتبة الصعبة
 

بن فنحاص /لا اخفيك سرا ان قلت انني لا استسيغك واعدك ان تركت المنتدى بسفرة تكون انت المسؤل عن الجزم ويمكن احملك مسؤلية المناشف والليف والصابون واما ان اخذت الدكتور مشعان فهو المسؤل عن البدل والكرفاتات ومنقاش عن جزم الرياضة والشراريب وقصاصة الاظافر ومقص الشنب(انبسط يامنقاش خليناك مسؤل عن رمز الرجولة والعروبة)00
الاخ ابو عبد الرحمن/الا ليش مكثرين صور الدلال وعلى طاري الدلال وانا طالع من باكو وكنت مغلف شنطتي بالنايلون قالت حقت التفيش افتح شنطك يابنت الحلال قولي غيره قالت علي الحرام من زوجي الا تفتحها تلفت حولي ادور الفزعة والرحلة قربت تقلع(وبيني وبينكم ودي تقلع) 00
قلت ليش وسويت نفسي حمش قالت الصغيرة فيها سجادة قلت ايوه والثانية ؟ قالت فيها حاجة غريبة وفتحتها واثاري الحاجة الغريبة الدلة وعلب القهوه والبهار واما السجادة فقالت لازم اذن من وزاره مادري وش اسمها ولكنها المختصة بالاثار قلت تكفين قالت لو تحب السماء قلت (امزح معها )طيب وشلون احب السماء وفيه سقف الصالة ؟فرمقتني بنظرة حادة وقالت السجادة قديمة ولا تطول الهرجة معانا قلت سمي ياطويلة العمر وفي هذه الاثناء اتصل رفيقي بالمعازيب وقال المخاوي متلابش مع راعية الجمرك ولا دريت الا وولد المعزب ناقز مثل الاسد وراح داخل مكتب واقل من خمس دقايق الا والضابط يجي ويقول هالمرة سماح ولكن المرة الثانية جب ورقة واسفين على التاخير وهات الشنط نغلفها على حسابنا قلت (ساغول) يعني شكرا ورحت اركض لموظفةالخطوط واعطيتها التذكرة (وقلت سبحان الله عشر مرات) وطلبت كرسي قدام لاني مااحب اركب ورى فضحكت وقالت طرار ويتشرط هالحين متاخر وتبي قدام قلت (مازحا معها)اذا فيه ورى مثل جمالك خلينن ورى فقالت شكرا(لانه طبيعي ان تقول للجميله انتي جميلة ) وبعد قرقرة لم افهم منها شيء اعطتني التذكرة فاذا هي اولي وقلت الله يرزقك بولد الحلال قولي امين قالت امين0

رد: منقاش والعتبة الصعبة
 

أني أبو نقشه , هو ويش يقول ؟ , كني ما سمعته .
ليتها بقيت الفاظ سوقيه ولا سارت سعوديه .
يا ولد ما عهدتك بهالصلافه (يعني كنت حمامه) , الله أعلم ويش سار عليك في طريق الحرير سابقا وطريق الهيروين حاليا .
أما مكانك معي في ألأسفار فانت تخبره في الصين يوم ما يطبخ لي الكبسه ويغسل المواعين ألا أنت يبو شوارب وجوارب , وانا جالس أقلب في القنوات واهرج مع القينات وانفخ عليك ببعض الكلمات, وانت تنفخ على الكبسه ....
وينك راقد الليله يا مشرفنا يا أسير الصمت ؟.

رد: منقاش والعتبة الصعبة
 

ابو نقشة /ذكرتني بقصيدة كنا نغنيها سامري بالبر (صاحبي ينقش الحنا يكف عذيب ) وتذكرت كفك اللي كانه ركبة حمار اعزكم الله وانا اقول خلك منقاش واترك النقش لاهله وبعدين ماتبي تترك التحريش يوم تنخا اسير الصمت وهو الحليف الخفي لمعسكرنا تبا لك0
النداء الثاني لابن سلمان /اين انت يارجل