صح أبدااااانك أخي مجنونها ..

صراحة أنت اللي لحست مخي الحين .. على قول القايل !!!
عموماً ما هناك فرق واجد .. مع اني اتوقع ان معاك بعض الحق إن لم يكن كل الحق

لكن كــ لهجة عامية .. هذا اللي عرفناه منذ الصغر وقد يختلف عند غيرنا
وقد يختلف أيضاً فيما بيننا ..
يعني يوم نقول ان البسه تنوي ( بكسر التاء وفتح النون وتشديد الواو )
هذا اللي كان دارج .. على مستوى العائلة على أقل تقدير.

أشكر لك هذي الملاحظة التي اقدرها جيداً .. شعاري دائماً
رحم الله امرء أهدى الي عيوبي

طاح الغلا يامن بنا الساس مايل=أعلاه مع سيسان ساسه تساوى
خايل بقايا مملكة ود زايل=وخايل حصونه كيف باتت تهاوى
دكت حصونه دك .. وان شئت خايل=حتى وحوش الصدر حوله تعاوى
تلقى لها خلف المحاني مقايل=من جوعها تنوي نُوايْ القطاوى
وان قلت نبني من حصاها بدايل=كيف الجروح تروح والا تداوى
مامن ورى بعد المحبين طايل=ما دام وِدْ وبُعْدْ مهما اتّخَاوى
ياقلب يامقواك كم كنت شايل=أثرك تقاوي جور ما ينتقاوى
تذبل ورودك من لهيب القوايل=وياقربها للموت لو هي نقاوى
مدينة احلامي .. بهذي الدلايل=شابت مثل ماشاب قاف(ن) على آوى
حتى توارت مملكة ود مايل=واعروشها قدام عيني تهاوى