منتديات بلاد ثمالة

اقتباس:

المشاركة الأصلية كتبت بواسطة منقاش (المشاركة 371285)

يبو يوسف أنا أحسدك على توقيعك , وأرجيك تسامحني , لأن ما باليد حيله ...
أما المشكله اللي تشكي منها فحلولها سهله وبسيطه , وخليني أعطيك أياها :
الحل ألأول , أنا واياك راح من دنيانا الكثير ولا بقي ألا القليل , وادع الله يهدينا للعمل الصالح الخالص لوجهه , ويتقبله منا حتى نفوز بالدار اللي نزع الله من قلوب أهلها الغل والحسد , وهي الجنه , جعلني الله وأياك ووالدينا وجميع أهلنا , وألأخوه القراء من أهلها ,,, أما الدنيا الدنيه فلا بد من الحسد والتحاسد فيها , وقليل اللي عصمهم الله من هالداء .
الثاني , الدنيا اليوم فيها خير كثير ومتسع لي ولك للبعد عن الحساد , يعني , الناس اللي تحس أنها تكره الخير لك , قلل من أتصالاتك معهم الى أدنى درجه , أن قدرت بدون يشعرون , وان ما قدرت قول لهم , لا رجع الحمار ولا أم عمرو , والمثل يقول , أذا ما بقي على الفقر ألا قدح أكسره .
الثالث , أحتسب واصبر , يعني أصبر على ألأذى , لكن خلي صبرك خالص لوجه الله ..
الرابع , رد على النار بمثلها , وعلى التحيه بأحسن منها , يعني , رد على الحسد بمثله , واحسد اللي يحسدك , والظلم بالظلم والبادي أظلم .
وأذا كنت عاجز , أنا عندي لك واحد عيونه شهب ولا يقوم منها أحد , وياخذ ألف ريال مقدم واربعه آلاف مؤخر على العين اللي تدخل راعيها القبر والشهر ما غلق , وياخذ خمسمية ريال مقدم والفين مؤخر حتى يشل لك واحد من أطرافه ألأربعه .
لكني ما أنا مستعد أدلك عليه ألا بعد تحط في يدي خمسين الف ريال , وتعاهدني أنك ما تشغله ضدي , ولا تعلم به أحد غيري حتى لا يستخدمونه في معارك جبل الدخان ..

ملاحظه : تراه يشهب اللي تبي حتى لو من خلال معرفه اللي في الكمبيوتر , أو من خلال صوته المسجل, وأظن أني مضطر أستاجره لبعض أعضاء منتدى الحياه الفطريه اللي يناكفوني في بعض ألأحيان .
بعباره ثانيه , ما تحتاج توريه الرجال اللي تبيه ينحت به على الطبيعه , والله يرحم قتلاه اللي قضى عليهم بهالطريقه مثل ابو عمار والحسين بن طلال الله يرحمهم , لكن الله يعينك تزود له المبلغ لأن الحسد الألكتروني غالي واجد بسبب أستخدام ألأثير ..

منقاش /
أولاً : لحسدكـ حيال التوقيع فأنت مباح طالما دونت الاعتراف ولكـ مني هديه وقع اختياري عليها لتكون توقيعاً لكـ بعد نيلها استحسانك ولتكون فدوةَ لتوقيعي .

الموت ياللي ماتبي طاريه
............. الموت حق وكلنـــــــا كارهينه
لولاه يآخذ المهابيل ويشوت
............. كان ساروا مهابيل القبايل قبيله

ثانياً : عجباً لما ورد من تناقض في ردك من حيث استهلالك له بالتذكير لليوم الآخر والاشارهـ إلى انقضاء الكثير من العمر والأمر إلى البحث عن العمر الصالح ليختم به العمر . ثم تعود وتنادي إلى الانتقام بأي وسيلة كانت .
سبحــان الله كنت ومن خلال اطروحاتك ومواضيعك أنك من خيرة القوم فمالذي قلب الموازين .

منقــــــاش .. عمـــــا تنقــــــــش

هل غلب عليك حب الدرهم والدينار حتى ولو كان بسبيل المعصيه .
أم !!!!!!!!!!!!!!!!!!!!!!!!!!!!!!!!!!!!!! لا زال بالدم جاريا ومن شب على شي شاب عليه ..

".. شكـــــــــــراً للجميــــــــــــع .."