أللي يحب القرب منا تركناه=واللي نبيه يدور البعد عنا
كن السعادة في طريق المعاناه=ننظر لها من خلف لوهي قبلنا
ماكن ما قلناه بلامس عدناه=نهوى المشاكل مثل لوهي وطنا
ألوقت يمشي عكس محنا انتمناه=لا ارتاح باغينا ولارتحنا حنا
مقلب وشوفونا سوى كيف كلناه=وياما مقالب مثلها قبل كلنا
نفس الطريق وللاسف ما فهمناه=ماشين لكن بعدنا ما وصلنا
لو كان من جانا يبينا انتبناه=ماكان في من صد عنا انفتنا
ولو من يبي يشري غلانا شريناه=كان الاكيد البعض منا تهنا
ماكل من تهوى يمد الك يمناه=واللي يبيك .. يريحك لو تعنا
ماعاد باقي شي ماظن قلناه=وش فايدة كل الكلام اللي قلنا
تدرون ويش الحل عقب اللي شفناه=أحسن لنا نستدرك الوضع حنا
هيا نجي نبحث عن اللي خذلناه=وننسى اللي حبيناه حتى خذلنا
خله يجي بالطيب ويمد يمناه=والا يريحنا ... ويرتاح منا