احد قصائدي كمصافحه اولا اتمنى ان تنال
على استحسانكم وياهلا
بكم .
[POEM="font="Simplified Arabic,6,black,bold,normal" bkcolor="transparent" bkimage="images/backgrounds/82.gif" border="groove,1,black" type=2 line=0 align=center use=ex num="0,black""]

دنياك ياغافل لك الله ماعليها مستريح= مشغول والايام ماتدري وش الي خبته
دنيا مشاغلها كثيره لاتزيح ولاتبيح= تغريك في ريع انفتح والريع الأخر ذبته
ماينفعك يالأ دمي كثر التمدح والمديح =من حبه الله واكرمه كل الخلايق حبته
مهما تغالط في حسابك مايحص إلاالصحيح=ومن لا تربا من هله واللا الليالي ربته
الله يعيد ايام لافيها سفيه ولا بجيح =ايام جدي كان ياخذني معه في جبته
كل العرب متوالفه والزاد في قدره يفيح=والبن نحمس طبخته والقرص ناكل لبته
يوم النصيحه تشترا والحق معداله يطيح=وراع الزلل لن جازلل يقعد وتدمح زلته
في مامضى يوم القلوب اصحاح والمذهب صحيح=واليوم بعض الناس بالدينار تشرى ذمته
يابادع القيفان طبعك لابخيل ولاشحيح=بابك مع البيبان ياذيبان جود ضبته
ولن طعتني باب ِ يجيب الريح سده واستريح=كان الخلايق دقته وألاالهبايب هبته
ومن لانفع في شبته لابد من يوم ويطيح= والعودلامنه خوا من عاد يرجي شبته
[/POEM]عيضه العيسي الثبيتي